სტოლტენბერგი: ალიანსის ლიდერებთან შეხვედრაზე საქართველოს მიწვევა სოლიდარობისა და მჭიდრო პარტნიორობის მნიშვნელოვანი გამოხატულებაა
Read Time:34 Second
ნატოს გენერალურმა მდივანმა, იენს სტოლტენბერგმა განაცხადა, რომ ალიანსის ლიდერებთან შეხვედრაზე საქართველოს მიწვევა სოლიდარობისა და მჭიდრო პარტნიორობის მნიშვნელოვანი გამოხატულებაა.
სტოლტგენბერგმა აღნიშნა, რომ რუსეთის უკრაინაში სასტიკი შეჭრის ფონზე, მნიშვნელოვანია, რომ ნატოს მოკავშირეებმა გააძლიერონ მხარდაჭერა რუსეთის აგრესიის წინაშე დაუცველი პარტნიორების მიმართ.
„რუსეთი უკვე შეიჭრა საქარველოს ტერიტორიებზე. შესაბამისად, მე ველოდები, რომ მოკავშირეები შეთანხმდებიან კონკრეტულ ნაბიჯებზე, რომელიც კიდევ უფრო გააძლიერებს პრაქტიკულ პარტნიორობას, იმას, თუ როგორ ვმუშაობთ ერთად წვრთნების, შესაძლებლობების გაძლიერების, რეფორმების კუთხით, რათა გაიზარდოს საქართველოს უნარი, წინ აღუდგეს რუსეთის ინტერვენციას“, – განაცხადა სტოლტენბერგმა.
ნატოს მადრიდის სამიტი 28-30 ივნისს გაიმართება და მასში ნატოს წევრი ქვეყნების ლიდერები მიიღებენ მონაწილეობას.
ალიანსის თავდაცვის მინისტრები დღეს ბრიუსელში ორდღიან შეხვედრაზე იკრიბებიან. ღონისძიება მოიცავს სამუშაო ვახშამს, რომელზეც მოწვეულნი არიან ფინეთის, საქართველოს, შვედეთის, უკრაინისა და ევროკავშირის წარმომადგენლები.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
