რუსთავში მომხდარი ორმაგი მკვლელობის ახალი დეტალები ხდება ცნობილი – რას ჰყვებიან თვითმხილველები
რუსთავში მომხდარი სასტიკი დანაშაულის ახალი დეტალები ხდება ცნობილი
კაცი, რომელმაც რუსთავში ცოლი და სიდედრი მოკლა, 27 წლის გიორგი ფირაშვილია.
მან მეუღლეს, მარიამ სოფრომაძეს და მის დედას, ინგა ბედაშვილს, ქუჩაში, სანადირო თოფიდან ხუთჯერ ესროლა. მამაკაცმა ცეცხლი მაშინ გახსნა, როცა მისი მეუღლე და სიდედრი, სკვერში, 9 თვის ჩვილს ასეირნებდნენ.
„ყურსასმენები მეკეთა და ხმა ყურსასმენებშიც გავიგე, რომ გავიხედე, ხალხი გარბოდა, ის ისროდა. სანამ სკვერი გადავჭერი, მანამდე აქ იდგა და არ წასულა. ამბობენ, რომ გაჩერდა და თავისი ნებით ჩაბარდა პოლიციასო”.
„ხუთი გასროლის ხმა იყო, თავდაპირველად ორი, შემდეგ კიდევ ორი და ბოლოს ერთი. გოგოები გარბოდნენ, ისეთი შეშინებულები იყვნენ, ვერაფერი მითხრეს, მერე ჩვენ თვითონ წამოვედით. ვნახეთ ორი გარდაცვლილი. აქეთ კი, ეტლი იყო გამოგორებული, პატარა ბავშვი იყო შიგ, ალბათ, 1 წლის იქნებოდა. მერე ბავშვი ექიმებმა წაიყვანეს“, – ამბობს თვითმხილველი.
მოკლულების მეზობლები „კურიერთან“ საუბრისას ამბობენ, რომ მარიამ სოფრომაძე და გიორგი ფირაშვილი ოფიციალურ ქორწინებაში იმყოფებოდნენ, თუმცა ბოლო დროს ერთად აღარ ცხოვრობდნენ.
„დიდი ხანია არც არიან შეუღლებულები, პატარა ბავშვი ჰყავდათ. სიძეს ვხედავდით, მოდიოდა ხოლმე, ბავშვს აკითხავდა, არასოდეს, ზედმეტი არ შეგვინიშნავს. ინგა ჩვენი საუკეთესო მეზობელი, მეგობარი იყო. მარტოხელა, 5 შვილის დედა, მშრომელი ადამიანი“, – ამბობს ერთ-ერთი მეზობელი.
შემთხვევა დუმბაძის ქუჩაზე, სკვერში მოხდა.
სამართალდამცველებმა 1997 წელს დაბადებული გიორგი ფირაშვილი ოჯახის ორი წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით, ცხელ კვალზე, შემთხვევის ადგილზე დააკავეს. გამოძიება საქართველოს სისხლის სამართლის კოდექსის 11 პრიმა 109-ე მუხლის „კ“ და „ლ“ ქვეპუნქტებით მიმდინარეობს.
დანაშაული 16-დან 20 წლამდე ან უვადო თავისუფლების აღკვეთას ითვალისწინებს. პოლიციამ დანაშაულის ჩადენის იარაღი – სანადირო თოფი ნივთმტკიცებად ამოიღო.
About Post Author
ქეთევან ნინუა
Comments
თბილისში მკვლელობა მოხდა
თბილისში მკვლელობა მოხდა. არსებული ინფორმაციით, ჩუღურეთის რაიონში მეზობელმა მამაკაცი ცივი იარაღით მოკლა. შემთხვევის ადგილზე ექსპერტ-კრიმინალისტები მუშაობენ.
შსს-მ “ნაცმოძრაობის” ოფისზე თავდასხმის ფაქტზე გამოძიება სხვისი ნივთის განზრახ დაზიანების მუხლით დაიწყო
პარტია "ნაციონალური მოძრაობის" თავმჯდომარე ლევან ხაბეიშვილმა გაავრცელა ინფორმაცია, ვიდეო და ფოტო მასალა, რომ პარტიის სათავო ოფისს, რომელიც მდებარეობს კახეთის გზატკეცილზე,...
ცოლისა და სიდედრის მკვლელობაში ბრალდებულს პატიმრობა შეეფარდა – ირკვევა, რომ გიორგი ფირაშვილი ცოლზე სისტემატურად ძალადობდა
რუსთავში, ცოლისა და სიდედრის მკვლელობაში ბრალდებულ 27 წლის გიორგი ფირაშვილს აღმკვეთი ღონისძიების სახით პატიმრობა შეეფარდა. აღკვეთის ღონისძიების შესახებ სხდომა ცოტა ხნის წინ დასრულდა. პატიმრობის...
აღსრულების ეროვნული ბიურო აღმასრულებელთა ევროპულ კავშირს (UEHJ) შეუერთდა
იუსტიციის სამინისტროს სსიპ „აღსრულების ეროვნული ბიურო“ აღმასრულებელთა ევროპულ კავშირში (UEHJ) ამ ეტაპისთვის დამკვირვებლის სტატუსით იქნება წარდგენილი, ხოლო საქართველოს ევროკავშირში გაწევრების...
შსს – ამოღებულია ბანანით დატვირთულ საზღვაო კონტეინერში ფარულად მოთავსებული 52 კილოგრამამდე „კოკაინი“, რომელიც ეკვადორიდან ევროპაში ტრანზიტული გზით, საქართველოს გავლით გადაჰქონდათ
შინაგან საქმეთა სამინისტროს ცნობით, ცენტრალური კრიმინალური პოლიციის დეპარტამენტის თანამშრომლების მიერ გატარებული კომპლექსური ოპერატიული ღონისძიებების შედეგად ტრანსნაციონალური ორგანიზებული დანაშაული გამოვლინდა. როგორც შინაგან...
თბილისში, ნაძალადევის რაიონში, 3 ადამიანი დაჭრეს
თბილისში, ნაძალადევის რაიონში, 3 ადამიანი დაჭრეს. არსებული ინფორმაციით, რომ მათ სიცოცხლეს საფრთხე არ ემუქრება. „პრაიმტაიმის“ დეტალებს შინაგან საქმეთა სამინისტროში არკვევს.