მამუკა მდინარაძე: ჩერგოლეიშვილმა აღიარა, რასაც დიდი ხანია ვამბობთ – ნაცები და მათი კომპანიები უკვე წლებია აყალბებენ სოციოლოგიურ კვლევებს
Read Time:54 Second
ნაცებმა აღიარეს, რომ მათი პარტია მართლაც კრიმინალური ოპოზიციაა და გეგმაში მხოლოდ არეულობა აქვთ, რადგან მათ ლუსტრირებული (მსჯავრდებული) და სხვა ქვეყნის მოქალაქე სააკაშვილი პრემიერობის კანდიდატად წარადგინეს, – ამის შესახებ საპარლამენტო უმრავლესობის ლიდერი, მამუკა მდინარაძე Facebook-ის ოფიციალურ გვერდზე წერს.
დეპუტატი „ნაციონალური მოძრაობის“ ბოლო დღეების 5 აღიარების შესახებ წერს და აცხადებს, რომ აღიარების სერია და ლუსტრაცია გაგრძელდება.
„ნაცების“ ბოლო დღეების 5 აღიარება:
1. სააკაშვილმა აღიარა მძიმე დანაშაულები, უბრალოდ „ვორდინგში“ სიტყვა დანაშაული სიტყვა შეცდომით ჩაანაცვლა.
2. გვარამიამ აღიარა, რომ ოჯახის სიყვარული ავადმყოფობად მიაჩნია.
3. ნაცებმა აღიარეს, რომ მათი პარტია მართლაც კრიმინალური ოპოზიციაა და გეგმაში მხოლოდ არეულობა აქვთ, რადგან მათ ლუსტრირებული (მსჯავრდებული) და სხვა ქვეყნის მოქალაქე სააკაშვილი პრემიერობის კანდიდატად წარადგინეს.
4. ვაშაძემ აღიარა, რომ სააკაშვილი მისთვის უკვე ფულის მსხვილ კუპიურასთან ასოცირდება.
5. და ბოლოს, ჩერგოლეიშვილმა აღიარა ის, რასაც დიდი ხანია ვამბობთ – ნაცები და მათი კომპანიები უკვე წლებია აყალბებენ სოციოლოგიურ კვლევებს. თქვა, რომ ისინი კვლევებში მალავდნენ მონაცემებს იმის შესახებ, რომ თავად ნაცმოძრაობის მხარდამჭერთა ნახევარიც კი არ უჭერდა მხარს სააკაშვილის პრემიერობას.
სამწუხარო ისაა, რომ ამ კვლევებს ხშირად ძალიან ავტორიტეტული ორგანიზაციები აქვეყნებენ, რომლებსაც ისევე ატყუებდნენ, როგორც ქართულ საზოგადოებას.
იმდენად არიან აჭრილები, რომ დარწმუნებული ვარ, აღიარების სერია და ლუსტრაცია გაგრძელდება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
