შალვა პაპუაშვილი – ავღანეთში, სადაც ესტონეთისა და ლიეტუვის საომარი იყო, ჩვენ ვიომეთ, რამდენი ჯარისკაციც მათ ჰყავდათ, იმდენი ჩვენი ჯარისკაცი მხოლოდ დაიღუპა

საქართველოს პარლამენტის თავმჯდომარე, შალვა პაპუაშვილი 2025 წლის საპარლამენტო არჩევნების წლისთავს სოციალურ ქსელში ეხმიანება და წერს, რომ საპარლამენტო არჩევნებიდან, რომელიც რეფერენდუმად გამოაცხადეს, ერთი წელი გავიდა.მისი თქმით, მმართველმა გუნდმა მიიღო რეფერენდუმის გამოწვევა და ქართველ ხალხს შესთავაზა მიმდინარე გეოპოლიტიკური რეალობის ყველაზე მკაფიო სურათი მარტივ და გასაგებ ენაზე – არა ომს, კი მშვიდობას.„დღეს 26 ოქტომბერია. ერთი წელი გავიდა საპარლამენტო არჩევნებიდან, რომელიც რეფერენდუმად გამოგვიცხადეს, ჩვენი მრავალწლიანი შრომით მოპოვებული მშვიდობისა და განვითარების დასასრულად დაგვიანონსეს და სამეზობლო ომში ჩართვას დაგვპირდნენ. ჩვენ რეფერენდუმის გამოწვევა მივიღეთ და ქართველ ხალხს შევთავაზეთ მიმდინარე გეოპოლიტიკური რეალობისა ყველაზე მკაფიო სურათი მარტივ და გასაგებ ენაზე – არა ომს, კი მშვიდობას.  2,1 მილიონზე მეტი ამომრჩეველი მივიდა საარჩევნო ყუთებთან და მათი 54%-ის არჩევანი იყო ცალსახა და ხმამაღალი – ჩვენ ვირჩევთ მშვიდობას, უარს ვეუბნებით ომს. თუმცა ეს ცალსახა და მარტივი პასუხი გულისხმობდა მრავალ არჩევანზე პასუხს, რომელიც მიმდინარე პოლიტიკური პროცესის განმსაზღვრელად იქცა. ეს არჩევანი, მშვიდობასთან ერთად, იყო ტრადიციული ფასეულობების, ეროვნული ინტერესების, სუვერენიტეტის, დამოუკიდებლობის, ეკონომიკური განვითარების, ოჯახის, კულტურის, რწმენისა და მომავალი თაობების სასარგებლოდ მიცემული ხმა. ეს იყო ის შინაარსი, რის დასაცავადაც იბრძოდა „ქართული ოცნება“. იბრძოდა ქვეყნის შიგნით და მის გარეთ, იცავდა სახელმწიფოს თვითმყოფადობას და მის უფლებას თავად ემართა საკუთარი თავი. ამ ბრძოლას შეუერთდა საქართველოს 1 120 053 პატრიოტი, რომელთაც უმტკიცესი ნება გამოხატეს და საქართველოს მომავალი განვითარების ვექტორი განსაზღვრეს.26 ოქტომბრის არჩევნები იყო ნამდვილი, ხელშესახები საქართველოს განმსაზღვრელი მომენტი. ჩვენ, ჩვენს ნამდვილ ამომრჩევლებთან ერთად, დავუპირისპირდით არა მხოლოდ შიდა, რევანშისტულ და დესტრუქციულ ძალებს, „ნაცმოძრაობის“ იდეოლოგიით გაჟღენთილ მრუდე ოპოზიციას, არამედ მათ წარმმართველ, საგარეო გლობალისტურ ძალებს, რომელთაც საქართველოსთვის გეოპოლიტიკის საჭადრაკო დაფაზე შესაწირი პაიკის როლი დიდი ხნის დაწერილი აქვთ. ამ ძალებმა, ადგილობრივ მოკავშირეებთან ერთად, განგვიცხადეს, რომ უკეთ იციან, რა სჯობს