საქართველოს ტექნიკური უნივერსიტეტი ღვაწლმოსილი პედაგოგის, ლიანა შეწირულის გარდაცვალების გამო, სამძიმარს გამოთქვამს
საქართველოს ტექნიკური უნივერსიტეტის აკადემიური და სამეცნიერო წრეების
სახელით, რექტორი, აკადემიკოსი დავით გურგენიძე, მწუხარებას გამოთქვამს
საქართველოს დამსახურებული მასწავლებელის, მრავალი სახელმწიფო ჯილდოს
მფლობელის, ოზურგეთის საპატიო მოქალაქის, თბილისის სავიზიტო ბარათის –
პირველი კლასიკური გიმნაზიის ყოფილი დირექტორის ლიანა შეწირულის
გარდაცვალების გამო და სამძიმარს უცხადებს სტუ-ის დიზაინის საერთაშორისო სკოლის
დეკანს, პროფესორ ნიკა შავიშვილს, ლიანა შეწირულის აღზრდილებს, ოჯახს.
„ლიანა შეწირული ნახევარ საუკუნეზე მეტი, 1952 – 2005 წლებში ეწეოდა პედაგოგიურ
მოღვაწეობას. ამ პერიოდში მის მიერ აღრზდილ იქნა საქართველოს მრავალი
სასახელოვანი შვილი – გამოჩენილი სახელმწიფო მოღვაწეები, მეცნიერები, კულტურის
და სპორტის სფეროს წარმომადგენლები, ღირსეული მოქალაქეები. წლების
განმავლობაში იკავებდა საარჩევნო თანამდებებს საქართველოსა და თბილისის
წარმომადგენლობით ორგანოებში, იყო მრავალი საერთშორისო კონგრესის,
კონფერენციისა და სიმპოზიუმის დელეგატი და წამყვანი.
ლიანა შეწირულის სახელი არასდროს დაავიწყდება საზოგადოებას, რამეთუ, მისი
ძალისხმევით საქართველოს, თბილისს შეუნარჩუნდა 1991-92 წლებში შეიარაღებული
დაპირისპირების შედეგად დანგრეული კლასიკური გიმნაზიის ისტორიული შენობა.
სწორედ ლიანა შეწირულის დამსახურებაა 1995 წლის 1 სექტემბერს აღდგენილი
შენობის საზეიმო გახსნა. განახლებულმა პირველმა კლასიკურმა გიმნაზიამ გააგრძელა
მემკვიდრეობით მიღებული საუკეთესო ტრადიციები. აღდგენილ იქნა გიმნაზიის
ბიბლიოთეკა, რომელიც კვლავ ერთ-ერთი საუკეთესოა სასკოლო ბიბლიოთეკებს შორის.
განახლდა სკოლის მუზეუმი, სასწავლებელში მოქმედებს ივერიის ღვთისმშობლის
სახელობის ეკლესია. 1994 წლიდან თბილისის კლასიკური გიმნაზია განათლების,
მეცნიერებისა და კულტურის დარგში იუნესკოს ასოცირებული წევრი გახდა.
თბილისის კლასიკურ გიმნაზიას, ამ სახელოვან, დიდი ისტორიის მქონე სკოლას 32
წლის განმავლობაში ხელმძღვანელობდა ქალბატონი ლიანა. გვინდა სამძიმარი
გამოვუცხადოთ იმ თაობებს, რომლებიც ამ პერიოდში სწავლობდნენ გიმნაზიაში.
მშვიდობით, ქალბატონო ლიანა! მსუბუქი იყოს თქვენთვის ქართული მიწა!“, –
აღნიშნულია საქართველოს ტექნიკური უნივერსიტეტის სამძიმრის წერილში.
About Post Author
ქეთევან ნინუა
Comments
საქართველოს ტექნიკურ უნივერსიტეტში ტრენინგი – „ხელოვნური ინტელექტი და ჩვენი უფლებები“ ჩატარდა
საქართველოს ტექნიკური უნივერსიტეტში ტრენინგ-პროგრამა „ხელოვნური ინტელექტი (AI) და ჩვენი უფლებები“, ჩატარდა. ამის შესახებ ინფორმაციას სტუ ავრცელებს. მისივე ცნობით, საქართველოს ტექნიკური უნივერსიტეტის...
პროტესტი პარლამენტთან – აპირებენ თუ არა დემონსტრანტები ღამის გათენებას და რა გეგმა აქვთ ორგანიზატორებს ხვალინდელ დღესთან დაკავშირებით
პარლამენტთან "უცხოური გავლენის გამჭვირვალობის შესახებ" კანონპროექტის საწინააღმდეგო აქცია გრძელდება. დემონსტრანტები ამაღამ, სავარაუდოდ, საკანონმდებლო ორგანოსთან აღარ გაათენებენ. როგორც, სიტყვით გამოსვლების დროს,...
დემურ გიორხელიძე: დელაკრუა რომ ვიყო, დავხატავდი, ქართველ რევოლუციონერ უფროსი თაობის ქალბატონს, პათეტიკურად რომ გაიძახის “შვილები ევროპულად უნდა გავზარდოო”
"დელაკრუა რომ ვიყო, დავხატავდი, გავაკეთილშობილებდი (ნახატზე) ქართველ რევოლუციონერ საშუალო და/ან უფროსი თაობის ქალბატონს, აი, სულ "შიგ ევროპაში რომ მიდის", პათეტიკურად...
საქართველოს ტექნიკური უნივერსიტეტის პედაგოგის მიერ შემუშავებული Meama Versatile-ის დიზაინი გავლენიანი საერთაშორისო კონკურსის – Red Dot Design Award-ის გამარჯვებული გახდა
საქართველოს ტექნიკური უნივერსიტეტის დიზაინის საერთაშორისო სკოლის მაგისტრატურის კურსდამთავრებული და ამავე ფაკულტეტის პედაგოგი ლუკა ჯანჯღავა ერთ-ერთი ყველაზე მასშტაბური და გავლენიანი საერთაშორისო...
მთელი ცხოვრება უარყოფდნენ, მაგ ადგილზე 100 ათასი კაცი როგორ დაეტეოდაო, გუშინ კი იგივე ადამიანები ამბობდნენ, იმ პატარა მონაკვეთში 300 ათასი კაცი ეტევაო – მამა შალვა კეკელია
"ჩემთვის ვფიქრობდი, რამდენი თეორია მოგვისმენია 100 ათას მოწამესთან დაკავშირებით რომ თურმე იმ ადგილზე 100 ათასი კაცი ვერ დაეტევა, ასე ამბობდნენ...
მე-8 მოწვევის პარლამენტის წევრი ნოდარ ებანოიძე გარდაიცვალა
66 წლის ასაკში ნოდარ ებანოიძე გარდაიცვალა. ნოდარ ებანოიძე 2012-2016 წლებში იყო საქართველოს მე-8 მოწვევის პარლამენტის წევრი (ხარაგაულის მაჟორიტარი), საარჩევნო ბლოკიდან...