“კუსკ-უს” – არმოტალუი მაწრვყის ლიიქროი

წითელ ზღვაში, ბერძნულ სატვირთო გემზე იემენელი „ჰუსიტების“ თავდასხმას ოთხი ადამიანი ემსხვერპლა, 15 ადამიანს კი ამ დრომდე ეძებენ.„როიტერის“ ინფორმაციით, მაშველებმა წყლიდან ეკიპაჟის ექვსი წევრი ამოიყვანეს. გადარჩენილმა ექვსმა მეზღვაურმა წყალში 24 საათზე მეტი გაატარა.სატვირთო გემ Eternity C-ზე 25 ადამიანი იმყოფებოდა. თავდასხმა პირველად 7 ივლისს, შუადღისას განხორციელდა საზღვაო უპილოტო აპარატებით და რაკეტებით, რომლებიც სწრაფმავალი ნავებიდან „ჰუსიტი“ მებრძოლების მიერ იყო ნასროლი. 6 ივლისს მსგავს თავდასხმაზე პასუხისმგებლობა „ჰუსიტებმა“ აიღეს, რომლის სამიზნეც კიდევ ერთი სატვირთო გემი, Magic Seas იყო. გემის ეკიპაჟის ყველა წევრი მის ჩაძირვამდე გადაარჩინეს.

მამუკა ჩარკვიანის ჯანმრთელობის მდგომარეობა მძიმეა, - ამის შესახებ „პრაიმტაიმს“ მუსიკოსის დამ, თაკო ჩარკვიანმა უთხრა. მისი თქმით, კრიტიკული იყო წუხანდელი ღამე, თუმცა, ყველაფერმა ჩაიარა.„გუშინ, ძალიან მძიმე ღამე გვქონდა, სადღაც დილისკენ ცოტა შეიცვალა მდგომარეობა, შედარებითია ყველაფერი... ღამე გადავიტანეთ, როგორც იტყვიან. ცოტა გამოვიხედეთ, ოდნავ, მინიმალურად, ვეპოტინებით... ღმერთის წყალობით... ღამე უარესს ველოდით. ექიმები ყველაფერს აკეთებენ, რომ მართვით სუნთქვაზე არ გადავიდეს. მამუკას ისეთი ფიზიკური მდგომარეობა აქვს, რომ ამდენს ვეღარ გადაიტანს, გამორიცხულია...ძალიან გაგვაწვალა ოსტეომელიტურმა ფეხმა, არც ერთი უჯრედი არ მოჰყვება, რომ აღდგეს... წარმოუდგენლად ვწვალობთ...გუშინ დავდე ფეისბუკ პოსტი, რომ ძალიან მჯერა ძლიერი ენერგეტიკის, ასეც მოხდა. ისეთი სითბო, სიყვარული და სიკეთე წამოვიდა... ყველას დიდი მადლობა ამისთვის“, - გვითხრა ჩარკვიანმა.

ნიუ-მექსიკოს შტატში ძლიერი წყალდიდობის შედეგად, სულ მცირე, სამი ადამიანია დაღუპული. დაღუპულთა შორის ორი ბავშვია.ინტერნეტში გავრცელებულ კადრებში ჩანს, რომ სამთო საკურორტო ქალაქ რუიდოსოში მოვარდნილმა ნიაღვარმა საცხოვრებელი სახლი წაიღო.ადგილობრივი ხელისუფლების ინფორმაციით, დაახლოებით ერთი საათის მონაკვეთში მდინარე რიო-რუიდოსოში წყლის დონემ 6 მეტრამდე მოიმატა, რაც წინა რეკორდულ მაჩვენებელაზე 1,5 მეტრით მეტია.ნიუ-მექსიკოს გუბერნატორმა, მიშელ ლუხან გრიშემმა რუიდოსოს რაიონში საგანგებო მდგომარეობა გამოაცხადა და დახმარების თხოვნით ფედერალურ მთავრობას მიმართა.შეგახსენებთ, რომ წინა დღეებში ნიუ-მექსიკოს მეზობელ ტეხასის შტატში წყალდიდობას 100-ზე მეტი ადამიანი ემსხვერპლა, 160-ზე მეტი მოქალაქე დაკარგულად ითვლება.

მადრიდის „რეალთან“ მსოფლიო საკლუბო ჩემპიონატის ნახევარფინალური ეტაპის შეხვედრასთან დაკავშირებით კომენტარი „პარი სენ-ჟერმენის“ ერთ-ერთმა ლიდერმა, ხვიჩა კვარაცხელიამ გააკეთა.„მადრიდის „რეალს“ მხოლოდ ერთი გამორჩეული ფეხბურთელი არ ჰყავს — ეს ძალიან ძლიერი გუნდია და პატივისცემა ყველა მოთამაშის მიმართ საჭიროა. ჩვენ საკუთარ თამაშზე ვართ კონცენტრირებულები.მსურს თუ არა, მბაპე სათადარიგოთა სკამზე ვნახო? რთული კითხვაა, ის დღეს ერთ-ერთი საუკეთესო ფეხბურთელია. ვერაფერს ვიტყვი — რა თქმა უნდა, მბაპესთან ერთად „რეალი“ კიდევ უფრო საშიშია.მათ ჰყავთ გამორჩეული ინდივიდუალისტები, მაგრამ, პირველ რიგში, ეს გუნდია, რომელიც მაღალი ხარისხის ფეხბურთს აჩვენებს. ჩვენ მზად ვართ, ნებისმიერი მეტოქის წინააღმდეგ ვითამაშოთ — არ აქვს მნიშვნელობა, მოწინააღმდეგე ვინ იქნება“, – განაცხადა კვარაცხელიამ.

აჭარის მთავრობის ყოფილი თავმჯდომარე თორნიკე რიჟვაძე სამკურნალოდ თურქეთში გადაიყვანეს.აღნიშნული ინფორმაცია საქართველოს პირველ არხს პირველი საუნივერსიტეტო კლინიკის კლინიკურმა დირექტორმა, ლალი ტურძელაძემ დაუდასტურა.თორნიკე რიჟვაძე ცეცხლნასროლი ჭრილობით თავდაპირველად საგარეჯოს „ჯეოჰოსპიტალსში“ შეიყვანეს, შემდეგ კი პირველ საუნივერსიტეტო კლინიკაში გადაიყვანეს. თორნიკე რიჟვაძის საქმეზე გამოძიება საქართველოს სსკ-ის 115-ე მუხლით არის დაწყებული, რაც თვითმკვლელობამდე მიყვანას გულისხმობს. ექიმების განცხადებით, თორნიკე რიჟვაძის ჯანმრთელობის მდგომარეობა დადებითი დინამიკით ხასიათდება, არის კონტაქტური და ასრულებს მარტივ დავალებებს.ცეცხლსასროლი იარაღის დაუდევრად შენახვის ფაქტზე ბრალდება წარედგინა საზღვაო ტრანსპორტის სააგენტოს უფროსს, ალექსი ახვლედიანს. მას სასამართლომ გუშინ აღკვეთის ღონისძიების სახით 30 000-ლარიანი გირაო შეუფარდა და სასამართლო დარბაზიდან გაათავისუფლა.