ამირან გამყრელიძე – რაც მეტი ქორწილი იქნება ქვეყანაში და მეტი ბავშვი გაჩნდება, ამას რა ჯობია, მაგრამ დროებით თავი შევიკავოთ ფართომასშტაბიანი შეკრებებისგან

სტამბოლის ბაშაქშეჰირის რაიონში მდებარე სკოლაში დანით თავდასხმის შედეგად ერთი მოსწავლე დაიღუპა და 7 დაშავდა.თურქული მედიის ინფორმაციით, თავდამსხმელი 2011 წელს დაბადებული მოსწავლე გოგონაა, რომელიც სტამბოლის ქიუჩიუქჩექმეჯეს რაიონის სკოლაში სწავლობს. სტამბოლის გუბერნატორმა დავუთ გიულმა განაცხადა, რომ გოგონა, რომელიც სკოლის მიმდებარე უბანში ცხოვრობს, სკოლაში სასკოლო ფორმით შევიდა და მოსწავლეებს დანით ჭრილობები მიაყენა.სკოლის უსაფრთხოების სამსახურის თანამშრომლებმა თავდამსხმელი დააკავეს და პოლიციას გადასცეს. მოგვიანებით იგი დააპატიმრეს.თავდასხმის მოტივი, ამ დროისთვის, უცნობია.

რუსეთში შავი ჭირის საწინააღმდეგო ინსტიტუტის ლაბორანტის გარდაცვალება საერთაშორისო ჯანდაცვისთვის მნიშვნელოვანი ფაქტია, თუმცა ამ ეტაპზე შემთხვევის ოფიციალური მიზეზი დადასტურებული არ არის. ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, პროფესორმა ივანე ჩხაიძემ „ინტერპრესნიუსთან“ განაცხადა.ჩხაიძის თქმით, შავი ჭირი იმ დაავადებებს მიეკუთვნება, რომლის გავრცელებაც შესაძლოა არა მხოლოდ ერთი ქვეყნის, არამედ გლობალურ პრობლემად იქცეს. მისი შეფასებით, ლაბორატორიის თანამშრომლის გარდაცვალების შესახებ გავრცელებული ინფორმაცია განსაკუთრებულ სიფრთხილეს მოითხოვს.„ზოგადად, შავი ჭირი მიეკუთვნება იმ დაავადებების კატეგორიას, რომლის გავრცელებაც არა მხოლოდ ერთი ქვეყნის, არამედ, რეალურად, გლობალური პრობლემაა. რა თქმა უნდა, ეს ფაქტი ჯანდაცვის მსოფლიო ორგანიზაციის კონტროლის ქვეშაა“,- განაცხადა ჩხაიძემ.ჩხაიძის შეფასებით, მსგავს შემთხვევას განსაკუთრებული ყურადღება უნდა მიექცეს, რადგან შავი ჭირის გავრცელება ერთ ქვეყანაში დარჩენილ პრობლემად არ უნდა განიხილებოდეს.„ეს კონკრეტული მაგალითი ყველასთვის მაქსიმალური სიფრთხილის „წითელი ალამია“. არცერთი ქვეყანა არ იგრძნობს თავს დაცულად, როდესაც, თუნდაც ერთ ნაწილში, ამ ინფექციის გავრცელება უკონტროლოა“,- განაცხადა მან.რაც შეეხება საქართველოსთვის შესაძლო საფრთხეს, ივანე ჩხაიძის თქმით, შემთხვევა რუსეთის შორეულ აღმოსავლეთში მოხდა, საიდანაც საქართველოსთან ინტენსიური მიმოსვლა არ არის. შესაბამისად, მისი შეფასებით, საქართველოში ინფექციის შემოტანის ალბათობა მცირეა.„თეორიულად არ არის გამორიცხული, რომ იმ ადამიანებმა, ვისაც ინფიცირებულთან კონტაქტი ჰქონდათ, აქ შემოაღწიონ, თუმცა ამის ალბათობა მცირეა. არ მგონია, ეს საქართველოსთვის საფრთხეს წარმოადგენდეს, მაგრამ როგორც ჩვენი ქვეყნის ჯანდაცვის უწყება, ისე ჯანმრთელობის მსოფლიო ორგანიზაცია თვალყურს უნდა ადევნებდეს და ადევნებს კიდეც მიმდინარე პროცესებს“, - აღნიშნა ჩხაიძემ.რა არის ცნობილი ლაბორანტის გარდაცვალებაზე?მედიაში გავრცელებული ინფორმაციით, 2 ოქტომბერს რუსეთის ქალაქ შელეხოვის რაიონულ საავადმყოფოში ირკუტსკის შავი ჭირის საწინააღმდეგო ინსტიტუტის 28 წლის ლაბორანტი, დარია შიპილოვა გარდაიცვალა.გავრცელებული ვერსიის თანახმად, მისი დაინფიცირება შესაძლოა შავი ჭირის გამომწვევის შემცველი სინჯარის შემთხვევით გატეხვას უკავშირდებოდეს. ასევე გავრცელდა ინფორმაცია, რომ გარდაცვალების მიზეზი ფილტვისმიერი, ანუ პნევმონიური შავი ჭირი იყო.თუმცა აღნიშნულ ინფორმაციას რუსეთის მომხმარებელთა უფლებების დაცვისა და ადამიანის კეთილდღეობის ზედამხედველობის ფედერალური სამსახური — „როსპოტრებნადზორი“ — უარყოფს.უწყების განცხადებით, დარია შიპილოვა „დაუდგენელი ეტიოლოგიის პნევმონიით“ გარდაიცვალა. მათივე განმარტებით, პაციენტის ორგანიზმში მისი პროფესიულ საქმიანობასთან დაკავშირებული მიკროორგანიზმები არ აღმოჩენილა.„როსპოტრებნადზორში“ ასევე აცხადებენ, რომ ირკუტსკის შავი ჭირის საწინააღმდეგო ინსტიტუტში პათოგენებთან მუშაობისას ავარია არ მომხდარა.შესაბამისად, ამ ეტაპზე შავი ჭირით ლაბორანტის დაინფიცირება და ლაბორატორიაში მომხდარი ინციდენტი ოფიციალურად დადასტურებული არ არის. საქმის შესახებ გავრცელებულ ინფორმაციას ურთიერთსაწინააღმდეგო შეფასებები ახლავს.ივანე ჩხაიძის თქმით, ლაბორანტის გარდაცვალების ფაქტი ყურადღების განსაკუთრებულ გამახვილებას მოითხოვს, თუმცა საბოლოო სურათის შესაფასებლად დამატებითი ოფიციალური ინფორმაციაა საჭირო.

