შიო III პარლამენტში, პრემიერ-მინისტრის მოხსენებაზე დასასწრებად მივიდა

საქართველოს ტექნიკური უნივერსიტეტის საგამოცდო ცენტრში, ინფორმატიკისა და მართვის სისტემების ფაკულტეტის ორგანიზებით, მათემატიკაში იმიტირებული ეროვნული გამოცდა ჩატარდა, რომელშიც მონაწილეობა 220-მა აბიტურიენტმა მიიღო.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, იმიტირებული გამოცდის მიზანი აბიტურიენტებისთვის ერთიანი ეროვნული გამოცდების რეალურ გარემოსთან მაქსიმალურად მიახლოებული პირობების შეთავაზება და მათთვის თავიანთი ცოდნისა და უნარების შეფასების შესაძლებლობის მიცემაა.სტუ-ის ინფორმატიკისა და მართვის სისტემების ფაკულტეტის დეკანის თქმით, მონაწილეებს მათემატიკის იმიტირებული ტესტები შესთავაზეს, რომლებიც შეფასებისა და გამოცდების ეროვნული ცენტრის მიერ ოფიციალურად გამოქვეყნებული საგამოცდო ტესტების ნიმუშების მიხედვით მომზადდა. როგორც პროფესორი თალიკო ჟვანია აცხადებს, იმიტირებული გამოცდა სრულად შეესაბამებოდა ეროვნული გამოცდების ფორმატს და პროცედურებს, რაც აბიტურიენტებს დაეხმარა როგორც საგამოცდო გარემოსთან ადაპტაციაში, ისე დროის მართვისა და ტესტზე მუშაობის პრაქტიკული გამოცდილების მიღებაში.„მოხარული ვართ, რომ მათემატიკის იმიტირებულ ეროვნულ გამოცდაში 220 აბიტურიენტი ჩაერთო. მსგავსი ფორმატის გამოცდებს უკვე მესამე წელია ვატარებთ. იმიტირებული გამოცდები ახალგაზრდებს შესაძლებლობას აძლევს, ერთიანი ეროვნული გამოცდების წინ საკუთარი ცოდნა რეალურ საგამოცდო გარემოში შეამოწმონ, უკეთ შეაფასონ საკუთარი მზადყოფნა და მიიღონ მნიშვნელოვანი პრაქტიკული გამოცდილება.ჩვენთვის მნიშვნელოვანია, აბიტურიენტებს შევუქმნათ ისეთი პირობები, რომლებიც მაქსიმალურად იქნება მიახლოებული ეროვნული გამოცდების რეალურ გარემოსთან. სწორედ ამიტომ, ტესტები შეფასებისა და გამოცდების ეროვნული ცენტრის მიერ ოფიციალურად გამოქვეყნებული ნიმუშების საფუძველზე მომზადდა, ხოლო გამოცდა სპეციალურად ორგანიზებულ საუნივერსიტეტო საგამოცდო სივრცეში ჩატარდა.მათემატიკა ერთ-ერთი ფუნდამენტური დისციპლინაა როგორც საინჟინრო, ისე ტექნოლოგიური მიმართულებებისთვის. გვინდა მომავალ სტუდენტებს დავეხმაროთ არა მხოლოდ გამოცდებისთვის მზადებაში, არამედ იმ უნარების განვითარებაში, რომლებიც მათ შემდგომ პროფესიულ საქმიანობაშიც გამოადგებათ.მადლობას ვუხდი საუნივერსიტეტო საგამოცდო ცენტრს, ფაკულტეტის თანამშრომლებსა და ყველა მონაწილეს აქტიური ჩართულობისთვის. განსაკუთრებული მადლობა საქართველოს ტექნიკური უნივერსიტეტის ნიკო მუსხელიშვილის სახელობის გამოთვლითი მათემატიკის კვლევით ინსტიტუტს, სადაც იმიტირებული საგამოცდო ტესტები შეადგინეს და დაამუშავეს. დარწმუნებული ვართ, მიღებული გამოცდილება აბიტურიენტებს ეროვნული გამოცდების წარმატებით ჩაბარებაში დაეხმარება“, - აცხადებს თალიკო ჟვანია.სტუ-ის ნიკო მუსხელიშვილის სახელობის გამოთვლითი მათემატიკის ინსტიტუტის ხელმძღვანელის თქმით, იმიტირებული გამოცდები ახალგაზრდებს შესაძლებლობას აძლევს ობიექტურად შეაფასონ ძლიერი და სუსტი მხარეები, განსაზღვრონ დამატებითი მუშაობის საჭირო მიმართულებები და ეროვნული გამოცდების ეტაპს უფრო მომზადებული შეხვდნენ. როგორც პროფესორი ვახტანგ კვარაცხელია აცხადებს, კვლევითი ინსტიტუტისთვის განსაკუთრებით მნიშვნელოვანია ახალგაზრდების მათემატიკით დაინტერესება, რადგან სწორედ მათზეა დამოკიდებული ქვეყნის სამეცნიერო, ტექნოლოგიური და ინოვაციური განვითარების მომავალი.