შაბათი, ოქტომბერი 18, 2025

რამდენი წყალი უნდა ვსვათ დღეში. რეკომენდაცია

არსებობს მოსაზრება, თითქოს ადამიანმა დღეში 8 ჭიქა წყალი უნდა დალიოს, რაც მარტივი, გასაგები და მიმზიდველია, მაგრამ ეს სწორი წერს არ არის. ის, თუ რამდენი სითხე სჭირდება ადამიანს, დამოკიდებულია სქესზე, ასაკზე, წონაზე, ფიზიკურ დატვირთვაზე, გარემო პირობებზე, კვებასა და ბევრ სხვა რამეზე. გაზაფხულის დადგომასა და ზაფხულის მოახლოებასთან ერთად ადამიანები ბევრ წყალს სვამენ: ერთნი სიცხის გადასატანად, მეორენი – დიეტისათვის. არსებობს სპეციალისტთა მოსაზრებები იმის შესახებ, თუ რა არის სასარგებლო და სინამდვილეში, რამდენი წყალი უნდა სვას ადამიანმა ყოველდღე.

რამდენი?

რამდენიც გინდათ. ამ დროს საუკეთესო ორიენტირი წყურვილია: დალევა თუ გინდათ, უნდა დალიოთ. აშშ-ის მედიცინის ინსტიტუტის მიახლოებითი გათვლებით კაცებმა დღეში 3,7 ლიტრი, ქალებმა კი – დაახლოებით 2,7 ლიტრი სითხე უნდა მიიღონ. ლაპარაკია არა იმდენად სუფთა წყალზე, რამდენადაც ნებისმიერ სითხეზე, მაგალითად ყავაზე, ჩაიზე ან წვენზე. აქ ის სითხეც იგულისხმება, რომელსაც მკვრივი პროდუქტები, მაგალითად ვაშლი ან ხორცი შეიცავს.

სულ მწყურია. ეს კარგი არ არის?

მუდმივ წყურვილს შეიძლება ბევრი მიზეზი ჰქონდეს, დაწყებული შედარებით უვნებელი მიზეზებიდან, როგორებიცაა ბევრი მარილიანი ან ცხარე საკვების მიღება ან სიცხიანი ამინდი, დასრულებული ჯანმრთელობის პრობლემებით.

მუდმივი წყურვილი თავისუფლად შეიძლება იყოს დიაბეტის (შაქრიანის ან უშაქროსი) სიმპტომი. შესაძლებელია სხვა ვარიანტებიც: სისხლდენა, სეფსისი, დამწვრობა, გულის, ღვიძლის ან თირკმლის უკმარისობა. მაგრამ ასეთ დროს ადამიანი სხვა, გაცილებით ცხად სიმპტომებსაც უნდა ამჩნევდეს. არანორმალური წყურვილი ახასიათებთ ასევე ადამიანებს ფსიქოგენური პოლიდიფსიით, რასაც ფსიქიკური დარღვევები იწვევს. კიდევ ერთი მიზეზი შეიძლება იყოს წამლები. ძლიერი წყურვილი აწუხებთ ხოლმე მათ, ვინც იღებს ჰოლინოლიტიკურ პრეპარატებს, შარდმდენებს, ფენოტიაზინებს და სხვა.

უფრო მეტ წყალს თუ დავლევ, თავს უკეთ ვიგრძნობ?

ამის სამეცნიერო მტკიცებულებები არ არსებობს. ამასთან, ორგანიზმი წყლის სიჭარბეს იოლად უმკლავდება – გამოჰყავს შარდგამტარი არხებით, თუ ეს რამდენიმე საათში ერთბაშად მიღებული 15 ლიტრი სითხე არ არის. ასეთ მოცულობას ორგანიზმი შეიძლება ვერ გაუმკლავდეს და სიცოცხლისთვის საშიში მდგომარეობა განვითარდეს.

მართალია, რომ ჭამის დროს წყლის სმა არ შეიძლება?

