პარასკევი, ნოემბერი 20, 2026

„იღბლიანი“ პროდუქტები, რომლებიც საახალწლო სუფრაზე ყოველ წელს აუცილებლად უნდა გქონდეთ

ახალი წელი უკვე კარს მოგვადგა. დროა, დავგეგმოთ ახალი წლის ღამე, საახალწლო სუფრის მენიუ და მოვიძიოთ რეცეპტები.

პირველ რიგში, სანამ ღამის 12 საათი შესრულდება, შეაფასეთ გასული წელი, გააანალიზეთ გასული წლის მნიშვნელოვანი მოვლენები და დაგეგმეთ 2020 წელი უკეთესად.

სიტყვა „ახალი“ თავისთავად მოიაზრებს ახალ მიზნებს, გამოწვევებსა და შესაძლებლობებს. მსოფლიოს სხვადასხვა ქვეყანაში ფიქრობენ, რომ ბედნიერი, ჯანმრთელი, ფინანსურად ძლიერი და შემოქმედებითად პროდუქტიული წლის საიდუმლო გასაღები ახალი წლის ღამეს იღბლიანი საკვების მირთმევაშია.

გთავაზობთ საახალწლო „იღბლიანი“ პროდუქტების შესახებ გავრცელებულ ტრადიციებს მთელი მსოფლიოს მასშტაბით.

ყურძენი

თუ წარმატებული წელი გსურთ, ღამის 12 საათიდან, ერთი საათის შუალედით, მიირთვით თორმეტი ყურძენი,  თითო-თითო. ამბობენ, რომ ეს ტრადიცია 1909 წლიდან მოდის. ტრადიციის თანახმად, ყურძნის რიტუალი მომავალ წელს სიტკბოსა და სიმდიდრეს გპირდებათ. თითო ყურძენი თითო თვეს მოიაზრებს. ანუ პირველი ყურძენი წარმოადგენს იანვარს, მეორე – თებერვალს და ა.შ.

ესპანეთში, ყურძნის რიტუალს ხშირად მოსდევს წვეულებები, რომლებიც დილამდე გრძელდება.

მრგვალი ხილი

მრგვალი ხილი – როგორიცაა ფორთოხალი და ვაშლი ბევრ ქვეყანაში საახალწლო იღბლიან საკვებად ითვლება. ტრადიციის მიმდევრების აზრით, მრგვალი ფორმის ხილი მონეტების სიმბოლოა და ბარაქიან წელს მოასწავებს.

ფორთოხალი და მანდარინი ჩინეთში ყველაზე პოპულარული „იღბლიანი“ ხილია ოქროსფერი ფერის გამო, რადგან ოქროსფერი  სიმდიდრესთან და წარმატებასთან ასოცირდება.

ვიეტნამში იღბლიან ფრად წითელი ითვლება, შესაბამისად, იღბლიანად წითელი შეფერილობის ხილს თვლიან.

საბერძნეთში ხილთან დაკავშირებით ასეთი ტრადიციაა – როდესაც 12 საათი შესრულდება ოჯახში ბროწეულს ისვრიან. დაცემის დროს ბროწეულს რაც მეტი მარცვალი დასცვივა, მით უფრო წარმატებული წელი ექნება ოჯახს.

იტალიაში ლეღვი ითვლება ნაყოფიერების სიმბოლოდ. მათივე ტრადიციით, თუ გსურთ საახალწლო სუფრაზე „იღბლიანი ხილი“ გქონდეთ, სუფრაზე აუცილებლად დადეთ ბროწეული და ციტრუსის ხილი.

ფილიპინებში სჯერათ, რომ საახალწლო ღამეს 12 ცალი ხილი უნდა მიირთვან, წარმატებული და სასიკეთო წელი რომ ჰქონდეთ. ყურძნის რიტუალის მსგავსად, ფილიპინელებსაც სჯერათ, რომ 12 ერთი და იმავე ხილის მირთმევა თორმეტ თვესთან ასოცირდება და მათ წარმატებას მოუტანთ.

