მარკო რუბიო – ბრაზილიის პრეზიდენტმა და მისმა მთავრობამ კეთილსინდისიერი მოლაპარაკებები არ აწარმოეს, დონალდ ტრამპმა სავაჭრო წარმომადგენლობას 25-პროცენტიანი ტარიფის დაწესება დაავალა

წმინდა სტეფანე სინელი წმინდა სტეფანე სინელი სინას წმინდა მთაზე მოღვაწე ბერი იყო. მან მთელი თავისი ცხოვრება ლოცვას, მარხვას, მორჩილებასა და განუწყვეტელ ღვთის მსახურებას მიუძღვნა. სინას უდაბნო საუკუნეების განმავლობაში მართლმადიდებლური მონაზვნობის ერთ-ერთ უმნიშვნელოვანეს ცენტრს წარმოადგენდა და სწორედ ამ გარემოში აღიზარდა წმინდა სტეფანეც. გადმოცემის თანახმად, სიცოცხლის უკანასკნელ წუთებშიც იგი იესოს ლოცვას სკვნილზე აღავლენდა. სწორედ ლოცვისას, მჯდომარე მდგომარეობაში, მშვიდობიანად შეჰვედრა სული უფალს. მისი სხეული დღემდე იმავე მდგომარეობაშია დაცული, რაც მორწმუნეთათვის ღრმა სულიერი მოწიწების საგანია. ასევე გავრცელებულია მონასტრული გადმოცემა, რომ წმინდანის ხელში არსებული სკვნილი დროდადრო პოზიციას იცვლის. მორწმუნეები ამას ღვთის განსაკუთრებულ ნიშნად და წმინდანის უწყვეტი ლოცვის სიმბოლოდ მიიჩნევენ. თუმცა უნდა აღინიშნოს, რომ ეს არის საეკლესიო გადმოცემა და არა ოფიციალურად დადასტურებული სასწაული. წმინდა სტეფანე სინელის ცხოვრება გვახსენებს, რომ ქრისტიანისთვის ყველაზე დიდი ძალა მუდმივი ლოცვა, სიმდაბლე და ღვთისადმი სრული მინდობაა. ამიტომ მრავალი მორწმუნე მას მიმართავს ოჯახების, სამშობლოსა და პირადი ცხოვრებისათვის შეწევნის სათხოვნელად. ლოცვა წმინდაო მამაო სტეფანე სინელო, უფლის ერთგულო მსახურო, ევედრე ქრისტე ღმერთს, მოგვმადლოს მშვიდობა, სიყვარული, რწმენის სიმტკიცე და სულიერი გაძლიერება. შენი წმინდა ლოცვით დაიფაროს საქართველო, ყოველი ქართველი და ყოველი ოჯახი. ამინ.

საქალაქო სასამართლოში ჯაშუშობის ბრალდებით დაკავებული გიორგი უძილაურის პირველი სასამართლო პროცესი დღეს გაიმართება.უძილაური 6 მაისს სახელმწიფო უსაფრთხოების სამსახურის კონტრდაზვერვის დეპარტამენტმა უცხო ქვეყნის ჯაშუშობისთვის დააკავა. ის ფინანსთა სამინისტროს საგამოძიებო სამსახურის თანამშრომელი იყო.

ინგლისის ნაკრებთან გამარჯვებისა და მსოფლიო ჩემპიონატის ფინალში ზედიზედ მეორედ გასვლის შესახებ არგენტინის ნაკრების კაპიტანმა, ლიონელ მესიმ ისაუბრა, რომელმაც ნახევარფინალში თავი ორი საგოლე გადაცემით გამოიჩინა.„მინდა, არგენტინის  ნაკრების გულშემატკივებს გავუმეორო ის სიტყვები, რაც კატარში ყოფნისას ვთქვი: უბრალოდ დატკბით! ჩვენი ნაკრები არასდროს გიმტყუნებთ! ეს ტურნირი ნამდვილად საოცარი იყო და მსოფლიო თასის ფინალში კიდევ ერთხელ თამაში დაუჯერებელ ემოციებთანაა დაკავშირებული. მართალია, ეს უბრალოდ საფეხბურთო მატჩი იყო, მაგრამ ეროვნული ჰიმნის გაჟღერებისას სრულიად გამორჩეული განცდა დაგვეუფლა. ეს არ ყოფილა მხოლოდ რიგითი მოგება, ეს იყო ტრიუმფი, რომელსაც არგენტინელი ერი ასე ელოდა.დაუჯერებელია ის შედეგები, რასაც მივაღწიეთ – მიყოლებით ხუთი ფინალი და ზედიზედ მეორე მუნდიალის გადამწყვეტი მატჩი. უკვე ოთხი წელია, მსოფლიოში საუკეთესოები ვართ. ვისაც არ უნდა ეწყინოს და ვინც არ უნდა გაგვაკრიტიკოს, ჩვენ მინდორზე ვამტკიცებთ, რომ საჩუქრად არავინ არაფერს გვაძლევს. თამაშში სულსა და გულს ვდებთ. შევძელით მატჩის შემოტრიალება, რითაც უზომოდ ვამაყობ.გულწრფელად რომ გითხრათ, ამ ტურნირისთვის მოსამზადებლად ლამის მთელი წელი დავხარჯე. დეკემბრის თვე სამშობლოში გავატარე და ყოველ დილით თუ შუადღით ინტენსიურად ვვარჯიშობდი. კარგად მესმოდა, რომ ჩემპიონატზე იდეალურ კონდიციაში ჩასასვლელად საკუთარი თავისგან მაქსიმუმი უნდა მომეთხოვა. ბიჭებში წამითაც არ შემპარვია ეჭვი, რადგან ზუსტად ვიცი ამ შემადგენლობის პოტენციალი. დიახ, მუნდიალს გარკვეული კითხვის ნიშნებითა და ტრავმებით შევხვდით, მაგრამ როცა ეს გუნდი ერთი მუშტივითაა შეკრული, სასწაულების მოხდენა შეუძლია.დაგვრჩა მხოლოდ ერთი, უკანასკნელი ნაბიჯი. წინ კიდევ ერთი თამაშია, სადაც თავს არ დავზოგავთ და ბოლომდე დავიხარჯებით“, – განაცხადა მესიმ.არგენტინის ნაკრების მეტოქე ფინალში ესპანეთი იქნება, მატჩი 19 ივლისს ნიუ ჯერსიში შედგება.

