„რუსთავის ციხეში თუ გადაიყვანენ, ეჭვი არ მეპარება, რომ შიმშილობას განაახლებს“ – გიული ალასანია სააკაშვილზე
Read Time:32 Second
საქართველოს მესამე პრეზიდენტის მიხეილ სააკაშვილის დედის გიული ალასანიას თქმით, იმ შემთხვევაში თუ თავის შვილს გორის ჰოსპიტლიდან რუსთავის ციხეში გადაიყვანენ, ის დარწმუნებულია, რომ სააკაშვილი შიმშილობას განაახლებს.
ამასთან, გიული ალასანია ამბობს, რომ მას თავის შვილთან აღარ აქვს კომუნიკაცია.
„სამწუხაროდ, პირადად მე ჩემს შვილთან კომუნიკაცია აღარ მაქვს. ერთადერთი ადამიანი, რომელმაც დღეს ჰოსპიტალში შესვლა მოახერხა, ნიკა გვარამია იყო. მუქარები მუდმივად ისმის, თუ ასე არ მოიქცევი, ასე იქნება, თუ ისე არ მოიქცევი, ასე დაგსჯით. ამას უკვე მივეჩვიე.
რაც შეეხება მის გამოჯანმრთელებას, იცით რამდენიმე კონსილიუმი შეიქმნა და ყველა მონაწილემ ჩათვალა, რომ არ არის გამოჯანმრთელებული. მისი გადაყვანა სრულიად გამორიცხულია. არ ვიცი იუსტიციის მინისტრმა რის საფუძველზე გააკეთა დასკვნა, რომ გამოჯანმრთელდა“, – აღნიშნა ალასანიამ ტელეკომპანია „პირველის“ ეთერში.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
