უკრაინამ და რუსეთმა სამხედრო ტყვეების მასშტაბური გაცვლა განახორციელეს

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, 10 მაისიდან 10 ივნისამდე ბაღდათი-კურორტი საირმეს მონაკვეთზე მოძრაობა დღის განმავლობაში რამდენიმე საათით შეიზღუდება.„შიდასახელმწიფოებრივი მნიშვნელობის ქუთაისი (საღორია)-ბაღდათი-აბასთუმანი- ბენარას საავტომობილო გზის კმ32-კმ47.8 მონაკვეთის სარეაბილიტაციო სამუშაოების წარმოების პერიოდში, ბაღდათი-კურორტი საირმეს მონაკვეთზე, 2025 წლის 10 მაისიდან 10 ივნისამდე, ავტოტრანსპორტის მოძრაობა ყოველდღიურად შეიზღუდება 10:00 სთ-დან 13:00 სთ-მდე და 15:00 სთ-დან 19:00 სთ-მდე. ხოლო, დღე-ღამის დანარჩენ პერიოდში, ავტოტრანსპორტის მოძრაობა თავისუფალია“, – აღნიშნულია ინფორმაციაში.

ჯო უილსონი “MEGOBARI აქტის” ფარგლებში დასასანქცირებელ ქართველ პირთა სიას ავრცელებს. ინფორმაციას აშშ-ის ჰელსინკის კომისიის თანათავმჯდომარე და “MEGOBARI აქტის” ავტორი, კონგრესმენი ჯო უილსონი (რესპუბლიკური პარტია) X-ის საკუთარ გვერდზე ასაჯაროებს.“MEGOBARI აქტი მიღებულ იქნა წარმომადგენელთა პალატაში და ამერიკის მოძულე ივანიშვილის მაფიოზური ხროვა გაფრთხილებულ უნდა იქნას! მხარი დაუჭირეთ თავისუფალ და სამართლიან არჩევნებს ან შედეგების წინაშე დადექით”, - წერს უილსონი.ის ასევე აქვეყნებს “საქართველოში სახელმწიფოს მიტაცებაში ბიძინა ივანიშვილის ხელშემწყობთა სიას”, რომლებიც “ოლიგარქ ბიძინა ივანიშვილის, საქართველოს ჩრდილოვან მმართველს, ქართული სახელმწიფოს მიტაცებასა და ქვეყნის ჩინეთის, ირანისა და რუსეთის სამსახურში დაყენებაში ეხმარებიან”."აღმასრულებელი და სამართალდამცავი ორგანოები:ირაკლი კობახიძე (პრემიერ-მინისტრი),კახა კალაძე (თბილისის მერი, “ქართული ოცნების” გენერალური მდივანი),ირაკლი ღარიბაშვილი (“ქართული ოცნების” ყოფილი თავმჯდომარე),ვახტანგ გომელაური (შინაგან საქმეთა მინისტრი),ანრი ოხანაშვილი (სახელმწიფო უსაფრთხოების სამსახურის ხელმძღვანელი),პაატა სალია (იუსტიციის მინისტრი),მაკა ბოჭორიშვილი (საგარეო საქმეთა მინისტრი),სულხან თამაზაშვილი (აჭარის მთავრობის ხელმძღვანელი).საკანონმდებლო:შალვა პაპუაშვილი (პარლამენტის სპიკერი),ნინო წილოსანი (პარლამენტის სპიკერის მოადგილე),მამუკა მდინარაძე (საპარლამენტო უმრავლესობის ლიდერი),ვიქტორ ჯაფარიძე (პარლამენტარი, პროპაგანდისტული ახრი PosTV-ის მფლობელი),დიმიტრი (დიტო) სამხარაძე (პარლამენტარი, “ქართული ოცნების” რეგიონული მდივანი) ,თეა წულუკიანი (პარლამენტარი).