ლობიო

რატომ უნდა მიირთვათ ლობიო ახალი წლის ღამეს? არსებობს მოსაზრება, რომ თუ ახალი წლის სუფრაზე ლობიოსგან მომზადებული კერძი გექნებათ, წარმატებულ წელს შემოიპატიჟებთ. ტრადიციის მიმდევრები ფიქრობენ, რომ როგორც ლობიო ფუვდება ხარშვის დროს, ასევე ოჯახშიც ხვავით და ბარაქით სავსე წელი შემობრძანდება. ლობიო კეთილდღეობისა და ზრდის სიმბოლოდ ითვლება.

ასევე პოპულარული პროდუქტებია მწვანე ბარდა და ოსპი. ოსპის მრგვალი ფორმის გამო მას მონეტას ამგავსებენ, მწვანე ბარდა კი ფულის ფერთან ასოცირდება.

გთავაზობთ, მარცვლეულის კერძებს, რომლებიც მსოფლიოს სხვადასხვა ქვეყანაში იღბლიან საახალწლო საკვებად ითვლება:

იტალიაში მიირთმევენ მწვანე ოსპს ძეხვეულით.

პუერტო რიკოში კი ამზადებენ კერძებს ბრინჯითა და ლობიოთი.

ბრაზილიაში თეთრ მწარე ოსპს ანიჭებენ უპირატესობას.

უნგრეთში ოსპს ღორის ხორცთან, ხახვთან და სანელებლებთან ერთად ამზადებენ. ასევე რეცეპტში აუცილებლადაა მითითებული წიწაკა, ძმარი და მდოგვი.

იაპონიაში საახალწლო სუფრისთვის ტკბილ ლობიოს ამზადებენ და ამბობენ, რომ ამ საკვების მიღება მომავალ წელს ჯანმრთელობას მოიტანს.

ბარდას საახალწლო სუფრაზე მთელს მსოფლიოში ნახავთ. ბერძნები განსაკუთრებული რეცეპტით ამზადებენ მას. ისინი ბარდას ზეითუნის ზეთში შუშავენ ხახვთან, ნიორთან, პომიდორთან და მწვანილთან ერთად.

სხვადასხვა ქვეყნების ტრადიციის თანახმად, მზარეულმა ახალი წლის ღამეს მარცვლოვანი პროდუქტი უნდა მიირთვას, რომ ბარაქიანი წელი ჰქონდეს.

ლობიოს პატარა მარცვლები ცილის, კალიუმის, თუთიისა და რკინის შესანიშნავი წყაროა, ამიტომ თქვენც დაამატეთ ლობიო ახალი წლის „იღბლიანი საკვების“ მენიუში.

სალათის ფურცელი/მწვანილი

მწვანილი თავისი ფერით ფულთან ასოცირდება, ამიტომ მას საახალწლო სუფრაზე განსაკუთრებული ადგილი უკავია. სადილს რაც უფრო მეტი მწვანილით მიირთმევთ, უფრო იღბლიანი და შემოსავლიანი წელი გექნებათ.

მწვანილი სასარგებლო ვიტამინებითაა სავსე, ის ხელს უწყობს სტრესის შემცირებას, ამიტომ საახალწლო სუფრას არამარტო გაალამაზებს, არამედ თქვენს ჯანმრთელობაზეც იზრუნებს.

ღორის ხორცი

თუ ხორცს მიირთმევთ, ახალი წლის ღამისთვის ღორის ხორცი შეარჩეთ.

როგორც ამბობენ, ღორი მუდმივად ძიებაშია, სულ თხრის და რაღაცას ეძებს, რაც წინსვლასთან ასოცირდება, ქათმები/ინდაურები მშიშრები არიან და უკან იხევენ, ძროხები კი ნელი ტემპით მოძრაობენ, აქედან გამომდინარე თუ არ გსურთ, რომ ერთ ადგილას დარჩეთ ან უკან დაიხიოთ, სუფრაზე უპირატესობას საქონლის ან ქათმის ხორცს ნუ მიანიჭებთ.