საქართველოსთვის, მისი მომავლისთვის, რა გვაქვს სამეცადინო და ჩასაბარებელი, როგორ უნდა დავიცვათ ჩვენი მომავალი და სად არის ჩვენი ადგილი. სამიათასწლოვან სახელმწიფოს სიბრძნე და გონიერება დაგვიწუნეს და უფსკრულის პირისკენ გვიბიძგეს. სწორედ ესაა ის გამრუდებული რეალობა, რომელსაც ჯიუტად და უხეშად გვახვევენ თავს. როდესაც საშიშროებასა და რისკებზე ვლაპარაკობდით, ზოგს არ სჯეროდა, რომ ამგვარი ძალები მართლაც არსებობდნენ. უმცირესობაში მყოფმა სკეპტიკოსებმა დაქსაქსულ ოპოზიციას მხარი დაუჭირეს. მყარად მდგომმა უმრავლესობამ კი „ქართული ოცნება“ და სამშობლოს ეროვნული ინტერესები აირჩია.26 ოქტომბრის შემდგომ განვითარებულმა მოვლენებმა, სამართლიანი არჩევნების სრულიად უსაფუძვლოდ გაყალბებულად გამოცხადებამ, საპროტესტო ტალღის მორიგ ჯერზე ხელოვნურად აგორებამ, მარიონეტი ოპოზიციონერების მიერ ბოიკოტის გამოცხადებამ და პოლიტიკური პროცესის საბოტაჟმა ოპოზიციის ამომრჩეველთა უმრავლესობა თავის შეცდომაში დაარწმუნა. ოპოზიციის რჩეულმა პარტიებმა ელექტორატი გააბრიყვეს, მოატყუეს, გამოცხადებული ნდობა და მიღებული მანდატები წყალს გაატანეს. როგორც შემდგომმა პროცესმა გვაჩვენა, ხელისუფლებამ გამოიჩინა სიმტკიცე და გონიერება, სამშობლოს მტრები და დამაქცევრები კი საკუთარ მანდატებს იმავე წყალთან ერთად გაჰყვნენ. ამავე დროს, განვლილ წელიწადში სიახლე და უპრეცედენტო მოვლენა გახლდათ გარკვეული დასავლური ქვეყნებისა და მათი დიპლომატიური მისიების სრულიად უხეში, მზაკვრული და დესტრუქციული ჩარევა საქართველოს შიდა საქმეებში. ჩვენ ვნახეთ, თუ როგორ გაიხსნა ყველაფერი, რაც იყო დაფარული და როგორ გაცხადდა ის გეგმა, რაც საქართველოსთან მიმართებით არსებობდა. ეს გეგმა არ ეხებოდა არც საქართველოს დემოკრატიის მხარდაჭერას, არც ხალხის ნების გამოვლენას, მის გაძლიერებას თუ შემდგომ ინტეგრაციას. ეს გეგმა შეიცავდა ნებისმიერ ფასად ეროვნული ხელისუფლების შეცვლის სურვილს, რომლის ჩავარდნის შემთხვევაში ერთდროულად უნდა ამოქმედებულიყო ყველა ძალა, გავლენის ყველა აგენტი, ღია თუ ფარული, ყველა მედია თუ „ენჯეო“, უსარგებლო აკაცუკი თუ სასარგებლო იდიოტი. გამრუდებულ რეალობას საბურველი შემოეძარცვა და ჩვენ წინაშე მხილებული, შიშველი ბუნებით წარმოსდგა.ნამდვილი საქართველო დაუპირისპირდა ქვეყნის გარეთ ჩაბუდებულ მრუდე ძალებს, რომელთათვისაც ჩვენი ქვეყანა მათი კონკრეტული ინტერესების სათამაშოა. ამ ბრძოლაში ფრონტის ხაზი ჩვენს მოქალაქეებზე გადის. ხალხების გონებისთვის მიმდინარე ომში სწორედ ისინი არიან მთავარი სამიზნე – მათი აზრები, ფიქრები, რწმენა და ქცევა. ზუსტად გათვლილი ფსიქოლოგიური იერიშით, როგორც ბოროტ ძალას სჩვევია, მოწყვლადი პირები დაარწმუნეს, რომ ეროვნული ხელისუფლება თითქოს რუსულია, რომ ომი არ არსებობს, რომ დამარცხებული გამარჯვებულია, ქველმოქმედება ქვეყნის ნგრევაა, ეკონომიკური აღმავლობა კი – სიღარიბე. 