კაია კალასი – რუსეთი ბრძოლის ველზე ჩიხში აღმოჩნდა, ამიტომ უკრაინას ქალაქების ცენტრებზე მიზანმიმართული თავდასხმებით ატერორებს

ნატო-ს ხუთი მთავარი ქვეყანა ალიანსის გენერალური მდივნის, მარკ რუტეს იდეას ეწინააღმდეგება, რომელიც უკრაინის მხარდაჭერისთვის მშპ-ს 0.25%-ის გამოყოფას გულისხმობს.ამის შესახებ ინფორმაციას „ტელეგრაფი“ წყაროებზე დაყრდნობით ავრცელებს. მათივე ცნობით, რუტემ ცოტა ხნის წინ აღიარა, რომ მისი იდეა, მოკავშირეების მიერ მშპ-ს 0.25%-ის გამოყოფასთან დაკავშირებით, მხარდაჭერის არარსებობის გამო „არ იმუშავებს“.„ტელეგრაფის“ ცნობით, გასულ კვირას რუტეს გეგმის წინასწარი განხილვების დროს, მას მხარი არ დაუჭირეს გაერთიანებულმა სამეფომ, საფრანგეთმა, იტალიამ, ესპანეთმა და კანადამ. ნატო-ს წყარომ გამოცემას განუცხადა, რომ ეს ქვეყნები „არ არიან ენთუზიაზმით აღსავსე“ რუტეს იდეის მიმართ.ამასთან, წყარო არ ასახელებს იმ ქვეყნებს, რომლებმაც მხარი დაუჭირეს რუტეს იდეას, მაგრამ სავარაუდოდ ისინი სკანდინავიური და ბალტიისპირეთის ქვეყნები, პოლონეთი და ნიდერლანდები არიან.

,,ირანის ისლამური რესპუბლიკის საელჩოს ერთ-ერთი უმთავრესი მისია რეგიონული „დამატებითი ეკონომიკის“ გაძლიერების ხელშეწყობაა — პროგრამისა, რომლის მიზანია საქართველოს საექსპორტო პოტენციალის მხარდაჭერა ირანის ირგვლივ მდებარე რეგიონული ქვეყნების მიმართულებით და მთლიანად რეგიონში ეკონომიკური კავშირების გაღრმავება''-ამის შესახებ წერს ირანის ისლამური რესპუბლიკის ელჩი ალი მოჯანი.,,ირანის ისლამური რესპუბლიკის საელჩოს ერთ-ერთი უმთავრესი მისია რეგიონული „დამატებითი ეკონომიკის“ გაძლიერების ხელშეწყობაა — პროგრამისა, რომლის მიზანია საქართველოს ექსპორტის ზრდის მხარდაჭერა ირანის გარშემო მდებარე რეგიონული ქვეყნების მიმართულებით და მთელ რეგიონში ეკონომიკური კავშირების გაღრმავება. ამ მიმართულებით, ბოლო რამდენიმე თვის განმავლობაში ჩვენს დღის წესრიგში იყო საქართველოდან მეზობელ ქვეყნებში — მათ შორის ერაყში, ავღანეთსა და ცენტრალური აზიის სახელმწიფოებში — პირუტყვის, თეთრი ხორცისა და თევზის სატრანზიტო მარშრუტების შექმნა და გამარტივება. აღნიშნულმა პროცესმა მნიშვნელოვანი წვლილი შეიტანა საქართველოს ექსპორტის ზრდაში და ამავე დროს ხელი შეუწყო რეგიონული ეკონომიკური ურთიერთობების გაფართოებას. ცხადია, რომ საკვები პროდუქტებისა და პირველადი მოხმარების საქონლის სწრაფ ტრანსპორტირებას შეუძლია ხელი შეუწყოს მთელ რეგიონში ინფლაციისა და ფასების შემცირებას და ამავდროულად საქართველოს ეკონომიკისთვის დამატებითი შემოსავლების შექმნას. ჩვენ ამ პროცესს რეგიონული მეგობრობის პროგრამის ნაწილად განვიხილავთ, რადგან ჩვენი ხალხები, ერთმანეთთან