ნაქერალას უღელტეხილზე ავტოტრანსპორტის მოძრაობა შეიზღუდა

4 ოქტომბრის საქმეზე მსჯავრდებული მომღერალი, პაატა ბურჭულაძე საკონსტიტუციო სასამართლოს მიმართავს, რომ მზად არის გამოცხადდეს სასამართლოში, ან დისტანციურად ჩაერთოს ჩვენების მისაცემად, თუ „4 ოქტომბრის საკითხი წამოიჭრება“.როგორც პაატა ბურჭულაძე წერს, 4 ოქტომბრის ორგანიზატორი არის მხოლოდ და მხოლოდ ის და სხვას არავის შეუძლია სასამართლოს მიაწოდოს სწორი და სრული ინფორმაცია თუ „რისთვის შეიკრიბა ასი ათასობით მოქალაქე თბილისის ცენტრში“.„საქართველოს საკონსტიტუციო სასამართლოს!პატივცემულო მოსამართლეებო, ვადევნებ თვალს თქვენს სასამართლოს და შევიტყვე, რომ ოპოზიციურ პარტიებს ბრალად აქვს წაყენებული 4 ოქტომბრის შეკრების, ეროვნული კრების ორგანიზება, რაც არის ტყუილი. 4 ოქტომბრის ორგანიზატორი ვარ მე და მხოლოდ მე და სხვას არავის შეუძლია სასამართლოს მიაწოდოს სწორი და სრული ინფორმაცია თუ რისთვის შეიკრიბა ასი ათასობით მოქალაქე თბილისის ცენტრში, რას უყარა კენჭი და რა შედეგი მოჰყვა მას. ჩემი დაკითხვის გარეშე 4 ოქტომბრის დიდი შეკრების არათუ განხილვა, არამედ ხსენებაც კი არამხოლოდ უსამართლობა, არამედ უსინდისობაც იქნება. ზემოაღნიშნულიდან გამომდინარე მზად ვარ გამოვცხადდე სასამართლოში ან დისტანციურად ჩავერთო ჩვენების მისაცემად.დიდი მადლობა!P.S. ოპოზიციურ პარტიებს გთხოვთ გამიწიოთ შუამდგომლობა რომ თუ 4 ოქტომბრის საკითხი წამოიჭრება სასამართლოს მივცე ჩვენება”,- წერს ბურჭულაძე.

ე.წ. კრიმინალურ ავტორიტეტებთან დაკავშირებული ბრალდებული ძმების, დავით და გიორგი ფეიქრიშვილის დედის, ნინო აბრამიშვილის ინფორმაციით, გუშინ, პატიმარი ავთანდილ ბილანიშვილი, იგივე “კაწრო”, გარეთ დაინახეს.როგორც გლდანის ციხესთან მან განმარტა, ბილანიშვილს ფოტოებიც გადაუღეს.“ტყუილად ასეთ ჭორებს არ იგონებენ, “კაწრო” სახლთან დაინახეს და გადაუღეს სურათი. ჩემს შვილს კრიმინალს ეძახიან, მაგრამ ყველაზე დიდი კრიმინალები არიან ციხის უფროსი, ფერაძე, ანუ “ზაუტა”. ზუსტად ვიცი, რომ ფირცხალავა იყო ჩემს შვილთან, გოგასთან შესული კამერაში. რა უნდოდა ფირცხალავას ჩემს შვილთან? რა თამაში მიდის ხალხო? გაერკვიეთ, ბატონო პრემიერო, ცუდად არის საქმე ქვეყანაში, სუს-ი არის სათავეში, ხსნით უფროსებს, მაგრამ თვითონ იქ არის კრიმინალური ბანდა. რატომ არავინ მოვიდა და არ მეუბნებიან, არ ინერვიულოთ, თქვენი შვილები დაცულები არიანო? ბატონო ბიძინა, მე არ მეშინია, რომ მომკლავენ, რადგან ჩემი სიკვდილი უარესი იქნება. მესმის, რომ კრიმინალური ბანდა ვამხილე, ესენი არიან სუს-ის წევრები, სუს-ი ყოფილა ყველაზე დიდი ბანდა, მთავრობა ხსნის ერთ უფროსს, მეორეს, მესამეს, მაგრამ შიგნით ერთი და იმავე ხალხია”, - განაცხადა აბრამიშვილმა.