არა. ექიმებს მიაჩნიათ, რომ წყლის სმა ჭამის დროს ან ჭამის შემდეგ საკვების მონელებას ხელს უწყობს, საკვებს შლის და შედეგად სხეული უკეთ ითვისებს საკვებ ნივთიერებებს. მეორე არასწორი მოსაზრებაა, თითქოს ჭამის დროს წყლის სმა ნერწყვის გამომუშავებას უშლის ხელს. გასტროენტეროლოგებს ამის მაგალითად მოჰყავთ სეგნების სინდრომი ამ დაავადების დროს ნერწყვი ცუდად გამოიყოფა და პაციენტებს აიძულებენ ბევრი წყლის სმას ან პირის დასველებას და არ ეშინიათ იმის, რომ ნერწყვის გამოყოფა კიდევ უფრო შემცირდება.

შეიძლება წყალი საერთოდ არ დავლიო? ჩვეულებრივ, ვსვამ ჩაის, ყავას ან ხილის წვენს

შეიძლება. მაგრამ გასათვალისწინებელია, რომ, ექიმების თქმით, ხილის წვენი არ არის ისეთი სასარგებლოა, როგორც ადამიანებს ჰგონიათ, რადგან მასთან ერთად ორგანიზმში ხვდება ძალიან ბევრი ნახშირწყალი, იმაზე მეტი, ვიდრე უბრალოდ ხილის მიღებისას. იმის თქმა, რომ კოკა-კოლას და სხვა ტკბილ გაზიან სასმელს არაფერი მოაქვს შაქრის გარდა, სავარაუდოდ, სწორი არ არის. რაც შეეხება ყავას, მიცნეულია, რომ დღეში 400 გრამი კოფეინი (დაახლოებით 3-5 ფინჯანი ყავა) მავნე არ არის. ამ ცხრილსი შეგიძლიათ ნახოთ, რა რამდენ კოფეინს შეიცავს ყავა.

გრიპის დროს ბევრი სითხის მიღება ხომ აუცილებელია?

საჭიროა, თუ თქვენ სიცხე, გულისრევა და (ან) ფაღარათი გაქვთ, რადგან ამ დროს ბევრ სითხეს კარგავთ. გულისრევის და ფაღარათის დროს ჯობს სპეციალური ხსნარების ან მინერალური წყლის მიღება მაინც, რადგან სითხესთან ერთად ადამიანი ამ დროს ელექტროლიტებსაც კარგავს. ზოგიერთ მინერალურ წყალში მარილების ისეთი კონცენტრაციაა, რომ ამ მაჩვენებლით ისინი „რეჰიდრონს“ (მას გაუწყლოების დროს ნიშნავენ) უტოლდება და ასეთ მინერალურ წყალში შაქრის დამატებით, იმავე „რეჰიდრონს“ მიიღებთ.

ამბობენ, რომ ვარჯიშის დროს ჯობს წყალი არ დავლიო. მართალია?

არა. გაუწყლოება, სულ ცოტა, აუარესებს ადამიანის უნარს, ივარჯიშოს. სპორტული მედიცინის ამერიკული კოლეგიის რჩევა ადამიანმა წყალი მიიღოს ვარჯიშამდე, ვარჯიშის დროს და ვარჯიშის დამთავრების შემდეგაც, რომ დაკარგული სითხე აინაზღაუროს. თუ თქვენ საათზე მეტს ვარჯიშობთ, უკეთესია სპორტული სასმლის არჩევა, რომელიც 6-8% ნახშირწყლებს შეიცავს: ის დაგეხმარებათ, რომ ვარჯიში დროზე ადრე არ დაასრულოთ.

თუმცა თანამედროვე სპორტსმენებს სხვა პრობლემა  აქვთ – წყლის ინტოქსიკაცია. ძალიან ბევრი წყლის მიღების შემთხვევაში, ადამიანს შეიძლება სიცოცხლისთვის საშიში ჰიპონატრიემია განუვითარდეს. ამ დროს ორგანიზმი ჭარბ სითხეს ვერ უმკლავდება. სისხლის მოცულობა იზრდება, ხოლო ნატრიუმის კონცენტრაცია მასში მცირდება. ბალანსის აღსადგენად უჯრედები სითხეს იწოვენ და უბრალოდ სივდებიან. თუ ეს ტვინში მოხდა, შედეგები ძალიან მძიმე იქნება.

ნაბახუსევზე წყალი ხომ სასარგებლოა?

