ჩუგოშვილი ნარკოტიკების დოზებთან დაკავშირებით კანონში ცვლილებებს არ გამორიცხავს
Read Time:45 Second
ნარკოტიკების მოხმარების დოზებთან დაკავშირებით კანონში შესაძლოა ცვლილებები შევიდეს. ამის შესახებ ჟურნალისტებს პარლამენტის ვიცესპიკერმა თამარ ჩუგოშვილმა განუცხადა.
“წარმოუდგენლად მცირეა ზოგ შემთხვევაში ის დოზა, რაც მცირე დოზად ითვლება. თუმცა მეტ დეტალზე საუბრისგან თავს შევიკავებ. ჩვენ შესაძლებელია ძირითად ნარკოტიკულ საშუალებებთან მიმართებაში შევინარჩუნოთ ის მიდგომა, რაც არსებობს. თუმც შესაძლებალია გარკვეულ შემთხვევებში მკაცრ მიდგომებზეც ვიფიქროთ”, – აღნიშნა თამარ ჩუგოშვილმა.
მისივე თქმით, რეფორმის განხილვები იმ ვადებში შედგება, რომელიც პარლამენტის თავჯდომარემ დაასახელა.
“რეფორმის დაჩქარებული წესით განხილვა ალბათ შეუძლებელი იქნება, რადგან ეს ძალიან მნიშვნელოვანი საკითხი და მას სჭირდება მსჯელობა. საგაზაფხულო სესიის განავლობაში შესაძლებელია მნიშვნელოვანი განხილვის ფაზები გავიაროთ”, – განმარტავს თამარ ჩუგოშვილი.
ქართული ოცნების ოფისში ბიძინა ივანიშვილის ხელმძღვანელობით, მმართველი გუნდი ნარკოპოლიტიკის რეფორმაზე მსჯელობს. ამ შეხვედრას ესწრებიან კანონპროექტის ინიციატორი დეპუტატები და ასევე ისინი, ვისაც მიაჩნია, რომ ქვეყანაში ყველა ტიპის ნარკოტიკიების მოხმარების დეკრიმინალიზება მიუღებელია.
ნარკოპოლიტიკის კანონპროექტთან დაკავშირებით მმართველ გუნდში აზრთა სხვადასხვაობაა. პარლამენტში დოკუმენტის განხილვა 7 მაისს კიდევ ერთი თვით გადავადდა. ამასთან, 14 მაისს პარლამენტის თავმჯდომარემ განაცხადა, რომ პარლამენტი ნარკოპოლიტიკის კანონპროექტს, სავარაუდოდ, ივნისის ბოლომდე დაამტკიცებს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