რაც შეეხება სამედიცინო დასკვნას, სადაც დავით ფეიქრიშვილის დაზიანებებზე ნათქვამია, რომ “დაცემის შედეგად მიიღო, აღნიშნული დედისთვის დაუჯერებელია.“თუ მე-9 სართულიდან გადმოვარდებოდა და ცემენტზე დაეცემოდა, იმ შემთხვევაში, კიდევ შეიძლებოდა, მაგრამ დანით არის დასერილი, ბლაგვი საგნით, ეს ბატონმა ზურამ მითხრა, ამდენი ტრავმა ხომ გაუგებარია? ჩემი შვილების სიცოცხლეს ყოველთვის ექნება საფრთხე, ვიდრე თანამდებობაზე იქნება გიორგი პატარიძე . პრაქტიკულად კაცი მხილებულია ბანდასთან შეკრულობაში, ყოველ წუთას ვატო ყიფიანი ელაპარაკებოდა “ზაუტას”. მე მინდა დაცვა, დაიცვან ჩემი შვილები და ჩემი ოჯახი! დაგვაწყნარონ, მოგვცენ პირობა, რომ ჩვენი სიცოცხლე დაცულია. ამ საქმეს მთავრობა ვერ ჩაფარცხავს, ამას ბევრის თავი გადაყვება!” - განაცხადა აბრამიშვილმა.

ეკონომიკისა და მდგრადი განვითარების მინისტრის ყოფილმა პირველმა მოადგილემ რომეო მიქაუტაძემ აღიარა ჩადენილი დანაშაული, ითანამშრომლა გამოძიებასთან, მოინანია, აანაზღაურა ზიანი და პროკურატურას საპროცესო შეთანხმების გაფორმების თაობაზე მომართა, - ამის შესახებ განცხადებას პროკურატურა ავრცელებს.უწყების განმარტებით, პროკურატურამ მიქაუტაძის მიერ ბრალის აღიარების, ზიანის ანაზღაურებისა და თანამშრომლობის გათვალისწინებით, თბილისის სააპელაციო სასამართლოს საქმის არსებითი განხილვის გარეშე განაჩენის გამოტანის თაობაზე შუამდგომლობით მიმართა, თბილისის სააპელაციო სასამართლომ კი მხარეთა შორის დადებული საპროცესო შეთანხმება უკვე დაამტკიცა.საპროცესო შეთანხმების პირობების მიხედვით, რომეო მიქაუტაძეს სასჯელის სახით 3 წლით თავისუფლების აღკვეთა და 2 წელი პირობითი მსჯავრი განესაზღვრა.“სამსახურებრივი უფლებამოსილების ბოროტად გამოყენების, სამეწარმეო საქმიანობაში უკანონო მონაწილეობის, სამსახურებრივი უფლებამოსილების გადამეტების და უკანონო შემოსავლის ლეგალიზაციის ფაქტებზე, რასაც თან ახლდა განსაკუთრებით დიდი ოდენობით უკანონო და დაუსაბუთებელი შემოსავლის მიღება, მსჯავრდებულმა, ეკონომიკისა და მდგრადი განვითარების მინისტრის ყოფილმა პირველმა მოადგილემ რომეო მიქაუტაძემ აღიარა ჩადენილი დანაშაული, ითანამშრომლა გამოძიებასთან, მოინანია, აანაზღაურა ზიანი და პროკურატურას საპროცესო შეთანხმების გაფორმების თაობაზე მომართა.პროკურატურამ მსჯავრდებულ რომეო მიქაუტაძის მიერ ბრალის აღიარების, ზიანის ანაზღაურებისა და თანამშრომლობის გათვალისწინებით, თბილისის სააპელაციო სასამართლოს მიმართა შუამდგომლობით საქმის არსებითი განხილვის გარეშე განაჩენის გამოტანის თაობაზე.