ხატია დეკანოიძე – სისხლის სამართლის საერთაშორისო სასამართლოს მიერ პუტინის დაკავების ორდერის გაცემა ნიშნავს, რომ ის უკვე გარიყული და იზოლირებულია, როგორც დამნაშავე და გენოციდის მომწყობი

Read Time:52 Second

„ნაციონალური მოძრაობის“ წევრის, ხატია დეკანოიძის განცხადებით, სისხლის სამართლის საერთაშორისო სასამართლოს მიერ ვლადიმერ პუტინის დაკავების ორდერის გაცემა ნიშნავს, რომ ის უკვე გარიყული და იზოლირებულია, როგორც დამნაშავე და გენოციდის მომწყობი.

დეკანოიძის თქმით, ნებისმიერი რუსული გავლენა ნებისმიერ სახელმწიფოში არის არალეგიტიმური და საერთაშორისო სამართლის მიერ დამტკიცებული, როგორც დანაშაულის ფაქტი.

„ჰააგის სასამართლოს გადაწყვეტილება პუტინის წინააღმდეგ ისტორიული გადაწყვეტილებაა. ერთი მხრივ, დამტკიცდა, რომ პუტინი ომის დამნაშავეა. მეორე მხრივ, ძალიან მნიშვნელოვანია იმის ხაზგასმა, რომ საერთაშორისო სამართალი მუშაობს. პუტინის დაკავების ორდერის გაცემა ნიშნავს, რომ ის უკვე გარიყული და იზოლირებულია, როგორც დამნაშავე და გენოციდის მომწყობი, მათ შორის, უკრაინელი ბავშვებისთვის. ეს ასევე ნიშნავს, რომ ახალი ლეგიტიმაცია და ახალი სამართლებრივი შეფასება ეძლევა, მათ შორის, ყველა იმ მიმართულებას, რომელიც რუსეთმა უკრაინაში, და არა მხოლოდ უკრაინაში, ჩაიდინა. ეს არის ტერორისტული აქტები, გენოციდი და სხვა. მე, ასევე, საინტერესოდ მეჩვენება ჩინეთის მიმართ, როგორც შემაკავებელ და გამაფრთხილებელ გზავნილად,  დასავლეთის მიერ. რაც მთავარია, უკრაინის გამარჯვებას წინ ვეღარაფერი დაუდგება, რადგან იარაღის მიწოდებასთან და შეფერხებასთან დაკავშირებული ყველა ნიუანსი აღმოიფხვრა. ნებისმიერი რუსული გავლენა ნებისმიერ სახელმწიფოში, მათ შორის, მინდა, ვუთხრა „ქართულ ოცნებასაც“, არის არალეგიტიმური და საერთაშორისო სამართლის მიერ დამტკიცებული, როგორც დანაშაულის ფაქტი“, – განაცხადა დეკანოიძემ.

About Post Author

ქეთევან ნინუა

საინფორმაციო სააგენტო tiflisnews.ge ჩვენი მიზანია მოგაწოდოთ ასი პროცენტით დადასტურებული ინფორმაცია ყველაზე მოკლე დროში კონტაქტი- ☎️ 557 13 16 73
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Comments

კომენტარები

Previous post ალასანია სააკაშვილზე: ჩვეულებრივი ჩონჩხია, სიცხე, წნევა დარბის, ყველაფერი იგივეა – ყოველ საათში შეიძლება დაიწყოს ორგანოების გამოთიშვა
Next post სტუდენტი ირაკლი კობახიძის ლექციის ჩაშლის მცდელობაზე: შუა ლექციის დროს წამოხტა და ლექციის ჩაშლა სცადა – მივაბრძანეთ აუდიტორიიდან და ლექციაც მშვიდად გაგრძელდა