კვარაცხელიას გოლი და საგოლე გადაცემა – ხვიჩამ „სპეციასთანაც“ გაიბრწყინა
Read Time:50 Second
ხვიჩა კვარაცხელიას „ნაპოლი“ იტალიის ჩემპიონატის 21-ე ტურში „სპეციას“ ესტუმრა და ქართველის შესანიშნავი თამაშით 3:0 დაამარცხა.
საქართველოს ნაკრების თავდამსხმელი ნეაპოლელთა ძირითად შემადგენლობაში იყო და აქტიურობით გამოირჩეოდა. მისი გაჩერება უჭირდათ და მე-16 წუთზე ხვიჩასთან უხეშობისთვის „სპეციას“ მცველმა ეტან ამპადუმ ყვითელი ბარათი მიიღო. 37-ე წუთზე ქართველმა თავადმსხმელმა სახიფათოდ დაარტყა და კარს სანტიმეტრებში ააცილა.
ხვიჩამ გოლი 47-ე წუთზე გაიტანა – მცველმა ხელით ითამაშა და მასპინძელთა კარში დანიშნული პენალტი უნაკლოდ გამოიყენა და „ნაპოლი“ დააწინაურა.
მე-60 წუთზე ხვიჩამ კიდევ ერთხელ სცადა გატანა, მაგრამ მეკარემ ბურთი აუღო.
69-ე წუთზე „ნაპოლიმ“ უპირატესობა გაზარდა. კვარაცხელიას ჩაწოდებული ბურთი მცველმა ჩაჭრა, მაგრამ მისმა თანაგუნდელმა ცუდად მოიგერია – დაცვაში მეტოქეთა შეუთანხმებლობით ვიქტორ ოსიმენმა ისარგებლა და მეკარეს ბურთი თავზე გადაუგდო 0:2.
73-ე წუთზე კი ხვიჩა მეკარესთან პირისპირ დარჩა, მაგრამ ბურთი ოსიმენს დაუგორა და დუბლის შესრულებაში დაეხმარა, ამის შემდეგ კი ქართველი ფორვარდი შეცვალეს.
საბოლოოდ, „ნაპოლიმ“ 3:0 მოიგო და 21 ტურის შემდეგ 56 ქულით სერია A-ს ლიდერია. ხვიჩა კვარაცხელიას კი იტალიის ჩემპიონატში ჩატარებულ 17 მატჩში ანგარიშზე 8 გოლი და 9 საგოლე გადაცემა დაუგროვდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
