ირაკლი ღარიბაშვილი: დიდი პროვოკაცია და დიდი არეულობა ავარიდეთ ჩვენს ქვეყანას

30 ივნისს, დიდი ბრიტანეთის საგარეო საქმეთა სამინისტროში დაბარებული იყო საქართველოს საელჩოს საქმეთა დროებითი რწმუნებული, სადაც მაღალი რანგის წარმომადგენელმა მკაფიოდ დააფიქსირა დიდი ბრიტანეთის მტკიცე პოზიცია საქართველოს მზარდად დამაზიანებელი ტრაექტორიის მიმართ და მწვავედ გააპროტესტა „ქართული ოცნების“ მხრიდან დიდი ბრიტანეთის და საერთაშორისო პარტნიორების მიმართ წამოწყებული ცრუ ბრალდებების და საჯარო თავდასხმების სერია, – ამის შესახებ ნათქვამია საქართველოში დიდი ბრიტანეთის საელჩოს განცხადებაში.საელჩოს განცხადებით, დიდი ბრიტანეთის საგარეო საქმეთა სამინისტროს სპიკერმა თქვა, რომ „ოპოზიციის ლიდერების დაპატიმრება საქართველოს მთავრობის მორიგი მცდელობაა, შეზღუდოს თავისუფლებები და ჩაახშოს განსხვავებული აზრი“.„საარჩევნო კონკურენტების დაკავება სრულიად შეუთავსებელია „ქართული ოცნების“ მიერ დეკლარირებულ ევროატლანტიკურ მისწრაფებებთან და ეწინააღმდეგება მათსავე საკონსტიტუციო ვალდებულებებს.დიდი ბრიტანეთის მთავრობა არ დააყოვნებს დამატებითი ზომების მიღების განხილვას, თუ საქართველო არ დაუბრუნდება დემოკრატიის, თავისუფლებებისა და ადამიანების უფლებების დაცვის და პატივისცემის გზას”, – მოჰყავს საელჩოს დიდი ბრიტანეთის საგარეო საქმეთა სამინისტროს სპიკერის ციტატა.

გახარია აქ იყო, ჩაიბარა წერილი და შემდეგ გაიქცა ქვეყნიდან. იქ არ უხსენებია, რომ არ აპირებდა კომისიაზე არმოსვლას, პირიქით - თქვა, რომ მოვიდოდა და შემდეგ გაიქცა. რაც შეეხება ჩართვის შემთხვევაში ეცდება თუ არა გათიშოს მიკროფონი, გაიქცეს და ა.შ. მგონი, ამის შესაძლებლობა ბევრი არაფერი ექნება, - ამის შესახებ პარლამენტის დროებითი საგამოძიებო კომისიის მდივანმა, სოზარ სუბარმა განაცხადა.როგორც მან აღნიშნა, გიორგი გახარიასთან, ჩორჩანას საგუშაგოს ეპიზოდზე აქვთ კითხვები, „ვინაიდან, მისი გადაწყვეტილების შედეგად, რომელიც შეთანხმებული არავისთან ყოფილა, მილიონი კვადრატული მეტრი ტყეა ოკუპირებული, ხოლო, ოკუპანტი ძალის ხუთი ახალი საგუშაგო ისეთ ადგილას არის განთავსებული, რომ პრაქტიკულად, ორი სოფელი მოწყვეტილია ქართულ დასახლებას“.სუბარი მიიჩნევს, რომ გახარიას უნდა მიეცეს ონლაინ ჩართვის და ამ მარტივ კითხვებზე პასუხის გაცემის შესაძლებლობა.„კითხვაც ბევრი არაფერია: მან თქვა, რომ არც ერთი კვადრატული სანტიმეტრი ქართული მიწა არ დაკარგულა, დამატებითი ოკუპაცია არ მომხდარა მის მიერ აბსოლუტურად ინდივიდუალურად, ყველასთან შეუთანხმებლად მიღებული გადაწყვეტილების გამო; ჩამოვიდა ადამიანი, რომელმაც თქვა, რომ იქ ჩამოდის მდინარე, რომელსაც რუსები და ოსები არასდროს გადმოდიოდნენ, დღეს იმ მდინარის აქეთ, მილიონი კვადრატული მეტრი ტყე არის ოკუპირებული, დგას ხუთი ახალი საგუშაგო ამ მდინარის აქეთ და მარტო ეს მილიონი კვადრატული მეტრი კი აღარ არის უკვე ოკუპირებული, ეს საგუშაგოები ისეთ ადგილას განლაგდა, რომ მინიმუმ ორი სოფელი, პრაქტიკულად მოწყვეტილია ქართული დასახლებებიდან და იქ ცხოვრებაც გახდა გაუსაძლისი. ეს არის კითხვა, რატომ გააკეთა, რატომ დაუშვა ასეთი რამე, თან აბსოლუტურად ყველასთან შეუთანხმებლად. იმ შემთხვევაშიც კი, ეს რომ სწორი გადაწყვეტილება ყოფილიყო, რაც მან გააკეთა, ეს არ იყო შეთანხმებული სუს-თან, პრემიერ-მინისტრთან, ამაზე ინფორმაცია არ ჰქონდათ ჩვენს ევროპელ პარტნიორებს, რომლებსაც იქ აქვთ მისია. ეს ნიშნავს, რომ თვითშემოქმედებას ჰქონდა ადგილი, რაც დაუშვებელია მინისტრის მხრიდან. ამ კითხვაზე უნდა გასცეს პასუხი, ძალიან მარტივია მგონი და წესით, დიდხანსაც არ უნდა გაგრძელდეს, შესაბამისად, მე მხარს ვუჭერ, რომ მიეცეს საშუალება, ჩაერთოს და უპასუხოს ამ ძალიან მარტივ კითხვას.“ - განაცხადა სოზარ სუბარმა.

