კახა გულედანი რეგიონალური განვითარების მინისტრად დაინიშნება

სანქციები არის პოლიტიკური ჩარევის ყველაზე უხეში მცდელობა. ამ მცდელობასაც ვერ ექნება ვერავითარი შედეგი, მაგრამ თავისთავად ეს იმსახურებს უკვე ძალიან ღრმა შეშფოთებას, ეს არის ტრაგიკული მოვლენა არა იმ მოსამართლეებისთვის, რომელთა მიმართაც სანქციები მოქმედებს, არამედ იმ ქვეყნებისა და სუბიექტებისთვის, რომლებიც ასეთი საქმით არიან დაკავებული, – ამის შესახებ საქართველოს პრემიერ-მინისტრმა, ირაკლი კობახიძემ უზენაეს სასამართლოში მოსამართლეებსა და იუსტიციის უმაღლესი საბჭოს წევრებთან შეხვედრისას განაცხადა.როგორც მთავრობის მეთაურმა აღნიშნა, ქართული მართლმსაჯულების დამოუკიდებლობა 2012 წლიდან დღემდე ვერავინ შეარყია და ვერც მომავალში ვერავინ შეარყევს.„ბოლო ასეთი შემთხვევა ჩვენ გვქონდა დიდი ბრიტანეთთან, როგორც მოგეხსენებათ, ისინი შეეხნენ ორ მოსამართლეს, ეს არის ტრაგიკული მოვლენა. კარგად მოგეხსენებათ, ვინ იყო ჯონ ლოკი, ცნობილი ინგლისელი მოაზროვნე, განმანათლებელი და ის იყო ერთ-ერთი, ვინც საფუძველი ჩაუყარა სამართლებრივ აზროვნებას ინგლისში და, შესაბამისად, დიდი ბრიტანეთშიც. ჯონ ლოკის ქვეყანაში დღეს გვეუბნებიან, რომ არსებობს გონივრული ეჭვი, რომ კონკრეტული მოსამართლეები გარეული იყვნენ კორუფციულ გარიგებებში. არავითარი კონკრეტიკა, და ამას რომ თავი დავანებოთ, საუბარია გონივრულ ეჭვზე. უხეშად რომ ვთქვათ, ჯონ ლოკი ალბათ საფლავში იტრიალებს, როდესაც ასეთ რამეს ხედავს დიდი ბრიტანეთის ხელისუფლების მხრიდან. სანქციები პრაქტიკულად თავისი არსით უთანაბრდება სისხლისსამართლებრივ სასჯელს ანუ შეზღუდვების ხარისხი არის იმდენად მაღალი, რომ სტრასბურგის სასამართლოს პრაქტიკის მიხედვითაც რომ ვიმსჯელოთ, გაუთანაბრდება ეს სანქციები სისხლის სამართლებრივ სასჯელს. თქვენ ჩემზე კარგად მოგეხსენებათ, რა სტანდარტი მოქმედებს ასეთი ტიპის სანქციების შეფარდების დროს და გვეუბნებიან, რომ გონივრული ეჭვი ყოფილა საკმარისი, ყოველგვარი კონკრეტიკის გარეშე საუბარი კორუფციულ გარიგებებზე ყოფილა საკმარისი, რათა ასეთ ტიპის სანქციები დააწესოს უცხო ქვეყნის ხელისუფლებამ ქართველი მოსამართლეების მიმართ. მართლა ტრაგიკულია, სხვა შეფასებას ეს ყველაფერი არ იმსახურებს.მანამდე იყო აშშ-ის წინა ადმინისტრაციის სანქციები, სავიზო შეზღუდვები, ესეც არის თომას ჯეფერსონის ქვეყანა და ნამდვილად ტრაგიკულია, რომ თომას ჯეფერსონის ქვეყანაში გამოდიან ხელისუფლების წარმომადგენლები, ასანქცირებენ ქართველ მოსამართლეებს და მოგვიანებით გეუბნებიან, რომ არ აქვთ არავითარი მტკიცებულებები. ღია წყაროებიდან, პრესიდან, ტელევიზიებიდან მიიღეს ინფორმაცია გარკვეულ სავარაუდო ქმედებებთან დაკავშირებით, ესეც ტრაგიკულია, სხვა სახელი არ შეიძლება ამას დაერქვას. ჯეფერსონის ქვეყანაში, არ შეიძლება, ასეთი გადაწყვეტილებები მიიღებოდეს. ეს არის პირდაპირ, შეიძლება ითქვას, პოლიტიკური ჩარევის მცდელობა ქართული მართლმსაჯულების დამოუკიდებლობაში, რასაც ვერავითარი შედეგი ვერ ექნება. ამის გარანტი არის ხელისუფლება, ამის გარანტი ხართ თქვენ, მოსამართლეები და ამ ყველაფერში ჩვენი, როგორც აღმასრულებელი მხრიდან, ასევე შემიძლია გადმოგცეთ საკანონმდებლო ხელისუფლების პოზიციაც, თითოეული შტოს დამოკიდებულება იქნება ძალიან მკაფიო. ჩვენ ვერ დავუშვებთ ქართული მართლმსაჯულების დამოუკიდებლობის ვერავითარ შეზღუდვას. ესენი არიან ის ძალები, იგივე ძალა, რომელიც თავის დროზე იწონებდა