დავით ზალკალიანი ენგურზე მომხდარ ტრაგედიაზე: ეს არის რუსეთის ფედერაციის უკანონო ოკუპაციის შედეგი

უნგრეთის დედაქალაქ ბუდაპეშტში უნგრეთის საგარეო საქმეთა მინისტრის, პიტერ სიიარტოსა და აშშ-ის სახელმწიფო მდივნის, მარკო რუბიოს შეხვედრა გაიმართა.„ახალი ოქროს ხანა უნგრეთისა და აშშ-ის ურთიერთობებში. კეთილი იყოს თქვენი მობრძანება ბუდაპეშტში“, – წერს სიიარტო სოციალურ ქსელში და შეხვედრის ფოტოს აქვეყნებს.ამასთან, სოციალურ ქსელში გამოქვეყნებულ ვიდეომიმართვაში სიიარტო აცხადებს, რომ ბუდაპეშტი „ყველანაირად უჭერს მხარს ამერიკულ სამშვიდობო ინიციატივებს“.სიიარტოს თქმით, აშშ-ის მხარდაჭერის წყალობით, უნგრეთი კომუნალური გადასახადების შემცირებას აგრძელებს.ცნობისთვის, მარკო რუბიო ბუდაპეშტში ოფიციალური ვიზიტით 15 თებერვალს ჩავიდა. მანამდე აშშ-ის სახელმწიფო მდივანი სლოვაკეთში იმყოფებოდა. 

საქართველოს ტექნიკურ უნივერსიტეტში ინტერიერის დიზაინის მიმართულებით გამოცხადებული კონკურსის - „Corso Italia - Next Gen“ გამარჯვებული ორი პროექტი გამოავლინეს. საუკეთესოდ აღიარებული პროექტები შესრულებულია ორ-ორი სტუდენტის ავტორობით; თეა ჯელაძე და გიორგი ჭანიძე; ლალი სალუქვაძე და გუგა ნაცვლიშვილი.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, საკონკურსო პირობების თანახმად, არქიტექტურის, ურბანისტიკისა და დიზაინის ფაკულტეტის სტუდენტებმა „Corso Italia“-ს ახალი თაობის მაღაზიის ინტერიერის კონცეფცია დაამუშავეს. პროექტი საქართველოს ტექნიკურმა უნივერსიტეტმა კომპანია „ICR ტრეიდთან“ პარტნიორობით განახორციელა.დაჯილდოების ღონისძიებაზე წარმოდგენილი იყო საუკეთესო სტუდენტური ნამუშევრები: ნახაზები, ესკიზები და ფერში შესრულებული 3-განზომილებიანი ვიზუალიზაციის ვერსიები.როგორც სტუ-ის არქიტექტურის, ურბანისტიკისა და დიზაინის ფაკულტეტის დეკანმა აღნიშნა, მსგავსი ღონისძიებები, რომლებიც სტუდენტების მხრიდან პრაქტიკულ ჩართულობასა და პასუხისმგებლობის ამაღლებას მოითხოვს, მნიშვნელოვანად აუმჯობესებს სასწავლო პროცესის ხარისხს. პროფესორმა ნუგზარ ხვედელიანმა ნაყოფიერი თანამშრომლობისთვის მადლობა გადაუხადა „ICR ტრეიდის“ ხელმძღვანელობას და პარტნიორობის გაგრძელების სურვილი გამოთქვა.„კონკურსებში მონაწილეობით სტუდენტები თავიანთ იდეებს, ხედვებსა და პროფესიულ ამბიციებს რეალურ პროექტებად აქცევენ. „Corso Italia - Next Gen“-ის ფარგლებში წარმოდგენილმა ნამუშევრებმა კიევ ერთხელ ნათლად დაგვანახა ჩვენი სტუდენტების შემოქმედებითი პოტენციალი, თანამედროვე დიზაინერული აზროვნების დონე და ის პასუხისმგებლობა, რომლითაც ახალგაზრდები რეალურ ბიზნესამოცანებს ეკიდებიან.