ნათია თურნავამ ეკონომისტებს პროფესიული დღე მიულოცა
ეკონომიკისა და მდგრადი განვითარების მინისტრმა ნათია თურნავამ, სამინისტროს თითოეული თანამშრომლის სახელით, საქართველოს ეკონომისტებს პროფესიული დღე მიულოცა.
„საქართველოში, ტრადიციულად, სექტემბრის მეორე პარასკევს ეკონომისტის დღეს აღვნიშნავთ, რაც უკავშირდება 1918 წელს პირველი ქართული ეკონომიკური ჟურნალის „საქართველოს ეკონომისტის“ პირველი ნომრის გამოსვლას. სიმბოლურია, რომ წელს ეს თარიღი ენერგეტიკოსის დღეს დაემთხვა. ენერგეტიკა საქართველოს ეკონომიკის ერთ-ერთი უმსხვილესი და უმნიშვნელოვანესი დარგია, რომლის გამართული მუშაობის გარეშეც საუბარი ზოგადად ეკონომიკის განვითარებაზე წარმოუდგენელია. ამიტომ, ნება მიბოძეთ, პროფესიული დღე მივულოცო საქართველოს ყველა ეკონომისტს და ასევე ყველა ენერგეტიკოსს, რადგან ისინი ერთად ქმნიან ახალ, ძლიერ, თანამედროვე საქართველოს“, – განაცხადა მინისტრმა.
ნათია თურნავამ განსაკუთრებულად მოიხსენია ის ღვაწლმოსილი ეკონომისტები, რომლებმაც 1999 წლიდან საფუძველი ჩაუყარეს ამ მნიშვნელოვანი დღის აღნიშვნის ტრადიციას. მინისტრის თქმით, მათ ამით ხაზი გაუსვეს იმ გარემოებას, რომ საქართველოს ეკონომიკურ მეცნიერებას საკმაოდ დიდი ხნის ისტორია აქვს და მას მოფრთხილება და რაც მთავარია, განვითარება ესაჭიროება.
„დღეს საქართველოს ეკონომიკა დიდი გამოწვევების წინაშე დგას. ქვეყანა ნელ-ნელა გამოდის კოვიდ-პანდემიის მიერ გამოწვეული კრიზისული ვითარებიდან. პოზიტიური ტენდენციები სერიოზული ოპტიმიზმის საფუძველს იძლევა, რომ უკვე მომდევნო წლებში ჩვენ მაღალი ეკონომიკური ზრდა გვექნება, რაც ხელს შეუწყობს პანდემიით დაზარალებული დარგების სრულად აღდგენა-განვითარებას. ამავე დროს, პანდემიამ დაგვანახა, რომ აუცილებელია უფრო მდგრადი ეკონომიკური პოლიტიკის წარმართვა, რომელიც ნაკლებად იქნება დამოკიდებული გარე რყევებზე და უფრო მეტად იქნება მიმართული ინკლუზიური განვითარებისკენ, სიღარიბის შემცირებისა და ახალი სამუშაო ადგილების შექმნისაკენ, ბიზნესის მხარდაჭერისა და ექსპორტის გეოგრაფიული არეალის გაფართოებისკენ და ა.შ. ამისათვის აუცილებელია ქვეყანაში არსებული ეკონომიკური ცოდნის მიმართვა ერთი მიზნისკენ, როგორ გავხადოთ ჩვენი სამშობლო, მისი ეკონომიკა უფრო ძლიერი და განვითარებაზე ორიენტირებული“, – აღნიშნულია მილოცვაში.
About Post Author
ქეთევან ნინუა
Comments
საქართველოს პარლამენტში უსაფრთხოების წითელი დონე ამოქმედდა
საქართველოს პარლამენტი უსაფრთხოების დამატებითი ზომების შესახებ განცხადებას ავრცელებს. „საქართველოს პარლამენტის სასახლეში უსაფრთხოების დაცვის წესის დამტკიცების თაობაზე“ საქართველოს პარლამენტის თავმჯდომარის 2023...
თეა წულუკიანი: 100-ჯერ და 1000-ჯერ იყო ახსნილი, არგუმენტებით, მკაფიოდ და გასაგებად, ეს არის ქართული კანონი ერთადერთი ვალდებულებით, ყველა ორგანიზაციამ, ვისაც ეს ეხება, წელიწადში ერთხელ დეკლარაცია შეავსოს
„რაც არ უნდა რბილ გამონათქვამად მოეჩვენოს ეს ვინმეს, დასანანია ეს ყოველივე, იმიტომ რომ ასჯერ და ათასჯერ იყო ახსნილი, არგუმენტებით, მკაფიოდ...
მამუკა მდინარაძე: ხვალ დილით მიკეთებენ ოპერაციას ხერხემალზე, ამიტომ ვერ ვიყავი დღეს, ჩათვალეთ 84-ე ხმა ჩემია
საპარლამენტო უმრავლესობის ლიდერმა მამუკა მდინარაძემ „იმედის“ ეთერში განაცხადა, რომ პარლამენტის დღევანდელ სხდომას ჯანმრთელობის გამო არ ესწრებოდა. „დილით ფეხი ვეღარ დავდგი,...
VIDEO: „ეს არის კანონპროექტი, რომელიც ითვალისწინებს და ემსახურება 100 % -ით საქართველოს სახელმწიფო ინტერესებს…“ – ლადო მგალობლიშვილი
„ეს არის კანონპროექტი, რომელიც ითვალისწინებს და ემსახურება 100 % -ით საქართველოს სახელმწიფო ინტერესებს...“ - ამის შესახებ აჭარის უმაღლესი საბჭოს წევრმა,...
ირაკლი კობახიძე: იშიფრება 15-მდე ახალგაზრდული ორგანიზაცია, რომელიც პირდაპირ დატრენინგებულია ძალადობისთვის
კოლექტიური „ნაცმოძრაობა“, რადიკალური ოპოზიცია უკვე ამდენი წელია, ყოველ წელს ცდილობს სამოქალაქო დაპირისპირებას და ეს სცენარი მათ გამზადებული ჰქონდათ არჩევნების შემდგომი...
მიხეილ სარჯველაძე: “სასწრაფოების რაოდენობა საკმარისზე მეტი იყო – მათი შრომა ძალიან დასაფასებელია”
„სასწრაფო სამედიცინო დახმარების ეკიპაჟებთან დაკავშირებით, ერთგვარი, კამპანია გაჩაღდა უმიზეზოდ. გარკვეული ადამიანების მხრიდან, გაჟღერდა ინფორმაცია იმის შესახებ, თითქოს, ადგილზე, ხელმიუწვდომელი იყო...