ჯო ბაიდენმა უკრაინის თავდაცვის სფეროსთვის დამატებით 800-მილიონიანი დახმარების შესახებ ბრძანებას ხელი მოაწერა
აშშ-ის პრეზიდენტმა, ჯო ბაიდენმა უკრაინის თავდაცვის სფეროსთვის დამატებით 800-მილიონიანი დახმარების შესახებ ბრძანებას ხელი მოაწერა.
სიტყვით გამოსვლისას, ბაიდენმა აღნიშნა, რომ შეერთებული შტატები უკრაინის გვერდით იდგება, „ვიდრე ავტოკრატ ლიდერს ომის მადა არ დაეკარგება“.
„ჩვენ უკრაინას დახმარება ჯერ კიდევ გასულ წელს აღმოვუჩინეთ. მადლობა კონგრესს იმისთვის, რომ მათ დაამტკიცეს ამ გაბედული და მამაცი ხალხისთვის დახმარების პაკეტი. ახალი დახმარება თავდაცვის სფეროში ითვალისწინებს სტრინგერის 600 რაკეტას, 9 000 ერთეულ ტანკსაწინააღმდეგო კომპლექსს, ჯაველინს, უპილოტო საფრენი აპარატების თვალთვალის რადარებს, რაც უკრაინის საჰაერო თავდაცვას გააძლიერებს. უკრაინის მამაც კაცებსა და ქალებს ასევე გავუგზავნით ყუმბარმტყორცნებს, 7 ათას სასროლ იარაღს, 40 მილიონ ტყვიას, 200 ერთეულ ტყვიამფრქვევს, ვერტმფრენებს, საპატრულო ნავებს, სატელიტური გამოსახულებასთან, ჯავშანჟილეტებთან, ჩაფხუტებთან და სხვა ტაქტიკურ აღჭურვილობასთან ერთად“, – განაცხადა ბაიდენმა.
პრეზიდენტმა აღნიშნა, რომ უკრაინა ამერიკისგან Switchblade 300 და Switchblade 600 ტიპის დრონებს მიიღებს. ეს სამხედრო ტექნიკა ქვეითი ჯარისა და მტრის სამხედრო ჯავშანტექნიკის გასანადგურებლად გამოიყენება.
ბაიდენმა ხაზი გაუსვა იმ ფაქტს, რომ ნატო-ს წევრ სახელმწიფოებთან ერთად ვაშინგტონი რუსეთის ეკონომიკას ანადგურებს და იზოლაციაში აქცევს. მისი თქმით, პუტინი უკრაინის ომში იდეოლოგიურად დამარცხებულია, რადგან თავისუფლების მოყვარული ხალხი ვერ გატეხა.
„არ დაგიმალავთ, ომი შეიძლება გაგრძელდეს, მაგრამ უკრაინის გვერდით იმდენ ხანს ვიდგებით, ვიდრე პუტინის ზღვარგადასულ აგრესიას არ დავასრულებთ. ამერიკელები რასაც ვამბობთ, ვასრულებთ კიდეც. ჩვენ ვხედავთ, რომ პუტინი წარმოუდგენელ აგრესიას ახორციელებს, მისი ბრძანებით იბომბება ქალაქები, საავადმყოფოები, სახლები და მშვიდობიანი მოსახლეობა. შევიტყვეთ, რომ რუსებმა მძევლად აიყვანეს სამედიცინო პერსონალი მარიუპოლში. პუტინს ეს ძალიან ძვირი დაუჯდება,“ – განაცხადა აშშ-ის პრეზიდენტმა.
About Post Author
ქეთევან ნინუა
Comments
ვოლოდიმირ ზელენსკიმ ხელი მოაწერა კანონს, რომელიც უკრაინის ჯარში პატიმართა გარკვეული კატეგორიის მობილიზებას ითვალისწინებს
უკრაინის პრეზიდენტმა, ვოლოდიმირ ზელენსკიმ ხელი მოაწერა კანონს, რომელიც უკრაინის შეიარაღებული ძალების რიგებში პატიმართა გარკვეული კატეგორიის მობილიზებას ითვალისწინებს. კანონი უკრაინის უმაღლესმა რადამ...
24 წელი ცოლის სასტიკი მკვლელობისთვის! – სასამართლო პროცესი, რომელსაც მთელი მსოფლიო ელოდა, დასრულდა
ყაზახეთის ყოფილი ეკონომიკის მინისტრის ბიშიმბაევის სასამართლო პროცესი დასრულდა. 44 წლის კაცი მეუღლის, 31 წლის სალტანატ ნუკენოვას განსაკუთრებული სისასტიკით ჩადენილ მკვლელობაში...
ცნობილი ტიკტოკ ვარსკვლავი მოკლეს
ბაღდადში ერაყელი TikTok-ვარსკვლავი ომ ფაჰადი მოკლეს. ამის შესახებ ადგილობრივ მედიაზე დაყრდნობით BBC იტყობინება. ერაყის შსს-ს ინფორმაციით, „სოციალურ მედიაში ცნობილი ადამიანი...
ლეკვი სასეირნოდ წაიყვანა და გაუჩინარდა… – 4 წლის წინ გაუჩინარებული ბიჭის ცხედარი სხვენში იპოვეს
2020 წლის აგვისტოდან დაკარგული ბიჭი იპოვეს იმ ბინის სხვენში, სადაც ის ბოლოს ნახეს. ამის შესახებ უცხოური მედია წერს. ორშაბათს ბუფალოს პოლიციის...
6.5 მაგნიტუდის სიძლიერის მიწისძვრა მოხდა
ახალი გვინეაში ძლიერი მიწისძვრა მოხდა. ბიძგების სიმძლავრემ 6.5 მაგნიტუდა შეადგინა. ინფორმაციას, ამერიკის შეერთებული შტატების გეოლოგიური სამსახური ავრცელებს.
G7-ის ლიდერები განცხადებას ავრცელებენ
დიდი შვიდეულის ლიდერები ირანის მიერ ისრაელზე განხორციელებულ თავდასხმასთან დაკავშირებით განცხადებას ავრცელებენ. "ისრაელისა და მისი ხალხის მიმართ სრულ მხარდაჭერას გამოვხატავთ. კიდევ...