მსგავსი ფორმატის ღონისძიებები მნიშვნელოვნად ამაღლებს სასწავლო პროცესის ხარისხს, რადგან სტუდენტები უშუალოდ ეცნობიან პროფესიულ გარემოს, სწავლობენ კონკრეტულ ბრენდთან მუშაობას და რეალური დამკვეთის მოთხოვნების გათვალისწინებას. ეს პროცესი მათთვის ფასდაუდებელი გამოცდილებაა, რომელიც მნიშვნელოვან როლს შეასრულებს მათ მომავალ პროფესიულ საქმიანობაში.ჩვენთვის განსაკუთრებით მნიშვნელოვანია ბიზნესთან თანამშრომლობა, რაც უნივერსიტეტსა და ინდუსტრიებს შორის მყარ კავშირებს აყალიბებს. მადლობას ვუხდი კომპანია „ICR ტრეიდს“ ნდობისა და ჩართულობისთვის. დარწმუნებული ვარ, პარტნიორობა მომავალშიც აქტიურად გაგრძელდება და კიდევ არაერთ საინტერესო, ინოვაციურ და სტუდენტებზე ორიენტირებულ პროექტს განვახორციელებთ“, - ამბობს ნუგზარ ხვედელიანი.რექტორის, აკადემიკოს დავით გურგენიძის სახელით დამსწრე საზოგადოებას მიესალმა სტუ-ის სასწავლო პროცესების მართვის სამსახურის ხელმძღვანელი ზაზა ბუაჩიძე, რომელმაც აღნიშნა, რომ საქართველოს ტექნიკური უნივერსიტეტის პარტნიორი მსხვილი კომპანიების რიცხვს „ICR ტრეიდ ჯგუფი“ შეემატა. მისი თქმით, მსგავსი ტიპის თანამშრომლობა მნიშვნელოვანია უნივერსიტეტისა და მისი სტუდენტებისთვის.„საქართველოს ტექნიკური უნივერსიტეტი მუდმივად ზრუნავს იმაზე, რომ სასწავლო პროცესი თანამედროვე მოთხოვნებთან იყოს თანხვედრაში. მსგავსი კონკურსები საშუალებას გვაძლევს, საგანმანათლებლო პროგრამები კიდევ უფრო მეტად გავხადოთ პრაქტიკულზე ორიენტირებული და სტუდენტებს შევთავაზოთ ისეთი გამოცდილება, რომელიც აუდიტორიის სივრცეს სცდება. „Corso Italia - Next Gen“-ის პროექტმა ნათლად აჩვენა, რამდენად მნიშვნელოვანია სწავლისა და რეალური სამუშაო პროცესის ერთმანეთთან დაახლოება. სტუდენტები სწავლობენ იდეიდან ჯერ კონცეფციის, შემდეგ კი დასრულებული ვიზუალური გადაწყვეტილების შემუშავებას, რაც ახალგაზრდების პროფესიონალებად ჩამოყალიბებისთვის ასე მნიშვნელოვანია. სწორედ მსგავს ფორმატებში იძენს უნივერსიტეტი თანამედროვე საგანმანათლებლო ცენტრის ფუნქციას, რომელიც მომავალ სპეციალისტებს რეალურ გამოწვევებთან გასამკლავებლად ამზადებს“, - აღნიშნავს ზაზა ბუაჩიძე.კონკურსის შედეგებთან დაკავშირებით კმაყოფილება გამოთქვა კომპანია „ICR ტრეიდის“ დამფუძნებელმა კახა ხაზარაძემ. ღონისძიებაში აქტიური ჩართულობისთვის საქართველოს ტექნიკური უნივერსიტეტის პროფესორ-მასწავლებლებსა და სტუდენტებს მადლობა გადაუხადა კომპანიის დირექტორმა ნანი ანდიაშვილმა. როგორც კომპანიის წარმომადგენლებმა აღნიშნეს, „ICR ტრეიდ ჯგუფი“ დიდ როლს ანიჭებს ისეთი კონკურსების ჩატარებას, რომლებიც სტუდენტებს შემოქმედებითი რეალიზაციის შესაძლებლობას უქმნის და ამასთან ერთად, მათ კარიერულ განვითარებაზე აისახება.