2025 წლის 4 ოქტომბერს საქართველოში ადგილობრივი თვითმმართველობის არჩევნები ჩატარდა, რომელმაც ყოველგვარ სპეკულაციას, სიცრუეს და სიმრუდეს წერტილი დაუსვა. თავისუფალ გარემოში საქართველოს ერთგული ამომრჩევლები იმავე სიმრავლითა და სულისკვეთებით საარჩევნო უბნებზე მივიდნენ და საკუთარი, უკვე არაერთხელ გამოხატული ნება დაამოწმეს. ლეგიტიმაცია, რომელიც გასული 13 წლის განმავლობაში ცხრაჯერ მივიღეთ, ქართველმა ხალხმა მეათეჯერ გადმოგვცა. სწორედ ამიტომ, დღევანდელ დღეს მსურს, კიდევ ერთხელ მადლობა გადავუხადო ჩვენს ამომრჩეველს, ნამდვილ პატრიოტებს. მადლობა ეკუთვნის ასევე ყველა იმ მოქალაქეს, რომელიც ქვეყნის კონსტიტუციურ ჩარჩოში განვითარებას უჭერს მხარს, განურჩევლად პოლიტიკური შეხედულებისა, რომელიც აფასებს მშვიდობას, ახსოვს ისტორიის მწარე გაკვეთილები და უკეთესი ხვალინდელი დღე ეიმედება. ჩვენ კი ჩვენს პასუხისმგებლობას და ვალდებულებას ქვეყნის წინაშე არ გავაცრუებთ, არ ვუღალატებთ, ზურგს არ შევაქცევთ. ნამდვილების და მრუდეების ჭიდილში ჩვენ დავიცავთ ნამდვილ საქართველოს მთელი შეძლებით, ცოდნით და მონდომებით, ყველა ხილული თუ უხილავი მტრისაგან და გავასწორებთ ყოველგვარ სიმრუდეს, უსამართლობას და ძალდატანებას“, – წერს პაპუაშვილი.

ორი ადგილია ყველაზე ლეგიტიმური ქართველი ადამიანისთვის – ციხე, ან ქუჩა, ეს შეკრებები ინარჩუნებს შესაძლებლობას, ქვეყანაში ბოლომდე არ შედეგს დიქტატურა, – ამის შესახებ „კოალიცია ცვლილებისთვის“ წევრმა, გედევან ფოფხაძემ განაცხადა. ფოფხაძე რესპუბლიკის მოედნიდან რუსთაველის გამზირის მიმართულებით საპროტესტო მსვლელობაში მონაწილეობს.ფოფხაძე აცხადებს, რომ ისინი ისტორიის სწორ მხარეს დგანან.„ისეთი პოლიტიკური ვითარება შექმნა დე ფაქტო რეჟიმმა, რომ ადამიანი ან უნდა იყო ქუჩაში და აპროტესტებდეს ამ რეალობას, ან ციხეში უნდა იჯდე. მესამე ადეკვატური ქცევა, ამ მოცემულობიდან გამომდინარე არ არსებობს. ამიტომ, რამდენჯერაც საჭირო იქნება უნდა შევიკრიბოთ, დავაფიქსიროთ, რომ ამ რეჟიმს არ მივიღებთ, მათ პრინციპებს და სტანდარტებს არ მივიღებთ. ჩვენი წინაპრების გზაზე ვდგავართ, რომლებიც იბრძოდნენ ევროპისთვის. ამას აკეთებდა მირიან მეფე, როდესაც ქრისტიანობა მიიღო, დავით აღმაშენებელი, როდესაც დიდგორზე იბრძოდა.