თბილისის სააპელაციო სასამართლომ დაამტკიცა მხარეთა შორის დადებული საპროცესო შეთანხმება, რომლის თანახმად რომეო მიქაუტაძე დამნაშავედ იქნა ცნობილი სახელმწიფო-პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენების (სისხლის სამართლის კოდექსის 332-ე მუხლის მე-2 ნაწილით, 3 ეპიზოდი), სამეწარმეო საქმიანობაში უკანონო მონაწილეობის (სისხლის სამართლის კოდექსის 337-ე მუხლით, 4 ეპიზოდი), სამსახურებრივი უფლებამოსილების გადამეტების (სისხლის სამართლის კოდექსის 333-ე მუხლის პირველი ნაწილით) და უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით უკანონო/დაუსაბუთებელი შემოსავლის მიღება (სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტით).საპროცესო შეთანხმების საფუძველზე, რომეო მიქაუტაძეს 3 წლით თავისუფლების აღკვეთა და 2 წელი პირობითი მსჯავრი განესაზღვრა. ასევე, დამატებითი სასჯელის სახით დაეკისრა ჯარიმა 1 000 000 ლარის ოდენობით, 3 წლით ჩამოერთვა სახელმწიფო სამსახურში დანიშვნითი თანამდებობის დაკავების უფლება. მასვე, სახელმწიფოს სასარგებლოდ უსასყიდლოდ ჩამოერთვა: ესპანეთში, ქ.მადრიდში მდებარე 1 882 168 ლარის ღირებულების ბინა, 372 720 ლარის ღირებულების მცხეთის მუნიციპალიტეტის წეროვანში მდებარე აგარაკი, 1 577 306 ლარის ღირებულების შპს “ნახიდური ჰესის” 15%-იანი წილი, 510 000 ლარის ღირებულების ავტომობილი „MERCEDES-BENZ G 63 AMG“, 350 000 ლარის ღირებულების ავტომობილი „LAND ROVER RANGE ROVER“, 100 000 ლარის ღირებულების ავტომობილი „LEXUS ES 250“ , 630 110 ლარის ღირებულების 4 საათი, 99 504 ლარის ღირებულების ოქროს ზოდები და 19 770 ლარის ღირებულების მონეტები.გარდა ამისა, რომეო მიქაუტაძემ სრულად აანაზღაურა შპს „თბილსერვის ჯგუფისთვის“ მიყენებული ზიანი 114 658,08 ლარის ოდენობით”, - ნათქვამია განცხადებაში.

6 წლის მა­ხა­რე ყვა­ვა­ძეს, რო­მე­ლიც მძი­მე სენს ებ­რძვის, სა­ზო­გა­დო­ე­ბის თა­ნად­გო­მა სჭირ­დე­ბა. მა­ხა­რეს მწვა­ვე ლიმ­ფობ­ლას­ტუ­რი ლე­ი­კე­მი­ის დი­აგ­ნო­ზი მიმ­დი­ნა­რე წლის ზა­ფხულ­ში და­უს­ვეს.თავ­და­პირ­ვე­ლად, სა­ქარ­თვე­ლო­ში მკურ­ნა­ლობ­და, თუმ­ცა ორ­თვი­ა­ნი მკურ­ნა­ლო­ბის შემ­დეგ, მდგო­მა­რე­ო­ბა დამ­ძიმ­და.მი­უ­ხე­და­ვად იმი­სა, რომ უმ­ძი­მეს მდგო­მა­რე­ო­ბა­ში მყო­ფი ბავ­შვის ტრან­სპორ­ტი­რე­ბა დიდ რისკთან იყო და­კავ­ში­რე­ბუ­ლი, ოჯახ­მა ის თურ­ქეთ­ში წა­იყ­ვა­ნა. მკურ­ნა­ლო­ბა კი ისეთ თან­ხებ­თან არის და­კავ­ში­რე­ბუ­ლი, რომ სა­ზო­გა­დო­ე­ბის თა­ნად­გო­მის გა­რე­შე, არა­ფე­რი გა­მო­ვა."