მჭიდროდ დაკავშირებულ გეოგრაფიულ სივრცეში, საუკუნეების განმავლობაში საქონლის გაცვლისა და სავაჭრო ურთიერთობების გზით მნიშვნელოვან როლს ასრულებდნენ მსოფლიო ვაჭრობაში. საბაჟო ბარიერების შემცირება, ვაჭრობის გამარტივება და ლოგისტიკური ინფრასტრუქტურის გაძლიერება, უდავოდ, ირანის ისლამური რესპუბლიკის ეკონომიკური დიპლომატიის ერთ-ერთი ძირითადი მისია იქნება საქართველოში. ამ მიმართულებით მზად ვართ, ირანის სატრანზიტო მარშრუტების გამოყენებით ხელი შევუწყოთ საქართველოდან სხვადასხვა რეგიონულ ბაზრებზე საქონლის გადაზიდვას და ირანის ისლამური რესპუბლიკის საელჩო ვაქციოთ აქტიურ საკოორდინაციო ცენტრად ლოგისტიკური და ეკონომიკური თანამშრომლობისათვის — ცენტრად, რომელიც შეძლებს ქართული კომპანიებისა და ეკონომიკური სექტორის წარმომადგენლების საჭიროებებსა და მოლოდინებზე ეფექტიან რეაგირებას. დარწმუნებული ვართ, რომ ამ თანამშრომლობების განვითარება საბოლოოდ ხელს შეუწყობს ეკონომიკურ ზრდას, დასაქმების გაფართოებასა და რეგიონული სტაბილურობის განმტკიცებას. ბოლო პერიოდში საქართველოს სხვადასხვა რეგიონში ვიზიტებისას, ამ შესაძლებლობებზე საუბარი მქონდა ბიზნესმენებთან, ინვესტორებთან და საწარმოთა წარმომადგენლებთან, და საბედნიეროდ შევძელით ერთობლივი პროგრამების შემუშავება და გაძლიერება სავაჭრო და სატრანზიტო თანამშრომლობის განვითარების მიზნით. ირანის ისლამური რესპუბლიკის საელჩო სრულ მზადყოფნას გამოთქვამს, რომ სხვა ქართული კომპანიებისა და ორგანიზაციების სურვილის შემთხვევაში, საკუთარი შესაძლებლობების სრული გამოყენებით უზრუნველყოს მათთვის მომსახურების გაწევა, კავშირების ხელშეწყობა და ერთობლივი ეკონომიკური თანამშრომლობის მხარდაჭერა''- წერს  ალი მოჯანი.

ვევედრებით უფალს, მოგვცეს დიდი მადლი აფხაზებთან, ოსებთან დიდი შერიგებისა, ჩვენი ქვეყნის გამთლიანებისა, დევნილების დაბრუნებისა თავიანთ სახლებში. ღვთის ძალით და მადლით ყველაფერი შესაძლებელია და ეს აუცილებლად მოხდება, – ამის შესახებ საქართველოს კათოლიკოს-პატრიარქმა, შიო მესამემ თბილისის ყოვლადწმინდა სამების სახელობის საპატრიარქო ტაძარში ქადაგებისას განაცხადა.უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, შიო მესამემ ქადაგებისას მრევლს წმინდა სიმონ კანანელის ხსენების დღე და აფხაზეთობა მიულოცა.