სასამართლო:მიხეილ ჩინჩალაძე (თბილისის სააპელაციო სასამართლოს თავმჯდომარე),ლევან მურუსიძე (იუსტიციის უმაღლესი საბჭოს წევრი),დიმიტრი გვრიტიშვილი (იუსტიციის უმაღლესი საბჭოს წევრი),გიორგი მიქაუტაძე (უზენაესი სასამართლოს თავმჯდომარის მოადგილე),ლევან თევზაძე (უზენაესი სასამართლოს თავმჯდომარის მოადგილე),ირაკლი შენგელია (თბილისის სააპელაციო სასამართლოს თავმჯდომარის მოადგილე),რევაზ ნადარაია (საკონსტიტუციო სასამართლოს თავმჯდომარე) ,შალვა თადუმაძე (უზენაესი სასამართლოს თავმჯდომარის ყოფილი მოადგილე).საკვანძო ინსტიტუტები:გიორგი გაბიტაშვილი (საქართველოს გენერალური პროკურორი),კარლო (კოკა) კაციტაძე (სპეციალური საგამოძიებო სამსახურის უფროსი),გიორგი კალანდარიშვილი (ცენტრალური საარჩევნო კომისიის თავმჯდომარე),გიორგი ჯავახიშვილი (ცენტრალური საარჩევნო კომისიის მდივანი),რაჟდენ კუპრაშვილი (ანტიკორუფციული ბიუროს მეთაური),ნათია თურნავა (ეროვნული ბანკის პრეზიდენტი).ბიზნესი:უჩა მამაცაშვილი,ივანე (ვანო) ჩხარტიშვილი,ალექსანდრე ივანიშვილი,ოთარ რომანოვ-ფარცხალაძე,ნოშრევან ნამორაძე.პროპაგანდა:ირაკლი რუხაძე (მთავარი პროპაგანდისტული არხის Imedi TV-ის მფლობელი),ლაშა ნაცვლიშვილი (პროპაგანდისტული არხის PosTV-ის დამაარსებელი),ვასილ მაღლაფერიძე (საქართველოს საზოგადოებრივი მაუწყებლის საბჭოს თავმჯდომარე), თინათინ ბერძენიშვილი (საქართველოს საზოგადოებრივი მაუწყებლის დირექტორი) ,კახი ბექაური (საქართველოს კომუნიკაციების ეროვნული კომისიის თავმჯდომარე)", - აღნიშნულია დოკუმენტში, რომელსაც უილსონი აქვეყნებს.

დონალდ ტრამპი აცხადებს, რომ აშშ შეწყვეტს „ჰუსიტების“ დაბომბვას, – ამის შესახებ აშშ-ის პრეზიდენტმა თეთრ სახლში, კანადის პრემიერ-მინისტრ მარკ კარნისთან შეხვედრისას ისაუბრა.აშშ-ის პრეზიდენტის თქმით, იემენელმა „ჰუსიტებმა“ აშშ-ს შეატყობინეს, რომ წითელ ზღვაში გემების წინააღმდეგ თავდასხმებს შეწყვეტენ.ტრამპმა აღნიშნა, რომ „ჰუსიტებმა“, სავარაუდოდ, განაცხადეს, რომ „აღარ სურთ ომი“ და ვაშინგტონი პატივს სცემს ამ გადაწყვეტილებას.„ჩვენ შევწყვეტთ დაბომბვებს. ისინი დანებდნენ. ჩვენ დავუჯერებთ მათ სიტყვას, რომ აღარ ააფეთქებენ გემებს და სწორედ ეს იყო ჩვენი მიზანი“, – აღნიშნა ტრამპმა.ამასთან, აშშ-ის სახელმწიფო მდივანმა, მარკო რუბიომ განაცხადა, რომ „ისინი თუ შეჩერდებიან, აშშ-ც შეჩერდება“.