2025 წლის 29 ივნისიდან, საფრანგეთში ამოქმედდა მოწევის საწინააღმდეგო მნიშვნელოვანი ღონისძიება: აიკრძალა სიგარეტის მოკიდება და მოწევა პლაჟებზე, პარკებში, საზოგადოებრივ ბაღებსა და ავტობუსის გაჩერებებზე. დადგენილება ოფიციალურად გამოქვეყნდა ოფიციალურ ჟურნალში და წარმოადგენს გადამწყვეტ ნაბიჯს პასიური მოწევის წინააღმდეგ ბრძოლაში, განსაკუთრებით კი ყველაზე ახალგაზრდების დასაცავად.აკრძალვის გავრცელება ახალ საზოგადოებრივ ადგილებში ახალი რეგულაცია არ შემოიფარგლება მხოლოდ პარკებითა და ავტობუსის გაჩერებებით, არამედ აკრძალვას ავრცელებს ისეთ ადგილებში, როგორიცაა სკოლის შესასვლელები, ბიბლიოთეკები და საცურაო აუზები. გაცხადებული მიზანია ბავშვების დაცვა მეორადი კვამლის ზემოქმედებისგან, რაც ხელს შეუწყობს უფრო ჯანსაღი და უსაფრთხო გარემოს შექმნას.საფრანგეთის მთავრობის პოზიცია „სადაც ბავშვები არიან, თამბაქო უნდა გაქრეს“, - განაცხადა ჯანდაცვისა და ოჯახის საკითხთა მინისტრმა კატრინ ვოტრენმა და ხაზი გაუსვა ღონისძიების საგანმანათლებლო და პრევენციულ ხასიათს.სანქციები აკრძალულ ზონაში მოწევისას ყველას 135 ევრომდე ჯარიმა ემუქრება. ეს ღონისძიება მიზნად ისახავს საზოგადოებრივი ჯანმრთელობისთვის საზიანო ქცევის პრევენციას.აკრძალვის გამონაკლისები ეს ღონისძიება არ ვრცელდება ბარების ტერასებზე და არ მოქმედებს ელექტრონულ სიგარეტებზე, რომლებიც ამ ეტაპზე აკრძალვის მიღმა რჩება.გადამწყვეტი ნაბიჯი თამბაქოსგან თავისუფალი საზოგადოებისკენამ ინიციატივით, საფრანგეთი ადასტურებს თავის განზრახვას, თანდათანობით შეამციროს თამბაქოს არსებობა საზოგადოებრივ ადგილებში, პრიორიტეტად აქცევს მოქალაქეების და, განსაკუთრებით, ახალი თაობების ჯანმრთელობას.