მე პირადად ვთვლი, რომ ეს ხელისუფლება არის დასამხობი, რაც შეიძლება სწრაფად და სასტიკად, ნებისმიერი ფორმით და ნებისმიერი გზით, – ამის შესახებ საქართველოს თავდაცვის ყოფილმა მინისტრმა, ბაჩო ახალაიამ 4 ოქტომბრის მოვლენების საქმეზე მიმდინარე სასამართლო სხდომაზე განაცხადა.ახალაიას თქმით, თავისუფლების მოსაპოვებლად ეს არის ერთადერთი გზა.„ჩვენ გვაქვს ამის გაკეთების ლეგიტიმური უფლება. ჩვენ შორის ყველაზე კეთილსინდისიერებს გვაქვს ვალდებულება, რომ ივანიშვილი დავამხოთ. მე გეუბნებით, ივანიშვილი დასამხობია. ძალაა გამოსაყენებელი ყველა მოძალადე პოლიციელის წინააღმდეგ, ვინც ქალებს და ბავშვებს აპატიმრებს, ცემს და წიხლს ურტყამს. ყველა შენობა გვებრძვის ჩვენ, თქვენ ყველას. პარლამენტიდან, კანცელარიიდან, პრეზიდენტის ადმინისტრაციიდან გამოსაყრელია ყველა თვითმარქვია უზურპატორი. ეს არის გასაკეთებელი და ეს გაკეთდება“, – განაცხადა ბაჩო ახალაიამ.ცნობისთვის, სახელმწიფო უსაფრთხოების სამსახურმა საქართველოს ყოფილი თავდაცვის მინისტრი ბაჩო ახალაია 4 ოქტომბრის მოვლენებთან დაკავშირებით 2025 წლის 25 დეკემბერს დააკავა. ახალაიას ბრალდება საქართველოს სისხლის სამართლის კოდექსის 225-ე მუხლის პირველი ნაწილით ჯგუფური ძალადობის ორგანიზება და ხელმძღვანელობა წარედგინა, რაც სასჯელის სახედ და ზომად ცხრა წლამდე თავისუფლების აღკვეთას ითვალისწინებს.

ვერ ვიგებ ილიას უნივერსიტეტის ხელმძღვანელობის დამოკიდებულებას. ყველაფერს რომ თავი დავანებოთ, არის სახელმწიფო უნივერსიტეტი და ასეთ დროს პოლიტიკური განცხადებებით არ შეიძლება გამოდიოდეს უნივერსიტეტის ხელმძღვანელობა, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.მისივე თქმით, ზოგადად, არ შეიძლება უნივერსიტეტი იყოს პოლიტიზებული.„ილიას უნივერსიტეტს რაც შეეხება, ვერ ვიგებ ამ უნივერსიტეტის ხელმძღვანელობის დამოკიდებულებას, რაზეც ყურადღება გავამახვილე, მათ შორის, დებატების დროს. ილიას უნივერსიტეტი, ყველაფერს რომ თავი დავანებოთ, არის სახელმწიფო უნივერსიტეტი და ასეთ დროს პოლიტიკური განცხადებებით არ შეიძლება გამოდიოდეს უნივერსიტეტის ხელმძღვანელობა. ზოგადად, არ შეიძლება პოლიტიზებული იყოს უნივერსიტეტი, არც კერძო, არც სახელმწიფო, მაგრამ, მაგალითად, როდესაც გამოდის უნივერსიტეტის ხელმძღვანელი და საუბრობს, რომ „ქართულმა ოცნებამ“ შექმნა კონცეფცია, ანუ ზუსტად იმავე ლექსიკას მიჰყვება, რასაც რადიკალური ოპოზიცია, შეიძლება ასეთ რამეს აკეთებდეს სახელმწიფო უნივერსიტეტის ხელმძღვანელობა? ისინი არ უნდა შედიოდნენ პოლიტიკურ პროცესებში. მათი სურვილი უნდა იყოს საგნობრივი მსჯელობა ყველა თემაზე, რაც პირადად შევთავაზე უნივერსიტეტის ხელმძღვანელს, უნივერსიტეტის რექტორს და ორ დღეში საპროტესტო აქცია გამართეს უშუალოდ უნივერსიტეტის ხელმძღვანელობის ლიდერობით ილიას სახელმწიფო უნივერსიტეტში. ეს არ არის ჯანსაღი დამოკიდებულება. ასეთი დამოკიდებულებით პროცესები სწორი მიმართულებით ვერ განვითარდება. ჩვენ გვაქვს კონცეფცია, ეს კონცეფცია ეფუძნება კონკრეტულ არგუმენტებს. დებატებიდან ალბათ ნახავდით, რომ ვერც ერთი არგუმენტი ვერ წარმოადგინეს იმ კონცეფციის წინააღმდეგ, რომელიც შევიმუშავეთ. ძალიან მარტივად, რა განსხვავებაა დასკვნასა და არგუმენტს შორის – დასკვნას არსებითად დაესმის კითხვა – „რა?“ „რა“ – გავიგეთ, ფიქრობენ იმას, რომ არ მოსწონთ კონცეფცია. რაც შეეხება არგუმენტებს, არგუმენტს დაესმის კითხვა – „რატომ?“ და ეს რატომ ვეღარ გავიგეთ. არ მოსწონთ გავიგეთ, მაგრამ რატომ არ მოსწონთ, ვერ გავიგეთ. შესაბამისად, ასეთ პირობებში დისკუსიის გაგრძელებას აზრი არ აქვს. ვერც ერთი არგუმენტი როდესაც ვერ მოგაქვს კონცეფციის, კონცეფციის კონკრეტული პუნქტების წინააღმდეგ, ორი საათი გქონდა ამის შესაძლებლობა და ვერც ერთი არგუმენტი ვერ მოიტანე, ასეთ პირობებში, რა თქმა უნდა, რთულია დისკუსიის წარმოება. მზად ვართ, ნებისმიერი უნივერსიტეტის შემთხვევაში, იქნება ეს თსუ, ტექნიკური, ილიას უნივერსიტეტი, სამედიცინო თუ კერძო უნივერსიტეტები, მოვისმინოთ არგუმენტები, შევიდეთ ჯანსაღ დისკუსიაში, თუ ამის მზაობას დავინახავთ“, – აღნიშნა პრემიერმა.

