მიხეილ სააკაშვილი: აბა, სად ხართ ის ხალხი, ვინც მე 2008-ში ომის დაწყებას და პროვოკაციაზე წამოგებას მედავებოდა?
Read Time:36 Second
სინამდვილეში პუტინმა უკან დაიხია და უარი თქვა უკრაინაზე თავდასხმაზე, – ასე გამოეხმაურა პატიმრობაში მყოფი მიხეილ სააკაშვილი რუსეთის მიერ ოკუპირებული დონეცკისა და ლუგანსკის ე.წ. სახალხო რესპუბლიკების „აღიარების“ ფაქტს.
„დასავლეთის უპრეცედენტო ერთიანობამ და უკრაინელი ხალხის ერთ მუშტად შეკვრამ თავისი სიტყვა თქვა. რაც მან ე.წ. აღიარა, იმას ისედაც აღიარებდა. ამით მან მოკლა მისთვის მომგებიანი მინსკის ხელშეკრულება და ოფიციალურად მიიღო ოკუპანტის სტატუსი. აბა, სად ხართ ის ხალხი, ვინც მე 2008-ში ომის დაწყებას და პროვოკაციაზე წამოგებას მედავებოდა? ისევ „აწვებით” პირველ ჩვენებას? ახლა ხომ დაინახეთ უკრაინას და საქართველოს რაც არ უნდა ექნა, აღიარება მაინც მოხდებოდა, ოღონდ საქართველოს, უკრაინისგან განსხვავებით, არ აქვს სტრატეგიული სიღრმე და რუსები თბილისს აიღებდნენ. ჩვენ გადავარჩინეთ ჩვენი დედაქალაქი და ჩვენი სახელმწიფოებრიობა”, – ნათქვამია სააკაშვილის განცხადებაში, რომელიც საზოგადოებას მისმა ადვოკატმა, ბექა ბასილაიამ გააცნო.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
