მამუკა მდინარაძე: როდესაც მეორე მხარეს არ არის საქმეზე ორიენტირებული ოპონენტი, ამომრჩეველთა უმრავლესობა „ქართულ ოცნებას“ ირჩევს
როდესაც მეორე მხარეს არ არის საქმეზე ორიენტირებული ოპონენტი და ისეთ პროვოკაციებზე არ აგებს თავის დღის წესრიგს, რასაც დღეს ვხედავთ, ამომრჩეველთა უმრავლესობა ერთ კონკრეტულ პარტიას – „ქართულ ოცნებას“ ირჩევს, – განაცხადა „ქართული ოცნების“ აღმასრულებელმა მდივანმა მამუკა მდინარაძემ ტვ „ჯორჯიან თაიმსის“ ეთერში კოალიციური მთავრობის შესახებ პრეზიდენტის განცხადების კომენტირებისას.
მისი თქმით, პრეზიდენტმა ისაუბრა პოზიტიურ მხარეებზე და ასევე თქვა, რომ დღეს ეს წარმოუდგენელია.
„ორი მოცემულობა შემოგვთავაზა პრეზიდენტმა, ერთი – კოალიციური მთავრობის პოზიტიურ მხარეებზე ისაუბრა და მეორე – თქვა, რომ დღეს ეს წარმოუდგენელია. მართლა წარმოუდგენელია, ვინ გაახსენდება ჩვენს მოქალაქეებსა და ამომრჩეველს, ვისთან შეიძლება კოალიცია გაკეთდეს, მაგალითად 2024 წელს, როდესაც იქნება საპარლამენტო არჩევნები, თუ ჩვენზე ახალგაზრდებმა არ შექმნეს ისეთი პოლიტიკური ძალები და სუბიექტები, რომლებიც ღირსეულ და საქმიან კონკურენციას გაუწევს „ქართულ ოცნებას“. არ მაქვს ილუზია, რომ „ქართული ოცნება“ იდეალურია, მე მაქვს რეალობის აღქმა და ვიცი, ბევრი შეცდომა გვაქვს, ბევრი პლუსი, ამ პლუს-მინუსებით საზოგადოება ხედავს და აფასებს ისე, როგორც არის რეალობაში. დღეს ჩვენი კონკურენტი არ არის და ეს ჩვენი ერთ-ერთი სუბიექტურად დამატებითი პლუსიცაა, თორემ ღირსეული ოპონენტი რომ გვყოლოდა, შეიძლება, 2020 წლის არჩევნებშიც დაგვჭირვებოდა კოალიციური მთავრობის შექმნა და ამაშიც ვერ დავინახავდით ვერანაირ პრობლემას. პირიქით, თუ საქმეზე ორიენტირებული ოპონენტი იქნებოდა, კიდევ უფრო ჯანსაღი გარემო შეიძლება, შექმნილიყო, მაგრამ როდესაც არ არის მეორე მხარეს ისეთი ოპონენტი, რომელიც საქმეზეა ორიენტირებული და ისეთ პროვოკაციებზე არ აგებს თავის დღის წესრიგს, რასაც დღეს ჩვენ ვხედავთ, ამ დროს ამომრჩეველთა უმრავლესობა ერთ კონკრეტულ პარტიას ირჩევს და ამ შემთხვევაში „ქართულ ოცნებას“. სხვა შემთხვევაში 2020-შიც შეიძლებოდა ყოფილიყო ამის საფუძველი და 2024-შიც შეიძლება იყოს, ოღონდ მეორე მხარეს უნდა იყოს, საქმეზე ორიენტირებული და საქმის ინტერესის მქონე ოპოზიცია და არა ტყუილებზე აგებული ნარატივის ავტორი, როგორიც სამწუხაროდ, დღეს გვევლინება, ან მათთან მოღალატეები“, – განაცხადა მამუკა მდინარაძემ.
About Post Author
ქეთევან ნინუა
Comments
გურამ მაჭარაშვილი: გამჭვირვალობის კანონში არც პირველი და არც მეორე მოსმენით განხილვისას, არავის შეუტანია ცვლილება ამ კანონის ფიზიკურ პირებზე გავრცელებასთან დაკავშირებით
"ეს არის პრაქტიკულად ქართველი ხალხის გამარჯვება - აგონიაში მყოფმა ოპოზიციის ნაწილმა უკვე დაიწყო კანონის კითხვა, თან გაუკუღმართებულად,” - განაცხადა გურამ...
ვეტოს პროცედურა კონსტიტუციის მიხედვით შეუძლებელია განხორციელდეს მოტივირებული შენიშვნების გარეშე – გივი მიქანაძე
საკანონმდებლო ორგანო ვენეციის კომისიის დასკვნისა და პრეზიდენტის ვეტოს მოლოდინშია. მმართველი გუნდი მზად არის, ვეტოს დაძლევის პროცედურის დროს სამართლებრივი შენიშვნები განიხილოს...
ლევან ხაბეიშვილი: წლებია, მხოლოდ სიძულვილს, ბოროტებას და დაპირისპირებას თესავთ – სამაგიეროს მიიღებთ ხალხის სიმტკიცით, ერთობით, სიყვარულით და სიძულვილის დამარცხებით
“წამლავენ ახალგაზრდებს, თავებს უტეხავენ, სახის ძვლებს უმტვრევენ, სადარბაზოებთან ნიღბიანებს ახვედრებენ, მათ მშობლებს აშანტაჟებენ, ემუქრებიან ღია სატელეფონო ზარებით შვილის ლიკვიდაციით. თუ...
მტკიცედ გამოჩნდა, რომ ჩვენი საზოგადოება არის ერთიანი და ამ ერთიანობას აქვს უდიდესი შინაარსი – ოჯახის ფასეულობათა დაცვით ქვეყნის სუვერენიტეტისა და ღირსების დაცვა – რატი იონათამიშვილი
ძალიან ამაღელვებელია იმის ხილვა, რომ ოჯახის სიწმინდის დღეს თბილისსა და საქართველოს სხვა ქალაქებში ასობით ათასი ადამიანი ჩვენი ეროვნული და სარწმუნოებრივი...
მიხეილ ყაველაშვილი: ოჯახური ურთიერთობები ჩვენი მონაპოვარიც არის და უპირატესობაც, ახლა კი ვხედავთ, რომ სწორედ ამას ეხებიან
„ფაქტია, რომ არა მხოლოდ საქართველოში, არამედ მთელ მსოფლიოში ღირებულებებს ებრძვიან და შეიძლება საქილიკოდ ჟღერდეს, მაგრამ სწორედ საქართველო იყოს კატალიზატორი და...
პატრიარქი: ყოვლად წმინდაო ღვთისმშობელო, გადააფარე საქართველოს შენი კალთა. საქართველოვ, მიყვარხარ!
საქართველო გახდა წილხვედრი ყოვლადწმინდისა ღვთისმშობლისა. ჩვენ ვმადლობთ უფალს მისი დიდი წყალობისთვის, – ამ სიტყვებით მიმართა სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის...