რესპუბლიკის მოედანზე ხიდიდან ახალგაზრდა გადავარდა – მომხდარის დეტალები

საქართველოს პარლამენტის თავმჯდომარე, შალვა პაპუაშვილმა "რუსთავი 2-ის" გადაცემა "დებატებში" განაცხადა, რომ დონორობა ქველმოქმედება არ არის და ის ყოველთვის კონკრეტული სახელმწიფოს ინტერესებს ემსახურება.შალვა პაპუაშვილმა პარიზის დეკლარაცია გაიხსენა და აღნიშნა, რომ დონორის და პარტნიორის მიზნებს შორის თანხვედრა უნდა იყოს."რა თქმა უნდა, არც ერთი დონორი ქველმოქმედებით დონორობას არ აწარმოებს. ეს წარმოდგენა თუ გაქვთ, რომ ვინმეს ქველმოქმედებაა, ძალიან მიამიტები ხართ. ეს არის იმ ქვეყნის ინტერესების განხორციელება. რა თქმა უნდა, იმ ქვეყნის ინტერესები - გერმანია იქნება, საფრანგეთი თუ ა.შ. შეიძლება ემთხვეოდეს ამ ქვეყნის ინტერესებს. ამას საუბრობს ზუსტად პარიზის დეკლარაცია, როდესაც ამბობს, რომ უნდა იყოს დონორისა და პარტნიორის მიზნებს შორის თანხვედრა. დონორებმა უნდა შეუსაბამონ თავისი პროექტები და მიზნები პარტნიორი ქვეყნის მიზნებს და ეს არის მთელი ამოცანა დახმარების და თანამშრომლობის. სწორედ ამით ვიყავი დაკავებული, რომ იმ ქვეყნის ინტერესი, რომელსაც წარმოადგენს ეს თანხა, იყოს შესაბამისობაში ამ ქვეყნის ინტერესთან და ასე განხორციელდეს," - აცხადებს შალვა პაპუაშვილი.

რუსეთში, ვორონეჟის საოლქო სასამართლოში, 49 წლის „კანონიერი ქურდის“, არმან ჯანინიანის, მეტსახელად „არმან კალუჟსკის“, სისხლის სამართლის საქმის განხილვა დასასრულს უახლოვდება.მას „კრიმინალურ იერარქიაში“ უმაღლესი მდგომარეობის დაკავებასა და 2023 წელს შეკვეთილი მკვლელობის ორგანიზებაში ედება ბრალი.როგორც რუსული გამოცემა „კომერსანტი“ იუწყება, გამოძიების ვერსიით, ჯანინიანმა „კრიმინალური დაჯგუფებების“ ე.წ. საერთო სალაროს განმკარგველის მკვლელობა შეუკვეთა. დანაშაულის სავარაუდო მოტივად ფინანსური უთანხმოება სახელდება.გამოძიების ინფორმაციით, მკვლელმა მსხვერპლს გაქცევის მცდელობისას ზურგში ესროლა, შემდეგ კი რამდენიმე საკონტროლო გასროლა განახორციელა და შემთხვევის ადგილიდან მიიმალა. დანაშაულიდან ერთი თვის შემდეგ სამართალდამცველებმა მკვლელობის მომზადებასა და ჩადენაში ეჭვმიტანილი სამი პირი დააკავეს. მოგვიანებით სამივემ სამხედრო სამსახურის კონტრაქტი გააფორმა.არმან ჯანინიანი კრიმინალურ წრეებში 1990-იანი წლებიდანაა ცნობილი. ის წარსულში არაერთხელ იყო ნასამართლევი ქურდობისა და ყაჩაღობისთვის. 2010 წელს კი ყაჩაღობის, გამოძალვის, ნარკოტიკების უკანონო ბრუნვისა და ყალბი დოკუმენტების გამოყენებისთვის რვაწლიანი პატიმრობა მიესაჯა.მედიის ცნობით, ჯანინიანის წინააღმდეგ სასამართლო პროცესი დასკვნით ეტაპზეა და განაჩენის გამოტანა უახლოეს თვეებშია მოსალოდნელი. ბრალის დამტკიცების შემთხვევაში მას შესაძლოა უვადო თავისუფლების აღკვეთა მიესაჯოს.ფოტოზე: აილაზ ალოიანი (გუდრონი) და არმან ჯანინიანი (კალუჟსკი)