თეთრის სალხის ოვალურ კაბინეტში კანადის პრემიერ-მინისტრმა, მარკ კარნიმ განაცხადა, რომ ზოგიერთი ადგილი არასდროს იყიდება, რასთან დაკავშირებითაც დონალდ ტრამპმა აღნიშნა – „არასდროს თქვა არასდროს“.ჟურნალისტებმა დონალდ ტრამპს ჰკითხეს თავის წინა განცხადებებთან დაკავშირებით, როდესაც მან კანადა აშშ-ის 51-ე შტატად მოიხსენია.დონალდ ტრამპმა აღნიშნა, რომ ის პატივს სცემს კანადელებს და თქვა, რომ დედამისის ოჯახის წევრები კანადაში ცხოვრობდნენ.„კანადა ძალიან განსაკუთრებული ადგილია“, – განაცხადა ტრამპმა.კანადის მიერთებასთან დაკავშირებით რეპორტიორის კითხვაზე აშშ-ის პრეზიდენტმა აღნიშნა, რომ კვლავ თავის აზრზე რჩება, თუმცა „ტანგოს ორი სჭირდება“.„მჯერა, ეს იქნება გადასახადების მასობრივი შემცირება კანადის მოქალაქეებისთვის, უფასო შეიარაღებული ძალები, შესანიშნავი ჯანდაცვა და სხვა. იქნება ბევრი უპირატესობა. თქვენ იცით, რომ მე უძრავი ქონების დეველოპერი ვარ. როდესაც მოაშორებთ ამ ხელოვნურად გავლებულ ხაზს, ვიღაცამ მრავალი წლის წინ გაავლო ეს ხაზი ქვეყნის თავზე სახაზავით, როდესაც უყურებ ამ ლამაზ ფორმირებას გაერთიანებულად, ძალიან არტისტული პიროვნება ვარ და ამას როცა შევხედე, ვთქვი, ეს არის ის, როგორც უნდა ყოფილიყო. მე ვგრძნობ, რომ ეს ბევრად უკეთესი იქნება კანადისთვის. თუმცა ჩვენ არ ვაპირებთ ამის განხილვას, ვიდრე ვინმე არ მოისურვებს. ვფიქრობ, კანადის მოქალაქეებისთვის უზარმაზარი ბენეფიტები არსებობს, მნიშვნელოვნად დაბალი გადასახადები, უფასო შეიარაღებული ძალები, რასაც არსებითად ყველა შემთხვევაში გაძლევთ, რადგან ჩვენ ვიცავთ კანადას, თუ ოდესმე პრობლემა გქონიათ. ეს იქნება ნამდვილად შესანიშნავი ქორწინება, რადგან ეს არის ორი ადგილი, რომლებიც კარგად უგებენ ერთმანეთს, მათ მოსწონთ ერთმანეთი“, – განაცხადა ტრამპმა.აღნიშნულთან დაკავშირებით კარნიმ თქვა, რომ არსებობს ადგილები, რომლებიც არასდროს იყიდება, რაზეც ტრამპმა განაცხადა, რომ ეს სიმართლეა.„როგორც იცით, უძრავი ქონებიდან არსებობს ზოგიერთი ადგილი, რომელიც არასდროს იყიდება. ჩვენ ერთ-ერთ ასეთ ადგილას ვსხედვართ. ბუკინგემის სასახლე, რომელსაც თქვენ ასევე სტუმრობდით. საარჩევნო კამპანიის მიმდინარეობისას მე ვხვდებოდი კანადის „მფლობელებს“ ბოლო რამდენიმე თვის განმავლობაში და ის არ იყიდება და არასდროს არ გაიყიდება. თუმცა შესაძლებლობა არის პარტნიორობაში და იმაში, რისი შექმნა შეგვიძლია ერთად და ამის ნაწილი, როგორც პრეზიდენტმა ახლახან აღნიშნა, ეხება ჩვენს საკუთარ უსაფრთხოებას. ჩემი მთავრობა მოწოდებულია, ნაბიჯები განახორციელოს კანადის უსაფრთხოებაში ჩვენი ინვესტიციების მხრივ, ჩვენს პარტნიორობაში. მე ასევე ვთქვი, რომ პრეზიდენტმა გამოაცოცხლა საერთაშორისო უსაფრთხოება, გამოაცოცხლა ნატო“, – აღნიშნა კარნიმ.„კანადა აძლიერებს სამხედრო მონაწილეობას და ეს ძალიან მნიშვნელოვანია, თუმცა არასდროს თქვა არასდროს“, – განაცხადა აშშ-ის ლიდერმა.