ნეკნები, ბეკონი, ლორი და ძეხვი – ღორის ხორცისგან შედგენილი მენიუ მრავალფეროვანია.

სხვადასხვა ქვეყნებში, მათ შორის გერმანიაში, ავსტრიაში, შვეიცარიასა და ირლანდიაში ღორის ხორცი არამარტო წინსვლის სიმბოლოა, არამედ ცხიმიანი ხორცი ბარაქასთან და „მსუყე საფულესთან“ ასოცირდება.

თევზი

თუ ღორის ხორცის მოყვარული არ ხართ, შეგიძლიათ, ახალი წლის „იღბლიან საკვებად“ თევზი შეარჩიოთ. თევზი ფერის გამო ვერცხლის სიმბოლოდ ითვლება და ბარაქას მოასწავებს. ამავე ტრადიციის მიხედვით, თევზი ქვირითის გამო სიუხვეს და გამრავლებას მოგიტანთ.

სკანდინავიურ ქვეყნებში საახალწლო სუფრაზე დიდი პოპულარობით სარგებლობს დამარინადებული ქაშაყი, ასევე სარდინი და კობრი.

გერმანიაში თევზის სიმბოლოებს საფულით ატარებენ წარმატების მისაღწევად.

იაპონელების აზრით, კრევეტები ხანგრძლივი სიცოცხლის,  ქაშაყი კი – ნაყოფიერების სიმბოლოდ ითვლება.

ლაფშა

ზოგიერთი ტრადიციის მიხედვით, ახალ წელს მირთმეული სუპი ლაფშით სიცოცხლის ხანგრძლივობას მოგიტანთ.

ჩინეთში საახალწლო „ბედნიერი საკვები“ ყოველთვის შეიცავს ლაფშას. თუ ხანგრძლივი სიცოცხლე გსურთ, თქვენ დაღეჭვის გარეშე უნდა გადაყლაპოთ ლაფშის  დიდი ნაწილი.

იაპონიაშიც იგივე ტრადიციაა. მათი ტრადიციის თანახმად, რაც უფრო გრძელია ლაფშის ნაწილი, მით უფრო დიდხანს იცოცხლებთ.

მარცვლეული

ბრინჯი, ქერი და მსგავსი მარცვლეული სიმრავლის სიმბოლოდ ითვლება, ამიტომ ახალი წლის სუფრაზე ხშირად ნახავთ სხვადასხვა ქვეყნებში.

ინდურ მითოლოგიაში ბრინჯს რელიგიურ რიტუალებში იყენებენ, რადგან თვლიდნენ, რომ ბრინჯის მარცვლებს ბოროტი ენერგიის “შეწოვა” შეეძლოთ.

იაპონიაში ბრინჯის ნამცხვრებს აცხობენ, ჩინეთში ბრინჯისგან ტკბილ ბურთებს აკეთებენ და სტუმრებს უმასპინძლდებიან.

კორეაში ბრინჯს ბოსტნეულით, ჩილითა და სოიოს სოუსით შეზავებულს მიირთმევენ.

ძალიან უყვართ ბრინჯის პუდინგი შვედეთსა და ფინეთში. მას იღბლიან დესერტს უწოდებენ.

ტკბილეული

წმინდა ბასილის პური მნიშვნელოვან როლს ასრულებს ბერძნულ საახალწლო სუფრაზე. პური ტკბილია, მასში ცხობის დროს მონეტას მალავენ და ოჯახის რომელ წევრსაც ეს მონეტა შეხვდება, გარანტირებული წარმატებული ახალი წელი ელოდება.

მრგვალი ფორმის ცომეული

საახალწლო სუფრაზე მრგვალი ფორმის საკვების ქონა რთული სულაც არაა. შეგიძლიათ სუფრა დაამშვენოთ ბლინებით, ნამცხვრებით, დონატებითა და პიცით.

თუ ცომეულს ერიდებით, მაშინ სუფრაზე სუში, დაჭრილი პომიდორი, ზეთისხილი, სოკო, კარტოფილი და წრეებად დაჭრილი სხვა ბოსტნეული შეგიძლით დააწყოთ.

