Bloomberg: აღმოსავლეთ ევროპის მოკავშირეები განრისხებულნი არიან ჯო ბაიდენის მიერ რუსეთისთვის გაკეთებული წინადადებით
Read Time:38 Second
აღმოსავლეთ ევროპის ქვეყნები კრიტიკულად გამოეხმაურნენ ჯო ბაიდენის წინადადებას, რომ ნატოს რამდენიმე მოკავშირე ალიანსთან დაკავშირებით რუსეთის შეშფოთებას განიხილავს. ინფორმაციას ამის შესახებ სააგენტო Bloomberg-ი ავრცელებს.
როგორც Bloomberg-ი დიპლომატიურ წყაროზე დაყრდნობით იუწყება, რეგიონის ერთ-ერთი ქვეყნის მთავრობა განრისხებულია და განმარტებას ითხოვს იმის შესახებ, თუ რას გეგმავს პრეზიდენტი ჯო ბაიდენი.
კიდევ ერთი დიპლომატიური წყარო აცხადებს, რომ აღმოსავლეთ ევროპის ქვეყნები შეშფოთებულნი არიან იმით, თუ რა დათმობები შეიძლება მოჰყვეს ნატოსა და რუსეთს შორის მოლაპარაკებებს პოლიტიკური გარანტიების თვალსაზრისით.
რაც შეეხება ოფიციალურ გამოხმაურებებს, ესტონეთის პრემიერ-მინისტრმა, კაია კალასმა განაცხადა, რომ რუსეთს არავითარ შემთხვევაში არ უნდა მიეცეს სიტყვა იმის შესახებ, თუ ვინ შეიძლება გახდეს ან არ გახდეს ნატოს წევრი.
„მოსკოვის ყველაზე დიდი სურვილი ევროპის გავლენის სფეროებად დაყოფაა. ჩვენ გვახსოვს ასეთი მომენტები საკუთარი ისტორიიდან და არანაირად არ ვართ გულუბრყვილო ამ საკითხში“, – აღნიშნა ესტონეთის პრემიერ-მინისტრმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
