რატი ბრეგაძე: „ჩვენ არაფერი გვაქვს დასამალი და პირიქით – გვინდა, რომ საზოგადოებამ იცოდეს სიმართლე“
Read Time:38 Second
„ჩვენს უწყებას არაფერი აქვს დასმალი, პირიქით – მოწადინებული ვართ, საზოგადოებას მივაწოდოთ რაც შეიძლება მეტი ინფორმაცია ნებისმიერი შესაძლო ფორმით. მზად ვართ ნებისმიერ დაინტერესებულ პირთან შესახვედრად, ბუნებრივია, კონსტრუქციულ ვითარებაში, სადაც მოსმენილი იქნება არგუმენტები და შესაძლებელი იქნება, რომ ინფორმაცია იყოს გაზიარებული“, – ამის შესახებ იუსტიციის მინისტრმა რატი ბრეგაძემ სააკაშვილის თემაზე საუბრისას განაცხადა.
მინისტრმა უპასუხა გავრცელებულ ინფორმაციასაც ევროკავშირის წევრი ქვეყნების ელჩებთან გაფართოებული შეხვედრის დაგეგმვის თაობაზე და აღნიშნა, რომ „მსგავსი ტიპის შეხვედრა ჯერჯერობით დაგეგმილი არ არის“.
„ამადამიანის პენიტენციურ დაწესებულებაში შემოსახლების დღიდან ჩვენ რეგულარული კონტაქტი გვაქვს საზოგადოებასთან. გვაქვს შეხვედრები დაინტერესებულ პირებთან და ვაწვდით რეგულარულად ინფორმაციას. ამას ვამბობ სპეციალურად ხაზგასმით, იმისთვის, რომ ყველამ იცოდეს, ჩვენ არაფერი გვაქვს დასამალი და პირიქით – გვინდა, რომ საზოგადოებამ იცოდეს სიმართლე. მთელი ამ პერიოდის განმავლობაში მოედინება ცილისწამების ძალიან დიდი ნიაღვარი, არა მხოლოდ იუსტიციის სამინისტროს, არამედ მთელი სახელმწიფოს წინააღმდეგ“, – განაცხადა რატი ბრეგაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
