2023 წლის ბიუჯეტის პროექტს დღეს საფინანსო-საბიუჯეტო კომიტეტის შემაჯამებელ სხდომაზე განიხილავენ
Read Time:26 Second
ქვეყნის მომავალი წლის მთავარ ფინანსურ დოკუმენტს დღეს საკანონმდებლო ორგანოში, საფინანსო-საბიუჯეტო კომიტეტის შემაჯამებელ სხდომაზე განიხილავენ. პარლამენტი 2023 წლის ბიუჯეტის პროექტს მთავრობას შენიშვნებით უკან დაუბრუნებს და პროცესი ამის შემდეგ გაგრძელდება.
მომდევნო წლის ბიუჯეტი 21 302 000 000 ლარით განისაზღვრება. მმართველ გუნდში განმარტავენ, რომ მსოფლიოში მიმდინარე გამოწვევების ფონზე ორნიშნა ეკონომიკური ზრდა, რამაც ბიუჯეტის მატება შესაძლებელი გახდა ხელისუფლების სწორი პოლიტიკის შედეგია.
დოკუმენტის მიხედვით, 2023 წლიდან იზრდება პენსიები, პედაგოგების, პოლიციელების, ჯარისკაცებისა და უსაფრთხოების სამსახურის ხელფასები. ასევე იზრდება განათლების, ჯანდაცვისა და სოციალური პროგრამების დაფინანსებაც. ამასთან, გათვალისწინებულია სამინისტროების, პარლამენტისა და მასთან არსებული ორგანიზაციების დაფინანსებაც.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
