საქართველოში მედიკამენტების მწარმოებელი ქართულ-ბელარუსული საწარმო დაფუძნდება
Read Time:34 Second
პირველი ვიცეპრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი ბელარუსის პრემიერმინისტრის მოადგილეს მიხაელ რუსის შეხვდა. ერთობლივ შეხვედრაზე ყურადღება გამახვილდა ორ ქვეყანას შორის მედიცინისა და ფარმაკოლოგიის კუთხით თანამშრომლობაზე. ინფორმაციას ეკონომიკის სამინისტრო ავრცელებს.
კერძოდ, საუბარია კოოპერაციაზე ტრანსპლანტოლოგიის სფეროში, აგრეთვე მედიკამენტების მწარმოებელი ერთობლივი საწარმოების დაფუძნებაზე.
უსწყების ცნობით, შეხვედრის დასასრულს, მხარეები შეთანხმდნენ, რომ ხელს შეუწყობენ ორი ქვეყნის საქმიანი წრეების დაახლოებას ერთობლივი ბიზნეს პროექტების განვითარებისა და ზოგადად, ორი ქვეყნის ეკონომიკური კავშირების გაღრმავების მიმართულებით.
დიმიტრი ქუმსიშვილსა და მიხაელ რუსს შორის შეხვედრა მარტში ბელარუსის პრეზიდენტის ალექსანდრე ლუკაშენკოს საქართველოში დაგეგმილი ვიზიტის ფარგლებში გაიმართა.
ასევე მინსკში ქართული პროდუქციის მაღაზია გაიხსნება. ბელარუსული მხარის ინფორმაციით, მინსკში 1200 კვ.მ. ფართობზე განთავსდება სავაჭრო ცენტრი, სადაც ქართული ღვინო, მინერალური წყლები, აგროსამრეწველო და სხვა სასურსათო პროდუქცია გაიყიდება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0