ლადო კახაძე: საარჩევნო ყუთთან თქვენი კეთილგონიერი გადაწყვეტილებით, უსაფრთხოდ, სამართლიანად და გამჭვირვალედ „სიძულვილის ვირუსის“ სრულად მოსპობა შეგიძლიათ
Read Time:37 Second
ჩემი პროფესიის გამო ბევრ სივერაგეს შევხვედრილვარ, ბევრ დაავადებასთან მქონია საქმე და თავადაც ბევრი ცუდი დიაგნოზი დამიწერიაა, მაგრამ გამოსავალი მაინც არსებობდა, – ამის შესახებ საპარლამენტო უმრავლესობის წარმომადგენელმა, ლადო კახაძემ პარლამენტის სხდომაზე განაცხადა.
„21-ე საუკუნეში საშინელება აღმოვაჩინე, თითქმის განუკურნებელი ვერაგი ვირუსი – „სიძულვილის ვირუსი“, რომელიც კორონავიურსზე გაცილებით უარესია, გესლიანია, შხამიანია. „სიძულვილის ვირუსით“ დაავადებულ ტვინს შეუძლია ხელი აღმართოს ოჯახზე, შეეხოს და წაბილწოს ოჯახის სიწმინდეები, უარყოს ოჯახში ჩაბუდებული რწმენა და სიყვარული, სითბო, ერთგულება, მსახურება, კულტურა, ტრადიცია, მაგრამ ამ ვირუსის წინააღმდეგ ვაქცინაც ვიპოვე – სიყვარული, გიყვარდეთ თქვენი ოჯახები.
კორონავირუსს ეშველება, მივმართავ სრულიად საქართველოს, ოჯახის შვილნო, დიახ, ჩვენი ქვეყნის, თქვენი საქართველოს ოჯახის შვილებო, თქვენ გაქვთ ისტორიული შანსი, საარჩევნო ყუთთან თქვენი კეთილგონიერი გადაწყვეტილების არჩევანის მეოხებით, სავსებით უსაფრთხოდ, სამართლიანად და გამჭვირვალედ შეგიძლიათ ამ „სიძულვილის ვირუსის“ სრულად მოსპობა“, – განაცხადა ლადო კახაძემ.
საპარლამენტო არჩევნები 31 ოქტომბერს ჩატარდება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
