პინა პიჩერნო – მივმართავ საქართველოს ხელისუფლებას, უზრუნველყოს მზია ამაღლობელის გათავისუფლება

რუსეთმა ცეცხლის შეწყვეტის ნაცვლად „სააღდგომო ესკალაცია“ აირჩია, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.მისი თქმით, მოსკოვმა, დარტყმების შეჩერების ნაცვლად, აღდგომის დღესასწაულზე ქვეყნის წინააღმდეგ დრონებითა და რაკეტებით მასირებული იერიში მიიტანა. თავდასხმების შედეგად ექვსი ადამიანი დაიღუპა, 40-მდე კი დაშავდა.ზელენსკის თქმით, რუსეთმა უკრაინის ტერიტორიაზე ასობით დრონი და რაკეტა გაუშვა.„რუსებმა მხოლოდ გააძლიერეს დარტყმები, რამაც ცაში სიჩუმე სააღდგომო ესკალაციად აქცია“, – აცხადებს ზელენსკი.უკრაინის პრეზიდენტმა აღნიშნა, რომ სადღესასწაულო ზავის შეთავაზება კვლავ განიხილება, თუ მოსკოვი დათანხმდება და ეს შეტყობინება ტრამპის წარმომადგენლებს, სტივ უიტკოფსა და ჯარედ კუშნერს, სატელეფონო საუბრისას გადაეცათ.ამასთან, ზელენსკიმ განაცხადა, რომ ფრონტის ხაზზე სიტუაცია „სტაბილურია” და რუსეთის მხრიდან დიდი წინსვლის საფრთხე შეჩერებულია.

ირანმა უარი თქვა აშშ-ის წინადადებაზე 48-საათიანი ცეცხლის შეწყვეტის შესახებ, – ამის შესახებ „როიტერი” ირანულ მედიაზე დაყრდნობით წერს.როგორც მედიას ანონიმურმა წყარომ განუცხადა, ირანს წინადადება პირველ აპრილს მესამე ქვეყანამ წარუდგინა, თუმცა წყარომ არ დაასახელა, თუ რომელმა ქვეყანამ.აღნიშნულ საკითხთან დაკავშირებით აშშ-ს განცხადება არ გაუვრცელებია.ამასთან, როგორც „სქაი ნიუსი” წერს, ირანმა ოფიციალურად აცნობა შუამავლებს, რომ არ სურს უახლოეს დღეებში ისლამაბადში აშშ-ის ოფიციალურ პირებთან შეხვედრა.მანამდე ირანის საგარეო საქმეთა მინისტრმა, აბას არაღჩიმ განაცხადა, რომ ქვეყანა მხოლოდ ომის საბოლოოდ დასრულებას დაეთანხმება და არა ცეცხლის შეწყვეტას.

აშშ-ის თვითმფრინავის ჩამოგდება მოლაპარაკებებზე გავლენას არ მოახდენს, – ამის შესახებ აშშ-ის პრეზიდენტმა, დონალდ ტრამპმა „ენბისი ნიუსთან” განაცხადა.მოკლე სატელეფონო ინტერვიუში აშშ-ის პრეზიდენტმა უარი თქვა ირანში ამერიკული თვითმფრინავის ჩამოგდების შემდეგ მიმდინარე სამძებრო-სამაშველო სამუშაოების სპეციფიკაზე საუბარზე, თუმცა გამოთქვა იმედგაცრუება იმის გამო, რომ მედიამ გააშუქა აშკარად ინტენსიური და მგრძნობიარე სამხედრო ოპერაცია.კითხვაზე, იმოქმედებს თუ არა დღევანდელი მოვლენები ირანთან რაიმე სახის მოლაპარაკებებზე, ტრამპმა უარყოფითად უპასუხა.„არა, საერთოდ არა. არა, ეს ომია. ჩვენ ომში ვართ“, – განაცხადა ტრამპმა.ცნობისთვის, „ენბისი ნიუსმა“ წყაროებზე დაყრდნობით დაწერა, რომ ამერიკული F-15 ტიპის გამანადგურებელი ირანის თავზე ჩამოვარდა. წყაროები ადასტურებენ ინფორმაციას, რომ ჩამოგდებული ამერიკული F-15-ის ეკიპაჟის ერთი წევრი ამერიკულმა ძალებმა გადაარჩინეს, ეკიპაჟის მეორე წევრის სამაშველო-სამძებრო ოპერაცია კი გრძელდება. ამასთან, „სქაი ნიუსი” წერს, რომ ამერიკულ F-15-ზე მყოფი ეკიპაჟის წევრის სამაშველო-სამძებრო ოპერაციის გამო ისრაელმა ირანზე დაგეგმილი იერიშების ნაწილი გადადო.

