დონალდ ტრამპმა და პიტ ჰეგსეტმა ირანის გოგონათა სკოლის დაბომბვაში ირანი დაადანაშაულეს. ამის შესახებ გამოცემა ,,ჰილი” წერს. „იმის საფუძველზე, რაც მე ვნახე, ეს ირანმა გააკეთა. ჩვენ ვფიქრობთ, რომ სკოლა ირანმა დაბომბა. დარტყმა ძალიან არაზუსტი იყო, როგორც იცით. მათ არანაირი სიზუსტე არ აქვთ. ეს ირანმა განახორციელა“, – განაცხადა აშშ-ის პრეზიდენტმა Air Force One-ის ბორტზე ჟურნალისტებთან საუბრისას. ამასთან, აშშ-ის თავდაცვის მდივანმა, პიტ ჰეგსეტმა განაცხადა, რომ აღნიშნულთან დაკავშირებით მიმდინარეობს გამოძიება. „ერთადერთი მხარე, რომელიც მშვიდობიან მოსახლეობას ესხმის თავს, ირანია“, – განაცხადა ჰეგსეტმა. მანამდე, თეთრი სახლის პრესსპიკერს, ქეროლაინ ლევიტს ჟურნალისტებმა აღნიშნულთან დაკავშირებით ჰკითხეს, კერძოდ, განახორციელა თუ არა სკოლაზე დარტყმა აშშ-მა, რაზეც ლევიტმა უპასუხა,რომ მისთვის უცნობია. ცნობისთვის, ირანის ქალაქ მინაბში, გოგონათა სკოლის დაბომბვის შედეგად 165-ზე მეტი ადამიანი დაიღუპა. დაღუპულთა უმეტესობა ბავშვები იყვნენ.

,,დონალდ ტრამპის მიერ განმეორებული გროტესკული ბრალდებები, თითქოს ირანელები „ბავშვებს თავს კვეთენ“ ან „ქალებს შუაზე ჭრიან“, პოლიტიკა არ არის — ეს არის შიშზე აგებული წაქეზება და დეჰუმანიზაცია. ირანის ხალხი არის ღირსების, კულტურისა და ჰუმანიზმის მქონე ცივილიზაციის მემკვიდრე. ისინი, ვინც ასეთი ბრალდებებს ბავშვებზე ასე მარტივად ავრცელებენ, პირველ რიგში უნდა დაფიქრდნენ ჯეფრი ეპსტაინის გარშემო დარჩენილ უპასუხო კითხვებზე და იმაზე, რაც მსოფლიომ გაიგო Little Saint James-ის შესახებ. ცილისწამება ვერ ჩაანაცვლებს სიმართლეს და პროპაგანდა ვერ წაშლის ერის ღირსებას-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი სოციალურ ქსელ  facebook- ზე წერს

Eagle hills-ის ინვესტიციაზე იყო დიდი კამპანია, ე.წ. არაბიზაციასთან დაკავშირებით, რაც ჩავარდა, ასევე, საზოგადოება დარწმუნდა იმასთან დაკავშირებით, რომ ეს ინვესტიცია არის აბსოლუტურად რეალური და ის წაადგება ჩვენი ქვეყნის ეკონომიკურ განვითარებას, – ამის შესახებ საქართველოს პრემიერ-მინისტრმა, ირაკლი კობახიძემ ტელეკომპანია „იმედის“ ეთერში გამართული დებატების შეფასებისას განაცხადა.პრემიერის თქმით, იყო დისკუსიის შესაძლებლობა და საზოგადოებამ ბევრად მეტი ინფორმაცია მიიღო Eagle hills-ის ინვესტიციისა და მიგრაციის თემასთან დაკავშირებით.„ასეთ პირობებში, როდესაც უარს ამბობენ ადამიანები დებატებზე, ჩანს, რომ მათ აქვთ დისკუსიის შიში და ეს მკაფიოდ გამოჩნდა. მიგრაციის და Eagle hills-ის პროექტის თემა ძალიან აქტუალურია და ამ საკითხზე საზოგადოება ინფორმაციას მონოლოგის რეჟიმში იღებდა. როცა მონოლოგის რეჟიმში გესაუბრებიან, ბუნებრივია, სრულფასოვან ინფორმაციას ვერ იღებ. დღეს იყო დისკუსიის შესაძლებლობა და ალბათ საზოგადოებამ ბევრად მეტი ინფორმაცია მიიღო ორივე თემასთან დაკავშირებით. კარგია, რომ არსებითად კონსტრუქციულ რეჟიმში წარიმართა ეს დისკუსია და დარწმუნებული ვარ, ასეთ რეჟიმში გაგრძელდება დებატები ტელეკომპანია „იმედში“.რაც შეეხება მიგრაციას, დემოგრაფიას, ეს არის ერთ-ერთი რთული, მტკივნეული საკითხი. ჩვენ მაქსიმალურად ვზრუნავთ ამ მიმართულებით ვითარების გაუმჯობესებაზე და ამ კუთხით ინივიატივებიც გავაჟღერეთ. რაც შეეხება Eagle hills-ის ინვესტიციას, იყო ძალიან დიდი კამპანია ე.წ. არაბიზაციასთან დაკავშირებით, რაც ჩავარდა, როდესაც 8 ბინა იყიდება 257 ბინიდან არაბ მოქალაქეებზე, ჩანს, რომ თითიდან გამოწოვილი იყო ეს კამპანია. ასევე ჩვენ გვქონდა ფინანსურ მხარეზე საუბრის შესაძლებლობა და ალბათ საზოგადოება დარწმუნდა იმასთან დაკავშირებით, რომ ეს ინვესტიცია არის აბსოლუტურად რეალური და ის წაადგება ჩვენი ქვეყნის ეკონომიკურ განვითარებას”, – განაცხადა პრემიერმა.

ტყიბულის მუნიციპალიტეტის მერმა, დავით კუბლაშვილმა  და საკრებულოს თავმჯდომარემ, იზოლდა ნემსაძე ა.(ა.)ი.პ.  კომუნალური გაერთიანების დასუფთავებისა და გამწვანების სამსახურების ქალ თანამშრომლებს 8 მარტი  ყვავილებითა  და სასაჩუქრე ბარათებით ქალაქის ქუჩებში მიულოცეს.დავით კუბლაშვილმა, ქალბატონებს,  რომლებიც ყოველდღიურ რეჟიმში,  კლიმატური პირობების მიუხედავად მუნიციპალიტეტის სისუფთავესა და იერ-სახის შენარჩუნებას ემსახურებიან, მადლობა გადაუხადა.დასუფთავებისა და გამწვანების სამსახურების თანამშრომლებს ქალთა საერთაშორისო დღე, ასევე მიულოცეს მერის მოადგილემ, მურმან ვერულაშვილმა, კომუნალური გაერთიანების ხელმძღვანელმა, ავთანდილ ჭანტურიძემ და ადგილობრივი თვითმმართველობის სხვა წარმომადგენლებმა.

საქართველოს მორაგბეთა ეროვნული ნაკრები დღეს რუმინეთის ნაკრებს დაუპირისპირდება.რაგბი ევროპის ნახევარფინალური მატჩი ავჭალის სტადიონზე 15:00 საათზე დაიწყება. მატჩის ყველა ბილეთი გაყიდულია.პირდაპირი რეპორტაჟი ტელეკომპანია „იმედის“ ეთერში გადაიცემა.