ალექსანდრ ლუკაშენკო – ბელარუსი რუსეთის სპეციალურ სამხედრო ოპერაციაში მონაწილეობს, თუმცა მობილიზაცია არ იქნება

"ტატიშვილის კლინიკიდან ექიმი შევიყვანე "რეზბალნიცაზე" ექოსკოპიით, დადგინდა, რომ ჩემი შვილი საოპერაციო იყო და უნდა გაეყვანათ, მაგრამ მუხაძე ("ქილერა") უარს ამბობდა გაყვანაზე, ჩვენ ექიმები გვყავს აქ, თუ არადა, თქვენი ექიმებიც მოვიდნენ და აქ გავუკეთებთ ოპერაციასო", - ამის შესახებ, დაზარალებულმა ნანა ქადაგიშვილმა, საქართველოს პარლამენტის დროებითი საგამოძიებო კომისიის სხდომაზე განაცხადა.ქადაგიშვილის თქმით, ალექსანდრე მუხაძეს ("ქილერა") ციხის კართან დახვდა და ბოლოს შეძლო, შვილი საოპერაციოდ გაეყვანა, თუმცა, ოპერაციიდან მეორე დღესვე უკან დააბრუნეს."ამაზე არც ჩემი შვილი დათანხმდა და არც მე დავთანხმდი, იმიტომ, რომ უკვე ვიცოდით, რა ხდებოდა იქ ოპერაციების დროს და ერთი თვე აწამა ამ ტკივილებით, არც "რეზბალნიციდან" გაუშვა. ბოლოს, მუხაძეს ციხის კართან დავხვდი დილით ადრე და ვუთხარი, ყველაფერს მე გადავიხდი, ბოლოსდაბოლოს ადამიანი ხომ ხარ, გამოვიყვან, ახალგაზრდა ბიჭი ცოდოა, არ გეცოდება-მეთქი? მაშინ, განცხადება დაწერეთ, რომ თქვენ ამ თანხას იხდითო, კი-მეთქი, ეს თუ პრობლემა იყო, ამდენ ხანსაც გადავიხდიდი. გავიყვანეთ და ოპერაციის შემდეგ ერთი დღე დატოვეს საავადმყოფოში, მეორე დღეს უკვე გადმოიყვანეს, თუმცა, ძალიან ვეხვეწე, ორი-სამი დღე დაეტოვებინათ. ახლა რომ გორაობს ის "ვივამედის" კლინიკაში, ეგრე კი არ იყო, მეორე დღესვე გადმოიყვანეს ჩემი ნაოპერაციები შვილი," - განაცხადა ნანა ქადაგიშვილმა.როგორც მან აღნიშნა, ოპერაციის შემდეგ, შვილთან კონტაქტი საერთოდ აღარ ჰქონდა, თუმცა, ერთ დღეს მას უკვე დაკავებულმა სულხან მოლაშვილმა დაურეკა და დაამშვიდა, რომ დავით მირცხულავასთან ერთად, ის უვლიდან ქადაგიშვილის ნაოპერაციებ შვილს და ნემსებსაც ისინი უკეთებდნენ. ამის მიუხედავად, არჩილ ქადაგიშვილი B ჰეპატიტით მაინც დაავადდა, მას ციხიდან გამოსვლის შემდეგ, უკვე მეოთხე სტადიის ციროზი ჰქონდა და ამ დაავადების შედეგად გარდაიცვალა."შემდეგ საერთოდ აღარ მქონდა ჩემს შვილთან კონტაქტი, ძალიან ვნერვიულობდი, დილით მივდიოდი, შუაღამით მოვდიოდი, მაინც ვერავისგან ვერაფერს ვიგებდი და ბოლოს ზარი გაისმა ჩემს ტელეფონზე, მირეკავს სულხან მოლაშვილი და მეუბნება, რომ ქალბატონო ნანა, არ ინერვიულოთ, მე და დათო ვუვლით მას, ნემსებსაც ჩვენ ვუკეთებთო. ვიცი, რაზეც ნერვიულობთ, მაგრამ არ ინერვიულოთ, ჩვენ მათ ამის საშუალებას არ მივცემთ, არ მივაკარებთო და ყველაფერს ისინი უკეთებდნენ. ასე გადარჩა აჩიკო იმ დროს, მაგრამ ბე ჰეპატიტი მაინც შეყარეს მას. დაიღუპა ბე ჰეპატიტის შედეგად, ციხიდან რომ გამოვიდა, უკვე მეოთხე სტადია ციროზი ჰქონდა", - განაცხადა ნანა ქადაგიშვილმა.

