კახა კალაძე – პოლიტიკური ტერორიზმის ძალიან კარგი მაგალითია ევრობიუროკრატიის დამოკიდებულება ქართული სახელმწიფოს მიმართ

ევროსტატის მონაცემებით, 2025 წელს ევროკავშირში საშუალო შრომითი სტაჟის ხანგრძლივობამ 37,5 წელს მიაღწია, რაც წინა, 2024 წლის მაჩვენებელს (37,2 წელი) ცოტათი აღემატება. სამაგიეროდ, 2,3 წლით არის გაზრდილი ევროკავშირში შრომითი საქმიანობის საშუალო ხანგრძლიობა 2016 წლის შემდეგ. თუმცა, ცალკეულ წევრ ქვეყნებს შორის მნიშვნელოვანი განსხვავებებია.ყველაზე ხანგრძლივი და მოკლე შრომითი სტაჟიევროკავშირის შვიდ ქვეყანაში საშუალო შრომითი სტაჟი 40 წელი ან უფრო მეტია. ყველაზე მაღალი მაჩვენებლებით გამოირჩევიან:• ნიდერლანდები — 44,0 წელი; • შვედეთი — 43,4 წელი; • დანია — 42,6 წელი; • ესტონეთი — 41,5 წელი; • ირლანდია — 40,7 წელი; • გერმანია — 40,2 წელი; • ფინეთი — 40,1 წელი.შრომითი საქმიანობის ყველაზე მოკლე ხანგრძლივობა კი შემდეგ ქვეყნებში ფიქსირდება:• რუმინეთი — 32,7 წელი; • იტალია — 33,0 წელი; • ბულგარეთი — 34,6 წელი.მონაცემები სქესის მიხედვითმამაკაცებიმამაკაცების შრომითი საქმიანობის საშუალო ხანგრძლიობა ევროკავშირში 39,5 წელია. • ყველაზე ხანგრძლივი შრომითი სტაჟი: ნიდერლანდები (45,9 წელი), შვედეთი და დანია (თითოეულში 44,5 წელი) და ირლანდია (43,4 წელი). • ყველაზე მოკლე სამუშაო სტაჟი: ბულგარეთი (35,9 წელი), რუმინეთი (36,0 წელი) და ხორვატია (36,3 წელი).ქალებიქალების შრომითი საქმიანობის საშუალო ხანგრძლიობა ევროკავშირში 35,4 წელია.• ყველაზე ხანგრძლივი შრომითი სტაჟი: შვედეთი (42,3 წელი), ნიდერლანდები (41,9 წელი) და ესტონეთი (41,8 წელი). • ყველაზე მოკლე შრომითი სტაჟი: იტალია (28,4 წელი), რუმინეთი (29,1 წელი) და საბერძნეთი (31,8 წელი).

საბერძნეთის მთავრობა არ ეთანხმება რუსეთის წინააღმდეგ ახალი სანქციების დამტკიცებას.როგორც „როიტერი“ წერს, საბერძნეთის მთავრობის პოზიციის მიზეზი ისაა, რომ თუ რუსული გაზის მესამე ქვეყნებში გაყიდვა აიკრძალება, ბაზარს ევროკავშირის გარეთ მყოფი კონკურენტები დაიკავებენ, საბერძნეთის ნაცვლად.გამოცემა „როიტერსს“ წყაროებმა განუცხადეს, რომ სანქციები კარგად უნდა იყოს გათვლილი – მოსკოვზე ზეწოლა უნდა გაძლიერდეს, მაგრამ ევროპულ ბიზნესს ზიანი არ უნდა მიადგეს.„ევროპამ არ უნდა დაკარგოს ეკონომიკური სექტორები ან ბაზრის წილი საკუთარი სასანქციო  პოლიტიკის შედეგად – ეს ბაზარი ევროკავშირის გარეთ მყოფ მოთამაშეებს არ უნდა ერგოთ. სანქციებმა რუსეთის ეკონომიკური პოტენციალი უნდა შეასუსტოს და  სხვებმა ევროპის ხარჯზე არ უნდა მოიპოვონ  სტრატეგიული უპირატესობა“, – აღნიშნავს ერთ-ერთი წყარო გამოცემასთან საუბრისას.ცნობისთვის, ევროკავშირის ელჩების კომიტეტმა 15 ივლისს რუსეთის წინააღმდეგ სანქციების 21-ე პაკეტზე გადაწყვეტილება ვერ მიიღო.სანქციების აღნიშნულ პაკეტს, საბერძნეთის გარდა ავსტრიაც ეწინააღმდეგება