იმ მანკიერებას, რომელიც პოლიტიკური კონტროლის სახით მოქმედება 2012 წლამდე ჩვენს ქვეყანაში. რასაც იწონებდნენ ისინი მანამდე, იმის საპირისპიროს იწუნებენ დღევანდელ დღეს, როდესაც სასამართლო არის დამოუკიდებელი და სასამართლო სისტემა ფუნქციონირებს ჯანსაღი ფორმით. ქართული მართლმსაჯულების დამოუკიდებლობა 2012 წლიდან დღემდე ვერავინ შეარყია და ვერც მომავალში ვერავინ შეარყევს. თითოეული ჩვენგანი უნდა ვიყოთ ამის გარანტი და აუცილებლად ვიქნებით ამის გარანტი“, – განაცხადა ირაკლი კობახიძემ.

5-7 აპრილს საქართველოს ზოგიერთ რაიონში მოსალოდნელია ხანმოკლე წვიმა და ელჭექი. მოსალოდნელი ამინდის პროგნოზს გარემოს ეროვნული სააგენტო აქვეყნებს.თბილისში შესაძლოა ხანმოკლე წვიმა ელჭექით აღინიშნოს. ჰაერის ტემპერატურა დღისით +20, +22 გრადუსი დაფიქსირდება.სანაპირო რაიონებში (ბათუმი, ქობულეთი, ანაკლია, ფოთი): ზოგან გაწვიმდება. ჰაერის ტემპერატურა დღისით +20, +22 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) ზოგან გაწვიმდება. ჰაერის ტემპერატურა დღისით +21, +23 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან გაწვიმდება. ჰაერის ტემპერატურა დღისით +20, +22 გრადუსი დაფიქსირდება.დასავლეთ საქართველოს მაღალმთიან რაიონებში (მესტია, ბახმარო): ზოგან გაწვიმდება. ჰაერის ტემპერატურა დღისით +12, +14 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +22, +24 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +21, +23 გრადუსი დაფიქსირდება.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +15, +20 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +8, +13 გრადუსი დაფიქსირდება.

ყაზახეთში იშვიათ მიწათა ლითონების უდიდესი საბადო აღმოაჩინეს, რომელშიც მომავლის ეკონომიკისთვის სასიცოცხლოდ მნიშვნელოვანი ელემენტების დაახლოებით მილიონი ტონა მარაგია.იშვიათ მიწათა ლითონები მოიცავს 17 ნედლეულს, რომლებიც უმნიშვნელოვანესია მწვანე ენერგიაზე გადასასვლელად. მათზე მოთხოვნა ძალიან დიდია ჩინეთში, აშშ-ში, ევროპაში, რუსეთში.„დღეისათვის, ეს გახლავთ იშვიათ მიწათა ლითონების უდიდესი საბადო ყაზახეთში“, – ამბობს ქვეყნის მრეწველობის მინისტრი.საბადო ქვეყნის ცენტრალურ ნაწილში, ყარაღანდის ოლქში მდებარეობს და შეიცავს ცერიუმს, ლანთანს, ნეოდიმს და იტრიუმს.აღმოჩენის შესახებ უზბეკეთში გამართულ ევროკავშირი-ცენტრალური აზიის პირველ სამიტზე განაცხადეს.რესურსებით მდიდარ რეგიონზე გავლენის მოპოვებას ცდილობენ ევროკავშირი, რუსეთი, ჩინეთი და თურქეთი.სამიტში მონაწილეობენ ცენტრალური აზიის ხუთი ქვეყნის — ყაზახეთის, ყირგიზეთის, ტაჯიკეთის, თურქმენეთისა და უზბეკეთის ლიდერები ევროკომისიის პრეზიდენტ ურსულა ფონ დერ ლაიენთან და ევროპული საბჭოს პრეზიდენტ ანტონიუ კოშტასთან ერთად.ახალ საბადოს „ახალი ყაზახეთი“ უწოდეს და მრეწველობის მინისტრის პროგნოზით, რესურსების სავარაუდო მარაგი შეიძლება 20 მილიონ ტონამდე გაიზარდოს, რისთვისაც დამატებითი კვლევებია საჭირო.მისივე თქმით, ამით ყაზახეთი შეიძლება შეიძლება მსოფლიოს მოწინავე ქვეყნების სიაში მოექცეს იშვიათ მიწათა ლითონების მარაგის მხრივ.რეგიონის იშვიათ მიწათა ლითონებით დაინტერესებულია ევროკავშირი, რომელსაც 2050 წლისთვის ნახშირბად-ნეიტრალურობის მიზანი აქვს დასახული.ყაზახეთს ამ დეპოზიტების მოპოვებისათვის საჭირო ტექნოლოგიები არ აქვს და ამისათვის უცხოურ ინვესტიციებს ეძებს.მომზადებულია Agence France-Presse-ის მიხედვით.