საქართველოს ტექნიკურ უნივერსიტეტში მე-8 საერთაშორისო სამეცნიერო კონფერენცია - „სტუ ნანო 2026 – ნანოტექნოლოგია“ გაიმართა, რომელსაც ესწრებოდნენ როგორც სფეროს ცნობილი მკვლევრები, ასევე ახალგაზრდა სპეციალისტები და დოქტორანტები, მსოფლიოს 17-ზე მეტი ქვეყნის წამყვანი უნივერსიტეტების, ინსტიტუტებისა და კვლევით ცენტრებიდან.ინფორმაციას საქართველოს ტექნიკური უნივერსიტეტი ავრცელებს.მისივე ცნობით, საერთაშორისო სამეცნიერო კონფერენციის მიზანი ნანოტექნოლოგიების სფეროში თანამედროვე კვლევების შედეგების წარმოჩენა, სამეცნიერო გამოცდილების გაზიარება და სხვადასხვა ქვეყნის მკვლევრებს შორის თანამშრომლობის გაღრმავებაა. ღონისძიების ფარგლებში მეცნიერებმა ნანოტექნოლოგიების განვითარების აქტუალურ საკითხებზე, უახლეს კვლევებსა და სამომავლო სამეცნიერო პერსპექტივებზე იმსჯელეს.კონფერენციის სამეცნიერო პროგრამა მოიცავს ნანოფიზიკის, ნანოქიმიის, ნანობიოლოგიის, ნანომედიცინის, ნანომასალათმცოდნეობის, ნანოინჟინერიისა და ნანოელექტრონიკის მიმართულებებს. მონაწილეებმა წარმოადგინეს საკუთარი კვლევების შედეგები და განიხილეს ნანოტექნოლოგიების გამოყენების შესაძლებლობები მედიცინაში, ენერგეტიკაში, ელექტრონიკაში, მასალათმცოდნეობასა და სხვა მნიშვნელოვან სფეროებში.„სტუ ნანო 2026“-ის ერთ-ერთი მნიშვნელოვანი მიმართულება ახალგაზრდა მკვლევრებისა და დოქტორანტების ჩართულობაა. კონფერენცია მათ შესაძლებლობას აძლევს, საკუთარი კვლევები საერთაშორისო სამეცნიერო საზოგადოების წინაშე წარადგინონ, მიიღონ პროფესიული გამოცდილება და დაამყარონ კონტაქტები სხვადასხვა ქვეყნის უნივერსიტეტებისა და კვლევითი ცენტრების წარმომადგენლებთან.კონფერენციის საერთაშორისო მასშტაბს 17-ზე მეტი ქვეყნის მეცნიერებისა და მკვლევრების მონაწილეობა განაპირობებს. სხვადასხვა სამეცნიერო სკოლის წარმომადგენელთა შეხვედრა ხელს უწყობს ცოდნისა და გამოცდილების გაცვლას, ახალი კვლევითი იდეების განვითარებას და სამომავლო ერთობლივი სამეცნიერო პროექტების დაგეგმვას.საქართველოს ტექნიკური უნივერსიტეტისთვის „სტუ ნანო 2026“ მნიშვნელოვანი საერთაშორისო სამეცნიერო ღონისძიებაა, რომელიც ხელს უწყობს უნივერსიტეტის კვლევითი პოტენციალის წარმოჩენას და ქართველი მეცნიერების საერთაშორისო სამეცნიერო სივრცეში კიდევ უფრო აქტიურ ჩართულობას.ინფორმაციისთვის: ნანოტექნოლოგია თანამედროვე მეცნიერებისა და ტექნოლოგიების ერთ-ერთი სწრაფად განვითარებადი მიმართულებაა, რომელიც აერთიანებს ფიზიკის, ქიმიის, ბიოლოგიის, მედიცინისა და საინჟინრო მეცნიერებების მიღწევებს. შესაბამისად, ამ სფეროში საერთაშორისო თანამშრომლობა მნიშვნელოვანია როგორც ახალი ცოდნისა და ტექნოლოგიების შექმნის, ისე ინოვაციური კვლევების განვითარებისათვის.

