მაკა ბოჭორიშვილი: ევროპელი პარტნიორები მოელიან, რომ ადგილობრივი არჩევნები ჩატარდება საერთაშორისო სტანდარტების დაცვით
Read Time:30 Second
სტრასბურგში ვხვდებით ევროპარლამენტარებს სხვადასხვა პოლიტიკური ჯგუფებიდან. ვხვდებით იმ ადამიანებს, რომლებიც დაინტერესებულები არიან საქართველოში მიმდინარე პროცესებით და ჩვენს წინაშე მდგარი გამოწვევებით, – ამის შესახებ „ქრონიკას“ საქართველოს პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილმა განუცხადა.
„გვაქვს ძალიან კარგი დისკუსიები საქართველოსთან მიმართებაში. ველოდებით საქართველოში ევროპარლამენტის დელეგაციას ადგილობრივ არჩევნებზე დასაკვირვებლად, რაც ერთგვარი გამონაკლისია და ასევე აჩვენებს, რომ ევროპარლამენტის მხრიდან არის დიდი ინტერესი ჩვენს ქვეყანაში მიმდინარე პროცესებთან მიმართ. ჩვენი პარტნიორები პირველ რიგში მოელიან, რომ ადგილობრივი არჩევნები ჩატარდება საერთაშორისო სტანდარტების დაცვით, შესაძლებელი იქნება ქვეყანაში პოლიტიკური სიტუაციის დასტაბილურება და ყურადღების მთელი კონცენტრაცია მოვახდინოთ საქართველო-ევროკავშირის ურთიერთობაზე, მომავალ ნაბიჯებზე“,- აღნიშნა ბოჭორიშვილმა.
საქართველოს პარლამენტის ევროპასთან ინტეგრაციის კომიტეტის თავმჯდომარე ვიზიტით ბრიუსელში იმყოფება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