ქართულმა საზოგადოებამ უნდა გაითავისოს, რომ ჩვენ არანაირი მეგობრები არსად არ გვყავს, ჩვენ გვყავს პარტნიორები. დღეს ჩვენი ინტერესები თანხვედრაშია და ჩვენ ერთად ვართ, ხვალ ჩვენი ინტერესები თანხვედრაში არ იქნება და საპირისპირო ბანაკებში აღმოვჩნდებით, – ამის შესახებ კინორეჟისორმა გოგა ხაინდრავამ პრესკონფერენციაზე განაცხადა.გოგა ხაინდრავას ამის მაგალითად მოჰყავს ამერიკის მიერ დიდი ბრიტანეთისთვის დაწესებული ტარიფები.„ამის ნათელი მაგალითია, რომ ამერიკამ დაუწესა ტარიფები დიდ ბრიტანეთს, რომელიც არის მისი დედა, ხომ? ბრიტანეთმა შექმნა ამერიკა. ევროკავშირს დაუწესა სანქციები, რადგან ასე აწყობს დღეს, ყოველ შემთხვევაში, ეგრე ფიქრობს. ამიტომ ამას ყველაფერს ხაზი გადაუსვეს. ჩვენც რაც გვაწყობს, რაც გვჭირდება, იქიდან გამომდინარე უნდა ვიმოქმედოთ. ამას წერს ზაზა შათირიშვილი, სხვას კი არაფერს, რომ მივხვდეთ, ჩვენი თავი ჩვენ უნდა გვეყუდნოდეს“, – განაცხადა გოგა ხაინდრავამ.გოგა ხაინდრავას განცხადებით, საინტერესოა, ვინ გადაწყვიტა, მთელ მსოფლიოს ეკონომიკური ომი გამოუცხადოს, რომელიც, ხაინდრავას თქმით, პრაქტიკულად, წინაპირობაა ბირთვული ომის.„თქვენ ფიქრობთ, რომ ტრამპმა თვითონ გადაწყვიტა, მთელ მსოფლიოს ეკონომიკური ომი გამოუცხადოს? დილით გაიღვიძა მარტომ და რამდენიმე ქვეყანას დაარტყა? თან როგორ დაარტყა, შეხედეთ. ნახეთ პასუხები, რას ამბობს კანადა, გერმანიის ეკონომიკის მინისტრმა რა პასუხი გასცა, კომენტარები ნახეთ, მსოფლიოში რა ხდება, ჩინეთზე აღარ ვლაპარაკობ, ინდოეთი. აბა, შეხედეთ, ვის არ დაუწესეს ტარიფები? რუსეთს. ძალიან საინტერესოა, რატომ? სანქციებით ხომ უნდა დაგვეხრჩო ჩვენ რუსეთი, წელში გაწყდებოდა უბედური რუსეთი, ჩვენ რომ სანქციებს დავუწესებდით. აბა, იკითხეთ, რატომ არ დაუწესეს რუსეთს ტარიფები? ამაშია საქმე. კანადა ჩემი შტატი გახდება და გუბერნატორს დავნიშნავო, იქ გრენლანდია ჩემიაო, პანამის არხს ავიღებო, „ბლექროკს“ უნდოდა პანამის არხის ყიდვა და ჩინეთმა დაადო ვეტო, ვერაფერიც ვერ იყიდა, ვერაფერსაც ვერ წაიღებს, რადგან ეგრე არ არის, მსოფლიოში ასე არ ხდება. მაინტერესებს, ვინ გადაწყვიტა, რომ მთელ მსოფლიოს ეკონომიკური ომი გამოუცხადოს, რომელიც, პრაქტიკულად, წინაპირობაა ბირთვული ომის, რადგან ცხელი ომი მიდის, ამას ეკონომიკური ომი დაემატა და რაღა დარჩა, ერთი ნაბიჯია, დაარტყამს ხვალ ირანს, ირანის ობიექტებს და პასუხს მიიღებს უეჭველი. ირანი არის აგერ, ყურის ძირში, ჩვენგან ერთი ხელის გაწვდომაზე“, – განაცხადა გოგა ხაინდრავამ.ამასთან, პრესკონფერენციაზე ხაინდრავა გამოეხმაურა  „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ დროებით საგამოძიებო კომისიას“, რომელიც პარლამენტში შეიქმნა.ხაინდრავას თქმით, „ის, რაც ქართულ ციხეებში იკადრეს სააკაშვილმა, ბოკერიამ, მერაბიშვილმა, ადეიშვილმა და ოქრუაშვილმა, არც ნაცისტებს უკადრიათ და არც ბოლშევიკებს“.„ოცი წელიწადი ველოდებოდი ამ ნიურნბერგის პროცესს, რომელიც დაიწყო ახლა. გერმანიამ გადარჩენა შეძლო მხოლოდ იმიტომ, რომ შედგა ნიურნბერგის პროცესი, შემდეგ მთელ გერმანიაში დადიოდნენ, ყველა სოფელსა და ქალაქში აჩვენებდნენ გერმანელ მოსახლეობას, ოსვენციმში რა ხდებოდა. ეს ცნობილი ფაქტია. დადიოდნენ და აჩვენებდნენ ფილმებს, როგორ წვავდნენ ღუმელში ცოცხალ ადამიანებს, მხოლოდ ამის შედეგად შეძლო გერმანიამ იმის გადატანა, რისი მონაწილეც იყვნენ, ნაციზმის. იგივე, ჩვენთან იყო ნაციზმი. ის, რაც ქართულ ციხეებში გაბედეს და იკადრეს სააკაშვილმა, ბოკერიამ, მერაბიშვილმა, ადეიშვილმა და ოქრუაშვილმა, როდესაც ქართველ კაცებს აუპატიურებდნენ, არც ნაცისტებს უკადრიათ და არც ბოლშევიკებს. ამასთან გვაქვს საქმე და ქართული საზოგადოება მალე უნდა მიხვდეს, რომ ეს აილაგმოს, რუსთაველიდან ავი სულები აილაგმონ, ისევე როგორც უნდა აილაგმოს ეს პოლიტიკური ბანდა, რომელიც ცდილობს, ოპოზიციის მანტია მოირგოს, და მათი მხარდამჭერები ევროპასა და ამერიკაში. ჩეხეთის ელჩი გამოდის და შეურაცხყოფას გვაყენებს, გვეუბნება, დემოკრატიის შუქურა იყო საქართველოო. სადიზმის, წამების, არაადამიანობის შუქურა იყო საქართველოში, „მაკკეინებმა“ და „თორნტონებმა“ შეარქვეს სააკაშვილის რეჟიმს „დემოკრატიის შუქურა“. როგორი შუქურა იყო, ყოველდღე გვაქვს შესაძლებლობა, ვუყუროთ, ვისაც თვალი, ყური აქვს და სინდისის, ქართველობის, ღირსების, წარმომავლობის ნასახი აქვს. რასაც ჩვენ ვუყურებთ საგამოძიებო კომისიაზე, რასაც გუშინ ვუყურებდით, იმ გაუბედურებული კაცის ცხოვრებას, რა უქნეს ერთს, მეორეს, მესამეს, მეათეს, მეასეს, ლეგიონია მაგათი სახელი. ეს მხოლოდ ზედაპირია, რასაც ვხედავთ. 300 ათასი პრობაციონერი ჰყავდა ამ „დემოკრატიის შუქურას“, საქართველოს მოსახლეობის ათმა პროცენტმა ციხე გამოიარა“, – განაცხადა გოგა ხაინდრავამ.როგორც გოგა ხაინდრავამ „ჟურნალისტთა ფედერაციის“ პრესკლუბში გამართულ პრესკონფერენციაზე აღნიშნა, „ამ გამძვინვარებულ მსოფლიოში საქართველომ შეძლო ისეთი ხელისუფლების შექმნა, რომელიც მის ინტერესებს ემსახურება“.„რა დღეში ჩააგდო ფსევდოლიბერალიზმა და ფსევდო შიგევროპელობამ ეს ადამიანები. რას უშვრებიან ჩვენს შვილებს. ეს უნდა დამთავრდეს. ავი სულები თბილისის ქუჩებს უნდა მოვაშოროთ, მათი ხელით ხდება ამ ქვეყნის დანგრევის მცდელობა. არც ამ ბოროტ დედაბერს, პრეზიდენტს რომ ეძახის თავის თავს, არც მამუკა ხაზარაძეს, არც ლიაკა ხოშტარიას, არც თინა ბოკუჩავას არანაირი სხვა დავალება არ აქვთ, ესენი არიან უცხო ინტერესების განმხორციელებლები საქართველოში, იმ დავალებების, რასაც „დიფ სთეითი“ აძლევს. არ გამოვა ეგ ამბავი. მაგას ვერ გვპატიობენ ზუსტად. ვერ გვპატიობენ ღირსებას, ვერ გვპატიობენ დამოუკიდებლობას, ვერ გვპატიობენ იმას, რომ ამ ქვეყანამ და საზოგადოებამ გადალახა თავისი თავი. საბჭოთა კავშირის დანგრევის შემდეგ 30 წელი უდაბნოში ვიარეთ და გავედით სამშვიდობოს. ეს არის სუვერენული ქვეყანა, რომელიც საკუთარი ინტერესებით ცხოვრობს. ეს არის საზოგადოება, რომელიც იმდენად მომწიფდა, რომ საკუთარი ინტერესების გატარება შეძლო მსოფლიოში. ამ გამძვინვარებულ მსოფლიოში საქართველომ შეძლო ისეთი ხელისუფლების გაჩენა თუ შექმნა, რომელიც მის ინტერესებს ემსახურება. ქართული სახელმწიფო ისეთი დამოუკიდებელი, სუვერენული, როგორიც დღეს არის, საუკუნეების მანძილზე არ ყოფილა და არაფრის ფასად ამას არ დავთმობთ“, – განაცხადა გოგა ხაინდრავამ.

დღევანდელი რეპრესიული რეჟიმი ოპონენტებზე ანგარიშსწორებისთვის პროკურატურას, სასამართლოს იყენებს, – ამის შესახებ „ძლიერი საქართველოს“ ერთ-ერთმა ლიდერმა, ბადრი ჯაფარიძემ პროკურატურიდან გამოსვლის დროს ჟურნალისტებს განუცხადა.მისი თქმით, ვინმეს თუ რაიმე პრეტენზია აქვს, ეს თეა წულუკიანის შეთხზულია და ამისთვის სასამართლო არსებობს.„ბრალის წარდგენა ეხება ე.წ. საგამოძიებო კომისიაზე ჩემს არმისვლას. არ ვიცი, რა იქნება პროკურატურის შემდეგი ნაბიჯები, დაველოდოთ. ცხადია, დღევანდელი რეპრესიული რეჟიმი ოპონენტების მიმართ ანგარიშსწორებისთვის პროკურატურას, სასამართლოს იყენებს. თუ რაიმე პრეტენზია აქვს ვინმეს, წულუკიანის შეთხზულია, არსებობს სასამართლო“, – განაცხადა ბადრი ჯაფარიძემ.მისი შეფასებით, პარლამენტში შექმნილი საგამოძიებო კომისია 30-იანი წლების მსგავსი ე.წ. ტროიკის ტიპის ჯგუფია.„ცილისწამებით ვინც დაკავდება, ყველა იქნება პასუხსაგები, მაგრამ ჩვენ არავისგან, ამ 18 წლის განმავლობაში, არ მიგვიღია არც სასამართლოს განაცხადი, არც სარჩელი, რადგან საფუძველი არ არსებობს. 30-იანი წლების ე.წ. ტროიკის ტიპის ჯგუფია. ამ საგამოძიებო კომისიამ გააცოცხლა ის კომიტეტები, ის „ტროიკები“, რომლებიც 30-იან წლებში მოქმედებდნენ“, – განაცხადა ბადრი ჯაფარიძემ.