„მათემატიკის იმიტირებული ეროვნული გამოცდების ჩატარება მნიშვნელოვანი საგანმანათლებლო ინიციატივაა, რომელიც მნიშვნელოვნად უწყობს ხელს როგორც თვითშეფასების უნარის განვითარებას, ისე საგამოცდო პროცესის ეფექტიან დაგეგმვას. იმიტირებულ გამოცდაზე მუშაობის პროცესში განსაკუთრებული ყურადღება დაეთმო არა მხოლოდ ფორმალურ შესაბამისობას, არამედ იმასაც, რომ ტესტები ორიენტირებული ყოფილიყო ანალიტიკური აზროვნების, ლოგიკური მსჯელობისა და პრობლემის გადაჭრის უნარების შეფასებაზე.მათემატიკა არის უნივერსალური ენა, რომლის საშუალებითაც ადამიანი სწავლობს კანონზომიერებების აღმოჩენას, რთული პროცესების ანალიზსა და დასაბუთებული გადაწყვეტილებების მიღებას. მათემატიკური აზროვნება აყალიბებს ლოგიკურობას, სიზუსტეს, არგუმენტირების კულტურასა და ინტელექტუალურ დისციპლინას, რაც აუცილებელია როგორც საინჟინრო და ტექნოლოგიურ სფეროებში, ისე ეკონომიკაში, მედიცინაში, სოციალურ მეცნიერებებსა და თანამედროვე კვლევით საქმიანობაში.დღეს, როდესაც მსოფლიო სწრაფად ვითარდება ხელოვნური ინტელექტის, მონაცემთა მეცნიერების, კიბერუსაფრთხოების, ციფრული ტექნოლოგიებისა და მაღალი ტექნოლოგიების მიმართულებით, მათემატიკის როლი კიდევ უფრო მზარდია. პრაქტიკულად შეუძლებელია ამ სფეროებში კონკურენტუნარიანი სპეციალისტის მომზადება მათემატიკური საფუძვლების გარეშე. სწორედ ამიტომ, მათემატიკის სწავლება უნდა განვიხილოთ არა როგორც გამოცდის ჩაბარების საშუალება, არამედ როგორც მომავალი პროფესიული და სამეცნიერო წარმატების საფუძველი.მოხარული ვართ, რომ უკვე მესამე წელია შესაძლებლობა გვაქვს წვლილი შევიტანოთ ამ მნიშვნელოვანი საგანმანათლებლო პროექტის განხორციელებაში“, - აცხადებს ვახტანგ კვარაცხელია.

ძალიან მნიშვნელოვანია ის პროგრამები, რომლებიც არის განკუთვნილი მეწარმეობის მხარდაჭერისთვის, პირველ რიგში,„აწარმოე საქართველოში“, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.პრემიერ-მინისტრმა აღნიშნა, რომ საანგარიშო პერიოდში ამ პროგრამის ფარგლებში დაფინანსდა 1 279 მეწარმე სუბიექტი.„ასევე ძალიან მნიშვნელოვანია საკრედიტო-საგარანტიო სქემის სახელმწიფო პროგრამა. აქ დაფინანსდა 303 კომპანიის 345 პროექტი. ამ ყველაფრის შედეგად შეიქმნება 1 900 ახალი სამუშაო ადგილი. „აწარმოე საქართველოს“ ინდუსტრიული ნაწილი – აქ დაფინანსდა 467 კომპანიის 543 პროექტი. ჯამური საინვესტიციო მოცულობა შეადგენდა 824 მილიონ ლარს, შეიქმნება 4 000 სამუშაო ადგილი. მიკრომეწარმეობის მხარდაჭერის პროგრამით 31 მილიონი ლარის 686 სესხი გაიცა. აქტიურად ვმუშაობთ ინოვაციების და ტექნოლოგიების მიმართულებით და აქ ხაზს გავუსვამ ქუთაისის ტექნოლოგიური ჰაბის პროექტს, რომელიც ძალიან აქტიურად ხორციელდება და ძალიან მალე შეიქმნება ეს ჰაბი ძალიან მნიშვნელოვან ქალაქში, ქუთაისში“, – აღნიშნა ირაკლი კობახიძემ.

საქართველო გამოირჩეოდა ფისკალური კონსოლიდაციის ძალიან მაღალი მაჩვენებლით. შარშან ინფლაცია იყო 3,9 პროცენტი, რაც არის გონივრული, ოპტიმალური მაჩვენებელი, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში განაცხადა, სადაც სამთავრობო პროგრამის შესრულების ყოველწლიური ანგარიში წარადგინა.მთავრობის მეთაურის თქმით, ბიუჯეტის დეფიციტმა შეადგინა მთლიანი შიდა პროდუქტის 0,3 პროცენტი, მიმდინარე ანგარიშის დეფიციტი იყო 2,6 პროცენტი, რაც განახევრდა 2024 წლის მაჩვენებელთან შედარებით.„საქართველო გამოირჩეოდა ფისკალური კონსოლიდაციის ძალიან მაღალი მაჩვენებლით. შარშან ინფლაცია იყო 3,9 პროცენტი, რაც არის გონივრული, ოპტიმალური მაჩვენებელი. ბიუჯეტის დეფიციტმა შეადგინა მთლიანი შიდა პროდუქტის 0,3 პროცენტი. მიმდინარე ანგარიშის დეფიციტი იყო 2,6 პროცენტი, რაც განახევრდა 2024 წლის მაჩვენებელთან შედარებით, როცა მიმდინარე ანგარიშის დეფიციტი იყო 5,3 პროცენტი. ესეც არის ძალიან მნიშვნელოვანი პროგრესი, რომელსაც ქვეყანამ მიაღწია.საქონლის ექსპორტი გაიზარდა 11,2 პროცენტით 2025 წელს წინა წელთან შედარებით და მიაღწია რეკორდულ 7,3 მილიარდ დოლარს. რაც შეეხება მთავრობის საგარეო ვალს, 2025 წლის 31 დეკემბრის მდგომარეობით, ანუ შარშანდელი წლის ბოლოს, მთავრობის საგარეო ვალი შეადგენდა მთლიანი შიდა პროდუქტის 34,4 პროცენტს. 2026 წლის 31 მარტის მდგომარეობით საგარეო ვალმა შეადგინა 31,5 პროცენტი. მე მინდა შეგახსენოთ, რომ 2020 წელს მთავრობის საგარეო ვალმა გადააჭარბა 60 პროცენტს და ჩვენ მოვახერხეთ ამ მაჩვენებლის ჩამოყვანა 31,5 პროცენტამდე, რაც არის რა თქმა უნდა მთავრობის ძალიან სერიოზული ძალისხმევის შედეგი“, – განაცხადა პრემიერმა.

2025 წელს პირდაპირი უცხოური ინვესტიციები გაიზარდა 7,6 პროცენტით და შეადგინა დაახლოებით 1,7 მილიარდი დოლარი. სესხების დოლარიზაციის მაჩვენებელი შემცირდა 42,4 პროცენტამდე. ძალიან მნიშვნელოვანია ლარის კურსის სტაბილურობა, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.როგორც მთავრობის მეთაურმა აღნიშნა, 2,65-ის ფარგლებში სტაბილურად ნარჩუნდებოდა ლარის კურსი და ახლა 2,65-ზე ქვემოთ არის ჩამოსული.„ამის პარალელურად, სავალუტო რეზერვებმა რეკორდულ მაჩვენებელს მიაღწია და გადააჭარბა შვიდ მილიარდ დოლარს. მხოლოდ გასულ თვეში, მაისში, ეროვნულმა ბანკმა შეისყიდა რეკორდული ოდენობის 633 მილიონი დოლარის სავალუტო რეზერვები. მინდა, ვისარგებლო შემთხვევით და საქართველოს ეროვნულ ბანკს გადავუხადო მადლობა გაწეული საქმიანობისთვის“, – განაცხადა ირაკლი კობახიძემ.მისივე თქმით, ძალიან აქტიურად მუშაობდა ფინანსთა სამინისტრო ობლიგაციების გამოშვების მიმართულებით.„28 იანვარს ფინანსთა სამინისტრომ ლონდონის საფონდო ბირჟაზე 500 მილიონი დოლარის ნომინალური ღირებულების ევროობლიგაციები განათავსა. მოთხოვნა 5,5-ჯერ აღემატებოდა გამოსაშვებ მოცულობას, რაც მეტყველებს ბუნებრივია, ქვეყნის ეკონომიკური პოლიტიკისა და ეკონომიკური პერსპექტივის მიმართ ინვესტორების ნდობაზე. კუპონის განაკვეთმა შეადგინა 5,125 პროცენტი.ასევე 21 მაისს ფინანსთა სამინისტრომ 400 მილიონი ლარის ნომინალური ღირებულების სახაზინო ობლიგაციები გამოუშვა. მოთხოვნა ამ შემთხვევაში 4,5-ჯერ აჭარბებდა გამოსაშვებ მოცულობას. კუპონის განაკვეთი იყო 9 პროცენტი. ასევე კიდევ ერთხელ უნდა აღინიშნოს, რომ საქართველო ინარჩუნებს მსოფლიოში პირველ ადგილს ბიუჯეტის გამჭვირვალობის თვალსაზრისით“, – განაცხადა პრემიერ-მინისტრმა.მისივე თქმით, ფინანსთა სამინისტრო ამ საანგარიშო პერიოდის განმავლობაში ძალიან აქტიურად თანამშრომლობდა საერთაშორისო საფინანსო ინსტიტუტებთან, განსაკუთრებით აზიის განვითარების ბანკთან, მსოფლიო ბანკთან, საერთაშორისო სავალუტო ფონდთან.„მთლიანობაში ფინანსთა სამინისტრომ გასწია ძალიან მნიშვნელოვანი სამუშაო გასული ერთი წლის განმავლობაში, რისთვისაც ფინანსთა მინისტრს მინდა, დიდი მადლობა გადავუხადო“, – აღნიშნა პრემიერ-მინისტრმა.

ამ მსოფლიო ჩემპიონატზე მე თავიდანვე ვგულშემატკივრობ კაბო ვერდეს ნაკრებს. ჯერ ერთი იმიტომ, რომ ყოველთვის სუსტის მხარეს ვარ და მეორე მიზეზი ისაა, რომ კიევის უნივერსიტეტის პირველ კურსზე ყურებამდე ვიყავი შეყვარებული ულამაზეს კაბო ვერდელ სტუდენტზე, რომელსაც ერქვა ანტუანეტა ლოპესი, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.როგორც სააკაშვილი აღნიშნავს, კაბო ვერდეს ჩემპიონატიდან გასვლის შემთხვევაში, ნიდერლანდების გულშემატკივრობაზე გადაერთვება.„მთელი წელი, სანამ საბჭოთა ჯარში გამიწვევდნენ ორი წლით, ერთ მერხზე ვისხედით კიევის უნივერსიტეტის ლეგენდარულ კორპუსში და ხელჩაკიდებული დავდიოდით კიევის ქუჩებში, ძალიან ლამაზ პარკებში, კინოებში.საერთოდ ჩვენ საერთაშორისო ურთიერთობების და საერთაშორისო სამართლის ფაკულტეტზე ბევრი კაბო ვერდელი იყო და ისინი სხვა აფრიკელებისგან განსხვავებით გამოირჩეოდნენ კარგი სწავლით. საერთოდ ძალიან თბილი და მეგობრული ხალხია (ნამყოფი ვარ კუნძულებზე). კაბო ვერდე ტერიტორიულად კულტურულად და რასობრივად უფრო ახლოა ევროპასთან, ვიდრე აფრიკასთან.ნუ, თუ კაბო ვერდე გავარდა მაშინ გადავერთვები ჩემი უსაყვარლესი ნიდერლანდების გულშემატკივრობაზე და იქნებ ჩემპიონატიც მოვიგოთ“, – წერს სააკშვილი.