19 თებერვალს პარლამენტში თეა წულუკიანს მოუსმენენ

პარტია „ხალხის ძალის” წევრი, დეპუტატი ზურაბ ქადაგიძე სოციალურ ქსელში ეხმაურება პრემიერ-მინისტრის განცხადებასა და მასზე ოპოზიციის გამოხმაურებას. ქადაგიძე წერს, რომ “ნაციონალურმა მოძრაობამ” დაიწყო “სიტყვებით ჟონგლიორობა” და გამოთქვა პრეტენზია იმაზე, რომ პრემიერმა 2008 წლის ომი არ ახსენა. დეპუტატი ხაზს უსვამს, რომ ირაკლი კობახიძეს არ გაუხსენებიაოკუპაციის ისტორია და საუბარი იყო იმაზე, რომ 2008 წლის შემდეგ საქართველოში არავის დაუწყია ეთნიკური ნიშნით რუსების წინააღმდეგ კამპანია- ეს ნარატივი უკრაინის ომის შემდეგ გაჩნდა:„2008 წლის შემდეგ საქართველოში არავის დაუწყია ეთნიკური ნიშნით რუსების წინააღმდეგ კამპანია, ხოლო უკრაინაში ომის შემდეგ სწორედ ამ ნარატივის თავსმოხვევა დაიწყეს. ეს არის აგენტოკრატიის ხელწერა-საკუთარი აზრი არ გააჩნიათ, დაკვეთას ასრულებენ” - წერს ქადაგიძე.დეპუტატი ხაზს უსვამს იმასაც, რომ მსგავსი ნარატივის გავრცელება არის ბრიუსელის დავალება, რომელსაც „უსამშობლოები” ავრცელებენ.,,დილიდან ვაკვირდები გამოხმაურებას პრემიერის განცხადებაზე და კიდევ ერთხელ ვრწმუნდები, რომ კოლექტიური “ნაც.მოძრაობის” ქართული პოლიტიკიდან განდევნა სახელმწიფოებრივი აუცილებლობაა.შინაარსში რომ ვერ შეედავნენ პრემიერს, სიტყვებით ჟონგლიორობა დაიწყეს - „2008 წელი რატომ ახსენა, მანამდე არ იყო ოკუპირებულიო?“პრემიერს ოკუპაციის ისტორიაზე არ უსაუბრია. საუბარი იყო იმაზე, რომ 2008 წლის შემდეგ საქართველოში არავის დაუწყია ეთნიკური ნიშნით რუსების წინააღმდეგ კამპანია, ხოლო უკრაინაში ომის შემდეგ სწორედ ამ ნარატივის თავსმოხვევა დაიწყეს. როცა არგუმენტი არ გაქვს, ციტატებს აყალბებ. როცა სიმართლე არ გაწყობს, შინაარსს ამახინჯებ.შეხედეთ რადიკალებს, დაწყებული ორთოდოქსი ნაცებიდან, დამთავრებული ლიბერალი „ენჯეოშნიკებით", ყველა ერთი "თარგით" ავრცელებს "ნარატივს" - რატომ არ ახსენა 2008 წლამდელი ოკუპაციაო...ეს არის აგენტოკრატიის ხელწერა-საკუთარი აზრი არ გააჩნიათ, დაკვეთას ასრულებენ. 2008 წელს ბრიუსელს არ აწყობდა "რუსოფობია", ხოლო 2022 წლიდან დასჭირდათ და დავალებაც მისცეს ქართველ უსამშობლოებს,” - წერს ზურაბ ქადაგიძე.

