ირაკლი კობახიძე: ყველამ დაინახა რომ განცხადება კონტრაბანდასთან დაკავშირებით იყო სრული სიცრუე, რაც სწორედ „ნაცმოძრაობის“ ხელწერაა
Read Time:30 Second
ირაკლი კობახიძემ „იმედის კვირასთან“ უკრაინის დაზვერვის ბრალდებაზე კიდევ ერთხელ გააკეთა კომენტარი. „ქართული ოცნების“ თავმჯდომარე უკრაინის მთავრობისა და „ნაციონალური მოძრაობის“ კავშირს უსვამს ხაზს და კონტრაბანდის შესახებ განცხადების მიზანსაც განმარტავს.
„ყველამ დაინახა რომ განცხადება კონტრაბანდასთან დაკავშირებით იყო სრული სიცრუე, რაც სწორედ „ნაცმოძრაობის“ ხელწერაა. აქაც იკითხება ეს ხელწერა ძალიან მარტივად. მთავარი მიზანი იყო ადგილობრივ დონეზე, საქართველოში მღელვარების გამოწვევა. იმდენად მიეჩვია უკვე საზოგადოება ასეთი ტიპის მცდარ განცხადებებს, რომ საერთოდ არავითარი რეაქცია არ მოჰყოლია. გათვლა იყო სხვა რამეზე – რომ საზოგადოებაში იქნებოდა განსხვავებული ემოციური ფონი და ისინი რაღაცნაირად მოახერხებდნენ სარგებლის მიღებას. თუმცა ეს გათვლა რეალურად მყარ არგუმენტებზე არ იყო დაფუძნებული და, შესაბამისად, მათ წარმატებას ვერ მიაღწიეს“, – განაცხადა კობახიძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