და ბოლოს, არ დაგავიწყდეთ

 შამპანური

მიუხედავად იმისა, რომ სასმლის დიდი არჩევანი არსებობს, საახალწლო სუფრაზე არ დაგავიწყდეთ შამპანური.

არსებობს ასეთი მოსაზრება, რომ შამპანურის დახმრებით სანუკვარ ოცნებებს აიხდენთ.

ფურცელზე დაწერეთ სურვილი, დაწვით, ფერფლი შამპანურის ჭიქაში ჩაყარეთ და დალიეთ. რაც მთავარია, ეს ყველაფერი 60 წამში უნდა მოასწროთ, სანამ ახალი წელი დადგება. სურვილის ჩაფიქრებისას იყავით კონკრეტული, ანუ თუ მანქანა გსურთ, დაწერეთ ფურცელზე კონკრეტული მოდელი, თუ მოგზაურობა გსურთ, დაწერეთ კონკრეტულად ის ადგილი, სადაც ისურვებდით გამგზავრებას.

და რაც მთავარია, გჯეროდეთ, რომ ახალ წელს ჩაფიქრებული ყველა პოზიტიური სურვილი ასრულდება, თუ ამას გულით იწამებთ.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

სულხან თამაზაშვილი – მინდა, მადლობა გადავუხადო შსს-ს თითოეულ თანამშრომელს, ვინც მიიღო მონაწილეობა საგამოძიებო და სამაშველო ღონისძიებებში, ჩვენს გმირ მეხანძრე-მაშველებს, მუნიციპალურ სამსახურებს, მედიის წარმომადგენლებს

მინდა, მადლობა გადავუხადო შინაგან საქმეთა სამინისტროს თითოეულ თანამშრომელს, ვინც მიიღო მონაწილეობა საგამოძიებო მოქმედებებში და, აუცილებლად, რა თქმა უნდა, სამაშველო ღონისძიებებში, – ამის შესახებ ჟურნალისტებს ფონიჭალაში, შემთხვევის ადგილზე მყოფმა საქართველოს შინაგან საქმეთა მინისტრმა, სულხან თამაზაშვილმა განუცხადა.„აუცილებლად მადლობა უნდა გადავუხადო მუნიციპალურ სამსახურებს და, პირველ რიგში, ჩვენს გმირებს, მეხანძრე-მაშველებს, რომლებმაც მართლაც სანიმუშოდ შეასრულეს დაკისრებული მოვალეობა. მინდა, მადლობა გადავუხადო მედიის წარმომადგენლებს, ჟურნალისტებს, მთელი დღის განმავლობაში გვქონდა თანამშრომლობა და საზოგადოებას ჰქონდა შესაძლებლობა, მთელი დღის განმავლობაში პირდაპირ ეთერში თვალი ედევნებინა მოვლენებისთვის“, – განაცხადა თამაზაშვილმა.ფონიჭალაში სამაშველო სამუშაოები დასრულდა, საავადმყოფოში რჩება ხუთი ადამიანი, მაშველებმა ნანგრევებიდან ექვსი ადამიანის ცხედარი ამოიყვანეს. საცხოვრებელ კორპუსში 19 ნოემბერს მომხდარ გაზის აფეთქებას ნგრევა მოჰყვა. შემთხვევის ადგილიდან თავდაპირველად საავადმყოფოში გადაიყვანეს ოთხი ადამიანი. ნანგრევებში შვიდი ადამიანი იყო მოყოლილი. მაშველებმა ნანგრევებიდან ამოიყვანეს მცირეწლოვანი გოგონა. ექიმების თქმით, გოგონას ჯანმრთელობის მდგომარეობა დამაკმაყოფილებელია. დღის მეორე ნახევარში ნანგრევებიდან ექვსი ადამიანის ცხედარი იქნა ამოყვანილი.