იქმნება რეფორმატორთა საბჭო ჩემი და ნანუკა ჟორჟოლიანის მონაწილეობით, ის მოამზადებს რეფორმათა პაკეტს და ექვს თვეში დავამტკიცებთ, რაც არ უნდა რთული სიტუაცია იყოს და მით უმეტეს ახლა, როცა ჩვენ აღმავლობის გზაზე ვართ, უნდა გვახსოვდეს, ჩვენ ვართ დაბადებული გამარჯვებისთვის, – ამის შესახებ საქართველოს ყოფილმა პრეზიდენტმა, მიხეილ სააკაშვილმა „ნაციონალური მოძრაობის“ ყრილობაზე ვიდეომიმართვისას განაცხადა.მისი თქმით, „ნაციონალები“ არიან ის მებრძოლები, რომლებიც ივლიან იმდენს, რამდენსაც შეძლებენ და რამდენიც საჭიროა.„მივესალმები „ერთიანი ნაციონალური მოძრაობის“ ყრილობას, მოგესალმებით, ჩემო უშიშარო თანამებრძოლებო, დიდი მადლობა თქვენ, მადლობა მოძრაობის წინა ლიდერშიფს, დიდი მადლობა ჩვენს პოლიტპატიმრებს, ლევან ხაბეიშვილს, ირაკლი ნადირაძეს, მურთაზ ზოდელავას, პაატა ბურჭულაძეს და მანჯგალაძეს, ჩვენს ახალგაზრდებს თავდადებისთვის, დიდი მადლობა ჩვენს ასი ათასობით მომხრეს. ჩვენ სინამდვილეში ვართ ძალიან ბევრი და ისევ უნდა აღმოვაჩინოთ ერთმანეთი, ისევ ჩავკიდოთ ხელი და ისევ ვიპოვეთ საკუთარ თავში ძალა, რომ ვიაროთ წინ. „ნაციონალები“ ვართ ის მებრძოლები, რომლებიც ივლიან იმდენს, რამდენსაც შეძლებენ და შემდეგ უკვე იმდენს, რამდენიც საჭიროა. ჩვენ წინ გველოდება დიდი ცვლილებები. იქმნება რეფორმატორთა საბჭო ჩემი და ნანუკა ჟორჟოლიანის მონაწილეობით, ის მოამზადებს რეფორმათა პაკეტს და ექვს თვეში ჩვენ მას დავამტკიცებთ. რაც არ უნდა რთული სიტუაცია იყოს და მით უმეტეს ახლა, როცა ჩვენ აღმავლობის გზაზე ვართ, უნდა გვახსოვდეს, ჩვენ ვართ დაბადებული გამარჯვებისთვის“, – განაცხადა სააკაშვილმა.

საქართველოს საზღვართან მიწისძვრა მოხდა.ბიძგების სიმძლავრე 3.6 მაგნიტუდა იყო.ინფორმაციას დედამიწის შემსწავლელ მეცნიერებათა ინსტიტუტი-სეისმური მონიტორინგის ცენტრი ავრცელებს.„დღეს თბილისის დროით 15:46-ზე რუსეთ-საქართველოს სასაზღვრო ზოლში მოხდა 3.6(Ml) მაგნიტუდის მიწისძვრა...“, - წერია გავრცელებულ ინფორმაციაში.

„ერთიანი ნაციონალური მოძრაობა“ XIII ყრილობას მართავს.პარტიის ინფორმაციით, დღეიდან “ნაციონალური მოძრაობა” ჰორიზონტალურ მმართველობაზე გადადის. კერძოდ, დღევანდელ ყრილობაზე პარტიის დროებით მმართველ საბჭოს აირჩევენ, ხოლო პარტიის თავმჯდომარის არჩევნები, პირდაპირი გზით, 6 თვის შემდეგ ჩატარდება. ასევე, „ნაციონალურ მოძრაობაში“ მეორე სიახლეც იქნება ისიც, რომ პარტიის წევრები საწევროს გადაიხდიან და პარტიას შემოწირულობის სახით დაეხმარებიან.ამასთან, მუშაობას დაიწყებს „ნაციონალური მოძრაობის“ რეფორმების საბჭო, რომლის თავმჯდომარე იქნება მიხეილ სააკაშვილი, ხოლო აღმასრულებელი მდივანი - ნანუკა ჟორჟოლიანი.აღსანიშნავია, რომ მანამდე, „ნაციონალურმა მოძრაობამ“ პოლიტიკური საბჭოს სხდომა გამართა, რომელსაც პარტიის თავმჯდომარის მოვალეობის შემსრულებელი, თინათინ ბოკუჩავა არ ესწრებოდა, თუმცა ბოკუჩავა დღეს, ყრილობაზე მივიდა.