ზურაბ აბაშიძე ბოსნია და ჰერცეგოვინაში, ჩრდილოეთ მაკედონიისა და ალბანეთის რესპუბლიკებში საქართველოს პირველ არარეზიდენტ, საგანგებო და სრულუფლებიან ელჩად დაინიშნა. ამის შესახებ ინფორმაციას საგარეო საქმეთა სამინისტრო ავრცელებს.“ზურაბ აბაშიძეს მრავალწლიანი დიპლომატიური კარიერა აქვს. ის წლების განმავლობაში მუშაობდა სხვადასხვა თანამდებობებზე როგორც საგარეო საქმეთა სამინისტროს ცენტრალურ აპარატში, ისე საზღვარგარეთ დიპლომატიურ წარმომადგენლობებში - მათ შორის იყო საქართველოს დიპლომატიური მისიების ხელმძღვანელი ევროკავშირსა და ნატოში, საგანგებო და სრულუფლებიანი ელჩი ბენილუქსის ქვეყნებში. ასევე იკავებდა საქართველოს საგარეო საქმეთა მინისტრის მოადგილის თანამდებობას.ზურაბ აბაშიძე 2012 – 2024 წლებში გახლდათ საქართველოს პრემიერ-მინისტრის სპეციალური წარმომადგენელი რუსეთის ფედერაციასთან ურთიერთობის საკითხებში. 2024 – 2025 წლებში იყო საქართველოს პრემიერ-მინისტრის მრჩეველი.ზურაბ აბაშიძე არის თბილისის სახელმწიფო უნივერსიტეტის ასოცირებული პროფესორი, რამდენიმე წიგნის და პუბლიკაციის ავტორი.მინიჭებული აქვს საგანგებო და სრულუფლებიანი ელჩის დიპლომატიური რანგი”, - ნათქვამია უწყების მიერ გავრცელებულ ინფორმაციაში.

პარტია „ხალხის ძალის„ აღმასრულებელი მდივანი გურამ მაჭარაშვილი პატიმარი გიორგი დავითაძეს საქმეს ეხმიანება. დეპუტატი აღნიშნავს, რომ პატიმარის განცხადება, თითქოს პენიტენციური სამსახურის თანამშრომლებმა მასზე იძალადეს, სარწმუნო არ არის, რადგან ის ექსპერტიზას არ თანხმდება.“მიზანმიმართულად ხდება ყველა სახელმწიფო უწყებაზე დეზინფორმაციის გავრცელება და ადგილი აქვს მათი დისკრედიტაციის მცდელობას.გიორგი დავითაძის საქმეზე გამოქვეყნდა ვიდეომასალა და ადვოკატმა პატიმარი მოინახულა. თუ სააკაშვილის მმართველობის დროს ხალხი იხვეწებოდა საავადმყოფოში გადაყვანას ექსპერტიზის ჩასატარებლად, ახლა აქეთ ეხვეწება პენიტენციური სამსახური, ექსპერტიზას ჩაგიტარებთო, და ამაზე უარს ამბობს პატიმარი. ამის შემდეგ, მისი სიმართლე როგორ შეიძლება იყოს დამაჯერებელი?!ერთი წლის წინ მომხდარი ფაქტი ახლა უცხოური ძალების საჭიროებების მიხედვით დასჭირდათ,”- განაცხადა გურამ მაჭარაშვილმა.