ჩვენთან ერთად იბრძვის კოტე აფხაზი და ილია ჭავჭავაძე, „ქართულ ოცნებასთან“ ერთად დგას ფილიპე მახარაძე და ბუდუ მდივანი. ჩვენ ისტორიის სწორ მხარეს ვართ. არაფერი მოსარიდებელი რწმენასა და პოზიციაზე არ გვაქვს. რა ფორმითაც იქნება საჭირო აქტიურობა, უნდა განხორციელდეს. ორი ადგილია ყველაზე ლეგიტიმური ქართველი ადამიანისთვის: ან ციხე, ან ქუჩა. ეს შეკრებები ინარჩუნებს შესაძლებლობას, ქვეყანაში ბოლომდე არ შედეგს დიქტატურა“,- აღნიშნა ფოფხაძემ.როგორც ფოფხაძემ განმარტა, ბრძოლის მეთოდები შესაძლოა, გამრავალფეროვნდეს, „მაგრამ არც ძველი გზა არ არის მისატოვებელი“.„რასაც ვაკეთებთ იმის კეთება უნდა გავაგრძელოთ, თუმცა იქიდან გამომდინარე, თუ რა რეალობაა, ადეკვატური ფორმები გამოვიყენოთ. რეალობაა ის, რომ მასობრივი რეპრესიებია, ბევრი პოლიტპატიმარია. რა თქმა უნდა, ახალი პროტესტის ფორმები შესაძლოა გამოიძებნოს, თუმცა, უნდა შევთანხმდეთ რომ ჯერ პოლიტიკურ-სამართლებრივი ბრძოლის რესურსი ამოწურული არ არის. მაინც და მაინც შეიარაღებული აჯანყების წინაშე არ ვდგავართ. მაქსიმალურად უნდა გამოვიყენოთ შესაძლებლობა, ის სივრცე, რასაც უცხოელი პარტნიორები გვიქმნიან, ჯერ კიდევ შეგვიძლია ქუჩაში ვიდგეთ და ვიბრძოლოთ. ჯერ პატიმრებს და თანამებრძოლებს, რომლებიც ციხეში არიან არავინ ხვრეტს, ჯერ კიდევ შეგვიძლია, სისხლი არ დაღვრილა, ჯერ კიდევ შეიძლება ამ რეჟიმის მშვიდობიანი, დემოკრატიული ცვლა, მაგრამ თუ რეჟიმი ძალიან გაჯიქდება და მოინდომებს ბოროტმოქმედ რეჟიმად იქცეს, ბოროტმოქმედი რეჟიმები ძალიან ცუდად ამთავრებენ ისტორიულად“, -აღნიშნავს ფოფხაძე.

სასწრაფო მოწოდებით მივმართავ საქართველოს ხელისუფლებას, უზრუნველყონ მზია ამაღლობელის გათავისუფლება, ვიდრე მისი მხედველობის გადარჩენის მცდელობა, საზღვარგარეთ სპეციალიზებული მკურნალობით, ძალიან გვიანი არ იქნება, – ამის შესახებ ევროპარლამენტის ვიცე-პრეზიდენტი პინა პიჩერნო სოციალურ ქსელ „იქსში“ წერს.„ღრმა შეშფოთებით შევიტყვე, რომ საქართველოში პატიმრობაში მყოფი ჟურნალისტისა და სახაროვის პრემიის ლაურეატის, მზია ამაღლობელის მხედველობის მდგომარეობა მკვეთრად გაუარესდა. დღეს მას ერთ თვალში მხედველობის მხოლოდ ერთი პროცენტი, ხოლო მეორეს 10% აქვს შენარჩუნებული. საპატიმრო დაწესებულების მიერ ჩატარებული სამედიცინო კვლევები შეუქცევად გაუარესებას ადასტურებს. სასწრაფო მოწოდებით მივმართავ საქართველოს ხელისუფლებას, უზრუნველყოს მისი გათავისუფლება, ვიდრე მისი მხედველობის გადარჩენის მცდელობა, საზღვარგარეთ სპეციალიზებული მკურნალობით, ძალიან გვიანი არ იქნება“, – წერს პიჩერნო. 

