რეგიონული განვითარებისა და ინფრასტრუქტურის მინისტრმა ზურაბ ალავიძემ პარლამენტის აგრარულ საკითხთა კომიტეტის თავმჯდომარის ოთარ დანელიას კრიტიკას უპასუხა.
„ძალიან მაღალი დონის კომისიაა. ფაროსანას წინააღმდეგ საბრძოლველად სრული მობილიზაციაა გამოცხადებული. წელს სერიოზული მობილიზებით შევხვდებით. თანხებიც საკმაოდ არის გამოყოფილი. პირველი კომისიის სხდომამ ჩვეულებრივად ჩაიარა. არ ვიცნობ ოთარ დანელიას დღევანდელ განცხადებას, მაგრამ დამერწმუნეთ, რომ მობილიზებული ვარ ფაროსანას წინააღმდეგ საბრძოლველად მთელი ქვეყნის მასშტაბით და ყველაფერს გავაკეთებთ, რომ ეს ჭირი დავამარცხოთ. ყოველ შემთხვევაში, წელს რაოდენობაში მაინც რომ შევამციროთ, რადგან ერთ წელიწადში ამის მოგვარება ალბათ ძალიან რთული იქნება. მაქსიმალური მობილიზაცია გვაქვს ამ კუთხით გამოცხადებული, როგორც ფინანსურად, ასევე მაქისმალურად ვართ ჩართულნი“, – განაცხადა ზურაბ ალავიძემ.
პარლამენტის აგრარულ საკითხთა კომიტეტის თავმჯდომარემ ოთარ დანელიამ ინფრასტრუქტურის მინისტრი ზურაბ ალავიძე გააკრიტიკა. საქმე ეხება ფაროსანას წინააღმდეგ ბრძოლის კომისიას.
“მე მაქვს განდა, რომ არასათანადო აღქმაა პრობლემის მიმართ, რომელიც გვემუქრება მიმდინარე წელს. შემაშოთებელია, როცა ინფრასტრუქტურის მინისტრი არ ესწრება შესაბამის სხდომას ბოლომდე და მას დაწყებიდან რამდენიმე წუთში ტოვებს, არ ჩადის რეგიონებში”, – თქვა დანელიამ.