მამა სამსახურში ყოფილა წასული… სამი ბავშვი – სკოლაში…ახალი დეტალები თაიას ოჯახის შესახებ

,,წარმოუდგენელი ტრაგედია ტრიალებს ამ ოჯახის თავს... სწორედ აქედანაა გადარჩენილი თაია.დედა და შვილი დადასტურებულად გარდაცვლილი, ამოცნობილი.და ნანგრევებში კიდევ ერთ ბავშვს ეძებენ.მამა სამსახურში ყოფილა წასული...სამი ბავშვი - სკოლაში.მის გულში ახლა რა ცეცხლი და კაეშანი ტრიალებს, წარმოდგენაც არ მინდა...ვწუხვარ, ვიზიარებ...იმედია, გლოვის დღე გამოცხადდება და ყველა დაგეგმილი გასართობი ღონისძიება გადაიდება.გარდაცვლილებს ეს ვერ გააცოცხლებს, მაგრამ ამით მცირედ მაინც მივაგებთ პატივს მათ ხსოვნას..- სოციალურ ქსელში მომხმარებელილაშა ბერულავა წერს და ფოტოს გვიზიარებს.

ჯარედ კუშნერი – რუსეთი დავარწმუნეთ უკრაინისთვის ნატო-ს მე-5 მუხლის მსგავსი უსაფრთხოების გარანტიების მინიჭების აუცილებლობაში

რუსეთი დავარწმუნეთ უკრაინისთვის ნატო-ს მე-5 მუხლის მსგავსი უსაფრთხოების გარანტიების მინიჭების აუცილებლობაში, - ამის შესახებ აშშ-ის პრეზიდენტის წარმომადგენელმა ჯარედ კუშნერმა ბერლინში, „მსურველთა კოალიციის“ შეხვედრის დასრულების შემდეგ გამართულ პრესკონფერენციაზე განაცხადა.„ვიცი, რომ რუსეთში ამ კონცეფციის მიმართ დიდი სკეპტიციზმი და უნდობლობა არსებობს. მიმაჩნია, რომ ჩვენ შევძელით რუსების დარწმუნება ისეთი კონცეფციის აუცილებლობაში, რომლის თანახმადაც უკრაინისთვის უსაფრთხოების ნებისმიერი გარანტია მე-5 მუხლზე იქნება დაფუძნებული“, - განაცხადა კუშნერმა.მისი თქმით, რუსეთსა და ევროპას შორის დიალოგის განახლება აუცილებელია.„ამერიკის გადმოსახედიდან, ნატო-ს მე-5 მუხლის მსგავსი უსაფრთხოების გარანტიების მინიჭება ძალიან სერიოზული ნაბიჯია. ვფიქრობ, ამის განსახილველად პრეზიდენტი ტრამპი მზად არის. თუმცა, ცხადია, ეს აშშ-ის ინტერესებში უნდა შედიოდეს და ასევე, უსაფრთხოების უფრო ფართო პაკეტის ნაწილი უნდა იყოს“, - აღნიშნა კუშნერმა.ასევე, კუშნერის განცხადებით, ტრამპი ჩინეთიდან იმ განწყობით ბრუნდება, რომ უკრაინაში „მშვიდობის მიღწევა შესაძლებელია“.„ჩვენთვის წარმატებული შედეგი ომის დასრულების შემდეგ სუვერენული, დაცული, აყვავებული და თავისუფალი უკრაინის არსებობა იქნება“, - განაცხადა აშშ-ის პრეზიდენტის წარმომადგენელმა.

