ხუთშაბათი, ნოემბერი 19, 2026

პრემიერი: მივიღეთ გადაწყვეტილება, გამოვყოთ დამატებითი რესურსი და სახელმწიფო კომპანია საფერავის ჯიშის ყურძენს ათამდე ლოკაციაზე ლარნახევრად ჩაიბარებს

მივიღეთ გადაწყვეტილება, გამოვყოთ დამატებითი რესურსი და სახელმწიფო კომპანია საფერავის ჯიშის ყურძენს ათამდე ლოკაციაზე ლარნახევრად ჩაიბარებს, – ამის შესახებ პრემიერ-მინისტრმა, ირაკლი კობახიძემ დღევანდელ ბრიფინგზე განაცხადა.

„ყველას კარგად მოგეხსენებათ, რომ საქართველო ღვინის სამშობლოა, ხოლო ქართული ღვინო ჩვენი ქვეყნის ერთ-ერთი მთავარი სავიზიტო ბარათი. შესაბამისად, საქართველოს მთავრობა მევენახეობა-მეღვინეობის განვითარებას განსაკუთრებულ მნიშვნელობას ანიჭებს. სწორედ საქართველოს ხელისუფლების ძალისხმევის შედეგია, რომ 2012 წლის შემდეგ საქართველოში 70 პროცენტით გაიზარდა ვენახების ფართობი, 5-ჯერ გაიზარდა ყურძნის გადამუშავების მაჩვენებელი და 4-ჯერ გაიზარდა ქართული ღვინის ექსპორტი. შარშან საქართველომ ღვინის ექსპორტიდან 259 მილიონი დოლარის რეკორდული შემოსავალი მიიღო, როცა 2012 წელს შემოსავალი მხოლოდ 71,5 მილიონ დოლარს შეადგენდა. 35 მილიონი ლარიდან 300 მილიონ ლარამდე გაიზარდა მევენახეების შემოსავალი“, – განაცხადა ირაკლი კობახიძემ.

მისივე თქმით, ყურძნის წლევანდელი საპროგნოზო მოსავალი რეკორდულია და 300 ათას ტონას შეადგენს.

„საქართველოს მთავრობა წელსაც ახორციელებს დარგის სუბსიდირებას, რათა 20 ათასზე მეტმა მევენახემ მოსავლის დროულად რეალიზება შეძლოს. დღევანდელი მდგომარეობით, უკვე გადამუშავებულია 80 ათასი ტონა ყურძენი. წელს რეკორდულია საფერავის ჯიშის ყურძნის მოსავალიც. ინტენსიურად მიმდინარეობს ყურძნის ჩაბარება და უკვე გადამუშავებულია 35 ათასი ტონა ყურძენი. თუმცა, კლიმატური პირობებიდან გამომდინარე, გახდა საჭირო, მოსავალი მაქსიმალურად სწრაფად დაბინავდეს, რათა ყურძენი არ გაფუჭდეს და მისი გადამუშავება დროულად მოხდეს. აქედან გამომდინარე, ყოველდღიურად მზარდია ყურძნის ჩაბარებაზე მოთხოვნა მევენახეების მხრიდან.

აღნიშნულის გათვალისწინებით, მივიღეთ გადაწყვეტილება, გამოვყოთ დამატებითი რესურსი და სახელმწიფო კომპანია საფერავის ჯიშის ყურძენს ათამდე ლოკაციაზე ლარნახევრად ჩაიბარებს. ამასთან, მევენახეებს, რომლებსაც დღემდე ლარნახევარზე ნაკლებ ფასად აქვთ ჩაბარებული საფერავის ჯიშის ყურძენი, საქართველოს მთავრობა დაუკომპენსირებს სხვაობას ლარნახევარსა და მიღებულ საფასურს შორის.

მადლობა მინდა გადავუხადო გარემოს დაცვისა და სოფლის მეურნეობის მინისტრს, ოთარ შამუგიას აგრეთვე საქართველოს ფინანსთა მინისტრს, ლაშა ხუციშვილს ამ გადაწყვეტილების მხარდაჭერისთვის. საქართველოს მთავრობა მომავალშიც განაგრძობს სოფლის მეურნეობის განვითარებას და კონკრეტულად, მევენახეობა-მეღვინეობის მხარდაჭერას, რადგან ძლიერი სოფლის მეურნეობა ძლიერ გლეხს, ძლიერ ფერმერს და ძლიერ სოფელს ნიშნავს“, – განაცხადა პრემიერმინისტრმა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

ფონიჭალაში ნანგრევებიდან ამოყვანილი სამი წლის გოგონას ჯანმრთელობის მდგომარეობა დამაკმაყოფილებელია