„გილოცავთ დღევანდელ დღეს – აფხაზეთობას, წმინდა მოციქულ სიმონ კანანელის ხსენებას. მოგეხსენებათ, ეს დღესასწაული დააფუძნა სრულიად საქართველოს კათოლიკოს-პატრიარქმა ილია II-მ. დღეს ჩვენ შევასრულეთ პარაკლისი და პანაშვიდი, ვილოცეთ აფხაზეთისთვის, ჩვენი ქვეყნის გამთლიანებისთვის. აფხაზეთში, სამაჩაბლოში ბრძოლის ველზე მომწყდართათვის, ქართველებისთვისაც, აფხაზებისთვისაც, ოსებისთვისაც, ვილოცეთ ჩვენი გამთლიანებისთვის, ჩვენი შერიგებისთვის. ვფიქრობთ დღეს ჩვენს დევნილებზეც, რომლებიც განდევნილნი იყვნენ ეთნიკური ნიშნით, შეიძლება ასე ითქვას, და ვევედრებით უფალს, მოგვცეს დიდი მადლი აფხაზებთან, ოსებთან დიდი შერიგებისა, ჩვენი ქვეყნის გამთლიანებისა, დევნილების დაბრუნებისა თავიანთ სახლებში. მაგრამ ვფიქრობთ რა ყოველივე ამაზე, ჩვენც ვაცნობიერებთ, რომ მხოლოდ ადამიანური ძალისხმევით ამის მიღწევა შეუძლებელია. უკვე რამდენი წელი გავიდა, რას არ ვცდილობთ, მაგრამ ვრწმუნდებით იმაში, რომ თუ არა ღვთის დიდი ძალა და მადლი, ეს არ მოხდება, როგორც ყოველი დიდი საქმე. მარტო ადამიანური ძალებით, როგორც ამბობს უფალი, ხომ გახსოვთ? – „უჩემოდ არ შეგიძლიათ არაფერი“ (ინ. 15, 5). ღვთის ძალით და მადლით კი ყველაფერი შესაძლებელია და ეს აუცილებლად მოხდება, მაგრამ ამისთვის საჭიროა, ჩვენ გადავდგათ შესაბამისი ნაბიჯები. აი, როდესაც ადამიანი, ვთქვათ, ლოცულობს რაიმე პირადი პრობლემის გამო, პირადი საქმისთვის, იგი აუცილებლად უნდა ეცადოს, გამოსწორდეს, რაღაც ცოდვები გამოასწოროს, მანკიერებები, რომლებიც უშლის მას უფალთან დაახლოებაში, მადლის მიღებაში. ამ ნაბიჯებს თუ გადადგამს, უფალი მას აუცილებლად ეხმარება, მაგრამ როდესაც ლოცულობს მთელი ერი ან დიდი რაოდენობა ხალხის, იქაც, შესაბამისად, ეს სულიერი ცხოვრების კანონია, მაშინ ეს სიმრავლე ხალხისა უნდა ცდილობდეს, გამოასწოროს ის მანკიერებები და ცოდვები, რომლებიც ხალხში ტრიალებს. ამაზე უნდა დავფიქრდეთ, ეს არის აუცილებელი პირობა იმისა, რომ, ვიმეორებ, დიდი მადლი გადმოვიდეს ჩვენზე, გამთლიანების, გადარჩენისა და გაერთიანების მადლი. ამაზე იყო საუბარი დღევანდელ საღვთო ლიტურგიაზე წაკითხულ სახარებაშიც.ჩვენ ახლა ვიმყოფებით პერიოდში ქრისტეს ზეცად ამაღლებიდან სულთმოფენობამდე. უფალი ჩვენი იესო ქრისტე ესაუბრებოდა მოციქულებს იმის შესახებ, რომ მას მოუწევდა თავის ზეციერ მამასთან წასვლა და მათი დატოვება. რა თქმა უნდა, მოციქულები ამის გამო ძალიან წუხდნენ. დღეს წაკითხულ საუბარში, ისევე, როგორც სხვაგან, უფალი მათ ძალიან სანუგეშო სიტყვებს ეუბნება. მაგალითად, ამბობს, რომ მას შემდეგ, რაც ის წავა და ამაღლდება ზეცად, ისინი დიდ სასწაულებს მოახდენენ, ისეთივე სასწაულებს მოახდენენ, როგორც თვითონ ახდენდა. მეტიც, უფრო მეტსაც მოახდენთ, ოღონდ თუ დაიცავთ ჩემს რწმენას, – ამბობს უფალი. ისინი მეტ სასწაულს მოახდენენ არა იმიტომ, რომ იესო ქრისტეზე მეტნი გახდებიან, აღმატებულნი იქნებიან, არამედ იმიტომ, რომ როდესაც უფალი სრულად შევა საღვთო დიდებაში, განდიდდება და ამ საღვთო ძალაუფლებას, ხელმწიფებას სრულად დაეუფლება, მაშინ უფრო მეტ სასწაულებს მოახდენს თვითონ უფალი სულიწმინდის ძალით და თავისი მოწაფეების მეშვეობით.