სოზარ სუბარი ოპოზიციის დაანონსებულ აქციაზე: ამას აკეთებენ ყოველ ჯერზე იმიტომ, რომ არ უნდათ მოლაპარაკებები დასრულდეს შედეგით
ოპოზიციის დაანონსებული აქცია ნამდვილად არ უწყობს ხელს მოლაპარაკების პროცესს, მაგრამ არა უშავს, ეგ მათი გადასაწყვეტია. ამას აკეთებენ ყოველ ჯერზე იმიტომ, რომ არ უნდათ მოლაპარაკებები დასრულდეს შედეგით, – ამის შესახებ „ქართული ოცნების“ პოლიტსაბჭოს წევრმა, სოზარ სუბარმა განაცხადა.
მისივე თქმით, ოპოზიციონერებმა ვერ გაიგეს ერთი რამ, რომ ქართველ ხალხში მგრძნობელობა არის ძალიან მაღალი და ძალიან კარგად იცის ხალხმა, როდის არის ქუჩაში გამოსვლა საჭირო და ხშირად დაძახება არც სჭირდებათ ხოლმე.
„ამის მაგალითი იყო თუნდაც გიორგი სანაიას მკვლელობა, თუნდაც „რუსთავი-2“,-ში რომ შევიდა უშიშროების რამდენიმე თანამშრომელი. ყოველგვარი დაძახების გარეშე რუსთაველზე იყო რამდენიმე ათეული ათასი ადამიანი გამოსული. იგივე შეგვიძლია ვთქვათ, როდესაც 2003 წლის ნოემბრის არჩევნები გაყალბდა, იგივე შეგვიძლია ვთქვათ არაერთ თემაზე, როდესაც სპონტანურად ათასობით ადამიანი გამოდიოდა ქუჩაში. მაგრამ ვერც ერთხელ, 2012 წლიდან მოყოლებული ხალხი ვერ შეკრიბა ოპოზიციამ, რატომ? იმიტომ, რომ არ აქვთ ნდობა და არ მოჰყვებიან. მაგალითად, ამ არჩევნებზე მთავარ ოპოზიციურ ძალას დაახლოებით ნახევარ მილიონმა ადამიანმა მისცა ხმა, მაგრამ ისინი არ გამოდიან ქუჩაში, იმიტომ რომ ოპოზიციისგან განსხვავებით ხალხმა ძალიან კარგად იცის, რომ არჩევნები არ გაყალბებულა. რომ გაყალბებულიყო, მართლა არანაირი მოწოდება არ დასჭირდებოდა, ყველა გამოვიდოდა და დაიცავდა თავის ხმას. კარგი იქნება ოპოზიცია ხალხს თუ ყურს დაუგდებს, იმიტომ რომ არ შეიძლება ყველაფერში უნიათოები იყვენენ. რევოლუცია უნდათ – ვერ აკეთებენ, პარლამენტში შემოსვლა უნდათ – ვერ ბედავენ, იმიტომ რომ მიშა საიდანღაც აბულინგებს. ქუჩაში ხალხის შეკრება უნდათ – ვერ აკეთებენ, რაც ზოგადად ევროპიდან მესიჯები მოდის მგონი 15 მაისსაც ვერ ჩაატარებენ აქციას. საერთოდ მოუხდებათ ამ აქციის გადატანა. შეიძლება მაისი კი დარჩეს მაისად, მაგრამ წელს ვერ დააზუსტებენ, იმიტომ რომ არ მოჰყვება ხალხი და თვითონაც ძალიან კარგად გრძნობენ ამას და შემდეგ ჩვენ გვიწყებენ დამუნათებას, რომ რატომ ითვლით რამდენი ადამიანი დგას ქუჩაში და თუ ეს არ არის დასათვლელი მაშინ აქციებს რატომ აწყობენ“, – განაცხადა სოზარ სუბარმა.
About Post Author
ქეთევან ნინუა
Comments
„ბიძინა, გამოიხედე!..“ – რა ფოტოს აქვეყნებს ვახო სანაია?
"ბიძინა, გამოიხედე - დრონის კადრი!
გოგა ხაინდრავა: დღეს არის სამშობლოს დაცვის დრო – მისი თავისუფლების, დემოკრატიის, ღირებულებების, სუვერენიტეტის
დღეს არ არის დრო სახლში ყოფნის და ტელევიზორში იმის ყურების, თუ რა ხდება. დღეს არის სამშობლოს დაცვის დრო - მისი...
ირაკლი ბათიაშვილი: ჩვენ უნდა დავიცვათ ჩვენი მამული და ჩვენი სარწმუნოება თანამედროვე ბოლშევიკების შემოტევისგან
ჩვენ უნდა დავიცვათ ჩვენი მამული და ჩვენი სარწმუნოება თანამედროვე ბოლშევიკების შემოტევისგან, ურწმუნო და უსამშობლო ადამიანების ურდოების შემოსევისგან. სწორედ ამიტომ უნდა...
თამარ ჩიბურდანიძე: ოპოზიციის ლიდერებმა დაინახეს, რომ უცხოური ფულით დაფინანსებულ მათ „ენჯეოებს“ ავტორიტეტი არა აქვთ და კულისებიდან გამოვიდნენ, თუმცა – უშედეგოდ. ისინი ხვალინდელი მარცხისთვის ემზადებიან
„უცხოეთის ხმამაღალი განცხადებებით გადიდგულებულმა რადიკალური ოპოზიციის წარმომადგენლებმა ამ დღეებში საბედისწერო შეცდომა დაუშვეს - საკუთარი თავი ბოლომდე გააშიშვლეს და ქართველ ხალხს...
გიორგი ვაშაძე: ყველა პროვოკაციაზე პასუხისმგებლობა „ქართულ ოცნებას“ ეკისრება
ყველა პროვოკაციაზე პასუხისმგებლობა ეკისრება მათ. იმიტომ, რომ არ შეიძლება ძალით მოგყავდეს ხალხი და პარალელურად კომიტეტს მართავდე, რომელიც ბუნებრივ პროტესტს იწვევს...
დავით კაჭარავა: მნიშვნელოვანია, 29 აპრილის აქციაზე ყველამ დაინახოს, როგორი მხარდაჭერა აქვს ჩვენს გუნდს – ეს იქნება გზავნილი მსოფლიოსთვის, რომ საქართველოს საზოგადოებას სურს, თავად მიიღოს გადაწყვეტილებები
„ეს მკაფიო მესიჯი იქნება როგორც ქვეყნის შიგნით, ასევე მის გარეთ - ხალხი სწორედ იმის გარშემო უნდა გადაერთდეს, რამაც დღევანდელ დღემდე...