შალვა პაპუაშვილი – 4 ოქტომბრის საქმეზე დღევანდელი განაჩენი არის ტესტი პაველ ჰერჩინსკის ევროპულობაზე, ვნახოთ ჩააბარებს თუ არა

იმედია, სათანადო ნაბიჯები გადმოიდგმება აშშ-ისგან, რომ იყოს სერიოზული და თანაბარ დონეზე საუბარი, თუ რა ინტერესები აქვთ ჩვენს ხალხებს და როგორ გავაკეთოთ ისე, რომ ორივე ქვეყნის ხელისუფლებამ საკუთარი ხალხების ინტერესებით იმოქმედოს, – ამის შესახებ ჟურნალისტებს საქართველოს პარლამენტის თავმჯდომარემ, შალვა პაპუაშვილმა განუცხადა.„დიდი ხანია, ამერიკის ახალმა ადმინისტრაციამ ჩვენი პოზიცია კარგად იცის. კერძოდ, ამერიკის შეერთებული შტატებიდან რა არის გასაკეთებელი იმისთვის, რომ ეს ურთიერთობები გადაიტვირთოს და ამ ურთიერთობებმა თვისებრივად ახალი შინაარსი შეიძინოს. ჩვენ არ ვსაუბრობთ დაბრუნებისკენ იქ, სადაც პრინციპში იყო ცარიელ ფურცელზე არსებული სტრატეგიული პარტნიორობა და, სამწუხაროდ, წინა ადმინისტრაციის შემთხვევაში იყო საქართველოს შიდა საქმეებში ჩარევა, ხელისუფლების შეცვლის მცდელობები არადემოკრატიული გზით“, – აღნიშნა შალვა პაპუაშვილმა.მისი თქმით, როდესაც ქართული მხარე ამბობს სიტყვა პარტნიორობას, არ გულისხმობს დაბრუნებას და აღდგენას, არამედ თვისებრივად ახალი პარტნიორობის ჩამოყალიბებას, რომელიც დამყარებული იქნება ორივე ერის ეროვნული ინტერესების გათვალისწინებაზე.„ამიტომ ჩვენ ამ მხრივ ძალიან ღია და გულწრფელი ვართ ნებისმიერი პარტნიორის თუ პოტენციური პარტნიორის მიმართ და ასევე ვართ ამერიკის შეერთებულ შტატებთან. იმედია, სათანადო ნაბიჯები გადმოიდგმება ამერიკის შეერთებული შტატებისგან იმ თვალსაზრისით, რომ იყოს სერიოზული და თანაბარ დონეზე საუბარი იმაზე, თუ რა ინტერესები აქვთ ჩვენს ხალხებს და როგორ გავაკეთოთ ისე, რომ ორივე ქვეყნის ხელისუფლებამ საკუთარი ხალხების ინტერესებით იმოქმედოს“, – განაცხადა შალვა პაპუაშვილმა.

4 ოქტომბერს დაკავებულების მიმართ დღეს გამოტანილი განაჩენი არ არის მართლმსაჯულების აქტი. ეს არის რეჟიმის მიერ გაფორმებული პოლიტიკური ანგარიშსწორება, რომელსაც სამართალთან საერთო არაფერი აქვს , - ამის შესახებ ნათქვამია "ოპოზიციის ალიანსის" განცხადებაში, რითაც ალიანსი ეხმაურება 4 ოქტომბრის საქმეზე სასამართლოს გადაწყვეტილებას, რომლის თანახმად, პაატა ბურჭულაძეს, მურთაზ ზოდელავას, ირაკლი ნადირაძეს, ლაშა ბერიძეს და პაატა მანჯგალაძეს 7-7 წლით, თორნიკე მჭედლიშვილს, ნიკა გვენცაძეს, ირაკლი ჩხვირკიას 5-5, ხოლო ირაკლი შაიშმელაშვილს 2 წლით თავისუფლების აღკვეთა მიესაჯათ. განცხადების თანახმად, ყველა დაკავებული პირი არის "პოლიტიკური პატიმარი და დღევანდელი გადაწყვეტილება მხოლოდ რეჟიმის პასუხისმგებლობას ამძიმებს". "ამ უკანონობასთან ბრძოლის ჩვენი მთავარი გზა მშვიდობიანი პროტესტია! სწორედ ამიტომ, 26 მაისს, დამოუკიდებლობის დღეს, ვიკრიბებით რუსთაველის გამზირზე. ეს არის ბრძოლა ჩვენი მოქალაქეების თავისუფლებისთვის. გელოდებით ყველას 26 მაისს, 19:00 საათზე გამარჯვებისთვის - ერთად, ბოლომდე!", - აღნიშნულია განცხადებაში.