საქართველოს გარემოს დაცვისა და სოფლის მეურნეობის მინისტრი დავით სონღულაშვილი სამუშაო ვიზიტით აზერბაიჯანში იმყოფებოდა. ვიზიტის ფარგლებში, მინისტრმა აგროგამოფენაზე CASPIAN AGRO 2025 წარმოდგენილ ქართულ პავილიონში აზერბაიჯანის პრეზიდენტს ილჰამ ალიევს უმასპინძლა; დავით სონღულაშვილმა საერთაშორისო კონფერენციაში „Agriculture: Mobilizing Countries for Nature“ მიიღო მონაწილეობა და კლიმატის ცვლილების თემაზე გამართულ პანელურ დისკუსიაზე სიტყვით გამოვიდა; საქართველოს გარემოს დაცვისა და სოფლის მეურნეობის მინისტრი კლიმატის საკითხებში აზერბაიჯანის პრეზიდენტის წარმომადგენელს მუხტარ ბაბაევს შეხვდა.„საქართველოსა და აზერბაიჯანს შორის არსებობს ურყევი პარტნიორობა და საერთო სტრატეგიული მიზნები. ჩვენი ქვეყნების თანამშრომლობა სოფლის მეურნეობის სფეროში განუყოფელია რეგიონული სტაბილურობის, ეკონომიკური განვითარების და გარემოს დაცვის საერთო დღის წესრიგისგან.აზერბაიჯანში ვიზიტის გრაფიკი საკმაოდ დატვირთული იყო. პირველ რიგში მინდა ხაზგასმით აღვნიშნო, რომ საერთაშორისო აგროგამოფენაზე CASPIAN AGRO 2025 ჩვენი მხარდაჭერით და ორგანიზებით საქართველოს ეროვნული პავილიონია წარმოდგენილი. პავილიონს ესტუმრა აზერბაიჯანის პრეზიდენტი ილჰამ ალიევი, რაც კიდევ ერთხელ ხაზს უსვამს ჩვენი ქვეყნების მეგობრობას და სტრატეგიულ პარტნიორობას.ჩვენი მიზანია, საქართველო ღირსეულად იყოს წარმოდგენილი მსგავსი მასშტაბის საერთაშორისო გამოფენებზე. ასეთი პლატფორმები გვაძლევს შესაძლებლობას, საქართველოს პოტენციალი ფართო საერთაშორისო აუდიტორიას გავაცნოთ და გავზარდოთ ექსპორტის შესაძლებლობები.აზერბაიჯანში ვიზიტის ფარგლებში მნიშვნელოვანი იყო კლიმატის საკითხებში აზერბაიჯანის პრეზიდენტის წარმომადგენელთან მუხტარ ბაბაევთან შეხვედრა, რომელიც კიდევ ერთი მნიშვნელოვანი ნაბიჯია არსებული კავშირების გაძლიერების გზაზე. შეხვედრაზე კლიმატის ცვლილების წინააღმდეგ გატარებული ეროვნული და რეგიონული პოლიტიკის საკითხები, არსებული გამოწვევები და თანამშრომლობის გაღრმავების შესაძლებლობები დეტალურად განვიხილეთ.აქვე მინდა აღვნიშნო, რომ, ვიზიტის ფარგლებში, მნიშვნელოვანი იყო მონაწილეობა საერთაშორისო კონფერენციაში, სადაც სოფლის მეურნეობის განვითარება ბუნების დაცვის კუთხით იქნა განხილული. სიტყვით გამოსვლის დროს, ჩემი მხრიდან ხაზი გავუსვი კლიმატის ცვლილებასთან ბრძოლის გლობალურ მნიშვნელობას და ამ პროცესში სოფლის მეურნეობის როლს.მინდა განსაკუთრებული მადლობა გადავუხადო აზერბაიჯანში საქართველოს საელჩოს ვიზიტის ორგანიზებისთვის და ორი ქვეყნის ურთიერთობების გაღრმავებისთვის გაწეული მუშაობისთვის“, - განაცხადა დავით სონღულაშვილმა.