2026 წელს საქართველოში ქრისტიანობის სახელმწიფო რელიგიად გამოცხადების 1700 წელი აღინიშნება. ქვეყნისთვის ამ უმნიშვნელოვანეს მოვლენას საქართველოს ეროვნულმა ბანკმა საკოლექციო დანიშნულების 10 ლარის ნომინალის ოქროსა და ვერცხლის მონეტები მიუძღვნა.მონეტების დიზაინი სებ-მა საქართველოს საპატრიარქოსთან თანამშრომლობით შეიმუშავა, თავად მონეტები კი პოლონეთის ზარაფხანაში დამზადდა.326 წელს საქართველომ ქრისტიანობა სახელმწიფო რელიგიად გამოაცხადა. ამ მოვლენამ საქართველოს ისტორიისა და კულტურის განვითარებაზე უდიდესი გავლენა მოახდინა. საუკუნეების განმავლობაში ქრისტიანული რწმენა ქართველთა იდენტობის ერთ-ერთ უმთავრეს საფუძვლად იქცა და მნიშვნელოვანი როლი შეასრულა ეროვნული თვითმყოფადობის, ღირებულებებისა და კულტურის ჩამოყალიბებაში. აღნიშნული ისტორიული მოვლენა წმინდა ნინოს ქადაგებას, მირიან მეფისა და ნანა დედოფლის გაქრისტიანებას უკავშირდება.მონეტის წინა მხარეს მთავარ კომპოზიციას წარმოადგენს წმინდა ნინოს ვაზის ჯვრის (საქართველოში ქრისტიანობის ოფიციალურ რელიგიად გამოცხადებისა და საქართველოს მართლმადიდებლური ეკლესიის სიმბოლო) გამოსახულება და საქართველოს მოსახლეობის საყოველთაო ქრისტიანული ნათლობის სცენა. ზედა მარცხენა ნაწილში გამოსახული სამი მტრედი ყოვლადწმინდა სამების, ხოლო ერთ-ერთი მტრედის ნისკარტში მოქცეული ზეთისხილის რტო სულიწმინდის სიმბოლოა. მონეტის ზედა ნაწილში წრიულად დატანილია წარწერები: „საქართველო ქრისტიანული სახელმწიფო – 1700″, ხოლო ჯვრის ქვემოთ – საიუბილეო ციფრი „1700“ სტილიზებული სახით. ვერცხლის მონეტაზე ჯვრის გამოსახულება მოცულობითია და ახალი ტექნოლოგიით – ხისებრი ფაქტურით არის შესრულებული, ხოლო სტილიზებული ციფრი „1700“ ოქროსფერია.მონეტის უკანა მხარეს მთავარ კომპოზიციას წარმოადგენს საქართველოში ქრისტიანული რწმენის, სიძლიერისა და უწყვეტობის ნიმუში – სვეტიცხოვლის საკათედრო ტაძარი. ტაძრის გუმბათის ზემოთ, რკალზე, დატანილია ნომინალის აღმნიშვნელი წარწერა. რკალის ზემოთ გამოსახულია მზის სხივები, მარადისობის და ქრისტეს, როგორც „სამყაროს სინათლის“ სიმბოლო. მონეტას რკალად გასდევს ტრადიციული ქართული ორნამენტი, რაც ურთიერთდაკავშირებულობასა და უწყვეტ მემკვიდრეობას აღნიშნავს. მონეტის ზედა ნაწილში დატანილია წარწერები: „საქართველო 2026 GEORGIA“.წარწერებში გამოყენებული შრიფტი სპეციალურად აღნიშნული მონეტის დიზაინისთვის შეიქმნა.ინფორმაციას საქართველოს ეროვნული ბანკი ავრცელებს.