ლიკა შენგელია სოციალურ ქსელში აქვეყნებს სტატუსს, სადაც წერს, რომ სალომე გოგიაშვილისთვის მხოლოდ და მხოლოდ ციხეს მოითხოვს.„ახლა ჩემი Coming soon-ის დროა. დაელოდე, მზია, ასეთი ნიუსიც დაიდება შენზე. ვნახოთ, ბოლოს ვინ გაიცინებს. რა ძალა მომაწერინებს ხელს საპროცესო შეთანხმებას?! უმკაცრესი ზომით აგებ პასუხს, ჩემი ხუთი შვილის სიცოცხლეს ვფიცავ! მხოლოდ ციხე!“ – წერს ლიკა შენგელია.შეგახსენებთ, რომ სალომე გოგიაშვილსა და ლიკა შენგელიას შორის დაპირისპირება დიდი ხანია გრძელდება და ეს კონფლიქტი სალომეს მეუღლეს, ვახო ნიკოლაიშვილს უკავშირდება.თავის მხრივ, სალომე გოგიაშვილმა არაერთ ინტერვიუში ისაუბრა მისი ქმრის ღალატის შესახებ, თუმცა აღნიშნავს, რომ ჩაქუჩით ცემის ბრალდება ლიკა შენგელიას მხრიდან ცილისწამებაა.

ევროპისთვის შეერთებულ შტატებთან ურთიერთობის გაწყვეტა სარგებლის მომტანი არ იქნება, თუმცა ამავდროულად აუცილებელია საკუთარი ეროვნული ინტერესების დაცვა, – ამის შესახებ იტალიის პრემიერ-მინისტრმა, ჯორჯია მელონიმ განაცხადა.როგორც მელონიმ იტალიურ მაუწყებელთან ინტერვიუში აღნიშნა, ევროპამ უნდა შეძლოს საკუთარი პოზიციის მკაფიოდ დაფიქსირება იმ შემთხვევებში, როცა ვაშინგტონს არ ეთანხმება.ჟურნალისტმა პრემიერ-მინისტრს აშშ-თან ურთიერთობისა და ვაშინგტონის მიერ მოკავშირეების კრიტიკის შესახებ ჰკითხა, განსაკუთრებით იტალიის საჰაერო ბაზაზე მომხდარი ინციდენტის კონტექსტში. გავრცელებული ინფორმაციით, იტალიამ უარი განაცხადა ბაზაზე ამერიკული ბომბდამშენების დაშვებაზე, რომლებიც ირანთან დაკავშირებულ ოპერაციაში მონაწილეობდნენ.„როგორც ადრე, მე მჯერა, რომ გეოპოლიტიკურ დონეზე ევროპას აშშ-თან ურთიერთობის გაწყვეტით დიდი სარგებელი არ აქვს. თუმცა ჩვენი საქმე, პირველ რიგში, ჩვენი ეროვნული ინტერესების დაცვაა და როდესაც არ ვეთანხმებით, ეს უნდა ვთქვათ და ამ შემთხვევაში ჩვენ არ ვეთანხმებით“, – განაცხადა მელონიმ.