მიხეილ სარჯველაძე აცხადებს, რომ ფონიჭალაში აფეთქების შედეგად საავადმყოფოში გადაყვანილი პირების მდგომარეობა დამაკმაყოფილებელია, მამაკაცი კი, რომლის სახლშიც აფეთქება მოხდა, მძიმედ რჩება

ჯანდაცვის მინისტრი მიხეილ სარჯველაძე აცხადებს, რომ ფონიჭალაში აფეთქების შედეგად საავადმყოფოში გადაყვანილი პირების მდგომარეობა დამაკმაყოფილებელია, მამაკაცი კი, რომლის სახლშიც აფეთქება მოხდა, მძიმედ რჩება.„საავადმყოფოში მყოფ პირების, განსაკუთრებით ბავშვების მდგომარეობა ნორმალურია. მათ სახიფათო და რთული დაზიანებები არ აქვთ. ექიმების მეთვალყურეობის ქვეშ არიან და ბუნებრივია, ასეც გაგრძელდება. უკლებლივ ყველა საჭიროება, რომელიც წარმოიშობა, უზრუნველყოფილი იქნება. ბავშვებთან დაკავშირებით, ვფიქრობთ, ფსიქოლოგის თუ ნებისმიერი სხვა სახის დახმარების ჩართვას საჭიროებისამებრ.ველოდებით სამძებრო სამუშაოებს. სამედიცინო დაწესებულებები მზადყოფნაში არიან, რომ ყველა სახის სამედიცინო დახმარება გაწეული იქნას“, – განაცხადა სარჯველაძემ.რაც შეეხება მამაკაცს, რომლის ბინაშიც აფეთქება მოხდა, ჯანდაცვის მინისტრმა აღნიშნა, რომ მისი მდგომარეობა მძიმეა.„სხეულზე მძიმე დაზიანება აქვს მიღებული. არ მინდა, წინასწარ რაიმე დასკვნები გავაკეთო. ექიმები ყველაფერს აკეთებენ, რომ მისი სიცოცხლე გადაარჩინონ. რა გამოვა, დრო და მკურნალობის შედეგები გვაჩვენებს.საავადმყოფოში მოთავსებული იყო ერთი ქალბატონი, რომელიც გაეწერა. მას არ ჰქონდა რამე ისეთი სახის დაზიანება, რომელიც საავადმყოფოში დაყოვნებას მოითხოვდა. ყველა რესურსი მობილიზებულია, რომ საჭიროების შემთხვევაში, ყველა სახის დახმარება იყოს გაწეული“, – აღნიშნა სარჯველაძემ.ცნობისთვის, ფონიჭალაში, საცხოვრებელ კორპუსში დღეს გაზის აფეთქებას ნგრევა მოჰყვა. უბედური შემთხვევის შედეგად ნანგრევებში შვიდი ადამიანი იყო მოყოლილი. მაშველებმა ნანგრევებიდან ხუთი ადამიანის ცხედარი ამოიყვანეს. ამასთან, ნანგრევებიდან უვნებლად ამოიყვანეს მცირეწლოვანი გოგონა.შემთხვევის ადგილზე სამძებრო-სამაშველო სამუშაოები გრძელდება.

საპატრიარქოს უწყებანი სამძიმრის წერილს აქვეყნებს

საპატრიარქოს უწყებანი მონაზონ ბაგრატ (ბაგრატიონის) გარდაცვალების შესახებ სამწუხარო ინფორმაციას ავრცელებს.„ამა წლის 18 ნოემბერს გარდაიცვალა სვეტიცხოველში არსებული წმინდა გიორგის სახელობის მამათა მონასტრის წევრი, მონაზონი ბაგრატი (ბაგრატიონი).მონაზონი ბაგრატი ამჟამად დასვენებულია სვეტიცხოვლის ტაძარში.შაბათს, 21 ნოემბერს, 14:00 საათზე იგი გადასვენდება თბილისში და დაიკრძალება მახათას მთაზე მდებარე ივერიის ყოვლადწმინდა ღვთისმშობლის ხატის სახელობის მამათა მონასტრის ეზოში.მწუხარებას გამოვთქვამთ მონაზონ ბაგრატის გარდაცვალების გამო და თანავუგრძნობთ მონასტრის საძმოსა და განსვენებულის ახლობლებს.უფალმა სავანესა მართალთასა დააწესოს მისი უკვდავი სული. გთხოვთ, ლოცვებში მოიხსენიოთ ახლად შესვენებული მონაზონი ბაგრატი“, - ვკითხულობთ პოსტში.

ბოლო სიახლეები