ირანის ელჩი:ზოგჯერ საჩუქარი მხოლოდ საჩუქარი არ არის – იგი საერთო ისტორიის, ცოცხალი კულტურისა და ორ ერს შორის არსებული ღრმა კავშირის სიმბოლოა

ვერ ვიტყოდი, რომ ევროკავშირის ან ჩვენი პოზიცია ჯიუტია. სიჯიუტის მიღმა გარკვეული პოზიცია იკითხება, – ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, საქართველოსთან მიმართებით ჩანს მიკერძოებული დამოკიდებულება, რადგან საქართველოს არც საგარეო კურსი შეუცვლია და არც პოზიციები.„პოლიტიკურ სასწორზე როცა განვითარების ერთ ან მეორე სცენარს ვდებთ, ვხედავთ, თუ ვიქნებით გარკვეული ინსტრუქციების მიმართ მორჩილი, ამან, შეიძლება, ქვეყანაში მძიმე ვითარება შექმნას, რასაც ეკონომიკური ნგრევის პროცესის განვითარება ჰქვია, ამავე დროს შესაძლებელია სამხედრო დაპირისპირების გარკვეული ფლანგის შექმნა, რაც ასევე მძიმე და დამღუპველი იქნება. ამაზე ღიადაც საუბრობენ. ჩვენთვის ევროპული პოზიცია გასაგებია, თუმცა მიუღებელია. გასაგებია, რომ რუსების აგრესიული ძალის დივერსიფიცირების მოხდენა მათთვის სტრატეგიულად მისაღებია. უკრაინა მართლაც იბრძვის არა მხოლოდ უკრაინისთვის, არამედ ევროპული ინტერესებისთვის და ამ ბრძოლაში საკმაოდ სერიოზულ დახმარებასაც იღებს. ამას „პროქსი ომს“ დავარქმევთ თუ „გარკვეულ სტრატეგიულ ჩანაფიქრს“, მნიშვნელობა არ აქვს. ფაქტია, საქართველო უკრაინული სცენარის შემთხვევაში, თავისი გაბარიტებიდან და რესურსებიდან გამომდინარე, ნგრევის გზას დაადგება, თუ ინსტრუქციას აჰყვება. მიზანია დაპირისპირების წინა პლანზე გადმოტანა, ადამიანის უფლებები და ე.წ. პოლიტპატიმრების თემა კი, რეალურად, თავად სცენარისტებმა შექმნეს. საქართველოსთან მიმართებით მიკერძოებულ დამოკიდებულებას ვხედავთ, რადგან ჩვენ არც საგარეო კურსი შეგვიცვლია და არც პოზიციები“, – განაცხადა გია ვოლსკიმ.

საქართველოს პრეზიდენტი მიხეილ ყაველაშვილი ჟენევაში გაერო-ს გენერალურ მდივანს, ანტონიუ გუტერეშს შეხვდა.საქართველოს პრეზიდენტის ადმინისტრაციის პრესსამსახურის ცნობით, შეხვედრაზე მხარეებმა გლობალური უსაფრთხოების გარემო, თანამედროვე საერთაშორისო გამოწვევები, ასევე საქართველოსა და გაერო-ს შორის არსებული თანამშრომლობის ასპექტები განიხილეს.საქართველოს პრეზიდენტმა ხაზი გაუსვა მულტილატერალიზმისა და წესებზე დაფუძნებული საერთაშორისო წესრიგის მნიშვნელობას, როგორც მშვიდობის, უსაფრთხოებისა და მდგრადი განვითარების უზრუნველყოფის საფუძველს.შეხვედრისას განსაკუთრებული ყურადღება დაეთმო საქართველოს სუვერენიტეტისა და ტერიტორიული მთლიანობის მხარდაჭერის საკითხს.საქართველოს პრეზიდენტმა მადლობა გადაუხადა გაერო-ს გენერალურ მდივანს ორგანიზაციის აქტიური ჩართულობისა და საქართველოს საკითხების საერთაშორისო დღის წესრიგში მაღალ დონეზე შენარჩუნებისთვის.მიხეილ ყაველაშვილმა ანტონიუ გუტერეში საქართველოში ოფიციალური ვიზიტით მოიწვია.საქართველოს პრეზიდენტი ჟენევაში იმყოფება. მიხეილ ყაველაშვილი „ხელოვნური ინტელექტის მმართველობის შესახებ“ გაერო-ს საინაუგურაციო გლობალურ დიალოგზე სიტყვით გამოვიდა.