ინგოროყვას კლინიკის ექიმის ინფორმაციით, სამი წლის გოგონას, რომელიც მაშველებმა ფონიჭალაში მომხდარი უბედური შემთხვევის შედეგად ნანგრევებიდან ცოცხალი ამოიყვანეს, ჯანმრთელობის მდგომარეობადამაკმაყოფილებელია.ექიმის ცნობით, ჩატარებული კომპიუტერულ-ტომოგრაფიული მონაცემებით, გოგონას რაიმე მწვავე ტრავმული დაზიანება არ გამოუვლინდა.ასევე, ექიმის ინფორმაციით, შემთხვევის ადგილიდან ინგოროყვას კლინიკაში შეყვანილია კიდევ ორი ადამიანი, დედა-შვილი, რომელთა მდგომარეობაც ასევე დამაკმაყოფილებელია.„ინგოროყვას კლინიკაში შემთხვევის ადგილიდან შემოსულია სამი პაციენტი. ამ ეტაპზე დედა დამაკმაყოფილებელ მდგომარეობაში გაეწერა ბინაზე, რაც შეეხება 11 წლის ბიჭს, მისი მდგომარეობაც შედარებით დამაკმაყოფილებელია, განაგრძობს მკურნალობას ინტენსიურ განყოფილებაში. ერთი საათის წინ შემოვიდა სამი წლის გოგონა, რომლის მდგომარეობაც დამაკმაყოფილებელია. ჩატარებული კომპიუტერულ-ტომოგრაფიული მონაცემებით რაიმე მწვავე ტრავმული დაზიანება არ გამოვლინდა“, – განაცხადა ექიმმა.დღეს, დილით ფონიჭალაში გაზის აფეთქებამ საცხოვრებელ კორპუსში ნგრევა გამოიწვია. ამ დროის მონაცემებით, ნანგრევებიდან ერთი ადამიანი ცოცხალი ამოიყვანეს, ორი – გარდაცვლილი, ხოლო ოთხი პირის მიმართ სამძებრო-სამაშველო ღონისძიებები მიმდინარეობს.

თეიმურაზ მღებრიშვილი – ამ დროისთვის ნანგრევებიდან 1 ბავშვისა და 2 ქალის ცხედარია ამოსვენებული – ერთ-ერთი, სავარაუდოდ, 3 წლის თაიას მშობელი უნდა იყოს

3 ადამიანის ცხედარია ამოსვენებული, 2 ქალის და ერთი ბავშვის. 3 ადამიანს კვლავ ვეძებთ, - ამის შესახებ საგანგებო სიტუაციების მართვის სამსახურის უფროსმა თეიმურაზ მღებრიშვილმა მედიასთან განაცხადა.თეიმურაზ მღებრიშვილის განცხადებით, სავარაუდოდ, გარდაცვლილია 3 წლის ბავშვის დედა. მისივე თქმით, 3 წლის თაია ნანგრევებში მოყოლილებს შორის ჯერჯერობით ერთადერთი გადარჩენილია.„ამ დროისთვის ნანგრევებიდან 1 ბავშვისა და 2 ქალის ცხედარია ამოსვენებული... ერთ-ერთი, სავარაუდოდ, 3 წლის თაიას მშობელი უნდა იყოს. სამი ადამიანი რჩება, რომელზეც მიმდინარეობს ძებნა“, - აღნიშნა თეიმურაზ მღებრიშვილმა.ცნობისთვის, დღეს დილით, ფონიჭალაში, საცხოვრებელ კორპუსში, სავარაუდოდ, ბუნებრივი აირის დაგროვების შედეგად აფეთქება მოხდა.

მაშველებმა ერთი ბავშვი ცოცხალი გამოიყვანეს

მაშველებმა ფონიჭალაში, სადაც აფეთქება მოხდა, ნანგრევებიდან მცირეწლოვანი ცოცხალი ამოიყვანეს.ბავშვის ამოყვანას ტაშით შეხვდა ადგილზე მყოფი საზოგადოება. ბავშვი, მაშველებმა ფანჯრიდან გადმოიყვანეს.ცნობისთვის, დღეს დილით, ფონიჭალაში სავარაუდოდ, ბუნებრივი აირის დაგროვების შედეგად აფეთქება მოხდა. ამ დროისთვის 6 ადამიანის, მათ შორის 2 ბავშვის ძებნა-შველის სამუშაოები მიმდინარეობს. რაც შეეხებათ დაშავებულებს, ბოლო ინფორმაციით, კლინიკაში 4 ადამიანია გადაყვანილი, მათგან ერთი მცირეწლოვანია.