ჩემი მეუღლე დაახლოებით ერთი კვირის დაჭერილია, ლევან პატეიშვილმა მითხრა, ადეიშვილმა და სააკაშვილმა შემოგითვალეს, 20 მილიონ დოლარს თუ გადაიხდი, მაშინ დავხურავთ ამ საქმეს და ყველანი ჩვენ-ჩვენი გზით წავალთო, - განაცხადა „ნაციონალური მოძრაობის" რეჟიმის მიერ დაზარალებულმა ნანა ქადაგიშვილმა, საქართველოს პარლამენტის დროებითი საგამოძიებო კომისიის სხდომაზე.მისი თქმით, ლევან პატეიშვილმა, რომელიც მიხეილ სააკაშვილის ძმის, დავით სააკაშვილის მეგობარი და იურისტი იყო, ქადაგიშვილს მეორედაც დაურეკა და განუცხადა, რომ ზურაბ ადეიშვილი მასზე გაბრაზებული იყო, მაგრამ 10 მილიონის გადახდის შემთხვევაში, მისი მეუღლის საქმეს შეწყვეტდა.„ეს შემომითვალეს ლევან პატეიშვილის პირით, რომელიც იყო სააკაშვილის ძმის იურისტიც და მეგობარიც. ჩემგან უარი მიიღეს და ვუთხარი, რომ არ ვიცი როგორ მოახერხეთ, მაგრამ თქვენ ყველა ანგარიში სადაც კი რამე ქონება და თანხა გვქონდა, ბარათებიც კი რაც სახლში გვქონდა, ისინიც კი ამოიღეს. ასე რომ, ელემენტარული ფულითაც არ დავრჩენილვართ სახლში. როდესაც ადამიანს ბანკი გაქვს, ფულს სახლში რატომ დადებ, თუ გაქვს?! მეორე ჯერზე, მირეკავს და მეუბნება ცინიკურად, რომ ადეიშვილი საერთოდ გაბრაზებულია თქვენზე და შემოგითვალა, რომ 10 მილიონი დოლარი მოიტანე და ამ საქმეს შევწყვეტო." - განაცხადა ნანა ქადაგიშვილმა.

საგამოძიებო კომისიის თავმჯდომარის მოადგილემ სოზარ სუბარმა 2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, ნანა ქადაგიშვილის მოსმენისას განცხადება გააკეთა.დეპუტატმა აღნიშნა, რომ რეჟიმის პრეზიდენტის მიერ, მაგალითად ალექსანდრე მუხაძის, იგივე ქილერას ღირსების ორდენით დაჯილდოება, მტკიცებულებაა იმისა, რომ რეჟიმის დროს მომხდარი საზარელი წამების ფაქტები არა ვინმეს თვითშემოქმედება, არამედ ხელისუფლების პოლიტიკა იყო.„მინდა ჩართვა გავაკეთო იმ ადამიანებისთვის, ვინც გვისმენენ.მწამებელი ადამიანი მეტსახელად ქილერა მიხეილ სააკაშვილმა, სამსახურებრივი მოვალეობის შესრულებისას გამოჩენილი გმირობისა და მამაცობისთვის, ღირსების მედლით დააჯილდოვა; 2012 წელს კი სამსახურებრივი მოვალეობის კეთილსინდისიერად შესრულებისთვის, მართლა ერთ - ერთი უმაღლესი საბრძოლო ჯილდოთი - ვახტანგ გორგასლის მესამე ხარისხის ორდენით. ეს არის მტკიცებულება, რომ ეს არ იყო ვიღაც კილერების და ვიღაცების თვითშემოქმედება, ეს იყო სახელმწიფოს პოლიტიკა- ადამიანების წამება“, - განაცხადა სოზარ სუბარმა.