კარგი იქნებოდა, ეუთო-ს ოდნავი პოლიტიკური და პრინციპული პასუხისმგებლობა გამოეჩინა და საქართველოში 2024 წლის არჩევნებთან დაკავშირებით გაკეთებული დასკვნა დაეცვა, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.ქადაგიშვილს კითხვა დაუსვეს, რომლის თანახმადაც, ჯო უილსონმა, როგორც ამერიკის დელეგაციის წარმომადგენელმა, ეუთო-ს საპარლამენტო ასამბლეაში საქართველოს შესახებ კრიტიკული რეზოლუციის პროექტი წარადგინა.„რეზოლუციის ავტორი და ინიციატორი კარგად ცნობილი ჯო უილსონია. ამ ადამიანის მიზანია, ვიდრე ცოცხალია, საქართველოს წინააღმდეგ მაქსიმალური ნეგატივი გააჩინოს და ნებისმიერი საერთაშორისო პლატფორმა გამოიყენოს. ამ შემთხვევაში, როგორც ამერიკის კონგრესის წარმომადგენელი, ის აშშ-ის გარკვეულ ავტორიტეტს იყენებს.ეუთო-ს რეზოლუციას რაც შეეხება, გნებავთ, „გლობალური ომის პარტიის“, გნებავთ, როგორც ისინი ამბობენ, „საქართველოში რეჟიმის ცვლილების“ მოსურნეთა პარტიის ერთი რეზოლუციაა, სადაც, ლგბტ-დან დაწყებული და გამჭვირვალობით დამთავრებული, აბსოლუტურად ყველაფერი მიუღებელია. რა თქმა უნდა, მათ ქვეყნებში გამჭვირვალობის უმაღლესი სტანდარტით იღებენ კანონებს, მიღებულ კანონებს კიდევ უფრო ამკაცრებენ, მაგრამ საქართველოში ეს დაუშვებელია. რატომ? – მათი გაგებით, საქართველოში ყველაფერი უნდა გასდიოდეთ და საქართველოთი მანიპულირება ადვილად შესაძლებელი უნდა ყოფილიყო. რა თქმა უნდა, ჩვენ ასეთი ტიპის რეზოლუციებს სერიოზულად ვერ მივიღებთ. კარგი იქნებოდა, ეუთო-ს ოდნავი პოლიტიკური და პრინციპული პასუხისმგებლობა გამოეჩინა და საქართველოში 2024 წლის არჩევნებთან დაკავშირებით მათ მიერვე გაკეთებული დასკვნა დაეცვა. ბოლომდე დაცვასაც არ ვამბობ, ცოტა ხმამაღლა ამოეღოთ ხმა. რა თქმა უნდა, ამის პოლიტიკური ნება მათ არ ეყოთ, რადგან იქ დომინირებდნენ სწორედ ის პოლიტიკური ჯგუფები, რომლებიც ლგბტ პროპაგანდის მომხრეები არიან. ამიტომ მანიპულირება ხდება და ამით საქართველოზე ზეწოლა ხორციელდება. ეს არის დღევანდელი იდეოლოგიური მეინსტრიმი, რომელიც ევროპაში ჯერ კიდევ დომინანტია, მაგრამ ნელ-ნელა ამ დომინანტ იდეოლოგიასაც საფუძველი ეცლება“, – განაცხადა ქადაგიშვილმა.