ფონიჭალაში მომხდარ აფეთქებასთან დაკავშირებით გამოძიება დაიწყო

ფონიჭალაში, საცხოვრებელ კორპუსში ბუნებრივი აირის აფეთქების შედეგად კორპუსის ნაწილის ჩამონგრევასთან დაკავშირებით გამოძიება დაიწყო, - ამის შესახებ პროკურორმა ლევან ვეფხვაძემ "რუსთავი 2-ს" განუცხადა.მისივე თქმით, ადგილზე აქტიურად მიმდინარეობს საგამოძიებო მოქმედებები."გამოძიება არის დაწყებული საქართველოს სისხლის სამართლის კოდექსის 260-ე პრიმა მუხლის პირველი ნაწილით, რაც გულისხმობს უსაფრთხოების წესების დარღვევას. ადამიანების ბედის შესახებ ეტაპობრივად გახდება ჩვენთვის ცნობილი.პარალელურად, ტარდება საგამოძიებო მოქმედებები, სამაშველო სამსახურთან ერთად, ვინაიდან სხვაგვარად წარმოუდგენელია საგამოძიებო მოქმედებების ჩატარება.ადგილზეა საგამოძიებო ჯგუფი, პროკურატურა, შესაბამისად, აქტიურად მიმდინარეობს ყველა ინფორმაციის მოძიება, მათ შორის მიმდინარეობს გამოკითხვა", - განაცხადა ლევან ვეფხვაძემ.

საქართველოს ტექნიკურ უნივერსიტეტში „საზოგადოება ივერიისას“ საქმიანობის პრეზენტაცია გაიმართა – უნივერსიტეტსა და ორგანიზაციას შორის თანამშრომლობის მემორანდუმი გაფორმდება