ირანის პრეზიდენტი მასუდ ფეზეშქიანი აცხადებს, რომ პირველი პირისპირ შეხვედრა გამართა ირანის ახალ სულიერ ლიდერთან, აიათოლა მოჯტაბა ხამენეისთან. ფეზეშქიანის თქმით, შეხვედრა, რომელიც თითქმის ორ-ნახევარი საათი გაგრძელდა, თბილ და გულწრფელ ატმოსფეროში წარიმართა.ირანის პრეზიდენტმა განაცხადა, რომ ლიდერი გამოირჩეოდა თავმდაბალი, გულწრფელი და პატივისცემით აღსავსე მიდგომით, რამაც ნდობაზე, სიმშვიდეზე, თანაგრძნობასა და პირდაპირ დიალოგზე დაფუძნებული გარემო შექმნა.მასუდ ფეზეშქიანმა ისაუბრა ქვეყნის ადმინისტრაციული მართვის ყველა დონეზე ერთიანობის, ნდობისა და თანაგრძნობის გაძლიერების აუცილებლობაზე.აიათოლა სეიედ მოჯტაბა ხამენეი ირანის უზენაეს ლიდერად დაინიშნა მისი მამისა და წინამორბედის, აიათოლა სეიედ ალი ხამენეის დაღუპვიდან მალევე. აიათოლა ალი ხამენეი აშშ-ისა და ისრაელის თავდასხმის დროს მოკლეს.მოჯტაბა ხამენეი მას შემდეგ საჯაროდ არ გამოჩენილა.

,,დენას მოწყვეტილნი; ღამე, როდესაც ზღვა ირანის შვილთა ჩაგვრის მოწმე გახდასაინფორმაციო სააგენტო „ირნას“ ინფორმაციით საზღვაო გამანადგურებელი „დენა“ დღეს ირანელი ერისთვის არა მხოლოდ სამხედრო ხომალდი, არამედ იმ გმირების თავგანწირვის სიმბოლოა, რომლებიც 1404 წლის 13 ესფანდის საღამოს (2026 წლის 4 მარტს), მოვალეობისა და „მშვიდობისა და მეგობრობის“ მისიის შესრულებისას, ვერაგული თავდასხმის სამიზნედ იქცნენ. ეს ხომალდი იმ მამაცი მეზღვაურების ისტორიას ინახავს, რომლებმაც გასული წლის ბაჰმანის თვის ბოლოს (2026 წლის თებერვალი) ინდოეთის ოფიციალური მიწვევით, საერთაშორისო წვრთნებში - Milan 2026-ში მონაწილეობის მისაღებად სასწავლო მოგზაურობა დაიწყეს. სწორედ ამ მნიშვნელოვანი მისიიდან დაბრუნებისას დაესხა მათ თავს მტერი. გამანადგურებელი „დენას“ ისტორია იმ მეზღვაურთა ტრაგედიაზე მოგვითხრობს, რომლებსაც წვრთნების პროტოკოლის გამო არც შორ მანძილზე მოქმედი და არც მძიმე შეიარაღება არ გააჩნდათ. ამის გამო მათ თაბდაცვა ვერ შეძლეს. შეიძლება ითქვას, რომ სიტყვები უძლურია იმის აღსაწერად, რა ტრაგედიაც ხომალდ „დენას“ გემბანზე დატრიალდა, თუმცა ერთ-ერთი გმირის მონათხრობი ამ ტრაგედიისა და გმირობის მასშტაბის ნათელი დასტურია. ლეიტენანტი ფურია დარვიში, ერთ-ერთი იმ მამაც მეზღვაურთაგანია, რომელიც ხომალდზე იმყოფებოდა. სამშობლოს სიყვარულმა ის და მისი მეგობრები თავგანწირვამდე მიიყვანა. თავად დაჭრილები და დასახიჩრებულები, საკუთარი სიცოცხლის ფასად ცდილობდნენ თანამებრძოლების ხომალდიდან გამოყვანას, რათა ისინი ზღვისთვის არ მიებარებინათ. ელიპაჟის წევრები საათების განმავლობაში, აუტანელი ტკივილის მიუხედავად, წყლის ზედაპირზე რჩებოდნენ და ბოლომდე იბრძოდნენ. ლეიტენანტი ფურია