უფალი ასევე ეუბნება მათ, რომ თქვენ შეგეძლებათ, ღმერთს მიმართოთ ლოცვით, იესო ქრისტეს სახელით (რაც აქამდე არ ხდებოდა) და ღმერთი ყველა თქვენს თხოვნას შეასრულებს. კიდევ ერთი დიდი ნუგეში მისი არის ის, რომ მან აღუთქვა მოწაფეებს სულიწმინდის მოვლინება, მაგრამ აქაც პირობას აყენებს: „დაიცავით ჩემი მცნებები და მე შევთხოვ ზეციერ მამას და მოგივლენთ სხვა ნუგეშინისმცემელს, რომელიც მარადიულად თქვენთან იქნება, საუკუნოდ თქვენთან იქნება“ (ინ. 14, 15-16).„ნუგეშინისმცემელს“ უფალი უწოდებს სულიწმინდას, ვინაიდან ის იქნება ქრისტეს ამაღლების შემდეგ ქრისტეს ნაცვლად ჩვენი წინამძღოლი, მფარველი, ნუგეშინისმცემელი. ასევე უფალი ეუბნება მათ ასეთ რამეს: გარდა იმისა, რომ მოგივლენთ ნუგეშინისმცემელს, მექნება თქვენთან უმჭიდროესი კავშირი, მუდამ ვიქნები თქვენთან, „არ დაგტოვებთ თქვენ ობლად“ (ინ. 14, 18). აი, ეს საოცარი მონაკვეთია დღეს სახარებიდან წაკითხული. „მე თქვენთან ვარ, ვიდრე აღსასრულამდე სოფლისა“ (მთ. 28, 20) და თქვენც, ჩემთან ერთობით, როგორც სიცოცხლის წყაროსთან, იქნებით ცოცხალნი ყოველთვის. აი, ასეთი სანუგეშო სიტყვები იყო წაკითხული, ძვირფასო ძმებო და დებო. უნდა გვახსოვდეს, რომ სულიწმინდა ეკლესიას მიეცა სამარადჟამოდ, ის განუწყვეტლივ მოქმედებს ეკლესიაში, ქრისტიანების გულში, თუ, რა თქმა უნდა, რწმენას იცავენ და სარწმუნოებით ცხოვრობენ ეკლესიის წმინდა საიდუმლოებებში, თუ ასევე რწმენით ვიღებთ მათ, როგორც ამბობს წმინდა პავლე მოციქული: „მადლით ხართ გამოხსნილები და ეს არ არის თქვენგან, არამედ ღვთის ნიჭია“ (ეფეს. 2, 8-9).ეს არის ნიჭი ნუგეშინისმცემელი სულიწმინდისა, რომელსაც ჩვენ ველოდებით რამდენიმე დღეში, სულ ერთ კვირაში იქნება სულთმოფენობის დღესასწაული. ჩვენ მას ვევედრებით, რომ მოვიდეს და დაემკვიდროს ჩვენ შორის, განგვწმინდოს, გაგვაძლიეროს, აცხონოს ჩვენი სულები და მოგვცეს დიდი მადლი ჩვენს ძმებთან, აფხაზებთან, ოსებთან შერიგებისა და იმ ძმური სიყვარულის აღდგენისა, რომელიც იყო საუკუნეების განმავლობაში ჩვენ შორის; მადლი იმისა, რომ აღარასდროს განმეორდეს ასეთი საშინელი ძმათა მკვლელი ომი, რომლის სავალალო შედეგებს დღემდე ვიმკით; მოგვცეს მადლი ჩვენი ქვეყნის გამთლიანების, რომ ვიცხოვროთ ერთ დიდ, მშვიდობიან, ძლიერ სახელმწიფოში. ამინ!საქართველოს მთავრობის მხარდაჭერითა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის ორგანიზებით 26 მაისს საზეიმო ღონისძიებები გაიმართება მარნეულში, „კიდევაც დაიზრდებიან“ მონუმენტთან მდებარე სკვერში და ახალქალაქში, ცენტრალურ პარკში“, – განაცხადა მეუფე შიომ ქადაგებისას.

