საპატრიარქოში ხვალ ბიბილოვის სერბეთის პატრიარქთან ვიზიტის დეტალები გაირკვევა
Read Time:41 Second
კათოლიკოს-პატრიარქი, ილია მეორე ხვალ საპატრიარქოში სერბეთის პარლამენტის თავმჯდომარეს მაია გოიკოვიჩის შეხვდება. პატრიარქის მდივნის, დეკანოზმა მიქაელ ბოტკოველის განცხადებით, შეხვედრაზე ოკუპირებული სამხრეთ ოსეთის დეფაქტო პრეზიდენტის ანატოლი ბიბილოვის სერბეთში ვიზიტის საკითხიც დაისმება.
„ჩვენს საზოგადოებაში არსებობს ძალიან ბევრი კითხვა, რომელიც შეეხება ე.წ. სამხრეთ ოსეთის „პრეზიდენტის” ვიზიტს სერბეთში, ჩვენ სამწუხაროდ, სერბეთის მხრიდან კონკრეტული ოფიციალური ინფორმაცია არ მიგვიღია. მხოლოდ კულუარულ ინფორმაციებს ვიღებთ, რომ სერბეთის პატრიარქთან შეხვედრა არ იყო ოფიციალური ვიზიტი. ამიტომ, საპატრიარქოში ხვალინდელ შეხვედრაზე ვთხოვთ მათ, რომ დაადასტურონ ეს ინფორმაცია ან შესაბამისი მტკიცებულებები წარმოადგინონ, რათა ქართული საზოგადოება ამაში დარწმუნდეს“, – აცხადებს პატრიარქის მდივანი.
სერბეთის რესპუბლიკის ეროვნული ასამბლეის სპიკერი მაია გოიკოვიჩი თბილისს ოფიციალური ვიზიტით 25-26 იანვარს ესტუმრება. საპატრიარქოში შეხვედრის გარდა დელეგაციის წევრები პრეზიდენტს, პრემიერს, პარლამენტის თავმჯდომარეს შეხვდება.
ოკუპირებული სამხრეთ ოსეთის მედიის ცნობით, ანატოლი ბიბილოვი სერბეთში 8 იანვრიდან 13 იანვრის ჩათვლით იმყოფებოდა. „ვიზიტის” ფარგლებში ბიბილოვი სერბთა პრეზიდენტ მილორად დოდიკს და პატრიარქ ირინეოსს შეხვდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0