ჩვენთვის ჩინეთთან პარტნიორობას, მეგობრობას, ურთიერთობას განსაკუთრებულზე განსაკუთრებული მნიშვნელობა აქვს. ჩინეთი არის მშვიდობიანი სახელმწიფო, თავიდან ბოლომდე ორიენტირებული განვითარებაზე, მოდერნიზაციაზე, პროგრესზე, – ამის შესახებ საქართველოს პრემიერ-მინისტრმა, ირაკლი კობახიძემ თბილისსა და შანხაის შორის პირდაპირი რეგულარული ავიამიმოსვლის დაწყებისადმი მიძღვნილ ღონისძიებაზე სიტყვით გამოსვლისას განაცხადა.მისივე თქმით, პირდაპირი ფრენები ძალიან დიდ წვლილს შეიტანს ორმხრივი ურთიერთობების განვითარებაში.„მოხარული ვართ და ვამაყობთ იმით, რომ ბოლო წლების განმავლობაში საქართველოსა და ჩინეთს შორის ურთიერთობები ძალიან სწრაფი ტემპით ვითარდება. დაახლოებით ორი წლის წინ ხელი მოვაწერეთ სტრატეგიული პარტნიორობის შეთანხმებას, რასაც უკვე ძალიან კონკრეტული, ხელშესახები შედეგები ჰქონდა ჩვენი ქვეყნებისთვის. სულ ცოტა ხნის წინ ხელი მოვაწერეთ ორ ქვეყანას შორის ყოვლისმომცველი სტრატეგიული პარტნიორობის შეთანხმებას. ჩვენთვის ჩინეთთან პარტნიორობას, მეგობრობას, ურთიერთობას განსაკუთრებულზე განსაკუთრებული მნიშვნელობა აქვს. ჩინეთი არის მშვიდობიანი სახელმწიფო, თავიდან ბოლომდე ორიენტირებული მის განვითარებაზე, მოდერნიზაციაზე, პროგრესზე. ყველა სფეროში ჩინეთი არის უაღრესად წარმატებული, რაც ჩინეთის ხელისუფლების, ჩინეთის პრეზიდენტის, სი ძინპინის ბრძნული პოლიტიკის შედეგია. ჩვენ ყველაფერს ვაკეთებთ, რათა კიდევ მეტად განვითარდეს ორმხრივი ურთიერთობები. ჩვენთვის ძალიან მნიშვნელოვანია საქართველოსა და ჩინეთს შორის მჭიდრო პოლიტიკური თანამშრომლობა. მოხარული ვართ, რომ ძალიან სწრაფად ვითარდება ქვეყნებს შორის ეკონომიკური პარტნიორობა. განსაკუთრებულ ყურადღებას ვუთმობთ განათლების, კულტურის სფეროში თანამშრომლობას. პირდაპირი ფრენები ძალიან დიდ წვლილს შეიტანს ორმხრივი ურთიერთობების განვითარებაში“, – განაცხადა ირაკლი კობახიძემ.

უკრაინის პრეზიდენტმა, ვოლოდიმირ ზელენსკიმ პარლამენტს პრემიერ-მინისტრის თანამდებობაზე სერგეი კორეცკის კანდიდატურა წარუდგინა. ამის შესახებ ინფორმაციას უკრაინის უმაღლესი რადას თავმჯდომარე რუსლან სტეფანჩუკი სოციალურ ქსელში ავრცელებს.„პარლამენტი აღნიშნულ საკითხს უახლოეს პერიოდში დადგენილი პროცედურის შესაბამისად განიხილავს“, – აღნიშნავს უკრაინის უმაღლესი რადას თავმჯდომარე.ვოლოდიმირ ზელენსკიმ მანამდეც განაცხადა, რომ კონსულტაციების შემდეგ პრემიერ-მინისტრის თანამდებობაზე ყველაზე შესაფერის კანდიდატად „ნაფტოგაზის“ მოქმედ ხელმძღვანელს, სერგეი კორეცკის მიიჩნევს.ცნობისთვის, იულია სვირიდენკოს ხელმძღვანელობით მოქმედი მინისტრთა კაბინეტი 14 ივლისს გადადგა.