თეირანის ქუჩებში ირანის სულიერი ლიდერის, აიათოლა ალი ხამენეის დაკრძალვის პროცესია მიმდინარეობს. მსვლელობაში ათასობით ადამიანი მონაწილეობს.მედიის ცნობით, მსვლელობის მონაწილეთა ნაწილმა ხიდზე ჩამოკიდებულ ბილბორდს, რომელზეც აშშ-ის პრეზიდენტი დონალდ ტრამპია გამოსახული, ქვებს ესროლეს.„ამერიკის შეერთებუულმა შტატებმა ჩვენი მამა მოკლა. არ გაგიშვებთ!“ – წერია ბილბორდზე, რომელზეც ტრამპი თავში დამიზნებული ტყვიით არის გამოსახული.ამასთან, მსვლელობაში მონაწილე დემონსტრანტებმა აშშ-ის და ბრიტანეთის დროშებს ცეცხლი წაუკიდეს. აქტივისტების ნაწილს ხელში ეკავა ბანერები წარწერით „მოკალი ტრამპი“.შეგახსენებთ, რომ აიათოლა ალი ხამენეის დაღუპვის შესახებ 28 თებერვალს გახდა ცნობილი. ირანის სახელმწიფო მედიამ ინფორმაცია პირველ მარტს დაადასტურა. აიათოლა ალი ხამენეი ირანის წინააღმდეგ აშშ-ისა და ისრაელის ერთობლივი შეტევის პირველივე დღეს დაიღუპა, როდესაც თეირანში მის რეზიდენციაზე თავდასხმა განხორციელდა. სულიერი ლიდერის დაკრძალვა საომარი მოქმედებების გამო გადაიდო.

საქართველოს მთავრობამ მიიღო გადაწყვეტილება, ანაკლიის ღრმაწყლოვანი ნავსადგური ააშენოს მსოფლიოში ყველაზე ფართოდ აპრობირებული ე.წ. ლენდლორდის მოდელით, რომლის ფარგლებში სახელმწიფო დარჩება ძირითადი საზღვაო და საპორტო ინფრასტრუქტურის მესაკუთრედ და მის განვითარებასა და მართვას თავად უზრუნველყოფს. „ლენდლორდის“ მოდელი სახელმწიფოს მისცემს შესაძლებლობას, ანაკლიის პორტი განავითაროს არა ერთ, როგორც დღემდე იყო დაგეგმილი, არამედ ერთდროულად რამდენიმე სახელმწიფოსა და კომპანიასთან პარტნიორობით, რაც პორტში ტვირთების მოზიდვისა და, შესაბამისად, მისი მაქსიმალურად ეფექტიანი ფუნქციონირებისათვის საუკეთესო პირობებს შექმნის, – ამის შესახებ ეკონომიკისა და მდგრადი განვითარების მინისტრმა, მარიამ ქვრივიშვილმა დღეს გამართულ ბრიფინგზე განაცხადა.მინისტრის განცხადებით, მიღებული გადაწყვეტილება ეფუძნება მთავარ მიზანს: პარტნიორი ქვეყნების თანამონაწილეობითა და მათი ინტერესების გათვალისწინებით, ანაკლიის პორტი საერთაშორისო ინტერესების, კაპიტალისა და ტვირთნაკადების თავმოყრის ცენტრად ჩამოყალიბდეს.„საპორტო ინფრასტრუქტურის შექმნასთან ერთად, სახელმწიფო უზრუნველყოფს ანაკლიამდე მისასვლელი საავტომობილო გზისა და რკინიგზის მოწყობას, ხოლო საკონტეინერო და ნაყარი ტვირთების ტერმინალების მოწყობისათვის საჭირო ინვესტიციებს საერთაშორისო ინვესტორები და კერძო ოპერატორები განახორციელებენ. საქართველოს მთავრობა განსაკუთრებულად მიესალმება ანაკლიის პორტში შუა დერეფნის მონაწილე ქვეყნებიდან – ჩინეთიდან, ცენტრალური აზიის ქვეყნებიდან და აზერბაიჯანიდან განხორციელებულ ინვესტიციებს. მიღებული გადაწყვეტილება ეფუძნება მთავარ მიზანს: პარტნიორი ქვეყნების თანამონაწილეობითა და მათი ინტერესების გათვალისწინებით, ანაკლიის პორტი საერთაშორისო ინტერესების, კაპიტალისა და ტვირთნაკადების თავმოყრის ცენტრად ჩამოყალიბდეს.  საქართველოს მთავრობის მიერ მიღებული უმნიშვნელოვანესი გადაწყვეტილება კიდევ უფრო განამტკიცებს საქართველოს ეროვნულ ინტერესებს, შექმნის ახალ ეკონომიკურ შესაძლებლობებს და ჩვენს ქვეყანას შუა დერეფნის პროექტის საკვანძო მონაწილედ აქცევს“, – განაცხადა მარიამ ქვრივიშვილმა.