თეა წულუკიანი: 2020 წელს ძალიან დიდი თანხები მოხმარდა რევოლუციის მცდელობას. მაშინ გეგმა ჩავარდა და ახლა უფრო მეტი რესურსი მობილიზდა, რომ 2024 წლის არჩევნები გამოყენებული იყოს კვლავ რევოლუციური მცდელობისთვის
ვიღებთ ამ ქართულ კანონს და უკან დახევა ნამდვილად არ იქნება იმისათვის, რომ საზოგადოებამ უბრალოდ იცოდეს, საიდან და რა მიზნით შემოდის თანხები და ვინ იყენებს ამ თანხებს, – ამის შესახებ კულტურის მინისტრმა, ვიცე-პრემიერმა თეა წულუკიანმა გადაცემაში „იმედი LIVE“ განაცხადა.
ვიცე-პრემიერმა „ქართული ოცნების“ მიერ ინიციირებულ გამჭვირვალობის შესახებ კანონპროექტთან დაკავშირებით ისაუბრა.
„ჩვენ გვქონდა გენერალური რეპეტიცია, ჩემს ამჟამინდელ ენაზე თუ ვიტყვი, 2020 წელს, როდესაც ძალიან დიდი თანხები მოხმარდა რევოლუციური სცენარის განხორციელების მცდელობას და ქვეყანაში დესტაბილიზაციის შემოტანას. როდესაც გარკვეულმა არასამთავრობო ორგანიზაციებმა და პირველ ყოვლისა, ISFED-მა გააყალბა პარალელური დათვლის შედეგები და რომ არ გაშიფრულიყო მათი სიყალბე, ამას უნდა მოჰყოლოდა დესტაბილიზაცია. ეს რეპეტიცია ჩავარდა და ახლა უფრო მეტი რესურსი მობილიზდა იმისთვის, რომ 2024 წლის არჩევნები და არჩევნების შემდგომ პერიოდი გამოყენებულიყო კვლავ რევოლუციური მცდელობისთვის.
ალბათ ბავშვსაც კი ესმის, რომ საქართველოში ყველანაირი დესტაბილიზაცია არის ძალიან დიდი ზიანის მომტანი ქვეყნის განვითარებისთვის და არა რომელიმე პოლიტიკური ჯგუფისთვის, ან ხელისუფლებისთვის. შესაბამისად, ჩვენმა ხელისუფლებამ, რომელიც პასუხისმგებელია იმაზე, რომ იმ ქვეყანაში, რომელსაც მართავს, იყოს მშვიდობა და სტაბილურობა, აღარ დაუშვას მსგავსი. გამჭვირვალობის ეს ქართული კანონი, ყველა მის კომპონენტში განსხვავდება რუსული კანონისგან და აქაც [ევროპარლამენტის] რეზოლუცია ტყუის, როდესაც ამბობს, რომ რუსული კანონის მსგავს კანონპროექტს იღებენო. ვიღებთ ამ ქართულ კანონს და უკან დახევა ნამდვილად არ იქნება იმისათვის, რომ საზოგადოებამ უბრალოდ იცოდეს, საიდან და რა მიზნით შემოდის თანხები და ვინ იყენებს ამ თანხებს“, – აღნიშნა წულუკიანმა.
About Post Author
ქეთევან ნინუა
Comments
გია მურღულია: გიყვარდეს – არ ითამაშო. მხოლოდ მაშინ შეიძლება, ყველაფერს აზრი მიეცეს
გიყვარდეს - არ ითამაშო. მხოლოდ მაშინ შეიძლება, ყველაფერს აზრი მიეცეს,- ამის შესახებ ფილოლოგი გია მურღულია სოციალურ ქსელში წერს. „ნაცნობი მელოდია...
დიმიტრი ხუნდაძე: ჩინეთთან ურთიერთობა არის ჩვენთვის მნიშვნელოვანი, როგორც შუა დერეფნის ერთ-ერთი აქტიური წარმომადგენლის და მნიშვნელოვანი აქტორის
საქართველოს ჩინეთთან ეკონომიკური თანამშრომლობის მნიშვნელობაზე ისაუბრა ჟურნალისტებთან „ხალხის ძალის“ გენერალურმა მდივანმა დიმიტრი ხუნდაძემ. როგორც მან აღნიშნა, საქართველო გეოგრაფიულად წარმოადგენს გზაჯვარედინს...
ნიკა გვარამია: ან გააუქმეთ ეს კანონი, ან ბოლომდე აიღეთ პასუხისმგებლობა – ესაა ზურაბიშვილის ვეტოს შინაარსი და ეს სწორი, გონივრული გადაწყვეტილებაა
„ოცნება“ ვერანაირ განხილვაში ვერ შევა, ვერც საზოგადოებას ვერ ჩაითრევს ფსევდოპროცესში და ვერც ევროპელებს მოატყუებს კანონის ფსევდოგამოსწორებით,- ამის შესახებ პარტია "ახალი"-ს...
ეს არის რუსული ვეტო, უარგუმენტო, არაფრის მთქმელი, უშინაარსო, ანტიეროვნული და საკუთარი ქვეყნის ინტერესების საწინააღმდეგო – დავით მათიკაშვილი
ეს არის რუსული ვეტო, უარგუმენტო, არაფრის მთქმელი, უშინაარსო, ანტიეროვნული და საკუთარი ქვეყნის ინტერესების საწინააღმდეგო, - განაცხადა პარლამენტის იურიდიულ საკითხთა კომიტეტის...
მიხეილ სააკაშვილი: თურქეთს, მხარდაჭერის იმედით, საქართველოს სახელისუფლებო დელეგაცია ეწვია – როგორც ადრე, თურქეთი ახლაც ისტორიის სწორ მხარეს დგას
“თურქეთს, მხარდაჭერის იმედით, საქართველოს სახელისუფლებო დელეგაცია ეწვია. მასპინძლების პასუხი იყო, რომ ყველაფერი მშვიდობიანად და ქართველი ხალხის ინტერესების სასარგებლოდ უნდა დამთავრდეს.”...
მარიამ ლაშხი 4 ქვეყნის საგარეო საქმეთა მინისტრებზე: ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი – მოვუწოდებ, კიდევ ერთხელ გადაავლონ თვალი რა ტიპის მიტინგზე მიიღეს მათ მონაწილეობა
ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი, - ამის შესახებ საგარეო ურთიერთობათა კომიტეტის თავმჯდომარის პირველმა მოადგილემ, მარიამ...