შვეიცარიული ბანკის, Credit Suisse-ის დანაყოფმა გადასახადებისგან თავის არიდების მიზნით მდიდარი ამერიკელების დახმარებაში ბრალი აღიარა და ჯარიმის სახით 510 მილიონ დოლარს გადაიხდის. ამის შესახებ სააგენტო „როიტერი“ წერს.თავად აშშ-ის იუსტიციის დეპარტამენტის ცნობით კი, Credit Suisse Services AG-ს აშშ-ის შემოსავლების სამსახურისგან, სულ მცირე, 475 ოფშორულ ანგარიშზე 4 მილიარდ დოლარზე მეტის დამალვის მიზნით შეთქმულებაში ედება ბრალი.იუსტიციის დეპარტამენტის მიერ გამოქვეყნებული განცხადების თანახმად, 2010 წლიდან 2021 წლის დაახლოებით ივლისამდე პერიოდში Credit Suisse AG გაურიგდა თანამშრომლებს, ამერიკელ მომხმარებლებს და სხვებს, რათა დაეხმაროს კლიენტებს აშშ-დან საკუთრების უფლების, აქტივების კონტროლისა და ბანკში არსებული თანხების დამალვაში. ამან კლიენტებს აშშ-დან მისცა საშუალება, თავი აერიდებინათ აშშ-ში საგადასახადო ვალდებულებებისგან რამდენიმე გზით.„სხვა თაღლითურ ქმედებებთან ერთად, Credit Suisse-ის ბანკირები აყალბებდნენ დოკუმენტებს, ამუშავებდნენ ფიქტიური შემოწირულობის დოკუმენტებს და ემსახურებოდნენ ანგარიშებს ერთ მილიარდ დოლარზე მეტი ოდენობით საგადასახადო კანონმდებლობის შესაბამისობის დოკუმენტაციის გარეშე. ამით Credit Suisse AG-მა ჩაიდინა ახალი დანაშაულები და დაარღვია შეერთებულ შტატებთან 2014 წლის მაისის საპროცესო შეთანხმება“, – ნათქვამია იუსტიციის დეპარტამენტის განცხადებაში.აღსანიშნავია, რომ 2014 წელს Credit Suisse გახდა ბოლო 20 წლის განმავლობაში უმსხვილესი ბანკი, რომელმაც აშშ-ში გადასახადებისგან თავის არიდებაში ამერიკელების დახმარების ბრალი აღიარა და 2,5 მილიარდი დოლარის ოდენობის ჯარიმის გადახდას დათანხმდა. 2023 წელს აშშ-ის სენატის ფინანსთა კომიტეტმა დაადგინა, რომ ბანკმა დაარღვია 2014 წლის საპროცესო გარიგება, რადგან გააგრძელა გადასახადებისგან თავის არიდებასთან დაკავშირებით კლიენტების ხელშეწყობა, რითაც მთავრობას 700 მილიონ დოლარზე მეტი დაუმალა. ბანკმა UBS-მა, რომელმაც 2023 წელს გაკოტრების პირას მყოფი შვეიცარიის სიდიდით მეორე ბანკი Credit Suisse შეიძინა, განაცხადა, რომ Credit Suisse Services AG-მა დანაშაული აღიარა ბრალდების ერთი პუნქტით, კერძოდ, ყალბი საშემოსავლო გადასახადის დეკლარაციის დამზადებაში დახმარება. UBS აცხადებს, რომ კავშირი არ აქვს საქმესთან დაკავშირებულ ქმედებებთან. აღნიშნული დავა UBS ბანკის შეძენამდე დაიწყო.