„ნაციონალური მოძრაობის“ თავმჯდომარის მოვალეობის შემსრულებლის, თინა ბოკუჩავას განცხადებით, „ერთიანი ნაციონალური მოძრაობიდან“ წასვლას არ აპირებს და პარტიის პოლიტიკურ საბჭოს შემადგენლობაში რიგით წევრად დარჩება. ამის შესახებ ბოკუჩავამ „ნაციონალური მოძრაობის“ ყრილობის დაწყებამდე ჟურნალისტებს განუცხადა.„ერთიანი ნაციონალური მოძრაობის“ ყრილობაზე სამი მიზეზით მოვედი. პირველი – მადლობა ვუთხრა მხარდამჭერებს, იმ ადამიანებს, ვინც დღეს არიან დელეგატები ყრილობაზე, იმ ნდობისთვის, რომელიც მომანიჭეს ორი წლის წინ, რათა მემსახურა პარტიისთვის, როგორც პარტიის თავმჯდომარეს, ჩემთვის ყველაზე მნიშვნელოვანი დღეს სწორედ ეს იყო. მეორე მიზეზი იყო ის, რომ ჩემთვის მთავარია ბრძოლა და არანაირ თანამდებობას არასდროს ჰქონია მნიშვნელობა. მთავარია ბრძოლა, სიმართლე, ღირსება და ის გამარჯვება, რომელიც ყველამ ერთად უნდა მოვიპოვოთ.მესამე მიზეზი, რის გამოც დღეს აქ მოვედი – მინდა, წარმატება ვუსურვო ყველა იმ ადამიანს, ვინც დღევანდელ ყრილობაზე აიღებს პასუხისმგებლობას, რომ მართოს „ერთიანი ნაციონალური მოძრაობა“. დღესაც მივიღე შემოთავაზება გარკვეულ თანამდებობებთან დაკავშირებით, მაგრამ მიმაჩნია, რომ ჩემი მხრიდან ახლა ყველაზე სწორი იქნება, ბრძოლა გავაგრძელო ჩემი ქვეყნის უკეთესი მომავლისთვის როგორც „ნაციონალური მოძრაობის“ პოლიტსაბჭოს რიგითმა წევრმა. ჩემი თხოვნაც იყო, რომ ჩემი კანდიდატურის დასახელებაც არ მომხდარიყო, რათა არ შექმნილიყო უხერხულობა ამ საკითხთან დაკავშირებით. როგორც არაერთხელ განიმარტა, ეს არის დროებითი ორგანო, დროებითი სტრუქტურა, რომელიც იქმნება, რამდენადაც მე მესმის, ექვსი თვით, შესაბამისად, მე ჩემს თავს არ ვხედავ დროებითი მართვის სტრუქტურაში.განვმარტავ კრიტიკოსებისთვისაც, გულშემატკივრებისთვისაც, მაგრამ, პირველ ყოვლისა, „ერთიანი ნაციონალური მოძრაობის“ წევრებისთვის, ვისთან ერთადაც 2012 წლიდან მთელი ჩემი არსითა და შეგნებით ვიბრძვი ამ ქვეყნის უკეთესი მომავლისთვის, რომ „ერთიანი ნაციონალური მოძრაობიდან“ არსად წასვლას არ ვაპირებ. ვრჩები იმ ორგანოს წევრად, რომელიც მიმაჩნია, რომ მთავარი პოლიტიკური ორგანოა ამ პარტიაში, ზოგადად დემოკრატიულ პარტიებში, რადგან ეს არის ყველაზე წარმომადგენლობითი ორგანო“, – განაცხადა თინა ბოკუჩავამ.