დარვიში იხსენებს იმ ცხარე ცრემლებით გატარებულ ღამეს, როდესაც სხეულის ფეხის, მხრისა და ლავიწის ძვლის მძიმე დაზიანებები მიიღო. ადამიანს ამ ყველაფრის გაფიქრებაც კი ჟრუანტელს ჰგვრის, თუმცა ისინი ნამდვილი გმირები არიან, რომლებიც ჩვეულებრივი მოკვდავებისგან უნდა განსხვავდებოდნენ: მამაცნი, მორწმუნენი, სიყვარულის ღირსნი - მათი სახელები სამუდამოდ დარჩება ამ მიწის შვილთა გულებში. საინფორმაციო სააგენტო „ირნასთან“ ექსკლუზიურ ინტერვიუში ფურია დარვიში ყვება, რომ ირანის ისლამური რესპუბლიკის სამხედრო საზღვაო ძალებში 1382 (2003-2004) წლებში ჩაირიცხა და ირანის საზღვაო გამანადგურებლის - „დენას“ წყალქვეშა ნავსაწინააღმდეგო ქვედანაყოფის უფროსის თანამდებობა დაიკავა. როგორც ლეიტენანტი ყვება, გუნდი ინდოეთში საერთაშორისო სამხედრო სწავლებაში მონაწილეობის მისაღებად მიემგზავროდა, როცა შრი-ლანკასთან ახლოს მყოფებმა გაიგეს, რომ ირანი ომში ჩაება. ეკიპაჟი სრულ მზადყოფნაში იყო. დაახლოებით ღამი 03:20 საათზე, მაშინ როცა გემბანზე მყოფი თითოეული პირი დაკისრებულ მოვალეობას ასრულებდა, მტერი წყალქვეშა ნავით ვერაგულად დაესხა თავს ეკიპაჟის წევრებს. ფურია დარვიშის თქმით გემი შრი-ლანკას სამხრეთ წყლებში იმყოფებოდა, როცა ამერიკული წყალქვეშა ნავის მიერ ნასროლი პირველი ტორპედო გამანადგურებელ „დენას“ პროპელერს მოხვდა და ხომალდის მოძრაობა შეაჩერა. მეორე ტორპედო გამანადგურებლის კიჩოს ზუსტად იმ ადგილს მოხვდა, სადაც პერსონალი იმყოფებოდა. ამ თავდასხმამ 104 ადამიანის სიცოცხლე იმსხვერპლა. დერეფანში მყოფი ლეიტენანტი კი მის თანხმლებ პირებთან ერთად 10-15 მეტრის მოშორებით გადაისროლა დარტყმის სიმძლავრემ. მისი თქმით, იმ 32 გადარჩენილს შორის, რომელთა გამოყვანაც მოხერხდა, ბევრს ნეკნები, სახის ძვლები და ლავიწი ჰქონდა დამტვრეული. ეკიპაჟის წევრები ღამის 03:20-დან დილის 11:00 საათამდე ღია ოკეანეში დახმარებას ელოდნენ. ფურია დარვიში ინტერვიუში აცხადებს, რომ ამისთვის აუცილებლად იძიებენ შურს, თანაც ისე, რომ მტერს სამუდამოდ ემახსოვრება. იგი ასევე ეხმაურება დონალდ ტრამპის განცხადებას, თითქოს ირანის საზღვაო ძალები განადგურებულია. ლეიტენანტი აშშ-ის პრეზიდენტს მატყუარას უწოდებს და აღნიშნავს, რომ ირანული საზღვაო ძალები კვლავაც აკონტროლებენ ჰორმუზის სრუტეს. იგი მოწამეობრივ აღსასრულს უდიდეს პატივად მიიჩნევს და აშშ-ის პრეზიდენტს მიმართავს: „დამნაშავე ამერიკამ იცოდეს: თუ ჩვენს ხომალდს ჩაძირავს, ჩვენს გონებას ვერაფერს დააკლებს. ჩვენ კვლავ ავაგებთ ახალ გამანადგურებელს — უფრო აღჭურვილს, უფრო თანამედროვეს და მას კვლავ „დენას“ დავარქმევთ, ჩვენი ძვირფასი მოწამეების გამოსახულებებით''-წერს ირანის ელჩი საქართველოში ალი მოჯანი.