ჩემს შვილს, 5 წლის მა­ხა­რეს მწვა­ვე ლიმ­ფობ­ლას­ტუ­რი ლე­ი­კე­მია და­უდ­გინ­და. სა­ქარ­თვე­ლო­ში 2-თვი­ა­ნი მკურ­ნა­ლო­ბის შემ­დეგ მისი მდგო­მა­რე­ო­ბა დამ­ძიმ­და და მი­უ­ხე­და­ვად იმ რის­კე­ბი­სა, რაც ტრან­სპორ­ტი­რე­ბას­თან იყო და­კავ­ში­რე­ბუ­ლი, თურ­ქეთ­ში, სტამ­ბო­ლის ერთ-ერთ კლი­ნი­კა­ში წა­ვიყ­ვა­ნე. მა­ხა­რემ გა­უძ­ლო გზას და უძ­ლებს ახ­ლაც უდი­დეს გან­საც­დელს. ის კლი­ნი­კა­ში რე­ა­ნი­მა­ცი­ულ გან­ყო­ფი­ლე­ბა­შია. ჩემს პა­ტა­რას და­ხუ­რუ­ლი აქვს ერთი ფილ­ტვი, ექი­მე­ბი ცდი­ლო­ბენ აუ­მუ­შა­ონ, თუმ­ცა ჯერ­ჯე­რო­ბით მდგო­მა­რე­ო­ბა სტა­ბი­ლუ­რად მძი­მეა.რე­ა­ნი­მა­ცი­ა­ში თი­თო­ე­უ­ლი დღის ღი­რე­ბუ­ლე­ბა ჩემ­თვის კი არა, ძა­ლი­ან მდი­და­რი ადა­მი­ა­ნის­თვი­საც უდი­დე­სი თან­ხა იქ­ნე­ბოდა - ერთ დღე­ში 1500 დო­ლა­რი გვჭირ­დე­ბა მხო­ლოდ რე­ა­ნი­მა­ცი­ის­თვის. ცალ­კეა და­მა­ტე­ბი­თი ანა­ლი­ზე­ბის და კვლე­ლე­ბის ხარ­ჯე­ბი. ამი­ტომ, კი­დევ ერთხელ გთხოვთ დახ­მა­რე­ბას, ჩემი მა­ხა­რეს გა­და­სარ­ჩე­ნად. თქვე­ნი თა­ნად­გო­მის გა­რე­შე აქამ­დე ვერ მო­ვი­დო­დი. ყვე­ლას დიდი მად­ლო­ბა, ხალ­ხო, ვინც გვერ­დით მიდ­გა­ხართ, ახლა თითო ლარ­საც უდი­დე­სი მნიშ­ვნე­ლო­ბა აქვს. ბეწ­ვის ხიდ­ზე გავ­დი­ვართ", - წერს ბავ­შვის მამა, გია ყვა­ვა­ძე."სკო­ლი­სა­კენ უნდა მი­იჩ­ქა­რო­დეს! მერე,სკო­ლი­დან დაბ­რუ­ნე­ბუ­ლი, შე­მოდ­გო­მის მზი­ა­ნი დღე­ე­ბით აფე­რა­დე­ბულ ეზო­ში, "დედა ენით" ხელ­ში, აი იას უნდა კი­თხუ­ლობ­დეს! ლექ­სებს ისე ხმა­მაღ­ლა უნდა კი­თხუ­ლობ­დეს, სამ­ყა­რო უს­მენ­დეს სულ­გა­ნა­ბუ­ლი! მაგ­რამ არა!..ახლა ის სი­ცო­ცხლის­თვის იბ­რძვის! ჯერ ექ­ვსი წლი­საც არ არის! უცებ,ისე მო­უ­ლოდ­ნე­ლად,მო­ვი­და გან­საც­დე­ლი,ვერ გა­ვი­აზ­რეთ! ისე და­ვი­ბე­ნით,ვერ მივ­ხვდით, რა უნდა გაგ­ვე­კე­თე­ბი­ნა! ახ­ლაც ვერ ვხვდე­ბი, ღმერ­თო, რომ ეს ტკბი­ლი, სი­ცო­ცხლით სავ­სე, მე­ოც­ნე­ბე ბიჭი ამ ურ­თუ­ლეს გზას გა­დის!როცა ქა­რიშ­ხა­ლი ჩად­გე­ბა(და მჯე­რა,აუ­ცი­ლებ­ლად ჩად­გე­ბა), მე მო­ვუყ­ვე­ბი მა­ხა­რეს,რო­გორ გაგ­ვა­ერ­თი­ა­ნა მთე­ლი სამ­ყა­რო! ყვე­ლა წამს ვთხოვ ღმერ­თს,არ მიგ­ვა­ტო­ვოს! ეს ბრძო­ლა შეგ­ვაძ­ლე­ბი­ნოს და მოგ­ვა­გე­ბი­ნოს", - წერს ოჯა­ხის ახ­ლო­ბე­ლი, მა­რი­ნა ყვა­ვა­ძე.ან­გა­რი­შის ნომ­რე­ბი:თი­ბი­სი ბან­კი: #GE14TB7263736010300007საქ. ბან­კი: #GE88BG0000000027396100მიმ­ღე­ბი: პა­ა­ტა ქურ­ცი­კი­ძე (ბიძა)

