12-პუნქტიანი გეგმის ფარგლებში, ანრი ოხანაშვილი და მიხეილ სარჯველაძე სპეციალური საგამოძიებო და პერსონალურ მონაცემთა დაცვის სამსახურების ხელმძღვანელებს ხვდებიან
Read Time:37 Second
პარლამენტი ევროპული რეკომენდაციების შესრულებას აგრძელებს – ამ წუთებში, ანრი ოხანაშვილი და მიხეილ სარჯველაძე სპეციალური საგამოძიებო სამსახურის უფროსთან და პერსონალურ მონაცემთა დაცვის სამსახურის ხელმძღვანელთან მართავენ შეხვედრას. შეხვედრაზე 12-პუნქტიანი გეგმა განიხილება. ეს პირველი საორგანიზაციო შეხვედრაა.
„12-პუნქტიან გეგმაში სპეციალური საგამოძიებო და პერსონალურ მონაცემთა დაცვის სამსახურების მიმართულებით, შესაბამისი წინადადებების შემუშავებაზეა საუბარი, რომელიც ორიენტირებული უნდა იყოს ამ სამსახურების შემდგომ ინსტიტუციურ განვითარებაზე. ამ მიზნით, დღეს, ბატონ მიხეილ სარჯველაძესთან ერთად, ორივე სამსახურის ხელმძღვანელთან ვიკრიბებით. პირველი საორგანიზაციო შეხვედრის ფარგლებში, მათ ვთხოვთ თავიანთ ხედვას, თუ როგორია ის ამ წინადადებებთან დაკავშირებით – როგორ წარმოუდგენიათ თავიანთი სამსახურების შემდგომი ინსტიტუციური განვითარება, რა წინადადებებზე შეიძლება ფიქრი. ეს პირველი საორგანიზაციო შეხვედრა იქნება. ამის შემდეგ, უკვე გაფართოებულ ფორმატში, იმ შემოთავაზებებზე ვიმსჯელებთ, რომლებიც ამ სამსახურის ხელმძღვანელებს ექნებათ, რომლებიც, ასევე, ჩვენც გვექნება და შესაძლებელია, ოპოზიციის წარმომადგენლებს ჰქონდეთ“, – აცხადებს ანრი ოხანაშვილი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
