შალვა პაპუაშვილი – შოვში სამაშველო ღონისძიებები კვლავ გრძელდება, ნაწილობრივ ხდება გზის გაკვალვა, რათა ტექნიკამ მეორე ნაპირზე სრულად მუშაობა შეძლოს
შოვში სამაშველო ღონისძიებები კვლავ გრძელდება, ნაწილობრივ ხდება გზის გაკვალვა, რათა ტექნიკა მივიდეს და მეორე ნაპირზე შეძლოს სრულად მუშაობა, – ამის შესახებ საქართველოს პარლამენტის თავმჯდომარე შალვა პაპუაშვილმა შოვში ჟურნალისტებს განუცხადა.
მისივე თქმით, ადგილზე თავდაცვის სამინისტროს ძალებიც არიან.
„ხედავთ უკვე ახლოდანაც, რა მდგომარეობაა კურორტ შოვში. ფაქტობრივად, აღარ არის ის ტერიტორია ისეთი, რომელიც ჩვენ გვახსოვს. ახლა მნიშვნელოვანია, სამუშაოები გაგრძელდეს, ასევე მნიშვნელოვანია, საზოგადოების სოლიდარობა და კონსოლიდირება. მინდა, ყველას მივმართო, გადაუმოწმებელი ინფორმაცია არ გაავრცელონ.
რამდენიმე საკითხი მინდა, დავასახელო, რომელიც სამწუხაროდ, გუშინ გავრცელდა. რაღაც საკითხები იწვევს ხოლმე ისტერიას. გუშინ ვნახეთ, რომ ერთ-ერთმა ორგანიზაციამ გაავრცელა გარემოს დაცვის სააგენტოს 2021 წლის კვლევა, თითქოს ეს შეეხებოდა მდინარე ბუბას და ამ ტერიტორიას, თითქოს იყო ღვარცოფის საშიშროება. საუბარი იყო სხვა მდინარეზე, რომელიც სულ სხვა ხევია. გუშინ სოციალურ ქსელში ამას პანიკურად აზიარებდნენ, მათ შორის მედიის საშუალებით. მე მივმართავ „მწვანე ალტერნატივას“ ხელმძღვანელს, რომელიც იყო ამის ინიციატორი, მანაც დაწეროს, რომ მცდარი იყო ეს ინფორმაცია.
მეორე საკითხი, რაზეც იყო საუბარი, თითქოს კალაპოტი იყო შეცვლილი „სანსეტ შოვის“ მიერ. ესეც არის ტყუილი. კალაპოტი ნამდვილად არის შეცვლილი, ოღონდ 60-იან წლებში და არანაირი კავშირი ჩვენს თანამედროვეობასთან არ აქვს. ასევე გავრცელდა, თითქოს ორი დღის განმავლობაში გუბდებოდა წყალი და მდინარე ბუბაში ორი დღე წყალი არ იყო. ესეც არის ტყუილი. ჩვენ დღეს სავარაუდოდ გვექნება გეოლოგიური დასკვნა პროცესებთან დაკავშირებით. წინასწარი მონაცემებით, ადგილი ჰქონდა მოწყვეტას, საბოლოო პუნქტამდე ამ ღვარცოფული ქვა-ღორღის ჩამოშლას სულ რამდენიმე წუთი დასჭირდა, 5-6 წუთი და დაგროვებაც იყო ძალიან მცირე პერიოდშიც. ამაზეც გვექნება საბოლოო დასკვნა.
მინდა, ყველას მივმართო, ახლა არ არის დრო, რათა დაბნეულობა შევიტანოთ საზოგადოებაში. ყველა ამ ტრაგედიით დათრგუნულია, ამიტომ ახლა არის სოლიდარობის დრო და ყველას ვთხოვ, გადაუმოწმებელი ინფორმაცია არ გაავრცელონ“, – განაცხადა შალვა პაპუაშვილმა.
About Post Author
ქეთევან ნინუა
Comments
თეა წულუკიანი: პრეზიდენტმა წარმოადგინა ვეტო, სადაც არავითარი შენიშვნა არ არის, ჩაიდინა მორიგი მავნებლობა, განზრახ დახურა დიალოგის ყველანაირი შესაძლებლობა
პრეზიდენტმა მავნებლურად დახურა ყველანაირი სივრცე დიალოგის - ამის შესახებ კულტურისა და სპორტის მინისტრმა თეა წულუკიანმა განაცხადა და აღნიშნა, რომ „საქართველოს...
შალვა პაპუაშვილი: “დროა”, “სირცხვილია” – ფინანსდებოდნენ ევროკავშირის ფონდების გამოყენებით ფარულად საქართველოში. რატომ არ აკეთებენ არაფერს ამ ქვეყნების საელჩოები, რომ ეს ფული გამჭვირვალე იყოს?
გერმანიაში ლობისტების რეესტრი არსებობს და უფრო მეტ ინფორმაციასაც ასაჯაროებს, ვიდრე ჩვენი კანონით არის მოთხოვნილი. საფრანგეთს სისხლის სამართლის პასუხისმგებლობა შემოაქვს და...
პრემიერი: გამჭვირვალობის კანონზე ახალგაზრდებთან დისკუსიის შეთავაზება ძალაში რჩება, იმედი მაქვს, ერთი ჯგუფი მაინც თავს დააღწევს რადიკალების ბულინგს და მონაწილეობას მიიღებს საჯარო დისკუსიაში
საქართველოს პრემიერ-მინისტრი ირაკლი კობახიძემ აცხადებს, რომ გამჭვირვალობის კანონთან დაკავშირებით ახალგაზრდებისთვის გაკეთებული შეთავაზება ძალაშია. როგორც ირაკლი კობახიძემ მთავრობის დღევანდელ სხდომაზე განაცხადა,...
ირაკლი კობახიძე: ევროპის ჩემპიონატზე საქართველოს ნაკრების მატჩებზე დასასწრებად მთავრობის მიერ სუბსიდირებული ავიაბილეთების გაყიდვა მიმდინარე კვირის ბოლომდე დაიწყება
კვირის ბოლომდე ელექტრონულ პლატფორმაზე გამოტანილი იქნება 3 000 ბილეთი გასაყიდად, ერთი გზის ფასი 195 ევრო იქნება, - ამის შესახებ საქართველოს...
პრემიერი: “ნაციონალური მოძრაობას” ვუწოდებთ ომისა და ღალატის პარტიას, თუმცა ამასთან ერთად ეს პარტია არის სიძულვილის პარტია
ზოგადად, ბულინგი, სიძულვილი, აგრესია არის ლიბერალური ფაშიზმის ერთ-ერთი მთავარი იარაღი, რომელსაც აქტიურად იყენებს კოლექტიური „ნაციონალური მოძრაობა“, ჩვენ ამ პარტიას ვუწოდებთ...
ირაკლი კობახიძე: უმუშევრობა შემცირდა 50 600 ადამიანით, კარგი დინამიკა გვაქვს დასაქმების მაჩვენებლების გაუმჯობესების კუთხით
უმუშევრობა შემცირდა 50 600 ადამიანით და შეადგინა 228 600 ადამიანი, გვაქვს კარგი დინამიკა დასაქმების მაჩვენებლების გაუმჯობესების კუთხით, - ამის შესახებ...