გარკვეული დოზით კი. სამწუხაროდ, ნაბახუსევის „განკურნების“ გზა ჯერჯერობით არ მოუგონიათ და ყველაზე კარგი რამ, რასაც ექიმები ამ დროს ადამიანებს სთავზობენ, ესაა სიმშვიდე, მსუბუქი საკვები, ტკივილგამაყუჩებლის აბი (ოღონდ არა პარაცეტამოლი) და ბევრი წყალი.

რომელი წყალი უნდა ვსვა – ონკანის, ბოთლის თუ გაფილტრული?

ეს დამოკიდებულია გემოვნებაზე და იმაზე, თუ სად ცხოვრობთ, რით იკვებებით და რა დაავადებები გაწუხებთ. დადასტურებულია, რომ მაგალითად თბილისში, ონკანის წყალი აბსოლუტურად უვნებელია. ზოგადად, ბოთლის წყალი შეიძლება იდეალური არ იყოს. ზოგჯერ მასში ისეთ მიკროორგანიზმებს პოულობენ, რომელიც წყალში არ უნდა იყოს. რაც შეეხება წყლის ფილტრებს, საჭიროა მათი რეგულარული რეცხვა და დეზინფექცია. ამის გარეშე შეიძლება ადამიანს შეიძლება საკვების მონელების პრობლემები გაუჩნდეს. ამ ფილტრებში წყლის შემოწმებას აუცილებელია.

რაც შეეხება მინერალურ წყალს, ის ნატრიუმის წყაროა. ეგრეთ წოდებული სამკურნალო მინერალური წყლები, რომელშიც ერთ ლიტრზე 5 გრამი ან მეტი მარილია, ძალიან სახიფათოა გულის უკმარისობისა და თირკმლის უკმარისობის დროს. თანამედროვე დასავლური მედიცინა მინერალური წყლის სამკურნალო თვისებებზე არაფერს გვეუბნება.

წყარო: Meduza

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

მსოფლიოს ერთ-ერთი ყველაზე აქტიური ვულკანი კიდევ ერთხელ ამოიფრქვა

მსოფლიოს ერთ-ერთი ყველაზე აქტიური ვულკანი კიდევ ერთხელ ამოიფრქვა. ამერიკის შეერთებული შტატების გეოლოგიური სამსახურის კამერებმა ჰავაიზე აქტიური კრატერიდან ლავის გადმოფრქვევის პროცესი დააფიქსირა.კადრებში ჩანს კვამლიც, რომელიც ფერდობზე ტრიალებს. კილაუეას ვულკანი, პერიოდულად, 2024 წლის დეკემბრის შემდეგ იფრქვევა.

“გლდანის ციხე დედამიწაზე ჯოჯოხეთი იყო… ყველა ვიდეო-მასალა მიხეილ სააკაშვილთან მიდიოდა, საახლობლო წრესთან განიხილავდა თითოეული პატიმრის წამების ამბავს, იცინოდნენ, ხალისობდნენ” – სულხან მოლაშვილის ძმა თორნიკე...