„ნაციონალური მოძრაობა“ ჩემს მეუღლეს სთხოვდა, „ვარდების რევოლუციას“ ვაპირებთ და დაგვაფინანსეთო, უარის გამო გივი თარგამაძე გაბრაზდა და ალბათ ეს იყო დღე, როცა „შავ სიაში“ შეგვიყვანეს, – ამის შესახებ ნანა ქადაგიშვილმა „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ დროებითი საგამოძიებო კომისიის“ სხდომაზე განაცხადა.ნანა ქადაგიშვილის თქმით, ეს ხდებოდა „ვარდების რევოლუციამდე“ დაახლოებით ორი-სამი თვით ადრე.„2000 წელს ჩემი მეუღლე ერთ-ერთ ბანკს დაეხმარა ინვესტიციის შეტანაში და თვითონაც იქ წარმომადგენლად იყო. ვიდრე „ვარდების რევოლუცია“ მოხდებოდა, მანამდე ჩემს მეუღლეს დაუკავშირდა „ნაციონალური მოძრაობიდან“ წარმომადგენელი და ითხოვეს მასთან შეხვედრა ბანკში. როდესაც მოვიდნენ, ჩემს მეუღლეს უთხრეს, „ვარდების რევოლუციას“ ვაპირებთ და თქვენ უნდა დაგვაფინანსოთ აუცილებლადო. ჩემმა მეუღლემ მაშინვე უარი უთხრა, ამას ვერ გავაკეთებ, რადგან პოლიტიკურ საქმეებში, სახელმწიფო საქმეებში ვერ ჩავერევი, არც კანონით მაქვს ამისი უფლება და მორალურადაც ვერ ვიზამ ამასო. გივი თარგამაძე იყო მოსული, რომელიც ძალიან გაბრაზდა ჩემი მეუღლის პასუხზე და ალბათ ეს იყო დღე, როცა მათ „შავ სიაში“ შეგვიყვანეს. ეს ხდებოდა „ვარდების რევოლუციამდე“ დაახლოებით ორი-სამი თვის წინ“, – განაცხადა ნანა ქადაგიშვილმა.კომისიის თავმჯდომარე თეა წულუკიანმა ნანა ქადაგიშვილს მიმართა: „ეს იყო 2003 წლის ადრე შემოდგომაზე? უკვე ვაპირებთ რევოლუციასო? მან წინასწარ იცოდა და სიტყვა რევოლუცია გამოიყენა?, რაზეც ქადაგიშვილმა უპასუხა:„რა თქმა უნდა, ეს არც დაუმალავს ჩემს მეუღლესთან“.ამასთან, საგამოძიებო კომისიის სხდომაზე ნანა ქადაგიშვილმა გაიხსენა პერიოდი, რა ხდებოდა ხელისუფლებაში „ნაციონალური მოძრაობის“ მოსვლის შემდეგ.„რევოლუციის შემდეგ ახალი მოსული არიან ხელისუფლებაში, გვიკავშირდება დათო სააკაშვილის წარმომადგენელი და გვეუბნება, უნდა დაითხოვოთ თქვენი იურისტები და ჩემი იურისტებით შემოვიდეთო. დათო სააკაშვილი არის მიხეილ სააკაშვილის ძმა, რომელსაც იურიდიული ფირმა ჰქონდა. დათო სააკაშვილსაც უარი უთხრა ჩემმა მეუღლემ, ოთხი იურისტი ჰყავდა და ისეთი დიდი ბანკი არ იყო, რომ ვერ გაწვდენოდნენ საქმეს. შემდეგ მიხვდა ჩემი მეუღლე, რომ შემოტევითი, იძულებითი ქმედებები იყო, არ ეშვებოდნენ და ბოლო ბოლო, შემოვიდნენ“, – განაცხადა ნანა ქადაგიშვილმა.როგორც ნანა ქადაგიშვილმა განმარტა, გივი თარგამაძესთან შეხვედრისას მის მეუღლეს ბანკში თანამდებობა არ ჰქონდა და შემდეგ შეიძინა წილები.„ჩემი მეუღლე, ამირან ქადაგიშვილი უცხოელი ინვესტორების წარმომადგენელი იყო. მას თანამდებობა არ ჰქონდა, შემდეგ შეიძინა აქციები. გივი თარგამაძე როცა მივიდა, მაშინ წილი არც ჰქონდა ბანკში“, – განაცხადა ნანა ქადაგიშვილმა.ნანა ქადაგიშვილს თეა წულუკიანმა მიმართა: აბა, რომელი ბიზნესის ხარჯზე დაგვაფინანსე რევოლუციისთვისო? ინვესტორები, რომელიც შემოგყავს, მათი ფული ჩვენს რევოლუციას მოახმარეო?, რაზეც ქადაგიშვილმა აღნიშნა, დიახ. უცხოელების ხარჯზე უნდა დაგვაფინანსოო.