1-ელ ივლისს  სერგო ზაქარიაძე 116 წლის გახდებოდა. სერგო ზაქარიაძე 1909 წელს დაიბადა და 1971 წლის 13 აპრილს 62 წლის ასაკში გარდაიცვალა. სერგო ზაქარიაძე იყო საქართველოსა და სსრკ-ის სახალხო არტისტი. სწავლობდა თბილისის სახელმწიფო უნივერსიტეტის ფილოლოგიის ფაკულტეტზე. 1926 წელს მუშაობა დაიწყო რუსთაველის სახელობის თეატრში, 1928-დან იყო კოტე მარჯანიშვილის მიერ ქუთაისში დაარსებული თეატრის (შემდეგ მარჯანიშვილის სახელობის თეატრი) მსახიობი, 1956 წელს გადავიდა რუსთაველის თეატრში. მარჯანიშვილის თეატრის სცენაზე შექმნილი როლებიდან აღსანიშნავია: რევოლუციონერი დომენრი (შალვა დადიანის „ნაპერწკლიდან”, 1937), ჯიბილო (პოლიკარპე კაკაბაძის „კოლმეურნის ქორწინება“, 1945), გიგაური (ილო მოსაშვილის „მისი ვარსკვლავი“, ყოფილი სსრკ-ის სახელმწიფო პრემია, 1952), გიორგი (რევაზ თაბუკაშვილის „რაიკომის მდივანი“, 1954). რომანტიკული ელფერით გამოირჩეოდა ზაქარიაძის მიერ შესრულებული როლები ბაგრატიონისა (სამსონიას „ბაგრატიონი“, 1944), ბახასი (ვაჟა-ფშაველას „მოკვეთილი“, 1945), მეფე დავითისა (ლევან გოთუას „დავით აღმაშენებელი“, 1946), ბესიკ გაბაშვილისა (ლევან გოთუას „მეფე ერეკლე“, 1942). რუსთაველის თეატრის სცენაზე შექმნილი როლებიდან აღსანიშნავია: ქადაგი („ბახტრიონი“, ვაჟა-ფშაველას მიხედვით, 1960), ფიროსმანი (გიორგი ნახუცრიშვილის „ფიროსმანი“, 1961). ოიდიპოს მეფის სახე (სოფოკლეს „ოიდიპოს მეფე“, 1956), შუისკი (ალექსანდრე პუშკინის „ბორის გოდუნოვი“, 1957). კინოში შეასრულა როლები: თორღვაი („უკანასკნელი ჯვაროსნები“, 1934), შადიმან ბარათაშვილი („გიორგი სააკაძე“, 1942–1943, სტალინური პრემია), ფოსტალიონი გიორგი („დღე უკანასკნელი, დღე პირველი“, 1960), ხოლო 1965 წელს გიორგი მახარაშვილის როლის შესრულებით („ჯარისკაცის მამა“, 1965, ლენინური პრემია, 1966) სერგო ზაქარიაძემ საქვეყნოდ გაუთქვა სახელი ქართულ კინოს. 1971 წელს მიენიჭა რუსთაველის სახელობის პრემია. სერგო ზაქარიაძე მთაწმინდის პანთეონშია დაკრძალული.

პარტიები, რომლებიც თანხმდებოდნენ, რომ არჩევნებში არ მიეღოთ მონაწილეობა, შეთანხმდნენ, რომ არჩევნებში არ იღებენ მონაწილეობას, – ამის შესახებ „გახარია საქართველოსთვის“ წევრი ანა ბუჩუკური სოციალურ ქსელში წერს.„მიხარია, რომ ელენემ შიმშილობა შეწყვიტა. ჯანმრთელობას ვუსურვებ მას.ახლა ცოტა იუმორიც, თორემ ყველა გადაიწვა:პარტიები, რომლებიც თანხმდებოდნენ, რომ არჩევნებში არ მიეღოთ მონაწილეობა, შეთანხმდნენ, რომ არჩევნებში არ იღებენ მონაწილეობას“, – წერს ანა ბუჩუკური.