ჩემთვის დიდი პატივია საქართველოში პირველი ოფიციალური ვიზიტით მყოფი ვიეტნამის ვიცე-პრეზიდენტის,  ვო თჰი ან სუანის მასპინძლობა, – ამის შესახებ საქართველოს პრემიერ-მინისტრი ირაკლი კობახიძე X-ზე წერს.როგორც მთავრობის მეთაური აღნიშნავს, გაფართოებული ფორმატის შეხვედრაზე განიხილეს ეკონომიკური თანამშრომლობის გაძლიერების შესაძლებლობები.„ჩემთვის დიდი პატივია საქართველოში პირველი ოფიციალური ვიზიტით მყოფი ვიეტნამის ვიცე-პრეზიდენტის, ვო თჰი ან სუანის მასპინძლობა. გაფართოებული ფორმატის შეხვედრაზე განვიხილეთ ეკონომიკური თანამშრომლობის გაძლიერების შესაძლებლობები და კიდევ ერთხელ დავადასტურეთ მზადყოფნა საქართველოსა და ვიეტნამს შორის ორმხრივი პარტნიორობის შემდგომი გაღრმავებისთვის“, – აღნიშნავს პრემიერი.

12 ოქტომბერს, ევროკავშირის ქვეყნების საგარეო საქმეთა მინისტრებმა რუსეთის სამხედრო-სამრეწველო კომპლექსის წინააღმდეგ ყველაზე მასშტაბური სანქციების პაკეტი დაამტკიცეს. ის რუსეთის სამხედრო მრეწველობასთან დაკავშირებულ 1 569 პირსა და კომპანიას შეეხება. სიაში 826 კომპანია და მათი 743 აღმასრულებელი დირექტორია შეყვანილი.სანქციები მიმართულია იმ მიმწოდებლების წინააღმდეგ, რომლებიც რუსეთს შეიარაღების წარმოებისთვის აუცილებელი კომპონენტებით ამარაგებენ. საუბარია კომპანიებზე, რომელთა ერთობლივი წლიური ბრუნვა, სულ მცირე, 20 მილიარდ ევროს შეადგენს და რომლებშიც 250 000-ზე მეტი ადამიანია დასაქმებული.სანქცირებული კომპანიები რაკეტების, დრონების და თვითმფრინავების წარმოებაში გამოყენებულ ნაწილებს აწარმოებენ. ამ კომპონენტებს შორისაა ელექტრონული დეტალები, მიკროჩიპები, რადარები და საკომუნიკაციო მოწყობილობები, აგრეთვე საავიაციო, სატელიტური და სარაკეტო სისტემებისთვის განკუთვნილი ტექნოლოგიები. სიაში ასევე შედიან ასაფეთქებელი ნივთიერებების, საბრძოლო მასალის, ოპტიკური და სანავიგაციო სისტემების მწარმოებლები.ახალი სანქციების დაწესების შემდეგ, უკრაინის წინააღმდეგ რუსეთის აგრესიის გამო ევროკავშირის სანქციათა სიებში შეყვანილი ფიზიკური და იურიდიული პირების საერთო რაოდენობა თითქმის 4 600-ს აღწევს.ევროკავშირმა სანქციები კიდევ 77 პირსაც დაუწესა, ოკუპირებულ უკრაინულ ტერიტორიებზე სექტემბერში ჩატარებულ რუსეთის საპარლამენტო არჩევნებში მონაწილეობის გამო.მათ შორის არის დეპუტატობის 74 კანდიდატი, რომლებიც დონეცკის, ლუგანსკის, ზაპოროჟიესა და ხერსონის ოლქებში, ასევე ყირიმსა და სევასტოპოლში გამართულ კენჭისყრაში მონაწილეობდნენ. სანქციები ასევე დაუწესდა რუსეთის ცენტრალური საარჩევნო კომისიის სამ წევრს, არჩევნების ორგანიზებისთვის.ევროკავშირის განცხადებით, უკრაინის ოკუპირებულ ტერიტორიებზე არჩევნების ჩატარება არღვევს საერთაშორისო სამართალს და ლახავს უკრაინის სუვერენიტეტსა და ტერიტორიულ მთლიანობას.ყველა სანქცირებულ პირს ეკრძალება ევროკავშირში მგზავრობა, ევროკავშირის ტერიტორიაზე არსებული მათი აქტივები გაყინულია, ხოლო ევროპელ მოქალაქეებსა და კომპანიებს ეკრძალებათ მათთვის ფინანსური ან ეკონომიკური რესურსების მიწოდება.უფრო ადრე, სექტემბერში ევროკავშირმა სანქციები დაუწესა 10 პირს, რუსეთში დემოკრატიული ოპოზიციის წინააღმდეგ რეპრესიების მხარდაჭერისა და დემოკრატიისა და კანონის უზენაესობის შერყევისკენ მიმართული ქმედებების გამო.