საფრანგეთის პრეზიდენტი ემანუელ მაკრონი მოსახლეობას აფრთხილებს, რომ ტყის ხანძრების გამო მიმდინარე ზაფხული მძიმე იქნება.ფონტენბლოს ტყეში ხანძრის ჩაქრობაში მონაწილე მეხანძრეების მონახულებისას მაკრონმა აღნიშნა, რომ ეს ზაფხული მძიმე იქნება, რადგან ტყის ხანძრების სეზონის პიკის დაწყებამდეც კი უკვე მოხსნილია არსებული რეკორდები.პროკურატურამ გამოძიება დაიწყო ერთი კომპანიისა და მისი ორი თანამშრომლის წინააღმდეგ, რომლებიც მეზობელ ავტომაგისტრალზე სარემონტო სამუშაოების დროს ელექტრო ხერხს იყენებდნენ. გამომძიებლების ვარაუდით, სწორედ ხერხიდან წარმოქმნილმა ნაპერწკლებმა გამოიწვია მცენარეულობის აალება.ასევე დააკავეს მოხალისე მეხანძრე, რომელმაც აღიარა, რომ ხანძარი სანთებელისა და ბენზინის გამოყენებით თავად გააჩინა.გარდა ამისა, გავრცელებული ინფორმაციით, კიდევ ერთმა მამაკაცმა გაუფრთხილებლობით შეუწყო ხელი ხანძრის გაჩენას, როდესაც სიგარეტის ნამწვი გადააგდო.

რეჟიმს სურს, საკუთარი პიარისთვის რაღაც ფორმატებში ყოფნა და ფოტოების გადაღება, მაგრამ არ სურს ურთიერთობების ნორმალიზება, – ამის შესახებ „ლელო – ძლიერი საქართველოს“ წევრმა, გრიგოლ გეგელიამ განაცხადა.მისივე თქმით, მაკა ბოჭორიშვილს საერთო არაფერი აქვს ეროვნულ ინტერესებთან.„კიდევ ერთხელ დადასტურდა, რომ ბოჭორიშვილი არის ანტიქართველი პოლიტიკოსი, რომელმაც შიდა პოლიტიკური საკითხების პოლიტიკური ინსტრუმენტალიზება სცადა საერთაშორისო ასპარეზზე. მკაფიოდ გამოჩნდა, რომ მაკა ბოჭორიშვილს და ამ რეჟიმს საერთო არაფერი აქვს ქართულთან, არაფერ ადეკვატურთან და ისინი ყოველთვის უტიფრად ახდენენ შიდა პოლიტიკური საკითხების ინსტრუმენტალიზებას. ჩვენ კიდევ ერთხელ დავრწმუნდით , რომ ეს რეჟიმი თავისი არსით არის ანტიქართული, არასდროს ემსახურება ეროვნულ ინტერესებს. როდესაც აშშ-თან სტრატეგიული ურთიერთობები არის განადგურებული, ეს რეჟიმი არაფერს აკეთებს, რომ ამერიკის მოთხოვნებს უპასუხოს, კონკრეტული ნაბიჯები გადადგას. რეჟიმი ცდილობს, რაღაც უღიმღამო, ვიწროპროფილური კონფერენციები შემოგთავაზოს პროპაგანდისტულ სალაფავად, რომელთაც ერი კმაყოფილი უნდა იყოს.როგორც გეგელიამ აღნიშნა, აშშ-ს საქართველოსთან ურთიერთობების ნორმალიზებისთვის დაწესებული აქვს კონკრეტული ნაბიჯები, რომლებიც უნდა გადაიდგას.„სინამდვილე არის ის, რომ ამერიკის შეერთებული შტატებს ურთიერთობის ნორმალიზებისთვის დაწესებული აქვს ძალიან მკაფიო ფასი, კონკრეტული ნაბიჯების ნუსხა, რომელიც რეჟიმმა უნდა გადადგას სტაბილიზაციისთვის. ამ რეჟიმმა თქვა, რომ ისინი არ აპირებენ რუბიოს მოსმენას, არ აპირებენ არაფრის გაკეთებას და შედეგად ამ რეჟიმმა მოგცა, რომ უმთავრეს პარტნიორთან განადგურებულია ორმხრივი სტრატეგიული პარტნიორობა. ამ ყველაფრის შედეგად ზარალდება ქართული ეკონომიკა, ქართული პოლიტიკა, საქართველო, როგორც სახელმწიფო. ვხედავთ, რომ რეჟიმი არ დგამს რეალურ ნაბიჯებს სტაბილიზაციისკენ. ეს აჩვენებს ყველაზე კარგად რეალურ მიდგომას. ამ რეჟიმს სურს, საკუთარი პიარისთვის რაღაც ფორმატებში ყოფნა და ფოტოების გადაღება, მაგრამ არ სურს ურთიერთობების ნორმალიზება; არაფერს აკეთებს,  რომ მოხდეს რაღაც ისეთი, რაც ქართველ ხალხს მოუტანს კონკრეტულ სიკეთეს და გაუგებარია, რა სიკეთე შეიძლება, მოუტანოს ამ ტიპის გამოსვლებმა საერთაშორისო კონფერენციებზე“, – განაცხადა გეგელიამ.

