ირაკლი ღარიბაშვილი: 2012 წელს ბიუჯეტი, რომელიც გათვალისწინებული იყო დევნილებისთვის, 25 მილიონ ლარს შეადგენდა. წელს დევნილების მიმართულებით გამოყოფილი ბიუჯეტი 233 მილიონი ლარია
Read Time:29 Second
2012 წელს ბიუჯეტი, რომელიც გათვალისწინებული იყო დევნილებისთვის, შეადგენდა 25 მილიონ ლარს. წელს დევნილების მიმართულებით გამოყოფილი ბიუჯეტი 233 მილიონ ლარს შეადგენს, – ამის შესახებ საქართველოს პრემიერ-მინისტრმა, ირაკლი ღარიბაშვილმა ქუთაისში განაცხადა.
„ეს თანხა ხმარდება სახლების, ბინების მშენებლობას. ამით ჩვენ გამოვხატავთ ჩვენს დამოკიდებულებას თქვენს მიმართ, ეს ჩვენი ვალდებულებაა, პასუხისმგებლობაა, რომ ხელისუფლებამ ღირსეული პირობები შეუქმნას დროებით დევნილობაში მყოფ ჩვენს მოქალაქეებს.
მინდა აღვნიშნო, რომ ჩვენ კიდევ უფრო მეტის გაკეთება შეგვიძლია და ვისურვებდი, რომ ძალიან ბევრი ბინის მშენებლობა დავიწყოთ აფხაზეთში თქვენთვისაც, აფხაზებისა და ოსებისთვისაც. ეს უნდა იყოს ჩვენი მთავარი ამოცანა. მშვიდობით, სტაბილურობითა და გონივრული პოლიტიკით ამას მივაღწევთ და ჩვენი ქვეყანა გაერთიანდება“, – აღნიშნა ირაკლი ღარიბაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
