პენტაგონი: საქართველო აშშ-სთვის „უაღრესად მნიშვნელოვანი სტრატეგიული პარტნიორია“
Read Time:42 Second
საქართველო აშშ-სთვის „უაღრესად მნიშვნელოვანი სტრატეგიული პარტნიორია“. ამ შინაარსის განცხადებას აშშ-ის თავდაცვის დეპარტამენტის მიერ გამოქვეყნებულ პრესრელიზში ვკითხულობთ.
პენტაგონში განმარტავენ, რომ საქართველო შეერთებულ შტატებთან საერთო ღირებულებებს და ინტერესებს იზიარებს.
ამის შესახებ საერთაშორისო უსაფრთხოების საკითხებში აშშ-ის თავდაცვის მდივნის თანაშემწემ რობერტ კარემმა ისაუბრა:
„რთულია არ მოიხიბლო და გაკვირვებული არ დარჩე იმ პროგრესით, რომელიც საქართველომ განიცადა, მიუხედავად იმისა, რომ რუსეთს ქვეყნის ტერიტორიის 20 პროცენტი დღემდე ოკუპირებული აქვს. საქართველო თავდაცვის სფეროს მოდერნიზაციითა და გატარებული რეფორმებით სხვა ქვეყნებისთვის სამაგალითოა. ასევე შთამბეჭდავია ის წვლილი, რომელიც საქართველოს საერთაშორისო სამშვიდობო მისიებში შეაქვს. ძალიან მნიშვნელოვანია შეერთებულ შტატებს ჰყავდეს პარტნიორი ქვეყანა, საქართველო, რომელიც მზადაა საერთო უსაფრთხოებაში საკუთარი წვლილი შეიტანოს. ამ მხრივ განსაკუთრებით მნიშვნელოვანია აშშ-ის ძალისხმევა, რომელიც მიმართულია საქართველოს თავდაცვისუნარიანობის ამაღლებისკენ“, – ნათქვამია სტატიაში.
კარემმა ასევე ხაზი გაუსვა საქართველოს მიერ გლობალურ უსაფრთხოებაში შეტანილ წვლილსაც. მან იმ ქართველი ჯარისკაცების ხსოვნას მიაგო პატივი, რომლებიც ერაყსა და ავღანეთში სამხედრო მისიის დროს დაიღუპა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0