„საქართველოს ტექნიკური უნივერსიტეტი საკუთარ მისიას განიხილავს როგორც უმაღლესი განათლებისა და სამეცნიერო კვლევების განხორციელების, ასევე ეროვნული ინტელექტუალური, კულტურული და საზოგადოებრივი ღირებულებების შენარჩუნებისა და განვითარების მნიშვნელოვან ინსტიტუციად. ჩვენი მიდგომა ეფუძნება რწმენას, რომ თანამედროვე უნივერსიტეტი უნდა იყოს სივრცე, სადაც ტექნოლოგიური პროგრესი ორგანულად ერწყმის ეროვნულ იდენტობას. განათლება მხოლოდ პროფესიული კომპეტენციების შეძენა არ არის, იგი გულისხმობს პიროვნების ჩამოყალიბებას, რომელსაც გაცნობიერებული აქვს საკუთარი ქვეყნის ისტორია, ფასეულობები და მომავლის წინაშე პასუხისმგებლობა. ამ თვალსაზრისით, ორგანიზაციის - „საზოგადოება ივერიისა“ - საქმიანობა და მის მიერ დეკლარირებული ღირებულებები მნიშვნელოვან თანხვედრაშია უნივერსიტეტის ხედვასთან. ორგანიზაციის მიერ ქართული ისტორიული, სულიერი და კულტურული მემკვიდრეობის დაცვის, სამეცნიერო შესწავლისა და საერთაშორისო მასშტაბით წარმოჩენის მიმართულებით განხორციელებული საქმიანობა სწორედ იმ ეროვნული პასუხისმგებლობის გამოხატულებაა, რომელსაც ჩვენც განსაკუთრებულ მნიშვნელობას ვანიჭებთ. მიმაჩნია, რომ უნივერსიტეტის აკადემიური და სამეცნიერო პოტენციალის დაკავშირება მსგავსი საზოგადოებრივი ინიციატივების განხორციელებასთან მნიშვნელოვანი შესაძლებლობაა როგორც მეცნიერების განვითარებისთვის, ისე ახალგაზრდა თაობაში ეროვნული ცნობიერებისა და კულტურული მემკვიდრეობის მიმართ პასუხისმგებლობის გაძლიერებისთვის. ჩვენი მიზანია, ამ თანამშრომლობით შევქმნათ ისეთი ერთობლივი საგანმანათლებლო, კვლევითი და კულტურული პროექტები, რომლებიც ცოდნას საზოგადოებრივ ღირებულებად აქცევს და ემსახურება საქართველოს ინტელექტუალურ, კულტურულ და ეროვნულ განვითარებას“, - ამის შესახებ საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ ორგანიზაციის „საზოგადოება ივერიისა“ წარმომადგენლებთან შეხვედრაზე განაცხადა.საქართველოს ტექნიკურ უნივერსიტეტში, რექტორის აკადემიკოს დავით გურგენიძის მხარდაჭერით, ორგანიზაციის - „საზოგადოება ივერიისა“ - საქმიანობის, განხორციელებული პროექტებისა და სამომავლო გეგმების შესახებ პრეზენტაცია გაიმართა. ღონისძიების ფარგლებში ორგანიზაციის თავმჯდომარემ, გიორგი თავაძემ, უნივერსიტეტის აკადემიურ საზოგადოებას „საზოგადოება ივერიისას“ დაფუძნების ისტორია, საქმიანობის ძირითადი მიმართულებები, განხორციელებული მნიშვნელოვანი პროექტები და სამომავლო ინიციატივები გააცნო, ხოლო სტუ-ის რექტორმა ორგანიზაციის საქმიანობის ეროვნულ მნიშვნელობასა და ქართულ კულტურულ და ისტორიულ მემკვიდრეობასთან დაკავშირებული ღირებულებების დაცვის აუცილებლობაზე ისაუბრა.ინფორმაციას საქართველოს ტექნიკური უნივერსიტეტი ავრცელებს.მისივე ცნობით, ღონისძიების მონაწილეებს სიტყვით მიმართა საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ, რომელმაც ორგანიზაციის საქმიანობის ეროვნულ მნიშვნელობაზე, ქართული ისტორიული და კულტურული მემკვიდრეობის დაცვის აუცილებლობასა და ამ პროცესში საგანმანათლებლო და სამეცნიერო საზოგადოების განსაკუთრებულ როლზე ისაუბრა.დავით გურგენიძის განცხადებით, საქმე, რომელსაც „საზოგადოება ივერიისა“ უძღვება, ეროვნული მნიშვნელობისაა, რადგან იგი ემსახურება არა მხოლოდ ცალკეული ისტორიული ძეგლებისა თუ კულტურული ფასეულობების დაცვას, არამედ ქართული ეროვნული თვითმყოფადობის, ისტორიული მეხსიერებისა და იმ ღირებულებების შენარჩუნებას, რომლებზეც საქართველოს კულტურული და სულიერი განვითარება საუკუნეების განმავლობაში ყალიბდებოდა.რექტორის თქმით, სწორედ ამ ღირებულებებზეა დაფუძნებული საქართველოს ტექნიკური უნივერსიტეტის საქმიანობაც. უნივერსიტეტი საკუთარ მისიას მხოლოდ მაღალკვალიფიციური სპეციალისტების მომზადებით არ განსაზღვრავს – მისი ერთ-ერთი უმთავრესი ამოცანაა განათლებული, პასუხისმგებლიანი, ეროვნული ცნობიერების მქონე პიროვნებების აღზრდა, რომლებსაც გაცნობიერებული აქვთ საკუთარი ქვეყნის ისტორიის, კულტურისა და საზოგადოებრივი ფასეულობების მნიშვნელობა.შეხვედრაზე განსაკუთრებული ყურადღება დაეთმო „საზოგადოება ივერიისას“ დაფუძნების ისტორიას. ორგანიზაციის საქმიანობის სათავე 2002 წელს დაიწყო, როდესაც სრულიად საქართველოს კათოლიკოს-პატრიარქმა ილია II-მ ივერიის ღვთისმშობლის ხატის სამონასტრო კომპლექსის მშენებლობის ფონდი დააფუძნა. 2010 წელს, პატრიარქის ლოცვა-კურთხევით, შეიქმნა ფონდი „ივერიისა“, რომლის საქმიანობაც მახათას მთაზე ივერიის ყოვლადწმინდა ღვთისმშობლის ხატის სახელობის ტაძრის მშენებლობისა და ამ ეროვნული მნიშვნელობის ინიციატივის გარშემო საზოგადოების გაერთიანებისკენ იყო მიმართული. მოგვიანებით ორგანიზაციის საქმიანობა გაფართოვდა და კულტურულ, საგანმანათლებლო და სამეცნიერო მიმართულებებიც მოიცვა.შეხვედრის ფარგლებში მხარეებმა სამომავლო თანამშრომლობის პერსპექტივებიც განიხილეს. მიღწეული შეთანხმების შესაბამისად, საქართველოს ტექნიკურ უნივერსიტეტსა და „საზოგადოება ივერიისას“ შორის თანამშრომლობის მემორანდუმი გაფორმდება, რომელიც ერთობლივი საგანმანათლებლო, სამეცნიერო, კვლევითი და კულტურული პროექტების განხორციელებას შეუწყობს ხელს. თანამშრომლობა შესაძლებლობას შექმნის, საქართველოს ტექნიკური უნივერსიტეტის აკადემიური და სამეცნიერო პოტენციალი, პროფესორ-მასწავლებელთა გამოცდილება და სტუდენტური რესურსი ორგანიზაციის მიერ განხორციელებულ ეროვნულ პროექტებს დაუკავშირდეს. განსაკუთრებული ყურადღება დაეთმობა ახალგაზრდების ჩართულობას, ქართული ისტორიისა და კულტურული მემკვიდრეობის შესახებ ცოდნის გაღრმავებას, სამეცნიერო კვლევების მხარდაჭერასა და ეროვნული ფასეულობების პოპულარიზაციას.

ბოლო სიახლეები