გადაცემა "ისტორია დეტალებში" უახლოესი წარსულის ერთ-ერთ მძიმე ეპიზოდს - "ციხის კოშმარს" მიეძღვნა. გადაცემაში კონტროლის პალატის ყოფილი თავმჯდომარის სულხან მოლაშვილის ძმამ, ყოფილმა პოლიტპატიმარმა, თორნიკე მოლაშვილმა უმძიმეს დეტალებზე ისაუბრა.მას შემდეგ, რაც სულხან მოლაშვილმა ევროპულ სასამართლოს მიმართა, მისი ძმა თორნიკე მოლაშვილი შინაგან საქმეთა სამინისტროში დაიბარეს და მოსთხოვეს აღნიშნული მიმართვა უკან გამოეწვიათ. სტრასბურგის სასამართლოდან სარჩელის გამოტანაზე ოჯახმა უარი განაცხადა, ამის შემდეგ კი თორნიკე მოლაშვილი დააპატიმრეს.თორნიკე მოლაშვილი გადაცემაში საკუთარი დაკავების დეტალებს და გლდანის ციხეში გატარებულ მძიმე პირობებს იხსენებს."წამიყვანეს და პირდაპირ მითხრეს, რომ სულხანმა დაწეროს განცხადება, სტრასბურგიდან სარჩელი გამოიტანოს და ხვალ დილით 10 საათზე იქნები სახლში. დაწეროს განცხადება, მოგვცეს ჩვენ და იმ განცხადებას ჩვენ მივხედავთო. წერდა სულხანი განცხადებას, უნდოდა, მაგრამ პასუხისმგებელი იმაზე, რომ მე გამომიშვებდნენ, არავინ არ იყო.აღმოვჩნდი გლდანის ციხეში. სასჯელის ნახევარი გავატარე გლდანის ციხეში, ნახევარი ე.წ. მატროსოვზე. გლდანის ციხე დედამიწაზე ჯოჯოხეთი იყო, ვერ აღგიწერთ. ევროპელი დამკვირვებლები რომ იყვნენ შემოსულები ციხეში, თქვეს, რას უშვრებითო ამ ხალხსო?ციხეში, სად შეიძლება სიჩუმე იყოსო? ბუზის გაფრენის ხმას გაიგებდი ისეთი სიჩუმე იყო ციხეში. სიკვდილის და სისხლის სუნი იდგა. ხალხი დარწმუნებული იყო, რომ ციხიდან ცოცხლები ვერ გამოვიდოდნენ," - აღნიშნა თორნიკე მოლაშვილმა.ასევე, ყოფილმა პოლიტპატიმარმა იმ დეტალზეც გაამახვილა ყურადღება, როდესაც მისი ძმა, პატიმრობის დროს, გარკვეული პერიოდი დაკარგულიც კი იყო."სულხანი 2-ჯერ, ერთხელ 5 დღით, მეორედ 7 დღით, საერთოდ დაიკარგა ციხეში, დაგვიმალეს. ე.წ. რეზბალნიციდან სად გადაიყვანეს არ ვიცოდით. მოვიარეთ მთელი საქართველოს ციხეები, არსად არ იყო, თურმე სამინისტროს ქვემოთ ციხე რომ არის, იქ ჰყოლიათ," - განაცხადა თორნიკე მოლაშვილმა.მისივე განცხადებით, წინა ხელისუფლების დროინდელი ციხეში მყოფი პატიმრების წამების ვიდეო კადრები მიხეილ სააკაშვილთან მიჰქონდათ, რომელიც ამ კადრებით ერთობოდა."ყველა ვიდეო-მასალა მიხეილ სააკაშვილთან მიდიოდა. ამას ყველაფერს აყურებინებდნენ, არამხოლოდ თვითონ, არამედ მის საახლობლო წრესთან განიხილავდა თითოეული პატიმრის წამების ამბავს, იცინოდნენ, ხალისობდნენ, ბედნიერები იყვნენ. ასეთი მთავრობა გვყავდა. მაგათთვის, ვინც არ უნდა ყოფილიყო არ ჰქონდა მნიშვნელობა, ადამიანის წამება, სიკვდილი და სულში ჩაფურთხება სიამოვნებდათ. ამით ტკბებოდა, ვამპირი იყო," - აღნიშნა თორნიკე მოლაშვილმა.

ვიქტორ ორბანი: თუ ევროპას მშვიდობა სურს, მან სამხედრო გეგმებს უნდა გადახედოს

უნგრეთის პრემიერ-მინისტრმა ვიქტორ ორბანმა სოციალურ ქსელ X-ში დაწერა, რომ თუ ევროპას მშვიდობა სურს, მან ომის გეგმებს უნდა გადახედოს.„თუ ევროპას ნამდვილი მშვიდობა სურს, მან სამხედრო გეგმებს უნდა გადახედოს და ყველაფერი გადაიაზროს. მშვიდობა უნდა დამყარდეს და ძალით გამყარდეს. დროა, ევროპა საღი აზრის გზას დაუბრუნდეს!“ - დაწერა ორბანმა.

ვოლოდიმირ ზელენსკი – უნდა შევჩერდეთ იქ, სადაც ვართ, პრეზიდენტი ტრამპი მართალია, ჩვენ გვჭირდება აშშ-ის მხრიდან უსაფრთხოების გარანტიები, რომ რუსეთი კიდევ არ დაგვიბრუნდება ომით

უკრაინის პრეზიდენტი ვოლოდიმირ ზელენსკი გამოეხმაურა აშშ-ის დონალდ ტრამპის პოზიციას ომის შეწყვეტის შესახებ.„მე ვფიქრობ, რომ უნდა შევჩერდეთ იქ, სადაც ვართ. პრეზიდენტი მართალია. დიახ, უნდა შევაჩეროთ იქ, სადაც ვართ. ეს მნიშვნელოვანია“, – განუცხადა ზელენსკიმ ჟურნალისტებს.თუმცა, უკრაინის პრეზიდენტმა აღნიშნა, რომ უკრაინას უნდა ჰქონდეს აშშ-ის მხრიდან ძლიერი უსაფრთხოების გარანტიები.„ჩვენ გვჭირდება აშშ-ის უსაფრთხოების გარანტიები, რადგან მხოლოდ აშშ-ს აქვს რუსეთზე რეალური ზეწოლის საშუალება. მხოლოდ პრეზიდენტ ტრამპს აქვს რუსეთთან პირდაპირი დიალოგი. გვჭირდება ძლიერი გარანტიები, რომ რუსეთი კიდევ არ დაგვიბრუნდება ომით“, – აღნიშნა უკრაინის პრეზიდენტმა.მანამდე, დონალდ ტრამპმა სოციალურ ქსელში დაწერა, რომ რუსეთმა და უკრაინამ ომი დაუყოვნებლივ უნდა დაასრულონ.„საზღვრები განისაზღვრა ომით და გამბედაობით. ისინი უნდა გაჩერდნენ იქ, სადაც არიან. დაე, ორივე მხარემ გამოაცხადოს გამარჯვება, ისტორიამ განსაჯოს“, – დაწერა ტრამპმა.

დონალდ ტრამპი: აშშ მძლავრ იარაღს აწვდის უკრაინას, რაც ამერიკის რეზერვებზე გავლენას ახდენს, ერთ-ერთი მიზეზი, რატომაც გვინდა ამ ომის დასრულება, სწორედ ეს არის

“ჩვენ გვჭირდება „ტომაჰავკები“ და ბევრი სხვა იარაღი, რასაც ბოლო ოთხი წლის განმავლობაში უკრაინაში ვაგზავნით”, – ამის შესახებ აშშ-ის პრეზიდენტმა, დონალდ ტრამპმა უკრაინის პრეზიდენტ ვოლოდიმირ ზელენსკისთან თეთრ სახლში შეხვედრისას განაცხადა.ჟურნალისტმა ტრამპს ჰკითხა, რა მოხდება თუ შეერთებულ შტატებს დასჭირდება „ტომაჰავკის“ ტიპის რაკეტები საკუთარი კონფლიქტისთვის.დონალდ ტრამპმა განაცხადა, რომ აშშ ამ ეტაპზე მძლავრ იარაღს აწვდის  უკრაინას, რაც ამერიკის რეზერვებზე გავლენას ახდენს.„ერთ-ერთი მიზეზი, რატომაც გვინდა ამ ომის დასრულება, სწორედ ეს არის“, – აღნიშნა აშშ-ის პრეზიდენტმა.ამასთან, აშშ-ის პრეზიდენტმა განაცხადა, რომ ახლა ევროკავშირი იხდის იარაღის საფასურს.დონალდ ტრამპის თქმით, მან უკვე რვა კონფლიქტი მოაგვარა, თუმცა ნობელის პრემია არ აინტერესებს.„როგორც ვიცი, არასოდეს ყოფილა პრეზიდენტი, რომელმაც ერთი ომი მაინც დაასრულა. ბევრი იწყებს ომებს, მაგრამ არავინ ასრულებს მათ,“ – განაცხადა ტრამპმა.როგორც აშშ-ის პრეზიდენტმა განმარტა, სატელეფონო საუბრისას ვლადიმერ პუტინმაც კი, გამოთქვა აღფრთოვანება ახლო აღმოსავლეთში მშვიდობის დამყარების გამო.„გუშინ პუტინმა თქვა, რომ გაოცებული იყო, რომ შევძელით ახლო აღმოსავლეთში მშვიდობის დამყარება. მას ეს წარმოუდგენელი ეგონა“, – აღნიშნა აშშ-ის პრეზიდენტმა ჟურნალისტებთან საუბრისას.

ბოლო სიახლეები