ძალიან მიხარია, რომ ასეთი აქტიური შეხვედრა იყო დღეს. შეძლებისდაგვარად, მეც ვცდილობ, ყველა შეხვედრას დავესწრო. დღეს დავსვი შეკითხვა იმასთან დაკავშირებით, რა ფორმით ხედავდა „ქართული ოცნების“ ახალგაზრდული ორგანიზაცია დიალოგის გაგრძელებას მას შემდეგ, რაც საქართველოს შემოვლას დაასრულებდნენ. აღნიშნეს, რომ არ აპირებენ გაჩერებას, აპირებენ დიალოგის გაგრძელებას, რაც ძალიან გამიხარდა, – ამის შესახებ ცოტნე ივანიშვილმა „ქართული ოცნების“ ახალგაზრდული ორგანიზაციის რეგიონული კონფერენციის დასრულების შემდეგ ჟურნალისტებს განუცხადა.ცოტნე ივანიშვილის თქმით, დიალოგს და საერთო ღირებულებების ირგვლივ მსჯელობას ალტერნატივა არ აქვს.„რა თქმა უნდა, ამას ალტერნატივა არ აქვს. სამწუხაროდ, ზოგადად, ძალიან დაკანონდა ჩვენს ქვეყანაში იარლიყების მიკერება ადამიანზე, რომელსაც არ ვეთანხმებით და დიალოგი არის ლოგიკა, აზრთა სხვადასხვაობაში იბადება სიმართლე, ჭეშმარიტება. მყავს მეგობრები, რომლებთანაც ბევრ თემასთან დაკავშირებით რადიკალურად განსხვავებული პოზიცია მაქვს, მაგრამ ყოველთვის ვმსჯელობთ, ვუსმენთ ერთმანეთს. მთავარია, ადამიანებს აკავშირებდეს საერთო ღირებულებები, საერთო ძვირფასი იდეები, როგორიც შეიძლება იყოს სამშობლოს სიყვარული. ამის შემდეგ მართლა რადიკალურად, შეიძლება, განსხვავდებოდეს მათი აზრი, მაგრამ უნდა იმსჯელონ ერთმანეთში, ისაუბრონ. ძალიან ბედნიერი ვარ, რომ ეს ფორმატი ნელ-ნელა უფრო და უფრო ხშირ სახეს იღებს. დღევანდელი შეხვედრაც ზუსტად ამის დემონსტრაცია იყო“, – აღნიშნა ცოტნე ივანიშვილმა.

