თინა ბოკუჩავა: „ნაციონალური მოძრაობა“ არის პარტია, რომელმაც ამ ქვეყანას ევროპისკენ გზა გაუკაფა

რესპუბლიკის მოედანზე ამერიკის შეერთებული შტატების დამოუკიდებლობის დღისადმი მიძღვნილი მარში დაიწყო.მარშის სახელწოდებით - USA, Make Georgia Great Again - მონაწილეების თქმით, ისინი ამ ფორმით ამერიკის მიმართ პატივისცემასა და მეგობრულ დამოკიდებულებას კიდევ ერთხელ გამოხატავენ.როგორც შეკრებაზე აღინიშნა, 30 წელზე მეტია, ამერიკა საქართველოს მხარდამჭერი და მეგობარია და სურთ, რომ მეგობრობა კიდევ უფრო გაღრმავდეს.მარშის მონაწილეები მსვლელობით რუსთაველის გამზირისკენ მიემართებიან, სადაც საპროტესტო აქციას შეუერთდებიან, რომელიც უკვე 219-ე დღეა, უწყვეტ რეჟიმში მიმდინარეობს.

მაღაროელი ტარიელ მიქაცაძე, რომელიც 16 დღეა შიმშილობს, კლინიკაში გადაიყვანეს.ის შეუძლოდ გახდა, რის შემდეგაც ადგილზე სასწრაფო სამედიცინო დახმარების ჯგუფი გამოიძახეს.მიქაცაძე მეორე დღეა მშრალ შიმშილობაზე იყო, მისი მდგომარეობა დამძიმდა, არსებული ინფორმაციით, ის უგონო მდგომარეობაში გადაიყვანეს.ჭიათურაში მაღაროელთა პროტესტი გრძელდება. 16 დღეა 7 მაღაროელი შიმშილობს, სამს პირი აქვს ამოკერილი. ისინი დაკავებული მაღაროელების გათავისუფლებას მოითხოვენ.

ევროკავშირის საგარეო საქმეთა მინისტრების საბჭო 15 ივლისს კიდევ ერთხელ იმსჯელებს საქართველოს საკითხზე.ამის შესახებ ინფორმაცია მოცემულია ევროპული საბჭოს ვებგვერდზე გამოქვეყნებულ დღის წესრიგში.დოკუმენტში აღნიშნულია, რომ ევროპელი მინისტრები საქართველოს საკითხთან დაკავშირებით მოსაზრებებს გაცვლიან.ცნობისთვის, ივნისში გამართული ევროპული საბჭოს სხდომაზე ევროკავშიროს საგარეო საქმეთა მინისტრებმა ასევე განიხილეს საქართველოს საკითხი, თუმცა კონკრეტული გადაწყვეტილებები არ მიუღიათ.როგორც ევროკავშირის საგარეო პოლიტიკისა და უსაფრთხოების საკითხებში, უმაღლესმა წარმომადგენელმა, კაია კალასმა განაცხადა, სხდომის მონაწილეებმა განიხილეს საქართველოში არსებული სიტუაცია, მათ შორის იმსჯელეს ოპოზიციური პარტიების ლიდერების დაპატიმრების თემაზე და ისაუბრეს „მზარდ რეპრესიებზე პასუხისმგებელი პირების, მათ შორის მოსამართლეების მიმართ სანქციების დაწესებაზე, თუმცა, შეთანხმება არ იყო მიღწეული.”კალასმა მაშინ განაცხადა, რომ ევროპული საბჭო საქართველოს თემას ივლისში დაუბრუნდებოდა.

აშშ-ის დამოუკიდებლობის დღეს, მილიარდერმა ილონ მასკი აშშ-ში ახალი პოლიტიკური პარტიის შექმნის აუცილებლობასთან დაკავშირებით სოციალურ ქსელ X-ში გამოკითხვას ატარებს.„დამოუკიდებლობის დღე იდეალური დროა იმის გასაგებად, გსურთ თუ არა დამოუკიდებლობა ორპარტიული (ზოგი იტყვის ერთპარტიული) სისტემისგან! უნდა შევქმნათ თუ არა „ამერიკის პარტია?“, – წერს სოციალურ ქსელში ილონ მასკი.გამოკითხვაში ამ დროისთვის 346 ათასზე მეტმა ადამიანმა მიიღო მონაწილეობა. მასკის კითხვაზე ხმის მიცემა 24 საათის განმავლობაში გაგრძელდება. 

პოლიტიკოსებმა, რომლებმაც გადაწყვიტეს, პრინციპული პოლიტიკა ჰქონოდათ და ციხეში წავიდნენ, რადგან ამ პარლამენტს და ე.წ. კომისიას არ აღიარებდნენ, რატომ ჰგონიათ, რომ ამ პარლამენტის მიერ არჩეულ პრეზიდენტს აღიარებენ, – ამის შესახებ „კოალიცია ცვლილებისთვის“ წევრმა, გიორგი ბუტიკაშვილმა განაცხადა.მისი თქმით, მიხეილ ყაველაშვილი სანთლით დაეძებს ლეგიტიმურად აღიარონ როგორც პრეზიდენტი, რადგან არავინ აღიარებს არც ქვეყნის შიგნით და არც ქვეყნის გარეთ.„ყაველაშვილი დადის და სანთლით დაეძებს ლეგიტიმურად აღიარონ როგორც პრეზიდენტი, არავინ არ აღიარებს არც ქვეყნის შიგნით და არც ქვეყნის გარეთ. არჩევნების თემა ლეგიტიმაციის მოპოვებისთვის რაღაცა საკითხად აქცია, რომელსაც ცხადია არავინ არ აღიარებს. პოლიტიკოსებმა, რომლებმაც გადაწყვიტეს, პრინციპული პოლიტიკა ჰქონოდათ და ციხეში წავიდნენ, რადგან პარლამენტს არ აღიარებდნენ და არ აღიარებდნენ იმ ე.წ. კომისიას, რატომ ჰგონია, რომ ამ პარლამენტის მიერ არჩეულ პრეზიდენტს აღიარებენ. სასაცილოს ნუ იხდის თავს. ჯერ ისედაც სასაცილო ადამიანია, ნუ აცინებს ხალხს, ივანიშვილის რეჟიმის ბუტაფორია თუ არის, ბუტაფორიად ბოლომდე დარჩეს“, – განაცხადა გიორგი ბუტიკაშვილმა.საქართველოს პრეზიდენტი მიხეილ ყაველაშვილი მიმართავს პატიმრობაში მყოფ პოლიტიკოსებს, მიმართონ შეწყალების შესახებ განცხადებით, დაადასტურონ არჩევნებში მონაწილეობის სურვილი და დაუყოვნებილი გამოსცემს შეწყალების აქტს.