4 ოქტომბერს, ათონელის სასახლესთან განვითარებულ მოვლენებთან დაკავშირებით ბრალდებული პოლიტიკოსები - პაატა ბურჭულაძე, მურთაზ ზოდელავა, ირაკლი ნადირაძე, პაატა მანჯგალაძე, ლაშა ბერიძე, ირაკლი შაიშმელაშვილი და კიდევ ხუთი პირი - ირაკლი ჩხვირკია, გური ჟვანია, ნიკა გვენცაძე და თორნიკე მჭედლიშვილი სასამართლომ დამნაშავედ ცნო.მოსამართლე ირაკლი ხუსკივაძის გადაწყვეტილებით - ლაშა ბერიძეს - 7 წლით, მურთაზ ზოდელავას - 7 წლით, პაატა ბურჭულაძეს - 7 წლით, ირაკლი ნადირაძეს - 7 წლით, პაატა მანჯგალაძეს - 7 წლით, თორნიკე მჭედლიშვილს - 5 წლით, გური ჟვანიას - 5 წლით, ნიკა გვენცაძეს - 5 წლით, ირაკლი ჩხვირკიას - 5 წლით, ირაკლი შაიშმელაშვილს - 2 წლით თავისუფლების აღკვეთა მიესაჯათ.ცნობისთვის, მურთაზ ზოდელავას, პაატა ბურჭულაძეს და ირაკლი ნადირაძეს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით წარედგინათ, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მათ ასევე ბრალი წარდგენილი ჰქონდათ სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებასა და ხელმძღვანელობას გულისხმობს. მათ ბრალი წარდგენილი ჰქონდათ სსსკ-ის 317-ე მუხლითაც, რაც გულისხმობს მოწოდებას საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ, რაც სასჯელის სახედ და ზომად 9-წლამდე თავისუფლების აღკვეთას ითვალისწინებს.ირაკლი შაიშმელაშვილს ბრალდება საქართველოს სისხლის სამართლის კოდექსის 317-ე მუხლით წარედგინა, რაც გულისხმობს საქვეყნოდ მოწოდებას საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ, რაც სასჯელის სახედ და ზომად 3-წლამდე თავისუფლების აღკვეთას ითვალისწინებს.ლაშა ბერიძეს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით ჰქონდა წარდგენილი, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მას ბრალდება ასევე წარდგენილი ჰქონდა სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებასა და ხელმძღვანელობას გულისხმობს.ირაკლი ჩხვირკიას, ნიკა გვენცაძეს, თორნიკე მჭედლიშვილს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით წარედგინა, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მას ასევე ბრალი წარდგენილი ჰქონდა სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებასა და ხელმძღვანელობას გულისხმობს. აღნიშნული ქმედება სასჯელის ზომად 6-დან 9-წლამდე თავისუფლების აღკვეთას ითვალისწინებს.გური ჟვანიას ბრალდება სსსკ-ის 225-ე მუხლის მეორე ნაწილით ჰქონდა წარდგენილი, რაც ჯგუფურ ძალადობაში მონაწილეობას გულისხმობს.პაატა მანჯგალაძეს ბრალდება სსსკ-ის 225-ე მუხლის პირველი ნაწილით წარედგინა, რაც ჯგუფური ძალადობის ორგანიზებას გულისხმობს. აღნიშნული ქმედება სასჯელის სახედ და ზომად 6-დან 9-წლამდე თავისუფლების აღკვეთას ითვალისწინებს.