ქრისტეს მორწმუნეების ერთობა და ჩვენი სულიერი ნათესაობა სრულიად განსაკუთრებულია, ის აღემატება ყოველგვარ ხორციელ ნათესაობას, რადგან ეს ნათესაობა ქრისტესმიერი, სრულიად განსაკუთრებულია, ის მომდინარეობს ერთი პურიდან და ერთი ბარძიმიდან, – ამის შესახებ უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, შიო მესამემ ქადაგებისას განაცხადა.„ყოვლადსამღვდელონო მღვდელმთავარნო, პატიოსანო მამებო, ძმებო და დებო! გილოცავთ დღევანდელ კვირა დღეს – პირველი მსოფლიო კრების წმინდა მამების ხსენებას. ამ დღესთან დაკავშირებით წაკითხული იყო სახარებიდან მონაკვეთი, საიდანაც ვიგებთ, რომ უფალმა იესო ქრისტემ საიდუმლო სერობის შემდეგ, მას მერე, რაც უკანასკნელად ესაუბრა თავის მოწაფეებს, ლოცვით მიმართა ზეციერ მამას. ეს სრულიად განსაკუთრებული ლოცვაა თავისი მნიშვნელობით, თავისი მშვენიერებითა და საღვთისმეტყველო აზრით.ამ ლოცვაში უფალი იესო ქრისტე განმარტავს, თუ რა არის მარადიული ცხოვრება, რაში მდგომარეობს ის. იგი ამბობს, რომ მარადიული ცხოვრება არის ერთი ჭეშმარიტი ღმერთის და მის მიერ მოვლენილი იესო ქრისტეს შეცნობა (ინ. 17, 3). ამ სიტყვებიდან ვიგებთ ძალიან მნიშვნელოვან რამეს, რომ მარადიული ცხოვრებისთვის არ არის საკმარისი, მხოლოდ გწამდეს ერთი ღმერთი, როგორც ამბობენ ზოგიერთები, რომ ღმერთი ერთია და რა მნიშვნელობა აქვს თითქოს, რომელ რელიგიას ეკუთვნის ადამიანი, ეს ხომ ყველაფერი ერთი ღმერთისგან მოდისო.მაგრამ უფალი იესო ქრისტე ამბობს, რომ მარადიული ცხოვრებისთვის არ არის საკმარისი, მხოლოდ ერთი ღმერთი გწამდეს, არამედ ასევე აუცილებელია, გწამდეს მის მიერ მოვლენილი მხოლოდშობილი ძე ღმერთი – იესო ქრისტე. თორემ არიან ადამიანები, რომლებიც მიიჩნევენ თავიანთ თავს ერთი ღმერთის მორწმუნედ, მაგრამ ბოროტებასაც ჩადიან, მკვლელობებსაც ჩადიან, ტერაქტებსაც ჩადიან და თან გაიძახიან ღმერთის დიდებას. ხომ ასეა? ამავე დროს, სძულთ ღვთისგან, ერთი ღმერთისგან კაცობრიობის ხსნისა და გადარჩენისთვის მოვლენილი მხოლოდშობილი ძე და მხსნელი, უფალი ჩვენი იესო ქრისტე.ე. ი. აუცილებელია ასევე, გვწამდეს იესო ქრისტე, როგორც ძე ღმერთი და მაცხოვარი სოფლისა. ამ ლოცვის ერთ-ერთი მთავარი მნიშვნელობა ამაში მდგომარეობს.ჩვენ დღეს ვიხსენიებთ პირველი მსოფლიო კრების წმინდა მამებს, რომლებმაც განმარტეს და გამოთქვეს ეს ჭეშმარიტება ძე ღმერთის, იესო ქრისტეს შესახებ, რომ ის გახლავთ განკაცებული ძე ღმერთი; ის არ არის ღვთის ქმნილება, როგორც ჩვენ; ის არ არის ერთ-ერთი მორიგი წინასწარმეტყველი, თუ გნებავთ, ან მხოლოდ ზნეობის მოძღვარი, არამედ ის არის მხოლოდშობილი ძე ღვთისა, თანასწორი მამისა, ერთარსი მამისა და, ამავე დროს, ჩვენი თანასწორი ადამიანური, კაცობრივი ბუნებით.