საქართველოს ტექნიკური უნივერსიტეტის ბიზნესტექნოლოგიების ფაკულტეტის ინიციატივითა და სასწავლო პროცესების მართვის სამსახურის კარიერული განვითარების განყოფილების ორგანიზებით, უნივერსიტეტში სამუშაო ვიზიტით მყოფი გერმანიის ქალაქ ზაარბრიუკენის ზაარლანდის ტექნიკისა და ეკონომიკის უნივერსიტეტის სტუდენტები პარტნიორ კომპანია „ნიკორას“ ესტუმრნენ.ინფორმაციას საქართველოს ტექნიკური უნივერსიტეტი ავრცელებს.მისივე ცნობით, ვიზიტის მიზანს წარმოადგენდა გერმანული უნივერსიტეტის სტუდენტებისთვის ქართული პროდუქციის წარმოების პროცესის ადგილზე გაცნობა და საქართველოს ბიზნესგარემოს შესახებ პრაქტიკული ცოდნის მიღება. სტუმრებსა და უნივერსიტეტის წარმომადგენლებს - ბიზნესტექნოლოგიების ფაკულტეტის დეკანის მოადგილეს, პროფესორ გუგული ყურაშვილს, საჯარო მმართველობისა და ელექტრონული ბიზნესის დეპარტამენტის ასოცირებულ პროფესორებს - ავთანდილ ადეიშვილსა და ბესიკ შერაზადიშვილს, შესაძლებლობა ჰქონდათ, უშუალოდ დაკვირვებოდნენ წარმოების პროცესის სხვადასხვა ეტაპს, გაცნობოდნენ ადგილობრივი კომპანიის საქმიანობის სპეციფიკასა და პროდუქციის შექმნის პროცესს.სასწავლო პროცესების მართვის სამსახურის კარიერული განვითარების განყოფილების ხელმძღვანელის, ასოცირებული პროფესორის - ნატო ქათამაძის თქმით, მსგავსი საგანმანათლებლო ინიციატივები ხელს უწყობს საერთაშორისო აკადემიური თანამშრომლობის გაღრმავებას, სტუდენტთა პროფესიული ხედვის გაფართოებასა და სხვადასხვა ქვეყნის ბიზნესგარემოს შესახებ ცოდნის გაზიარებას.„ჩვენი მთავარი ამოცანაა, სტუდენტების ინტერესებისა და პროფესიული განვითარების საჭიროებების გათვალისწინებით, ხელი შევუწყოთ მათ კარიერულ განვითარებას. ამ მიზნით, მუდმივ კომუნიკაციას ვინარჩუნებთ შრომის ბაზარზე წარმატებულ პარტნიორ ბიზნესორგანიზაციებთან, რათა ახალგაზრდებს შევუქმნათ შესაძლებლობა, თეორიული ცოდნა პრაქტიკულ გამოცდილებას დაუკავშირონ და უკეთ გაეცნონ თანამედროვე ბიზნესგარემოს.გერმანელი სტუდენტებისთვის საქართველოს ბიზნესსექტორის გასაცნობად გადავწყვიტეთ, გვეჩვენებინა ერთ-ერთი წარმატებული ქართული კომპანია - „ნიკორა“. ვიზიტის ფარგლებში სტუმრები გაეცნენ პროდუქციის წარმოების სრულ ციკლს - ნედლეულის მიღებიდან მზა პროდუქციის შეფუთვამდე. შეხვედრა ინტერაქციულ რეჟიმში წარიმართა, რამაც სტუდენტებს შესაძლებლობა მისცა, მათთვის საინტერესო საკითხებზე ამომწურავი ინფორმაცია მიეღოთ. ვიზიტმა სტუმრების დიდი ინტერესი და მოწონება დაიმსახურა.განსაკუთრებული მადლობა მინდა გადავუხადო ჩვენს მასპინძლებს, კომპანია „ნიკორას“, კერძოდ, ბრენდ „ნიკორას“ გენერალურ მენეჯერს, კონსტანტინე შატაკიშვილს, რომელმაც სტუმრებს დეტალური ინფორმაცია მიაწოდა წარმოების პროცესის, მისი სპეციფიკისა და პროდუქციის შექმნის ეტაპების შესახებ“, - განაცხადა ნატო ქათამაძემ.