უკრაინის ენერგეტიკის ყოფილ მინისტრს გერმან გალუშჩენკოს ფულის გათეთრებასა და კრიმინალურ ორგანიზაციაში მონაწილეობაში წაუყენეს ბრალი.გამოძიების თანახმად, კრიმინალური ორგანიზაციის მონაწილეებმა 2021 წელს კუნძულ ანგილიაზე დაარეგისტრირეს ფონდი, რომელსაც დაახლოებით 100 მილიონი დოლარის „ინვესტიცია“ უნდა მოეზიდა.გამოძიების ინფორმაციით, „ინვესტორებს“ შორის იყო გალუშჩენკოს ოჯახიც. გამოძიების მიხედვით, „მისი მონაწილეობის დასაფარად ორი კომპანია ჩამოაყალიბეს, რომლის ბენეფიციარებიც გახდნენ გალუშჩენკოს ყოფილი მეუღლე და ოთხი შვილი. ეს კომპანიები ფონდის „ინვესტორები“ იყვნენ. ამის შემდეგ, კრიმინალური ორგანიზაციის წევრებმა სამ შვეიცარიულ ბანკში ფონდის ანგარიშებზე დაიწყეს თანხების გადარიცხვა. ამ გზით გადაირიცხა 7,4 მილიონ დოლარზე მეტი. გარდა ამისა, კიდევ 1,3 მილიონზე მეტი შვეიცარიული ფრანკი და 2,4 მილიონი ევრო ნაღდი ფულის სახით გაიცა და გალუშჩენკოს ოჯახს პირდაპირ შვეიცარიაში გადაერიცხა. ამ თანხების ნაწილი მოხმარდა შვეიცარიის პრესტიჟულ სასწავლებლებში ბავშვების სწავლის საფასურის გადახდას და ეჭვმიტანილის ყოფილი მეუღლის ანგარიშებზე განთავსდა. დანარჩენი თანხა დეპოზიტზე დაიდო, საიდანაც ოჯახი დამატებით შემოსავალს იღებდა და საკუთარი საჭიროებებისთვის ხარჯავდა“. გამოძიების თანახმად, საერთო ჯამში, გალუშჩენკოს თანამდებობაზე ყოფნის პერიოდში კრიმინალურმა ორგანიზაციამ დაახლოებით 112 მილიონ დოლარი ნაღდი ფული მიიღო.გალუშჩენკო გუშინ, სახელმწიფო საზღვრის გადაკვეთის მცდელობისას დააკავეს.2025 წლის 10 ნოემბერს ცნობილი გახდა, რომ უკრაინის ეროვნული ანტიკორუფციული ბიურო ჩხრეკას ატარებდა ბიზნესმენ ტიმურ მინდიჩთან და მაშინდელ იუსტიციის მინისტრ გერმან გალუშჩენკოსთან. იმავე დროს „უკრაინსკაია პრავდას“ წყაროებმა განაცხადეს, რომ მინდიჩი ჩხრეკამდე რამდენიმე საათით ადრე საზღვარგარეთ გაიქცა. უკრაინის ეროვნულმა ანტიკორუფციულმა ბიურომ კი განაცხადა, რომ ენერგეტიკის სფეროში საბიუჯეტო თანხების მითვისების მასშტაბური კორუფციული სქემა გამოავლინა. ანტიკორუფციულმა ბიურომ, ასევე, გაასაჯაროვა ამ საქმეში ფიგურანტების სატელეფონო მოლაპარაკებების აუდიოჩანაწერები.