2026 წლის 1-ელი იანვრიდან საჯარო დაწესებულებებში ხელფასები ისევ იზრდება - ამის შესახებ აღნიშნულია 2026 წლის სახელმწიფო ბიუჯეტის პირველად პროექტში.კერძოდ, „საჯარო დაწესებულებაში შრომის ანაზღაურების შესახებ“ კანონის მიხედვით, ხელფასები 10%-ით გაეზრდება საჯარო სამსახურში დასაქმებულ ყველა პირს. შედეგად, როგორც 2026 წლის ბიუჯეტის პროექტშია აღნიშნული, ბოლო 4 წლის განმავლობაში საჯარო სექტორში ხელფასები 46%-ზე მეტით გაიზრდება.უფრო კონკრეტულად, განმარტებით ბარათში მითითებულია, რომ 1-ელი იანვრიდან ხელფასები 10%-ით გაეზრდებათ:პოლიციელებს;ჯარისკაცებს;საჯარო სკოლების მასწავლებლებს;ბაღის თანამშრომლებს;პირველადი ჯანდაცვის პერსონალს.ამასთან, დოკუმენტის მიხედვით, საჯარო სკოლების მასწავლებელთა საშუალო ხელფასის ზრდა 700-800 ლარის ფარგლებში მოხდება, ხოლო საბავშვო ბაღების პერსონალის საშუალო ხელფასის 400-500 ლარით.აღსანიშნავია, რომ „საჯარო დაწესებულებაში შრომის ანაზღაურების შესახებ“ კანონის შესაბამისად, მომავალი წლიდან გაიზრდება სახელმწიფო-პოლიტიკური თანამდებობის პირების ანაზღაურებაცაქვე შეგახსენებთ, რომ 2026 წლის იანვრიდან გაიზრდება ასაკობრივი პენსიაც. 2026 წლის ბიუჯეტის პროექტის მიხედვით, მომავალი წლიდან 70 წლის და მეტი ასაკის პენსიონერთა პენსია იზრდება 45 ლარით და განისაზღვრება 495 ლარის ოდენობით. ამავე კატეგორიის პენსიონერთა პენსია მაღალმთიან დასახლებებში თითქმის 594 ლარს გაუტოლდება.აღსანიშნავია, რომ ეს არის 2026 წლის ბიუჯეტის პირველადი პროექტი, რომელიც შესაძლოა, დამტკიცებამდე დაკორექტირდეს.

უკანონო ნადირობა - კადრები, რომელმაც მოქალაქეების აღშფოთება გამოიწვია, სოციალურ ქსელში ვირუსულად გავრცელდა. ვიდეოში ჩანს, როგორ კლავს ტყეში უცნობი პირი წითელ წიგნში შეტანილ მურა დათვს. ჩანს თოფიც, საიდანაც მან ცხოველს რამდენჯერმე ესროლა.ფაქტზე, სავარაუდოდ, გამოძიება დაიწყება. გარემოს დაცვის დეპარტამენტმა შესაბამის უწყებებს უკვე მიმართა.უწყება სავარაუდო დანაშაულზე საუბრობს, რომელსაც შესაბამის კვალიფიკაციას სამართალდამცავი ორგანოები მიანიჭებენ. მათივე ინფორმაციით, გარემოსთვის მიყენებული ზიანისთვის, მამაკაცს, დაახლოებით 50 000 ლარიანი ჯარიმაც დაეკისრება.წითელ წიგნში შეტანილი რამდენიმე მურა დათვი თბილისის ზოოპარკშიც ბინადრობს. დედაქალაქის ზოოლოგიური პარკის დირექტორი ამბობს, რომ ისინი მათთან მსგავსი შემთხვევების შედეგად მოხვდნენ. უკანონო ნადირობის დროს მარტო დარჩენილი რამდენიმე ბელი მათთან მოქალაქეებმა მიიყვანეს. როგორც ზურაბ გურიელიძე ამბობს, განსაკუთრებული საფრთხე წითელ ნუსხაში შეტანილ სახეობებს ექმნებათ.უკანონო ნადირობა, ცხოველის დატყვევება და ვაჭრობა, საქართველოში როგორც სისხლის სამართლის კოდექსის, ასევე ადმინისტრაციული წესით ისჯება. სასჯელის ზომა და ჯარიმის ოდენობა დანაშაულის სიმძიმის მიხედვით განისაზღვრება. განსაკუთრებით მკაცრი რეგულაციებია წითელ წიგნში შეტანილი სახეობების დასაცავად.გარემოს დაცვის დეპარტამენტი მოქალაქეებს აფრთხილებს, არ დაარღვიონ კანონი. ზედამხედველობის დეპარტამენტი მონიტორინგს მთელი ქვეყნის მასშტაბით, 24 საათიან რეჟიმში ატარებს. მუშაობს ცხელი ხაზიც, რომელზეც მსგავს შემთხვევებში ინფორმაციის მიწოდება ნებისმიერ მოქალაქეს შეუძლია.