ძვირფასო ძმებო და დებო, მას შემდეგ დიდი კრძალვით და სათუთად ვინახავთ ამ სარწმუნოებას. ჩვენი ერი ჯვარს ეცვა ამ სარწმუნოების შენახვისთვის და დღემდე მოვიდა ეს მაცხონებელი სარწმუნოება. ვმადლობთ უფალს, რომ ღმერთმა მოგვიწოდა თავის ეკლესიაში, რათა ვისაზრდოოთ მარადიული ცხოვრების წყაროსგან, რომელზეც საუბრობს უფალი იესო ქრისტე ამ ლოცვაში, რომელსაც ხშირად „სამეუფეო ლოცვასაც“ უწოდებენ.აქ უფალი იესო ქრისტე ასევე ლოცულობს მოციქულებისთვის და, ზოგადად, ყველა მორწმუნისთვის, ანუ ჩვენთვის, ყველა დროის ქრისტიანისთვის, როცა ამბობს: „რათა ესენიც ჩვენსავით ერთ იყვნენ“ (ინ. 17, 11), – გულისხმობს თავის ერთობას მამაზეციერთან.ქრისტეს მორწმუნეების ეს ერთობა და ჩვენი სულიერი ნათესაობა სრულიად განსაკუთრებულია, ის აღემატება ყოველგვარ ხორციელ ნათესაობას, ნათესაურ გრძნობებს და ურთიერთობებს, ასევე მეგობრულ ურთიერთობებსაც, რადგან ეს ნათესაობა ქრისტესმიერი, სრულიად განსაკუთრებულია, ის მომდინარეობს ერთი პურიდან და ერთი ბარძიმიდან. ქრისტეს სისხლსა და ხორცს როცა ვეზიარებით, ყოველთვის განვაახლებთ ჩვენში ამ ერთობას ერთმანეთთან და ღმერთთან, შევიგრძნობთ ჩვენს თავს ქრისტეს ერთიანი სხეულის წევრებად, რაც, როგორც ამბობს წმინდა პავლე მოციქული, არის ეკლესია, რომლის თავიც ვინ არის? – თვით უფალი ჩვენი იესო ქრისტე (კოლ. 1, 18).უფალმა გვიანდერძა, გვიბრძანა, რომ შევინარჩუნოთ მისგან ბოძებული ეს ერთობა. ეს არის ერთი წმინდა კათოლიკე სამოციქულო მართლმადიდებელი ეკლესიის ერთობა. გვმართებს, ვიღვაწოთ, ვიშრომოთ და ვილოცოთ ამ ერთობის შენარჩუნებისთვის, რომ არ შედრკეს, არ შეირყეს ეს ერთობა, არ დაირღვეს, ამისთვის უნდა ვიღვაწოთ. და თუ ვინმე ამ ერთობას განუდგა, უნდა ვეცადოთ, კვლავ დაბრუნდეს ერთიანი ეკლესიის ამ ერთობის წიაღში და ეზიაროს მარადიულ ცხოვრებას, რომელიც გვეძლევა ღმერთის ეკლესიაში, იესო ქრისტეს ეკლესიაში.კიდევ ერთხელ გილოცავთ, ძვირფასო ძმებო და დებო, დღევანდელ დღესასწაულს. დღეს როდესაც ვიხსენიებთ პირველი მსოფლიო კრების წმინდა მამებს, მათთან ერთად – მოციქულთა სწორ, ქართველთა განმანათლებელ ქალწულ ნინოს, მეფე მირიანს და დედოფალ ნანას, რომლებმაც იღვაწეს ქრისტეს რწმენის, მართლმადიდებელი სარწმუნოების განმტკიცებისა და გავრცელებისთვის, ვევედროთ უფალს, რომ შეგვეწიოს ამ რწმენის ერთგულებაში, შენახვაში, განმტკიცებაში და როგორც ნათქვამია ამ შესანიშნავ, საოცარ სამეუფეო ლოცვაში, „შეგვეწიოს ერთი ჭეშმარიტი ღმერთის შეცნობაში და მის მიერ მოვლენილი უფალ იესო ქრისტეს შეცნობაში“, რომ ამ რწმენით შევიცნოთ უფალი და მივაღწიოთ მარადიულ ცხოვრებას“, – თქვა პატრიარქმა შიო მესამემ.