თბილისის მერის, კახა კალაძის განცხადებით, ომის და მეორე ფრონტის გახსნის მსურველები დღესაც საჯაროდ გვიმტკიცებენ, რომ უკრაინა არის საუკეთესო მდგომარეობაში, მიუხედავად იმისა, რომ ქვეყანამ დაკარგა ტერიტორიები, დაღუპულია უამრავი ადამიანი და განადგურებულია ინფრასტრუქტურა.„წარმოუდგენელი განცხადება მოვისმინეთ „დიფ სთეითის“ წარმომადგენლის მხრიდან. კონკრეტულად, გვარამიამ გააკეთა აღნიშნული განცხადება, რომ მას შემდეგ, რაც უკრაინა მოიგებს ომს, ტრილიონებს დაახარჯავენ მას, საქართველოს კი არაფერი შეხვდება. ეს კიდევ ერთი დასტურია იმისა, რომ „დიფ სთეითი“ და მისი აგენტურა დღემდე მისტირიან, რომ საქართველო არ აჰყვა მათ ავანტურას, არ ჩაერთო ომში და ქვეყანაში არ გახსნა მეორე ფრონტი. ომის და მეორე ფრონტის გახსნის მსურველები დღესაც გამოდიან და საჯაროდ გვიმტკიცებენ, რომ უკრაინა არის საუკეთესო მდგომარეობაში, მიუხედავად იმისა, რომ დაკარგა ტერიტორიები, ასიათასობით ადამიანია დაღუპული, ინფრასტრუქტურა განადგურებული. მიუხედავად ამ ყველაფრისა, თურმე საქართველო არის ცუდ მდგომარეობაში, იმიტომ, რომ საქართველომ არ დაიწყო ომი, არ გააჩაღა მეორე ფრონტი ქვეყანაში. ამას გვიმტკიცებენ ეს აგენტურის წარმომადგენლები. ეს კიდევ ერთი ნათელი მაგალითია იმისა, თუ რას ცდილობენ ამ ტიპის განცხადებებით: პირველი, რომ გაამართლონ ის დანაშაული, რაც 2008 წლის ომად, განადგურებულ ინფრასტრუქტურად, დაკარგულ ტერიტორიებად, უამრავ გარდაცვლილ ადამიანად დაუჯდა ჩვენს ქვეყანას. რაც მოხდა, ის იყო ძალიან მძიმე დანაშაული და კიდევ ერთი დასტურია იმისა, რომ, ზოგადად, „დიფ სთეითს“ საერთოდ არ აინტერესებს სახელმწიფოებრიობის ბედი. იქნება სახელმწიფო თუ არ იქნება, მათთვის მთავარია ის დავალებები, რაც გარედან წამოვა. საერთოდ არ აინტერესებთ, ხალხი დაიღუპება, ქალაქები განადგურდება თუ რა მოხდება. მათთვის მთავარია, მათ ინტერესს შეეწიროს ისეთი ქვეყნები, როგორიცაა საქართველო, მაგრამ დღეს საქართველოს ჰყავს ხელისუფლება, რომელიც, პირველ რიგში, ატარებს ქვეყნისა და ქართველი ხალხის ინტერესს. შესაბამისად, ეს განცხადებები ყველაფერზე ძალიან კარგად მიუთითებს.თუ გსურთ, პარალელები რომ გავავლოთ, გავიხსენოთ, რა განცხადებებს აკეთებდნენ აგენტურის წარმომადგენლები, როდესაც ჩვენ კანდიდატის სტატუსი არ მოგვცეს, თითქოს ქვეყანამ ამით მილიარდები დაკარგა. მივიღეთ კანდიდატის სტატუსი და ვსვამ ძალიან მარტივ კითხვას: სად არის ეს მილიარდები, რომელიც ქვეყანას უნდა მიეღო საჩუქრად? საჩუქრად არავინ არაფერს იძლევა. 2008 წლის ომის შემდეგ მოცემულ თანხებს დღესაც მთავრობა კრედიტის სახით აბრუნებს და იხდის ამ ვალებს. ეს არის რეალობა“, – განაცხადა კახა კალაძემ.